ΜΑΘΗΜΑΣ 17
Για τι Ατσσικιαρέν Εκχέ Αμαλές, Πρέπει τι Αβέν Τουμέν-ντα Αμάλ
Η φιλία στηρίντιβελα κι αγάπη. Καζόμ πιο μπουτ σικλιόνα ι Ιεχωβάσκε, αζόμ πιο μπαρί κα αβέλ τουμαρί αγάπη λέσκε. Καζόμ μπαριόλα τουμαρί αγάπη ι Ντεβλέσκε, κα μπαριόλ τουμαρί επιθυμία-ντα τι υπηρετίνεν-λες. Ανταβά κα κερέλ-τουμέν τι μανγκέν τι αβέν μαθητής ι Ιησού Χριστόσκο. (Ματθαίος 28:19) Άμα κα αβέν γιεκ με την ευτυχισμέ φαμιλί σο τθερένα ο Μάρτυρες του Ιεχωβά, κα μπορίνεν τι αβέν αμαλά ι Ντεβλέσκε για πάντα. Σο πρέπει τι κερέν;
Πρέπει τι κεράς οντουλά σο βακερέλα αμένγκε ο Ντεβέλ, σόσκε αντικάς σικαβάσα λέσκε αμαρί αγάπη. «Αντικάς σικαβάσα αμαρί αγάπη κο Ντεβέλ: τι κεράς οντουλά σο βακερέλα αμένγκε· ντα οντουλά σο βακερέλα νανέ πφαρέ».—1 Ιωάννη 5:3.
Τι κερέν τουμαρέ ζωγιάτε οντουλά σο σικλιόνα. Ο Ιησούς βακερντάς εκ ιστορία σο σικαβέλα-λες ανταβά. Εκ σοφός μουρς κερντάς πο κχερ οπράλ εκχέ μπαρέστε. Εκ μουρς σο να τθερέλας γκοντί κερντάς πο κχερ οπράλ κο κούμι. Όταν ντινάς εκ ζουρανό μπρισίμ, ο κχερ σο ισινέ κερντό οπράλ κο μπαρ να πελό, αλλά ο κχερ σο ισινέ κερντό οπράλ κο κούμι καταστραφισάλο ντιπ σαρό. Ο Ιησούς βακερντάς ότι οντουλά σο ασουνένα λέσκε λάφια ντα κερένα-λεν πουμαρέ ζωγιάτε μοιάζενα κο σοφός μουρς σο κερντάς πο κχερ οπράλ κο μπαρ. Αλλά οντουλά σο ασουνένα ο λάφια ι Ιησούσκε ντα να κερένα-λεν μοιάζενα κο μουρς σο να τθερέλας γκοντί ντα κερντάς πο κχερ κο κούμι. Καλέ μουρσέστε μανγκένα τι μοιάζεν τουμέν;—Ματθαίος 7:24-27.
Μπολιπέ. «Μπολ-τουτ, καθάρινε το νεαυτός κατά αμαρτίες σο κερντάν ντα συνέχινε τι βακερές λέσκο ναβ».—Πράξεις 22:16.
Τι υπηρετίνεν ι Ντεβλές αζόμ πιο λατσσές μπορίνενα. «Σο-ντα κερένα, τι κερέν-λες σαρέ τουμαρέ γκίσαρ σαρ τι κερένα-λες ι Ιεχωβάσκε, ντα όχι ι τζενένγκε».—Κολοσσαείς 3:23.