ΜΑΘΗΜΑΣ 10
Σαρ τι Αρακχέν ι Αληθινή Θρησκεία
Άμα μανγκένα τι αβέν αμάλ ι Ντεβλέσκο, πρέπει τι τθερέν ι θρησκεία σο μανγκέλα ο Ντεβέλ. Ο Ιησούς βακερντάς ότι «ο αληθινοί μαθητές» κα πακιάνας ι Ντεβλές αντικάς σαρ έπρεπε τι πακιάν-λες μπαγιά—με «αλήθεια». (Ιωάννης 4:23, 24) Υπαρχίντιβελα σάντε εκ σωστός τρόπος για τι πακιάς ι Ντεβλές. (Εφεσίους 4:4-6) Η αληθινή θρησκεία οδηγίνελα κι αιώνια ζωή ντα η ψεύτικη οδηγίνελα κι καταστροφή.—Ματθαίος 7:13, 14.
Μπορίνενα τι αγαβέν ι αληθινή θρησκεία οντουλένταρ σο κερένα λάκε τζενέ. Αφού ο Ιεχωβά ισί λατσσό, λέσκε αληθινοί μαθητές-ντα πρέπει τι αβέν λατσσέ τζενέ. Σαρ εκ λατσσί πορτοκαλιά τθερέλα λατσσέ πορτοκάλια, αντικάς η αληθινή θρησκεία-ντα τθερέλα λατσσέ τζενέν.—Ματθαίος 7:15-20.
Ο αμαλά ι Ιεχωβάσκε τθερένα μπαρό σεβασμός ι Γραφιάκε. Τζανένα ότι η Γραφή ισί κατά Ντεβέλ. Μουκχένα λάκε λάφια τι καθοδηγίνεν λένγκι ζωή, τι ντεν λύση λένγκε προβληματέντε ντα τι βοηθίνεν-λεν τι σικλιόν ι Ντεβλέσκε. (2 Τιμόθεο 3:16) Προσπαθίνενα τι κερέν πουμαρέ ζωγιάτε οντουλά σο βακερένα κο γιαβερά τζενέ.
Ο αμαλά ι Ιεχωβάσκε σικαβένα αγάπη ο εκ κο γιαβέρ. Ο Ιησούς σικαντάς αγάπη ι τζενένγκε κάνα σικλιαρέλας-λεν ι Ντεβλέσκε ντα κάνα κερέλας λατσσές ι νασφαλέν. Οντουλά σο ισί κι αληθινή θρησκεία σικαβένα αγάπη ι γιαβερένγκε. Μοιάζενα κο Ιησούς ντα να κερένα πέρα ι τσορορέν ή οντουλέν σο ισί γιαβερέ τθεμέσταρ. Ο Ιησούς βακερντάς ότι ο τζενέ κα αγαβένας καλά ισί λέσκε μαθητές κατά αγάπη σο σικαβένα ο εκ ι γιαβερέσκε.—Ο αμαλά ι Ντεβλέσκε δοξάνενα ο ναβ ι Ντεβλέσκο, σο ισί Ιεχωβά. Άμα κάποιος να μανγκέλας τι ντελ-τουμέν βίκος τουμαρέ ναβέσαρ, κα αβέλας τουμαρό λατσσό αμάλ; Όχι! Όταν τθεράσα εκχέ αμαλές, ντάσα-λες βίκος λέσκε ναβέσαρ ντα βακεράσα λατσσέ πράγματα λέσκε κο γιαβερά τζενέ. Άρα, σαρέ οντουλά σο μανγκένα τι αβέν αμαλά ι Ντεβλέσκε πρέπει τι βακερέν λέσκο ναβ ντα τι κερέν λάφι λέσκε κο γιαβερά. Ο Ιεχωβά μανγκέλα τι κεράς-λες ανταβά.—Ματθαίος 6:9· Ρωμαίους 10:13, 14.
Σαρ κερντάς ο Ιησούς, ο αμαλά ι Ντεβλέσκε-ντα σικλιαρένα ι τζενέν για τη Βασιλεία ι Ντεβλέσκι. Η Βασιλεία ι Ντεβλέσκι ισί εκ κυβέρνηση κο ουρανός σο κα κερέλ ι πφουβ παράδεισος. Ο αμαλά ι Ντεβλέσκε βακερένα κο γιαβερά ανταλά λατσσέ αμπέρια για τη Βασιλεία ι Ντεβλέσκι.—Ματθαίος 24:14.
Ο Μάρτυρες του Ιεχωβά προσπαθίνενα τι αβέν αμαλά ι Ντεβλέσκε. Σεβάνενα ι Γραφή ντα τθερένα αγάπη ο εκ ι γιαβερέσκε. Επίσης, βακερένα ντα δοξάνενα ο ναβ ι Ντεβλέσκο ντα σικλιαρένα γιαβερέν για τη Βασιλεία ι Ντεβλέσκι. Ο Μάρτυρες του Ιεχωβά τθερένα ι αληθινή θρησκεία οπράλ κι πφουβ.