Σο βακερένα μπουτ επιστήμονες; Μπουτ τζενέ βακερένα ότι ο απολιθώματα σο αρακχίντιλε σικαβένα ότι ισί μπαγιά η θεωρία σο βακερέλα ότι σο-ντα τζουβντιόλα αστάρντιβελα από εκ τζουβντό οργανισμός. Επίσης, πακιάνα ότι αφού σαρέ ο τζουβντέ οργανισμοί τθερένα DNA, δηλαδή χρησιμοποιήνενα ο ίδιος «κώδικας», σαρέ οντουλά σο τθερένα ζωή αβιλέ κατά ίδιος τζουβντό οργανισμός.

Σο βακερέλα η Αγία Γραφή; Κι Γένεση βακερέλα ότι ο φυτά, ο ζώα ι ντεριαβάκε, ο τσιρικλέ ντα ο γιαβερά ζώα λατσσάρντιλε «σαρ ισί λένγκο είδος». (Γένεση 1:12, 20-25) Ανταλά λάφια σικαβένα ότι κάθε είδος κα μπορίνελας τι τθερέλ διάφορα φυτά ή ζώα, αλλά σικαβένα-ντα ότι ισί όρια σο ξεχωρίνενα ο κάθε είδος. Επίσης, για τι αβέλ μπαγιά ανταβά σο βακερέλα η Γραφή για τη δημιουργία πρέπει τι σικάντβελ κο απολιθώματα σο υπαρχίντιβενα ότι ισί νεβέ πλάσματα σο αρακχίντιλε ξαφνικά ντα ισινέ ντιπ σαστέ.

Σο σικαβένα ο αποδείξεις; Σικαβένα ο αποδείξεις ότι οντουλά σο βακερέλα η Γραφή για τη δημιουργία ισί μπαγιά ή τθερέλας δίκιος ο Δαρβίνος; Σο σικαβένα οντουλά σο αρακχλέ ο τζενέ κο τελευταία 150 μπρεσά;

Αμαρέ μπρεσέντε, ο επιστήμονες μπορισάλε τι συγκρίνεν ο γενετικούς κώδικες σο τθερένα μπουτ μονοκύτταροι οργανισμοί ντα ο κώδικες σο τθερένα ο φυτά ντα ο ζώα. Πακιάνας ότι ανταγιά σύγκριση κα σικαβέλας ότι οντουβά σο βακερντάς ο Δαρβίνος για το «δέντρος ι ζωγιάκο» ισί μπαγιά. Όμως ανταβά να αβιλό-πες.

Σο σικαντέ ο έρευνες; Ο βιολόγος Μάλκολμ Σ. Γκόρντον γραφιντάς κο 1999: «Ντικχίντιβελα ότι η ζωή να αβιλί σάντε από εκ τζουβντό οργανισμός. Ο δέντρος ι ζωγιάκο ντικχίντιβελα ότι να τθερέλας σάντε εκ ρίζα». Ισί άραγε αποδείξεις σο σικαβένα ότι ο κλαδιά κο δέντρος κι Δαρβινόσκο, δηλαδή οντουλά σο τζουβντιόνα, νικίστιλε σάντε από εκ κορμός; Ο Γκόρντον γραφιντάς κάτι ατζέκ-ντα: «Η βασική θεωρία σο βακερέλα ότι σο-ντα τζουβντιόλα αστάρντιβελα από εκ τζουβντό οργανισμός σικάντιβελα ότι να αβέλα-πες κο φυτικός ντα κο ζωικός βασίλειος, σαρ αγαντίντιβελα κατά πράγματα σο τζανάσα. Ντικχίντιβελα ότι ανταβά να αβέλα-πες ούτε σε μπουτ φύλα, για μα τι βακεράς σαρέ κο φύλα. Ο ίδιος μπέκιμ να αβέλα-πες ούτε σε μπουτ ομοταξίες-ντα σο τθερένα ο φύλα».²⁹ a

Έρευνες σο αβιλέ αμαρέ ντιβεσέντε συνεχίνενα τι τζαν κόντρα κι θεωρία κι Δαρβινόσκι. Για παράδειγμας, εκ άρθρος σο νικίστιλο κο περιοδικός Νέος Επιστήμονας (New Scientist) κο 2009 τθερέλα αντρέ ο λάφια σο βακερντάς εκ επιστήμονας σο πακιάλα κι εξέλιξη, ο Έρικ Μπατέστ: «Νανέ-αμέν καέκ απόδειξη ότι ο δέντρος ι ζωγιάκο ισί μπαγιά».³⁰ Ο ίδιος άρθρος τθερέλα επίσης ο λάφια σο βακερντάς εκ βιολόγος σο πακιάλα κι εξέλιξη, ο Μάικλ Ρόουζ: «Ο δέντρος ι ζωγιάκο αρχισάλο τι πραχούντιβελ σιγά σιγά​—σαρέ τζανάσα-λες. Ανταβά σο ισί δύσκολος τι δεχτίνας, ισί ότι πρέπει τι αλλάνας οντουλά σο πακιάας μέχρι ακανά για τη βιολογία».³¹ b

