Ο πιο λατσσό πράγμας σο κα μπορίνενας τι τθερέν τουμαρέ ζωγιάτε ισί η φιλία ι Ντεβλέσκι. Ο Ντεβέλ κα σικλιαρέλ-τουμέν σαρ τι τζουβντιόν ευτυχισμέ, χωρίς τι νταρέν ντα τι νιωθίνεν μπέτι. Κα ελευθερώνελ-τουμέν από μπουτ ψεύτικα λάφια σο κερντέ-τουμέν τι πακιάν ο κχανγκιριά ντα κατά μπέτι συνήθειες. Επίσης, ο Ντεβέλ κα ασουνέλ τουμαρέ προσευχές. Κα βοηθίνελ-τουμέν τι τθερέν σιγουριά ντα ειρήνη αντρά-τουμένταρ. (Ψαλμός 71:5· 73:​28) Ο Ιεχωβά κα ντελ-τουμέν ζορ κάνα κα τθερέν προβλήματα. (Ψαλμός 18:​18) Επίσης, κα ντελ-τουμέν ο δώρος τι τζουβντιόν για πάντα.​—Ρωμαίους 6:23.

Καζόμ πλησιάνενα ι Ντεβλές, κα πλησιάνεν λέσκε αμαλέν-ντα. Βον κα αβέν τουμαρέ-ντα αμαλά. Επίσης, κα αβέν σαρ πφραλά ντα πφενιά τουμένγκε. Κα χαιρίνεν τι σικλιαρέν-τουμέν ι Ντεβλέσκε ντα επίσης κα βοηθίνεν-τουμέν ντα κα ντεν-τουμέν κουράγιος.

Να ισινάμ ίσοι ι Ντεβλέσαρ. Αφού μανγκένα ι φιλία ι Ντεβλέσκι, πρέπει τι αγαβέν εκ σημαντικός πράγμας. Η φιλία σο τθεράσα ι Ντεβλέσαρ να κερέλα-αμέν τι αβάς ίσοι λέσαρ. Βοβ ισί μπουτ πιο μπαρό, μπουτ πιο σοφός ντα επίσης ισί μπουτ πιο ζουρανό αμένταρ. Ισί Οντουβά σο τθερέλα ο δικαίωμας τι κερέλ-αμέν κουμάντος. Άρα, άμα μανγκάσα τι αβάς λέσκε αμαλά, πρέπει τι ασουνάς ντα τι κεράς οντουβά σο μανγκέλα. Ανταβά κα αβέλ πάντα αμαρέ λατσσιμάσκε.​—Ησαΐας 48:18.