Καζόμ διαβάνεας ανταβά βιβλιάριος, μήπως σαστισάλαν σο ντικχλάν ότι η Γραφή συμφωνίνελα με την επιστήμη; Μπουτ τζενέ σαστίνενα ανταλέσαρ, αλλά εμ κάνα σικλιόνα ότι η Γραφή να βακερέλα κάποια πράγματα σο σικλιαρένα μπουτ θρησκείες. Φιρειπείν, μερικές θρησκείες βακερένα ότι η Γραφή σικλιαρέλα, ότι ο Ντεβέλ λατσσαρντάς ο σύμπαν ντα σο-ντα τθερέλα ζωή αντρέ σιοβέ ντιβεσέντε σο τθερέλα 24 σαάτια ο κάθε εκ. Όμως η Γραφή να τζάλα κόντρα με το υπολογισμοί σο τθερένα κερντό ο επιστήμονες για τι σικαβέν καζόμ μπρεσά ισί η πφουβ ή ο σύμπαν. a

Επίσης, ο λάφια ι Γραφιάκε σο σικαβένα σαρ ο Ντεβέλ αντάς ι ζωή κι πφουβ ντένα ι ευκαιρία κο επιστήμονες τι κερέν έρευνες ντα τι νικαβέν θεωρίες οπράλ ανταλέστε. Η Γραφή μπαγιά βακερέλα ότι ο Ντεβέλ κερντάς σο-ντα τθερέλα ζωή ντα ότι σαρέ ο τζουβντέ οργανισμοί κερντιλέ σαρ ισί «λένγκο είδος». (Γένεση 1:11, 21, 24) Ανταλά λάφια μπέκιμ τι τζάνα κόντρα σε μερικές θεωρίες σο νικαντέ ο επιστήμονες, αλλά να τζάνα κόντρα κο αποδείξεις σο τθερένα ο επιστήμονες. Η ιστορία σο τθερέλα η επιστήμη σικαβέλα ότι ο θεωρίες τζάνα αβένα. Αλλά, ο πράγματα σο μπαγιά αβιλέ-πες ατσσόνα σταθερά.

Όμως, μπουτ τζενέ σακιντίνενα τι ρόντεν ι Γραφή επειδή λένγκι θρησκεία πφανγκλάς λένγκο γκι. Ντικχένα ότι ο θρησκείες ισί ντουέ μουένγκε, κερένα γκεραλέ πράγματα ντα υποστηρίνενα ο πόλεμοι επειδή τθερένα συμφέρον. Ισί σωστός όμως τι κρίνελ εκ τζενό ι Γραφή κατά μπέτι συμπεριφορά σο τθερένα μερικά παπάζια; Μπουτ επιστήμονες σο μανγκένα ι τζενέν ντα μπεϊντίνενα ι αλήθεια, ατσσόνα πουταρντέ μόσαρ κάνα ντικχένα γκεραλέ τζενέν σο μισίνενα οντουλέν σο ισί διαφορετικοί λένταρ, τι λεν ι θεωρία της εξέλιξης για τι υποστηρίνεν ο ρατσισμός. Κα αβέλας σωστός τι κρίνελ εκ τζενό ι θεωρία της εξέλιξης ιτιρί ανταλέ τζενένταρ; Σίγουρα ισί πο λατσσό, τι ντικχάς σο βακερέλα ανταγιά θεωρία ντα τι σκεφτίνας άμα ο αποδείξεις σικαβένα ότι ισί μπαγιά.

Κα μανγκάας τούταρ τι κερές-λες ανταβά ι Γραφιάσαρ-ντα. Μπέκιμ τι σαστίνες κάνα κα σικλιός ότι οντουλά σο σικλιαρέλα η Γραφή ισί μπουτ διαφορετικά οντουλένταρ σο σικλιαρένα ο πο μπουτ θρησκείες. Η Γραφή, να βακερέλα σάντε ότι ο πόλεμοι ντα ο ρατσισμός νανέ λατσσέ, αλλά σικλιαρέλα ότι οντουλά σο υπηρετίνενα ι Ντεβλές δεν πρέπει τι τζαν κο πόλεμος ούτε τι τθερέν μίσος σο τσσίντελα ι τζενέν τι κερέν πόλεμοι. (Ησαΐας 2:2-4· Ματθαίος 5:43, 44· 26:52) Να βακερέλα σάντε μα τι πακιάς κάτι πφαντέ γιακχίντζαρ ντα μα τι αβάς κολλημέ, αλλά σικλιαρέλα ότι η αληθινή πίστη βασίντιβελα κο αποδείξεις ντα ότι για τι υπηρετίνελ εκ τζενό ι Ντεβλές πρέπει τι τσσουβέλ πι γκοντί τι κχελέλ. (Ρωμαίους 12:1· Εβραίους 11:1) Να βακερέλα ότι δεν πρέπει τι ρόντας για απαντήσεις, αλλά τσσίντελα-αμέν τι μανγκάς τι αρακχάς απαντήσεις κο πο μπαρέ ντα δύσκολες ερωτήσεις σο απασχολίνενα ι τζενέν.

Για παράδειγμας, σκεφτιντάν ποτές: «Άμα υπαρχίντιβελα Ντεβέλ, σόσκε μουκχέλα ο πφιρνιπέ;» Η Αγία Γραφή απαντίνελα ανταλέ ντα μπουτ γιαβερέ ερωτησιέντε. b Μανγκάσα τούταρ τι συνεχίνες τι ρόντες ι αλήθεια. Μπορίνεσα τι αρακχές απαντήσεις σο κα μπεϊντίνες-λεν μπουτ, κα ερεσέν τι γκίστε, κα αβέν λογικές ντα κα βασίντιβεν σε αποδείξεις. Ντα ανταβά να αβέλα τυχαία.