Μπουτ επιστήμονες σικαβένα ο απολιθώματα σο αρακχίντιλε για τι στηρίνεν ι άποψη ότι σαρέ οντουλά σο τθερένα ζωή αστάρντιβενα από εκ τζουβντό οργανισμός. Πακιάνα, για παράδειγμας, ότι ο απολιθώματα σο αρακχίντιλε ντένα αποδείξεις ότι ο ματσσέ αβιλέ αμφίβια ντα ο ερπετά αβιλέ θηλαστικά. Σικαβένα μπαγιά όμως οντουλά σο αρακχλέ κάτι ασακό;

Ο παλαιοντολόγος Ντέιβιντ Μ. Ράουπ σο πακιάλα κι εξέλιξη βακερέλα: «Αντίς τι ντικχέν κο απολιθώματα σο αρακχίντιλε ότι σο-ντα τζουβντιόλα αβιλό κι ζωή σιγά σιγά, ο γεωλόγοι κο μπρεσά σο τζουβντιόλας ο Δαρβίνος, αλλά ο γεωλόγοι-ντα σο τζουβντιόνα αμαρέ ντιβεσέντε, ντικχένα ότι ο απολιθώματα νανέ εκχέ σειράτε: μπουτ είδη αβένα κι ζωή ξαφνικά, αλλάνενα χάνικ ή να αλλάνενα ιτς, ντα σοράν χασάρντιβενα εκ ντα-εκ».³²

Ο πο μπουτ απολιθώματα σικαβένα ότι να αλλάνενας ο είδη καζόμ νακχένας ο μπρεσά. Ο στοιχεία να σικαβένα ότι αβέλα εξέλιξη από εκ είδος κο γιαβέρ. Πλάσματα σο τθερένα εκ μοναδικός σχήμας κο σώμας αβένα ξαφνικά. Νεβέ χαρακτηριστικά αβένα ξαφνικά. Για παράδειγμας, ο νυχτερίδες σο χρησιμοποιήνενα ο ηχοεντοπισμός να αστάρντιβενα ούτε τθερένα σχέση με καέκ γιαβέρ είδος πο τζανγκλέ λένταρ.

Ο επκάς ντα πο μπουτ βασικές ομάδες σο χωρίντιβενα ο ζώα σικάντιβελα ότι αβιλέ περίπου κο ίδιος βακίτι. Επειδή κο απολιθώματα σο αρακχίντιλε μπουτ νεβέ ντα ξεχωριστά είδη ζωής αβιλέ αζόμ ξαφνικά, ο παλαιοντολόγοι βακερντέ ανταλέ βακιτίσκε «Κάμβρια έκρηξη». Κάνα ισινέ η Κάμβρια περίοδος;

Βάκερ ότι ανταλά σο αρακχλέ ο ερευνητές ισί μπαγιά. Αζομάν κα μπορίναας τι μοιασκιαράς σαρό ο βακίτι σο υπαρχίντιβελα η πφουβ με εκ γήπεδος ποδοσφαίρου (1). Άμα κα χωρίντιβελας ανταβά γήπεδος σε οχτώ κομμάτια κα πφιρέας ο εφτά κατά οχτώ κομμάτια για τι ερεσές κο τθαν σο βακέρντιβελα κατά παλαιοντολόγοι Κάμβρια περίοδος (2). Σε εκ χουρντό κομμάτι κατά Κάμβρια περίοδος, ντικχέσα τι αβέν κο απολιθώματα σο αρακχίντιλε ο βασικές ομάδες σο χωρίντιβενα ο ζώα. Καζόμ σουγκό αβιλό ανταβά; Καζόμ πφιρέσα ανταλέ γηπεδόστε, σάντε σε εκ βήμας σο κα κερές ντικχέσα σαρέ ανταλά διαφορετικά πλάσματα τι νικιόν ξαφνικά!

