1-3. (α) Σαρ ντικχένα μπουτ τζενέ πουμαρί μπουτί; (β) Καλά ερωτήσεις κα ντικχάς πιο τελέ;

 Ο ΤΖΕΝΕ σαρό κο ντουνιάς μαρένα-πες κι μπουτί για τι τθερέν βον ντα λένγκι φαμιλί πουμαρό μαντρό. Μπουτ τζενέ να μπεϊντίνενα πουμαρί μπουτί ντα γιαβερά σάντε σο σκεφτίνενα ότι κα τζαν κι μπουτί ιζράνα. Άμα νιωθίνενα τουμέν-ντα αντικάς, σο κα βοηθίνελ-τουμέν τι κερέν γκίσαρ τουμαρί μπουτί; Σαρ κα ντελ-τουμέν χαρά τουμαρί μπουτί;

² Ο Ιεχωβά βακερέλα αμένγκε: «Κάθε τζενό πρέπει τι χαλ ντα τι πιλ ντα τι χαιρίνελ σαρέ πι πφαρέ μπουτιάκε. Ανταβά ισί δώρος κατά Ντεβέλ». (Εκκλησιαστής 3:​13) Κάνα ο Ιεχωβά κερντάς-αμέν, τσσουντάς αντρ’ αμέντε ι ανάγκη ντα ι επιθυμία τι κεράς μπουτί. Μανγκέλα τι χαιρίνας σαρέ οντουλέντζαρ σο κεράσα.​—Διάβανε Εκκλησιαστής 2:​24· 5:18.

³ Σο κα βοηθίνελ-αμέν τι κεράς γκίσαρ αμαρί μπουτί; Σο μπουτιά δεν πρέπει τι κερέν ο Χριστιανοί; Σαρ κα τσσουβάς κο σωστός τθαν αμαρί μπουτί ντα ι λατρεία ι Ιεχωβάσκι; Ντα καγιά ισί η πιο σημαντική μπουτί αμένγκε;

4, 5. Σαρ ντικχέλα ο Ιεχωβά ι μπουτί;

⁴ Ο Ιεχωβά χαιρίνελα μπουτ τι κερέλ μπουτί. Ο εδάφιος  Γένεση 1:1 βακερέλα: «Κι αρχή ο Ντεβέλ κερντάς ο ουρανός ντα ι πφουβ». Κάνα ο Ντεβέλ κερντάς ι πφουβ ντα σαρέ οντουλά σο ισί λάτε, βακερντάς ότι σο-ντα κερντάς «ισινέ μπουτ λατσσό». (Γένεση 1:​31) Αβιλό λέσκο γκι σαρέ οντουλέντζαρ σο λατσσαρντάας.​—1 Τιμόθεο 1:11.

⁵ Ο Ιεχωβά να τσσιναβέλα ποτές τι κερέλ μπουτί. Ο Ιησούς βακερντάς: «Μο Ντατ κερέλα μπουτί μέχρι ακανά». (Ιωάννης 5:​17) Παρόλο σο να τζανάσα σαρέ ο λατσσέ πράγματα σο κερέλα ο Ιεχωβά, τζανάσα μερικά ανταλένταρ. Βοβ τραμπίνελα οντουλέν σο κα κυβερνίνεν γιεκ λέσκε Τσσαβέσαρ, ι Ιησού Χριστόσαρ, κι Βασιλεία. (2 Κορινθίους 5:​17) Επίσης, ο Ιεχωβά σικαβέλα ι τζενένγκε σο τι κερέν ντα πφαμπόλα λένγκε. Κατά έργος σο αβέλα-πες σαρί κι πφουβ, εκατομμύρια τζενέ σικλιόνα ι Ιεχωβάσκε ντα τθερένα ι ελπίδα τι τζουβντιόν για πάντα κο παράδεισος κι πφουβ.​—Ιωάννης 6:​44· Ρωμαίους 6:23.

6, 7. Σο εργάτης ισί ο Ιησούς;

⁶ Ο Ιησούς-ντα, σαρ πο Ντατ, χαιρίνελα μπουτ τι κερέλ μπουτί. Πριν τι αβέλ κι πφουβ, ισινέ «μπουτ λατσσό εργάτης» ι Ντεβλέσκο, ντα βοηθιντάς τι κερντιόν σαρέ οντουλά σο ισί κο ουρανός ντα κι πφουβ. (Παροιμίες 8:​22-31· Κολοσσαείς 1:​15-17) Κάνα ισινέ κι πφουβ, ο Ιησούς να τσσιναντάς τι κερέλ μπουτ μπουτί. Σαρ τερνό, αβιλό μπουτ λατσσό ξυλουργός ντα μάλλον εκτός κατά έπιπλα κερέλας κχερά-ντα. Ο Ιησούς αβιλό αζόμ λατσσό πι μπουτιάτε, σο τζανένας-λες σαρέ σαρ «ο ξυλουργός».​—Μάρκος 6:3.

