Ασακέ καταστάσεις αβένα-πες κάθε μπρες μπουτέ σχολειόντε σαρί κι πφουβ. Σο πρέπει τι κερέν ο μαθητές σο ισί κι Πετρόσκι θέση; Σο βακερένα, δεν πρέπει τι τζανέν σο πακιάνα ντα σόσκε πακιάνα-λες; Χρειαζίντιβελα τι ρόντεν καλά αποδείξεις ισί για την εξέλιξη, καλά για την δημιουργία ντα σοράν τι τραμπίνεν κορκορέ σο κα πακιάν.

Η Αγία Γραφή βακερέλα ξεκάθαρα μα τι πακιάς πφαντέ γιακχίντζαρ σο-ντα σικλιαρένα ο γιαβερά. Εκ τζενό οντουλένταρ σο γραφιντέ ι Αγία Γραφή βακερέλα: «Οντουβά σο να τσσινέλα λέσκι γκοντί πακιάλα σαρέ ο λάφια, αλλά ο τζενό σο ντικχέλα ανγκλάλ σκεφτίνελα λατσσές πο κάθε βήμας». (Παροιμίες 14:15) Η Γραφή βακερέλα κο Χριστιανοί τι τσσουβέν πουμαρί γκοντί τι κχελέλ ντα τι σικαβέν πουμαρέ νεαυτόσκε οντουλά σο σικλιλέ.​—Ρωμαίους 12:1, 2.

Ακαβά βιβλιάριος να κερντιλό για τι τσσίντελ κατά προσπάθειες σο κερένα μερικές θρησκείες τι σικλιόν ο τσσαβέ κο σχολεία για τη δημιουργία. Κερντιλό για τι ντικχάς άμα ισί μπαγιά ο λάφια ι τζενένγκε σο σικλιαρένα ότι η ζωή κερντιλί κορκορί ντα σο βακερένα ότι οντουλά σο σικλιαρέλα η Γραφή για τη δημιουργία ισί εκ μασάλι.

Κα κεράς λάφι για το κύτταρος επειδή κο κύτταρα βασίντιβελα η ζωή. Κα μπορίνες τι ντικχές μπουτ σουκάρ πράγματα σο σικαβένα σαρ ισί κερντό ο κύτταρος. Επίσης, κα ντικχές κατέ στηρίντιβελα η θεωρία της εξέλιξης.

Εκ ντιβές, σαρέ αβάσα ανγκλάλ κι ερώτηση: Κερντιλί η ζωή ή αβιλί κατά εξέλιξη; Μπέκιμ, σκεφτιντέν λατσσές πάλι ανταγιά ερώτηση. Ανταβά βιβλιάριος κα σικαβέλ σάντε χάνικ κατά αποδείξεις σο κερντέ μπουτέ τζενέν τι πακιάν ότι η ζωή κερντιλί.