Επειδή ανταλά μπουτ είδη αβιλέ ξαφνικά, μερικοί ερευνητές σο πακιάνα κι εξέλιξη βακερένα ότι μπορεί μα τι αβέλ μπαγιά η βασική θεωρία σο βακερντάς ο Δαρβίνος. Για παράδειγμας, ο βιολόγος Στιούαρτ Νιούμαν σο πακιάλα κι εξέλιξη, σε εκ συνέντευξη σο ντινάς κο 2008, βακερντάς ότι ισί ανάγκη τι αρακχίντιβελ εκ νεβί θεωρία για την εξέλιξη σο κα σικαβέλ σαρ αβιλέ ξαφνικά νεβέ είδη ζωής. Βοβ βακερντάς: «Πακιάβα ότι η θεωρία σο βακερντάς ο Δαρβίνος για τι εξηγίνελ σαρ αβιλέ σαρέ ο αλλαγές κι εξέλιξη κα αβέλ σάντε εκ κατά μπουτ θεωρίες, ντα μπέκιμ να κα αβέλ η πο σημαντική, για τι αγαβάς ι μακροεξέλιξη, δηλαδή ι εξέλιξη κο είδη σο τθερένα διαφορετικός σώμας».³³

Σο κα βακεράας για το απολιθώματα σο χρησιμοποιήντιβενα για τι σικαβέν ότι ο ματσσέ αβιλέ αμφίβια ντα ο ερπετά αβιλέ θηλαστικά; Ισί ανταλά ξεκάθαρες αποδείξεις σο σικαβένα ότι η εξέλιξη ισί μπαγιά; Άμα κα ντικχάς πο λατσσές ο αποδείξεις σο ισί κο απολιθώματα, κα αρακχάς μπερεκέτι προβλήματα.

Πρώτον, σε μερικά βιβλία μπάζιμα γκεραβένα καζόμ μπαρέ ισί ο πλάσματα κάνα τσσουβένα σε εκ σειράς ο απολιθώματα για τι σικαβέν σαρ ο ερπετά αβιλέ θηλαστικά. Κι πραγματικότητα, αντίς κο μπάριπε τι αβέν ίδια, μερικά κατά πλάσματα ισί μπουτ μπαρέ, ενώ γιαβερά ισί χουρντέ.

Εκ δεύτερος, πο μπαρό, πρόβλημας ισί ότι νανέ αποδείξεις σο σικαβένα ότι ανταλά πλάσματα τθερένα σχέση ο εκ ι γιαβερέσαρ. Κάνα τσσουβένα εκχέ σειράτε ο απολιθώματα για τι σικαβέν σαρ αλλάνενα ο είδη, ο εκ κατά γιαβέρ τθερέλα διαφορά εκατομμύρια μπρεσά, σαρ βακερένα ο ερευνητές. Ο ζωολόγος Χένρι Τζι βακερέλα ανταλέσκε: «Ο μπρεσά σο τθερένα διαφορά ανταλά απολιθώματα ισί αζόμ μπουτ σο ναστί βακεράσα με σιγουριά ότι μπέκιμ αστάρντιβελα ο εκ κατά γιαβέρ».³⁴ c

Ο βιολόγος Μάλκολμ Σ. Γκόρντον βακερέλα ότι ο απολιθώματα κατά ματσσέ ντα κατά αμφίβια σο αρακχίντιλε ισί χάνικ ντα «μπέκιμ να ερεσένα για τι σικαβέν καζόμ διαφορετικά είδη λένταρ υπαρχίντιβενας οντουλέ βακιτίντε». Επίσης βακερντάς: «Να υπαρχίντιβελα τρόπος τι τζανάς σο σχέση τθερένα, αν τθερένα σχέση, οντουλά οργανισμοί γιαβερέντζαρ σο αβιλέ κι ζωή πο σοράν ή άμα αστάρντιβενας ο εκ κατά γιαβέρ».³⁵ d

Εκ άρθρος κατά Νάσιοναλ Τζεογκράφικ (National Geographic) σο νικίστιλο κο 2004 μοιασκιαρντάς ο απολιθώματα σο αρακχίντιλε «εκχέ ταινιάσαρ σο άμα κα τθερέλας 1.000 καρέ, δηλαδή ο χουρντέ φωτογραφίες σο τθερέλα η ταινία, ο 999 χασάρντιλε».³⁶ Σο μανγκέλα τι σικαβέλ ανταβά παράδειγμας;