⁷ Όμως, η πιο σημαντική μπουτί σο κερέλας ο Ιησούς κι πφουβ ισινέ ότι βακερέλας ο λατσσέ αμπέρια ντα σικλιαρέλας ι τζενέν ι Ιεχωβάσκε. Έπρεπε τι τελειώνελ οντουλά σο κερέλας αντρέ τριν επκάς μπρεσέντε, οτθάρ κερέλας μπουτ μπουτί από νωρίς το πρωί μέχρι αργά ιράτ. (Λουκάς 21:​37, 38· Ιωάννης 3:2) Ο Ιησούς πφιρντάς εκατοντάδες  χιλιόμετρα πραχαλέ ντρομέντε ντα βακερέλας ο λατσσέ αμπέρια αζόμ πιο μπουτ τζενέντε αβέλας-πες.​—Λουκάς 8:1.

8, 9. Σόσκε ο Ιησούς κερέλας ο έργος σαρέ πι γκίσαρ;

⁸ Ι Ιησούσκε, ο έργος ι Ντεβλέσκο ισινέ σαρ ο χαμπέ. Ντέλας-λες ζορ. Μερικά ντιβεσά ο Ιησούς κερέλας αζόμ μπουτ μπουτί σο να τθερέλας σαάτι ούτε τι χαλ. (Ιωάννης 4:​31-38) Κάθε φαρ σο ντιντιόλας-λες η ευκαιρία, βοηθίνελας ι τζενέν τι σικλιόν λέσκε Νταντέσκε. Άκ’ σόσκε βακερντάς κο Ιεχωβά: «Με ντινόμ-τουτ δόξα κι πφουβ ντα τελειωντόμ ο έργος σο ντινάν-μαν τι κεράβ».​—Ιωάννης 17:4.

⁹ Αγαβάσα μπουτ λατσσές ότι εμ ο Ιεχωβά εμ ο Ιησούς κερένα μπουτ μπουτί ντα ανταγιά μπουτί ντέλα-λεν χαρά ντα πφερέλα-λεν. Αμέν μανγκάσα “τι μοιάζας κο Ντεβέλ” ντα “τι ακολουθίνας [ι Ιησούσκε] βήματα πιστά”. (Εφεσίους 5:1· 1 Πέτρου 2:​21) Οτθάρ κεράσα μπουτ μπουτί ντα μαράσα-αμέν τι κεράς ο πιο λατσσό σαρέ κο πράγματα.

10, 11. Σο κα βοηθίνελ-αμέν τι ντικχάς ι μπουτί σαρ μανγκέλα ο Ιεχωβά;

¹⁰ Σαρ υπηρέτες ι Ιεχωβάσκε, κεράσα μπουτ μπουτί για τι τθεράς αμέν ντα αμαρί φαμιλί αμαρό μαντρό. Μανγκάσα αμαρί μπουτί τι ντελ-αμέν χαρά, αλλά ανταβά μπορεί μα τι αβέλ ιτς εύκολος. Άρα, σαρ κα κεράς γκίσαρ αμαρί μπουτί ατζέ-ντα άμα να μπεϊντίνασα-λα;

¹¹ Τι ντικχέν ι μπουτί σαρ μανγκέλα ο Ιεχωβά. Μπορεί μα τι αβέλ αμαρέ βαστέστε τι αλλάνας κάι ή καζόμ κεράσα μπουτί, αλλά μπορίνασα τι αλλάνας ο τρόπος σο σκεφτίνασα. Κα βοηθίντιβας άμα κα αγαβάς σο μανγκέλα αμένταρ ο Ιεχωβά. Για παράδειγμας: Ο Ιεχωβά μανγκέλα κατά φαμιλιάκο σορό τι κερέλ σο νακχέλα λέσκε βαστέσταρ για τι ανέλ ο μαντρό πι φαμιλιάτε. Μάλιστα, η Αγία Γραφή βακερέλα ότι οντουβά σο να κερέλα-λες ανταβά  «ισί χειρότερος οντουλέσταρ σο να τθερέλα πίστη». (1 Τιμόθεο 5:8) Άμα ισινάν ο σορό κι φαμιλί, κερέσα μπουτ μπουτί για τι ανές ο μαντρό τι φαμιλιάτε. Τζανέσα ότι κάνα κερέσα-λες ανταβά ντέσα χαρά ι Ιεχωβάς, είτε μπεϊντίνεσα ι μπουτί σο κερέσα είτε όχι.

