«Ανταβά βιβλίος σο τθερέλα νόμους δεν πρέπει τι νασέλ τι μόσταρ, ντα όταν διαβάνεσα-λες πρέπει τι σκεφτίνες-λες πρωί ντα αρατί, για τι προσπαθίνες τι κερές σαρέ οντουλά σο ισί γραμμέ λέστε· σόσκε αζομάν κα τθερές επιτυχία τι ντρομέστε ντα αντικάς κα κερές πράγματα γκοντιάσαρ».

Ιησούς του Ναυή 1:8

«Διαβάνενας ζουρανές κατά βιβλίος, κατά νόμος ι αληθινέ Ντεβλέσκο, αλλά εμ εξηγίνενας-λες ντα αντικάς ντένας-λες νόημας· ντα βοηθίνενας ι τζενέν τι αγαβέν οντουλά σο διαβάνενας».

Νεεμίας 8:8

«Ευτυχισμέ ισί ο τζενό σο να πφιρντάς τζενέντζαρ σο ισινέ πφιρνέ . . . , αλλά η χαρά λέσκι ισί κο νόμος κι Ιεχωβάσκο, ντα λέσκο νόμος διαβάνελα ντα σκεφτίνελα πρωί ντα αρατί. . . . Σο-ντα κερέλα βοβ κα τθερέλ επιτυχία».

Ψαλμός 1:1-3

«Ο Φίλιππος τθαβντισάλο πασέ κι άμαξα ντα ασουντάς-λες τι διαβάνελ ο βιβλίος του προφήτη Ησαΐα ζουρανές ντα πουτσλάς-λες: “Αγαβέσα μπαγιά οντουλά σο διαβάνεσα;” Βοβ βακερντάς: “Σαρ κα μπορίναβ τι αγαβάβ, άμα να σικαντάς μάνγκε κάποιος;”»

Πράξεις 8:30, 31

 «Λέσκε ιδιότητες σο ναστί ντικχάσα-λεν, δηλαδή η μπαρί ζορ ντα ότι Βοβ ισί ο Ντεβέλ, σικάντιβενα καθαρά από αζομάν σο κερντάς ι πφουβ ντα σοράν, επειδή αγαβάσα-λεν οντουλένταρ σο κερντάς, οτθάρ βον να τθερένα δικαιολογία».

Ρωμαίους 1:20

«Τι σκεφτίνες ανταλά πράγματα· τι τθερές το γκι λέντε, για τι ντικχέν ο γιαβερά-ντα ότι τζάσα μπουτ λατσσές».

1 Τιμόθεο 4:15

«Τι σκεφτίνας ντα τι βοηθίνας ο εκ ι γιαβερές για τι σικαβάς αγάπη ντα τι κεράς λατσσέ πράγματα, χωρίς τι τσσιναβάς τι τζας κο συναθροίσεις».

Εβραίους 10:24, 25

«Άμα τουμένταρ ισί εκ τζενό σο νανέ-λες μπουτ σοφία, τι μανγκέλ κατά Ντεβέλ, σόσκε βοβ ντέλα σαριλέντε αντράλ πι γκίσταρ ντα χωρίς τι πρασάλ· ντα κα ντιντιόλ λέστε».

Ιακώβου 1:5