Ο Δεύτερος Γράμμας σο Μπουτσσάντιλο κο Τιμόθεος 4:1-22
4 Ντάβα-τουτ ακαγιά εντολή ανγκλάλ κο Ντεβέλ ντα κο Χριστός Ιησούς σο κα κρίνελ ι τζουβντέν ντα ι μουλέν κάνα κα σικάντιβελ ντα κα κερέλ κουμάντος πι Βασιλειάτε:
2 Μούτθαβ ο λάφι ι Ντεβλέσκο. Κερ-λες ανταβά χωρίς τι χασαρές σαάτι* εμ λατσσέ εμ δύσκολε ντιβεσέντε. Σίκαβ κο γιαβερά σο λάθος κερένα, διόρθωνε, ντε ζορ, με μπουτ υπομονή ντα σαρ λατσσό δάσκαλος.
3 Επειδή κα αβέλ εκ βακίτι σο ο τζενέ να κα μανγκέν τι ασουνέν ο λατσσό σικλιαριπέ. Αλλά κα κερέν σο μανγκένα βον ντα κα ρόντεν δασκαλόνγκε σο κα βακερέν λένγκε σάντε οντουβά σο μανγκένα τι ασουνέν.
4 Κα τσσιναβέν τι ασουνέν ι αλήθεια ντα κα ντεν προσοχή ψεύτικε ιστοριέντε.
5 Τούι όμως τι ατσσός γκοντιαβέρ* σαρέ κο πράγματα, τι αβές έτοιμος τι τσσίντες μπουτ, συνέχινε τι μουτθαβές ο λατσσέ αμπέρια, κερ τι υπηρεσία ντιπ λατσσές.
6 Με τσσορντιάβα σαρ μολ οπράλ κι θυσία, ντα ο βακίτι σο κα ελευθερώντιβαβ ισί πασέ.
7 Κερντόμ ο αγώνας, τθαβντισάλομ μέχρι κο τέλος κι ντρομέσκο, ατσσιλόμ κι πίστη.
8 Ακανά ο Κύριος σο κρίνελα δίκαια ισί έτοιμος τι ντελ-μαν εκ στεφάνι. Ανταβά στεφάνι ισί οντουλένγκε σο ισί δίκαιοι ντα κα ντελ-λες μάντε σαρ ευλογία οντουβά ντιβές. Να κα ντελ-λες σάντε μάντε, αλλά σαρέ οντουλέντε σο μπεσένα σαρ σαρ τι σικάντιβελ ο Κύριος.
9 Κερ ο πο λατσσό για τι αβές μάντε σουγκό,
10 σόσκε ο Δημάς μουκχλάς-μαν επειδή μανγκλάς ανταλέ ντουνιάς,* ντα γκιλό κι Θεσσαλονίκη. Ο Κρήσκης γκιλό κι Γαλατία ντα ο Τίτος κι Δαλματία.
11 Σάντε ο Λουκάς ισί μάντζαρ. Λε παλά-τούτε ι Μαρκός, σόσκε κα βοηθίνελ-μαν μπουτ κι υπηρεσία σο ντάβα κο Ντεβέλ.
12 Ι Τυχικός μπουτσσαντόμ-λες κι Έφεσος.
13 Κάνα κα αβές, αν μάνγκε εμ ο σέα σο μουκχλόμ κι Τρωάδα, κο Κάρπος, εμ ο βιβλία,* ντα πο μπουτ ο περγαμηνές.*
14 Ο Αλέξανδρος σο κερέλα πράγματα από χαλκός κερντάς μάνγκε μπαρό ζιάνι. Ο Ιεχωβά* κα τιμωρίνελ-λες οντουλένγκε σο κερντάς.
15 Τι αρακχαβές-τουτ τούι-ντα λέσταρ, σόσκε γκιλό μπαρί κόντρα οντουλέντε σο βακερντάμ.
16 Ι πρώτη φαρ σο κερντόμ λάφι κο δικαστήριος για τι αρακχαβάβ μο νεαυτός, καέκ να αβιλό τι βοηθίνελ-μαν. Μουκχλέ-μαν σαρέ. Μακάρι ο Ντεβέλ τι συγχωρίνελ-λεν.
17 Ο Κύριος όμως ισινέ πασέ μάντε, ντινάς-μαν ζορ για τι αβέλ-πες αντράλ μάνταρ ντιπ λατσσές ο έργος ντα για τι ασουνέν σαρέ ο τθεμά, ντα σωντάς-μαν κατά λιονταρίσκο μούι.
18 Ο Κύριος κα αρακχαβέλ-μαν κάθε πφιρνικανέ* πραγμάσταρ ντα κα σώνελ-μαν για τι ανέλ-μαν πι Βασιλειάτε κο ουρανός. Λέστε τι αβέλ η δόξα για πάντα. Αμήν.
19 Κερ σελιάμι* κι Πρίσκα ντα κο Ακύλας ντα οντουλέντε σο ισί κο κχερ σο τθερέλα ο Ονησίφορος.
20 Ο Έραστος μπεσλό κι Κόρινθος, αλλά ο Τρόφιμος ισινέ νασφαλό* ντα μουκχλόμ-λες κι Μίλητος.
21 Κερ ο πο λατσσό για τι αβές πριν κατά βεν.*
Κερέλα τούκε σελιάμι ο Εύβουλος ντα ο Πούδης, ο Λίνος, η Κλαυδία ντα σαρέ ο πφραλά.
22 Ο Κύριος τι ευλογίνελ ο τρόπος σο σκεφτίνεσα.* Λέσκο μπαρό λατσσιπέ τι αβέλ τουμέντζαρ.
Υποσημειώσεις
^ Γιαβέρσοϊ «Κερ-λες ανταβά σαρέ τι γκίσαρ».
^ Κι Πουρανί Μπαλαμανί βακέρντιβελας «Τούι όμως τι αβές νερνό».
^ Δηλαδή ο δερμάτινα βιβλία.
^ Γιαβέρσοϊ «γκεραλέ, μπίλατσσε».
^ Γιαβέρσοϊ «Ντε χαιρετίσματα».
^ Γιαβέρσοϊ «πασλό, αμπορεμέ».
^ Γιαβέρσοϊ «χειμώνας».
^ Κι Πουρανί Μπαλαμανί ισινέ ο λάφι «πνεύμας».
