Σκέφτινε ακαβά παράδειγμας: Ισί Τετάρτη απόγευμας. Ο Τζεφ σο ισί 17 μπρεσένγκο μόλις τελειωντάς ο μπουτιά σο τθερέλας τι κερέλ ντα μανγκέλα τι ξεκουράντιβελ χάνικ! Πουτρέλα ι τηλεόραση ντα μπεσέλα πι αγαπημέ πολυθρονάτε.

Οντιά στιγμή, αβέλα λέσκο ντατ, ντα να τθερέλα μπουτ όρεξη.

Άμα κα αβέας κι θέση του Τζεφ, σο κα κερέας για μα τι χας-τουτ τι νταντέσαρ;

Η επικοινωνία τι νταντέσαρ ντα τι νταγιάσαρ ισί σαρ τι οδηγίνες. Άμα κα αρακχές εκ εμπόδιος, μπορίνεσα τι τζας γιαβερέ ντρομέσταρ.

 ΓΙΑ ΠΑΡΑΔΕΙΓΜΑΣ:

«Αβέλα μάνγκε δύσκολος τι κεράβ λάφι μι νταντέσαρ», βακερέλα η Λία. «Μερικές φορές ενώ κεράβα λέσαρ λάφι, βοβ πουτσέλα-μαν: “Να αγαντόμ, μάντζαρ κερέσα λάφι;”»

Η ΛΙΑ ΤΘΕΡΕΛΑ ΤΟΥΛΑΧΙΣΤΟΝ ΤΡΙΝ ΕΠΙΛΟΓΕΣ.

1. 1. Τι ντελ βίκος πι νταντέσκε.

   Η Λία ντέλα βίκος: «Κα ασουνές-μαν; Βακεράβα τούκε κάτι σημαντικός!»

2. 2. Τι τσσιναβέλ τι κερέλ λάφι πι νταντέσαρ.

   Η Λία να προσπαθίνελα τι κερέλ λάφι πι νταντέσαρ ι προβλημάσκε σο τθερέλα.

3. 3. Τι μπεκλεντίνελ τι αβέλ ο σωστός σαάτι για τι κερέλ λέσαρ λάφι ανταλέ θεμάσκε.

   Η Λία πιο σοράν κερέλα λάφι πι νταντέσαρ ή γραφίνελα λέσκε σο πρόβλημας τθερέλα.

Σο κα βακερέας τούι ι Λιάκε τι κερέλ;

ΣΚΕΦΤΙΝΕ: Ι Λιάκο ντατ σκεφτίνελα κάτι γιαβέρ​—να τθερέλα αγαντό ότι κάτι απασχολίνελα λέσκε τσσαγιά. Άμα λοιπόν η Λία κερντάς ι Πρώτη Επιλογή, λάκο ντατ μπορεί μα τι αγαβέλ σόσκε ντέλα λέσκε βίκος. Ανταγιά επιλογή, να κα κερέλ λάκε νταντές τι ασουνέλ-λα, ούτε κα σικαβέλ λέσκε σεβασμός. (Εφεσίους 6:2) Άρα, ανταγιά επιλογή να κα βοηθίνελ καεκχές.

Παρόλο σο η Δεύτερη Επιλογή μπορεί τι αβέλ πιο εύκολη, νανέ η πιο λατσσί. Σόσκε; Για τι μπορίνελ η Λία τι αντιμετωπίνελ πο προβλήματα με επιτυχία, χρειαζίντιβελα πι νταντέσκι βοήθεια· ντα για τι μπορίνελ βοβ τι βοηθίνελ-λα, πρέπει τι τζανέλ σο αβέλα-πες λάκε ζωγιάτε. Άμα να κα κερέλ λάφι πι νταντέσαρ, τίποτα ανταλένταρ να κα μπορίνελ τι αβέλ-πες.

Με την Τρίτη Επιλογή, όμως, η Λία να μουκχέλα τίποτα τι τσσιναβέλ-λα τι κερέλ λάφι πι νταντέσαρ. Αλλά προσπαθίνελα τι συζητίνελ λέσαρ εκ γιαβέρ φαρ. Αν τελικά κα τραμπίνελ τι γραφίνελ πι νταντέσκε εκ γράμμας, μπορεί τι αισθάντιβελ αμέσως πιο λατσσές.

Επίσης, ο γράμμας κα βοηθίνελ-λα τι γραφίνελ ντιπ σαρέ οντουλά σο μανγκέλα τι βακερέλ. Όταν λάκο ντατ κα διαβάνελ οντουλά σο γραφιντάς, κα σικλιόλ σο προσπαθίνελας τι βακερέλ λέσκε, ντα ανταβά μπορεί τι βοηθίνελ-λες τι αγαβέλ πιο λατσσές λάκο πρόβλημας. Άρα, η Τρίτη Επιλογή βοηθίνελα εμ ι Λιά εμ λάκε νταντές. Σο-ντα τι τραμπίνελ, είτε τι κερέλ λέσαρ λάφι είτε τι γραφίνελ λέσκε, ανταγιά επιλογή συμφωνίνελα με τη συμβουλή σο ντέλα η Γραφή «τι προσπαθίνας τι κεράς ο πράγματα σο ανένα ειρήνη».​—Ρωμαίους 14:19.

Καλά γιαβερά επιλογές τθερέλα η Λία;

Ρόντε ατζέκ εκ τανί. Σοράν σκέφτινε καβά μπορεί τι αβέλ ο αποτέλεσμας άμα κα κερέλ ανταγιά επιλογή.

Τι ντες-τουτ γκοντί ότι μπουτ φαρ γιαβέρ βακερέσα τούι ντα γιαβέρ αγαβέλα το ντατ ντα τι ντάι.

ΓΙΑ ΠΑΡΑΔΕΙΓΜΑΣ:

Το ντατ ντα τι ντάι πουτσένα-τουτ σο τθερέσα. Τούι βακερέσα λένγκε: «Να μανγκάβα τι κεράβ λάφι ανταλέ θεμάσκε».

Αλλά οντουβά σο αγαβένα το ντατ ντα τι ντάι ισί: «Να τθεράβα τουμένγκε εμπιστοσύνη. Κα βακεράβ μο πρόβλημας μι αμαλένγκε, αλλά όχι τουμένγκε».

Σκέφτινε ότι τθερέσα εκ σοβαρός πρόβλημας. Το ντατ ντα τι ντάι μανγκένα τι βοηθίνεν-τουτ. Αλλά τούι βακερέσα λένγκε: «Μα ανησυχίνεν. Κα νταβ-λεν πέρα κορκορό».

• Σο μπορεί τι αγαβέλ το ντατ ντα τι ντάι;

• Σο πιο λατσσό κα μπορίνεας τι βακερές;