Χάνικ Λάφια ι Νταντέσκε ντα ι Νταγιάκε

Καβά ισί ο πιο λατσσό δώρος σο μπορίνενα τι κερέν τουμαρέ τσσαβένγκε; Σίγουρα, τουμαρέ τσσαβέ τθερένα ανάγκη μπουτ πράγματα, σαρ ισί τι σικαβέν λένγκε αγάπη, τι ντεν-λεν συμβουλές ντα τι αρακχαβέν-λεν. Όμως, ο πιο λατσσό δώρος σο κα μπορίνενας τι κερέν λένγκε ισί τι βοηθίνεν-λεν τι σικλιόν ι Ιεχωβάς ντα ο αλήθειες ι Γραφιάκε. (Ιωάννης 17:3) Αντικάς, τουμαρέ τσσαβέ κα μπορίνεν τι μανγκέν ι Ιεχωβάς ντα τι υπηρετίνεν-λες αντράλ πουμαρέ γκίσταρ, ατζέ-ντα από μπουτ χουρντέ.​—Ματθαίος 21:16.

Μπουτ νταντά ντα νταγιά αγαντέ ότι ο χουρντέ τσσαβέ κερένα πιο λατσσές ο μαθήματα ντα ο πράγματα σο ατσικιαρένα για χάνικ σαάτι. Επειδή τθεράσα ανταβά αμαρέ γκοντιάτε, κερντάμ ντα σικαβάσα τουμένγκε με μπουτ μπαρί χαρά ο βιβλιάριος Σικλιάβα Κατά Γραφή. Κάθε μάθημας ισί κερντό για τι σικλιαρέλ ι χουρντέ τσσαβέν με απλός τρόπος. Ο φωτογραφίες, αλλά εμ οντουλά σο ισί γραμμέ, ισί κερντέ χουρντένγκε σο ισί μέχρι τρινέ μπρεσένγκε. Ο βιβλιάριος βακερέλα τουμένγκε τι κερέν διάφορα πράγματα-ντα τουμαρέ τσσαβέντζαρ. Ανταβά βιβλιάριος νανέ απλώς κάτι για τι νακχέν σουκάρ ο χουρντέ. Ισί κερντό για τι διαβάνεν-λες τουμέν τουμαρέ τσσαβένγκε, ντα αντικάς τι μπορίνεν τι συζητίνεν λέντζαρ.

Ισινάμ σίγουροι ότι ανταβά νεβό βιβλιάριος κα αβέλ τουμένγκε μπουτ σημαντικός αζόμ σικλιαρένα τουμαρέ τσσαβέν «χουρντιαρέλα μπερί» ι αλήθεια ι Γραφιάκι.​—2 Τιμόθεο 3:​14, 15.

Τουμαρέ πφραλά,

Κυβερνών Σώμα των Μαρτύρων του Ιεχωβά

[Εικόνα στη σελίδα 3]