ΑΚΡΙΒΩΣ σαρ βακερντάας ο Ιεχωβά, ο Ισραήλ χωρίντιλο σε ντούι βασίλεια όταν ο Σολομών μουκχλάς ι αληθινή θρησκεία. Ο τσσαβό λέσκο, ο Ροβοάμ, σο λιντάς λέσκι θέση, ισινέ σκληρός. Οτθάρ, ντες φάρες κατά Ισραήλ γκιλέ λέσαρ κόντρα ντα κερντέ ο βόρειος βασίλειος του Ισραήλ. Όμως, ο Ισραηλίτες σο ισινέ κατά ντούι φάρες ατσσιλέ πιστοί κο βασιλιάς σο κυβερνίνελας κι θέση του Δαβίδ κι Ιερουσαλήμ, ντα αντικάς αβιλό ο νότιος βασίλειος του Ιούδα.

Ο ντούι-ντα βασίλεια τθερένας προβλήματα επειδή ο βασιλιάδες σο κυβερνίνενας να ισινέ πιστοί ντα να ντένας καν. Ο Ισραήλ τθερέλας χειρότερος αποτέλεσμας κατά Ιούδας, επειδή οντουλά βασιλιάδες σο κυβερνίνενας κο Ισραήλ υποστηρίνενας από την αρχή ι ψεύτικη λατρεία. Παρόλο σο υπαρχίντιβενας προφήτες σο κερένας θαύματα, ντα μάλιστα ο Ηλίας ντα ο Ελισαιέ αναστιντέ μέχρι μουλέν-ντα, ο Ισραηλίτες βουρτίνενας πάντα κο μπέτι πράγματα. Οτθάρ, ο Ντεβέλ μουκχλάς τι καταστραφίντιβελ ο βόρειος βασίλειος κατά Ασσυρία.

Αφού ο Ισραήλ τιμωρισάλο κατά Ντεβέλ, ο Ιούδας συνεχίνελας τι υπαρχίντιβελ, αλλά μετά από 100 μπρεσά περίπου, τιμωρισάλο βοβ-ντα. Σάντε χάνικ βασιλιάδες του Ιούδα μανγκλέ τι ασουνέν ο λάφια σο βακερένας ι Ντεβλέσκε προφήτες ντα προσπαθιντέ τι βοηθίνεν ι λαός τι βουρτίνελ κο Ιεχωβά. Για παράδειγμας, ο Βασιλιάς Ιωσίας αρχισάλο τι καθαρίνελ τον Ιούδα κατά ψεύτικη θρησκεία ντα λατσσαρντάς ο ναός για τι μπορίνεν ο τζενέ τι ντεν λατρεία κο Ιεχωβά. Όταν αρακχλέ εκ βιβλίος σο τθερέλας ο Νόμος ι Ντεβλέσκο ντα σο ντινάας-λες ο Ντεβέλ κο Μωυσής, ο Ιωσίας συγκινισάλο μπουτ ντα οτθάρ κερντάς πιο μπουτ προσπάθειες για τι καθαρίνελ τον Ιούδα κατά ψεύτικη θρησκεία.

Όμως, οντουλά σο κυβερνίνενας μετά κατά Ιωσίας να ακολουθιντέ ο λατσσό παράδειγμας λέσκο. Οτθάρ, ο Ιεχωβά μουκχλάς ι τζενέν σο ισινέ κατά τθεμ της Βαβυλώνας τι λεν ο τθεμ του Ιούδα ντα τι καταστραφίνεν ι Ιερουσαλήμ ντα ο ναός σο ισινέ οτθέ. Οντουλέ τζενέν σο να μουλέας λιντέ-λεν ντα γκερντέ-λεν κι Βαβυλώνα. Ο Ντεβέλ βακερντάας ότι κα μπεσένας οτθέ 70 μπρεσά. Σαρέ οντουλά μπρεσά, καέκ να μπεσέλας κο τθεμ του Ιούδα​—μέχρι σο μουκχλέ-λεν τι βουρτίνεν πουμαρέ τθεμέστε, σαρ βακερντάας ο Ντεβέλ.

Όμως, να κα κυβερνίνενας πάλι ο βασιλιάδες σο αστάρντιβενας κατά Δαβίδ, μέχρι τι κυβερνίνελ Οντουβά σο κα ελευθερώνελας ι τζενέν, δηλαδή Οντουβά σο βακερντάας ο Ιεχωβά ότι κα αβέλας, ο Χριστός. Ο πιο μπουτ βασιλιάδες σο κυβερνίνενας κι Ιερουσαλήμ μετά κατά Δαβίδ σικαντέ ότι ο ατελείς τζενέ ναστί μπορίνενα τι κυβερνίνεν λατσσές. Σάντε ο Χριστός κα μπορίνελας τι κερέλ-λες ανταβά. Οτθάρ, ο Ιεχωβά βακερντάς κο τελευταίος βασιλιάς σο ισινέ κατά Δαβίδ: «Νίκαβ ο στέμμας. . . . Να κα αβέλ καεκχέσκο, μέχρι τι αβέλ οντουβά σο τθερέλα ο νόμιμος δικαίωμας, ντα κα νταβ-λες λέστε».​—Ιεζεκιήλ 21:​26, 27.

​—Στηρίντιβελα κο βιβλία 1 Βασιλέων, 2 Βασιλέων, 2 Χρονικών, κεφάλαια 10 μέχρι 36, ντα κο εδάφια Ιερεμίας 25:​8-11.