Σκέφτινε ότι αρακχέσα 100 καρέ εκχέ ταινιάταρ σο κι αρχή τθερέλας 100.000 καρέ. Σαρ κα αγαβέας καγιά ισί η ιστορία ι ταινιάκι; Μπορεί τι νικαβέας τι γκοντιάταρ εκ ιστορία, αλλά σο κα κερέας άμα σάντε ο 5 κατά 100 καρέ σο αρακχλάν ταιριάνενα κι ιστορία σο νικαντάν, ενώ ο γιαβερά 95 καρέ σικαβένας εκ μπουτ διαφορετική ιστορία; Κα αβέλας λογικός τι βακερές ότι η ιστορία σο νικαντάν ισί σωστή σάντε κατά παντς καρέ σο ταιριάνενα; Μήπως η αλήθεια κα αβέλας ότι τσσουντάν ο παντς καρέ εκχέ σειράτε επειδή ανταβά ταιριάνελας κι θεωρία σο βακερντάν; Να κα αβέλας πο λογικός τι μουκχές εμ ο γιαβερά 95 καρέ τι σικαβέν τούκε ι σωστή ιστορία;

Σο σχέση τθερέλα ανταβά παράδειγμας ι τροπόσαρ σο ντικχένα ο απολιθώματα ο τζενέ σο πακιάνα κι εξέλιξη; Μπουτ μπρεσά ο ερευνητές πφάντενας πουμαρέ γιακχά οντουλέντε σο σικαβένα ο πο μπουτ απολιθώματα, ο 95 καρέ ι ταινιάκε, ότι ο είδη αλλάνενα μπουτ χάνικ καζόμ νακχένα ο μπρεσά. Σόσκε μουκχένας κι νάκρη αζόμ σημαντικές αποδείξεις; Ο συγγραφέας Ρίτσαρντ Μόρις βακερέλα: «Σικάντιβελα ότι ο παλαιοντολόγοι δεχτιντέας ι ιδέα ότι αβιλέας σιγά σιγά αλλαγές κατά εξέλιξη ντα ατσσόνας πιστοί λάτε, ατζέ-ντα κάνα αρακχένας αποδείξεις σο σικαβένας ο αντίθετος. Προσπαθίνενας τι εξηγίνεν ο στοιχεία σο αρακχλέ κο απολιθώματα για τι ταιριάνεν κι θεωρία σο κερέλα λάφι για την εξέλιξη».³⁷

Σο αβέλα-πες οντουλέντζαρ σο πακιάνα κι εξέλιξη αντιβές; Μήπως συνεχίνενα τι τσσουβέν ο απολιθώματα εκχέ συγκεκριμέ σειράστε, όχι επειδή σικαβένα-λες ανταβά ο πο μπουτ απολιθώματα ντα ο γενετικές αποδείξεις, αλλά επειδή κάτι ασακό κα συμφωνίνελας οντουλέντζαρ σο πακιάνα αμαρέ ντιβεσέντε ο τζενέ για την εξέλιξη; e

Τούι σο βακερέσα; Καβά συμπέρασμας νικιόλα κατά αποδείξεις; Αν τι γκοντιάτε ο στοιχεία σο ντικχλάμ μέχρι ακανά.

• Ο πρώτοι τζουβντέ οργανισμοί κι πφουβ να ισινέ «απλοί».

• Ο πιθανότητες τι κερντιόν κορκορέ ατζέ-ντα ο συστατικά σο τθερέλα εκ κύτταρος ισί αζόμ χουρντέ σο κα μπορίναας τι βακεράς ότι να υπαρχίντιβενα.

• Ο DNA, σο ισί αντρέ κο κύτταρος σαρ εκ «ηλεκτρονικός πρόγραμμας», ή γιαβέρτουλους κώδικας, ισί μπουτ πολύπλοκος ντα σικαβέλα ότι λατσσαρντάς-λες κάποιος σο τθερέλα μπουτ πο μπαρί γκοντί κατά τζενέ σο κερντέ προγράμματα ή συστήματα σο γκίντενα πληροφορίες.

• Ο έρευνες σο τθερένα τι κερέν με την γενετική σικαβένα ότι ο διάφορα είδη σο τζουβντιόνα να αστάρντιβενα σάντε από εκ τζουβντό οργανισμός. Επίσης, κατά απολιθώματα σο αρακχίντιλε σικάντιβελα ότι ο βασικές ομάδες σο χωρίντιβενα ο ζώα αβιλέ κι ζωή μπουτ ξαφνικά.

Αφού ντικχλάμ ανταλά στοιχεία, κι ερώτηση κατάρ αβιλί η ζωή νανέ λογικός τι αγαβέλ εκ τζενό ότι ο αποδείξεις ταιριάνενα οντουλέντζαρ σο βακερέλα η Αγία Γραφή; Όμως, μπουτ τζενέ πακιάνα ότι μπουτ λάφια σο βακερέλα η Γραφή για τη δημιουργία να ταιριάνενα με την επιστήμη. Ισί μπαγιά ανταβά; Σο βακερέλα η Αγία Γραφή;