Όταν τθερένα εκχέ αμαλές σο εκτιμίνενα-λες ντα σεβάνενα-λες, προσπαθίνενα τι μοιάζεν λέστε. «Μπουτ λατσσό ντα δίκαιος ισί ο Ιεχωβά», βακερέλα η Γραφή. (Ψαλμός 25:8) Για τι αβάς αμαλά ι Ντεβλέσκε, πρέπει τι αβάς αμέν-ντα λατσσέ ντα δίκαιοι. Η Γραφή βακερέλα: «Τι μοιάζεν κο Ντεβέλ, αφού ισινέν λέσκε αγαπημέ τσσαβέ, ντα τι πφιρέν με αγάπη». (Εφεσίους 5:1, 2) Πιο τελέ ισί μερικοί τρόποι για τι κερέν-λες ανταβά:

Τι βοηθίνεν γιαβερέν. «Τι προσπαθίνας τι κεράς ο λατσσό σαριλένγκε».​—Γαλάτες 6:10.

Τι κερέν μπουτί. «Ο τσορ τι τσσιναβέλ τι τσορέλ, αλλά τι κερέλ μπουτί, ντα τι κερέλ πι βαστέντζαρ οντουβά σο ισί λατσσό».​—Εφεσίους 4:28.

Τι ατσσόν πάκι κι γκοντί ντα κο σώμας. «Τι καθαρίνας αμαρό νεαυτός κάθε πραγμάσταρ σο μαγαρίνελα αμαρό σώμας ντα αμαρί γκοντί, ντα τι κεράς συνέχεια άγια πράγματα με νταρ Ντεβλέσκι».​—2 Κορινθίους 7:1.

 Τι σικαβέν αγάπη ντα σεβασμός τουμαρέ φαμιλιάκε. «Ο κάθε εκ . . . τι μανγκέλ πι ρομνιά, σαρ μανγκέλα πο νεαυτός ντα η τζουβέλ τι τθερέλ μπαρό σεβασμός πι ρομέσκε. Τσσαβάλεν ντα τσσαγιάλεν, τι ασουνέν τουμαρέ νταντές ντα τουμαρέ νταγιά».​—Εφεσίους 5:​33–6:1.

Τι σικαβέν αγάπη ι γιαβερένγκε. «Τι μανγκάς ο εκ ι γιαβερές, επειδή η αγάπη ισί κατά Ντεβέλ».​—1 Ιωάννη 4:7.

Τι ασουνέν κο νόμοι σο τσσουβέλα ο κράτος. «Κάθε τζενό τι ασουνέλ [κι κυβέρνηση] ατζέ-ντα άμα να μπεϊντίνελα-λες ανταβά . . . Τι ντεν σαριλέντε οντουλά σο πρέπει τι ντεν-λεν, οντουλέστε σο μανγκέλα ο φόρος, ο φόρος».​—Ρωμαίους 13:1, 7.