ΕΡΩΤΗΣΗ 17
Σαρ Μπορίνελα τι Βοηθίνελ η Αγία Γραφή Τουμαρί Φαμιλί;
ΜΟΥΡΣΑΛΕΝ/ ΝΤΑΝΤΑΛΕΝ
«Αντικάς ο μουρσά πρέπει τι μανγκέν πουμαρέ ρομνιά, σαρ μανγκένα πουμαρό σώμας. Οντουβά σο μανγκέλα πι ρομνιά μανγκέλα πο νεαυτός, σόσκε καέκ τζενό να μισιντάς πο σώμας, αλλά ντέλα-λες τι χαλ ντα αρακχαβέλα-λες . . . Ο κάθε εκ, όμως, αντικάς τι μανγκέλ πι ρομνιά, σαρ μανγκέλα πο νεαυτός».
«Νταντάλεν, μα κερέν τουμαρέ τσσαβέν τι νευριάνεν, αλλά αζόμ μπαριαρένα-λεν τι ντεν-λεν ι διόρθωση ντα ο συμβουλές ι Ιεχωβάσκε».
ΤΖΟΥΒΛΙΑΛΕΝ
«Η τζουβέλ τι τθερέλ μπαρό σεβασμός πι ρομέσκε».
«Τουμέν, τζουβλιάλεν, τι ντεν καν τουμαρέ ρομές, σόσκε ανταβά ισί σωστός κο γιακχά κι Κυριόσκε».
ΧΟΥΡΝΤΑΛΕΝ
«Τσσαβάλεν ντα τσσαγιάλεν, τι ασουνέν τουμαρέ νταντές ντα τουμαρέ νταγιά σαρ μανγκέλα ο Κύριος, σόσκε ανταβά ισί σωστός: “Σέβανε τι νταντές ντα τι νταγιά”, σο ισί η πρώτη εντολή με υπόσχεση: “Για τι τζαν τούκε λατσσές ο πράγματα ντα για τι ατσσός μπουτ μπρεσά οπράλ κι πφουβ”».
«Τουμέν, τσσαβάλεν ντα τσσαγιάλεν, τι ασουνέν τουμαρέ νταντές ντα τουμαρέ νταγιά σαρέ κο πράγματα, σόσκε ανταβά μανγκέλα ο Κύριος».