“Πρέπει τι αβέν δάσκαλοι”. (Εβρ. 5:​12) Σκεφτίνεν! Ο Ιεχωβά​—ο πιο λατσσό Δάσκαλος κο σύμπαν—​μανγκέλα αμένταρ τι σικλιαράς ι γιαβερέν λέσκε! Σο-ντα διορισμός τθεράσα για τι σικλιαράς ι αλήθεια ι Ιεχωβάσκε​—αμαρέ φαμιλιάτε, αμαρέ κχανγκιριάτε ή κο έργος—​ισί σημαντικός προνόμιος ντα μπαρί ευθύνη. Σαρ κα τθεράς επιτυχία;

Η απάντηση υπαρχίντιβελα κο λάφια σο γραφιντάς ο απόστολος Παύλος κο Τιμόθεος: «Συνέχινε τι διαβάνες ανγκλάλ κο γιαβερά, τι ενθαρρύνες, τι σικλιαρές». Ο Παύλος βακερντάς επίσης: «Άμα κα κερές-λες ανταβά κα σώνες εμ τουτ εμ οντουλέν σο ασουνένα-τουτ». (1 Τιμ. 4:​13, 16) Κερένα εκ έργος σο σώνελα ζωές. Οτθάρ, ισί σημαντικός τι προσπαθίνεν τι διαβάνεν ντα τι σικλιαρέν πιο λατσσές. Ανταβά βιβλιάριος ισί κερντό για τι βοηθίνελ-τουμέν τι πετυχίνεν-λες ανταβά. Ντικχέν μερικά πράγματα σο τθερέλα.

Ο Ιεχωβά ισί ο «Μπαρό Εκπαιδευτής». (Ησ. 30:​20) Παρόλο σο ανταβά βιβλιάριος κα βοηθίνελ-τουμέν τι διαβάνεν ντα τι σικλιαρέν πιο λατσσές, ποτές μα μπιστρέν ότι κατά Ιεχωβά αβένα οντουλά σο βακεράσα ντα ότι βοβ ταρτίνελα πασέ πέστε ι τζενέν. (Ιωάν. 6:​44) Οτθάρ, τι προσευχίντιβεν συνέχεια για άγιος πνεύμας. Τι χρησιμοποιήνεν καζόμ πιο μπουτ αβέλα-πες ο Λάφι ι Ντεβλέσκο. Τι γκερέν ι προσοχή κο Ιεχωβά, ποτές τουμαρέ νεαυτόστε. Κερέν σο νακχέλα τουμαρέ βαστέσταρ για τι κερέν ο γκι ι τζενένγκο τι πφερντιόλ αγάπη λέσκε.

Ο Ιεχωβά μανγκλάς τουμένταρ τι σικλιαρέν κο γιαβερά ο πιο σημαντικά λάφια σο μπορίνελα τι ασουνέλ εκ τζενό. Ισινάμ σίγουροι ότι, αφού στηρίντιβενα «κι ζορ σο ντέλα ο Ντεβέλ», κα μπορίνεν τι κερέν-λες ανταβά.​—1 Πέτρ. 4:11.

Τουμαρέ συνεργάτες κο σικλιαριπέ,

Κυβερνών Σώμας των Μαρτύρων του Ιεχωβά