12. Σο λατσσιπέ τθεράσα κάνα ισινάμ μπουτιαρνέ ντα τίμιοι;

¹² Τι αβέν μπουτιαρνέ ντα τίμιοι. Αντικάς κα αβέλ τουμένγκε πιο εύκολος τι κερέν γκίσαρ τουμαρί μπουτί. (Παροιμίες 12:​24· 22:​29) Τουμαρό αφεντικός κα ντελ τουμένγκε μπέσα. Ο αφεντικά εκτιμίνενα οντουλέν σο ισί τίμιοι πουμαρέ μπουτιάτε επειδή να τσορένα λοβέ ή πράγματα ντα κερένα μπουτί σαρέ ο σαάτια σο βακερντέ λένγκε. (Εφεσίους 4:​28) Ο πιο σημαντικός όμως ισί ότι κάνα ισινέν μπουτιαρνέ ντα τίμιοι, ο Ιεχωβά τζανέλα-λες. Μπορίνενα τι τθερέν «πάκι συνείδηση» σόσκε τζανένα ότι κερένα ο γκι ι Ντεβλέσκο σο μανγκένα.​—Εβραίους 13:​18· Κολοσσαείς 3:​22-24.

13. Σο γιαβέρ μπορεί τι αβέλ-πες άμα ισινάμ τίμιοι αμαρέ μπουτιάτε;

¹³ Τι ντεν-τουμέν γκοντί ότι οντουλά σο κερένα κι μπουτί μπορεί τι δοξάνεν ι Ιεχωβάς. Ανταβά ισί ατζέκ εκ λόγος για τι ντελ-αμέν χαρά αμαρί μπουτί. (Τίτο 2:9, 10) Μπορεί ατζέ-ντα εκ τζενό σο κερένα λέσαρ μπουτί τι μανγκέλ τι κερέλ μελέτη επειδή ντικχλάς τουμαρό λατσσό παράδειγμας.​—Διάβανε Παροιμίες 27:​11· 1 Πέτρου 2:12.

14-16. Σο πρέπει τι σκεφτίνας κάνα τραμπίνασα σο μπουτί κα κεράς;

¹⁴ Η Γραφή να τθερέλα εκ λίστα ι μπουτιέντζαρ σο πρέπει ή σο δεν πρέπει τι κερέλ εκ Χριστιανός. Τθερέλα όμως συμβουλές σο βοηθίνενα-αμέν τι λας λατσσέ αποφάσεις. (Παροιμίες 2:6) Αντράλ κατά Γραφιάκε αρχές, μπορίνασα τι κεράς αμαρέ νεαυτόσκε ακαλά ερωτήσεις.

 ¹⁵ Μήπως ανταλέ μπουτιάτε κα χρειαζίντιβελ τι κεράβ κάτι σο ο Ιεχωβά βακερέλα ότι νανέ λατσσό; Τζανάσα ότι ο Ιεχωβά μισίνελα κάποια πράγματα, σαρ ισί ο τσοριπέ ντα ο χουχαϊπέ. (Έξοδος 20:4· Πράξεις 15:​29· Εφεσίους 4:​28· Αποκάλυψη 21:8) Τθεράσα αμαρί γκοντί μα τι κεράς καέκ μπουτί σο τζάλα κόντρα κο κανόνες κι Ιεχωβάσκε.​—Διάβανε 1 Ιωάννη 5:3.

¹⁶ Μήπως ανταγιά μπουτί υποστηρίνελα ή νακχαβέλα κάτι σο να μανγκέλα ο Ιεχωβά; Φιρειπείν, σο κα κερένας άμα τουμαρί μπουτί ισινέ τι χτίνεν ντα κάποιος  βακερέλας τουμένγκε τι κερέν εκ κχανγκιρί; Νανέ κακός εκ τζενό τι χτίνελ. Αλλά τζανένα σαρ νιωθίνελα ο Ιεχωβά ι ψεύτικε λαφίνγκε σο βακέρντιβενα οτθέ. Παρόλο σο να σικλιαρένα τουμέν ανταλά ψεύτικα λάφια, να κα νιωθίνενας ότι κο γιακχά κι Ιεχωβάσκε βοηθιντέν τουμέν-ντα τι αβέλ ανταβά μπουτ μπέτι πράγμας;​—Έξοδος 21:​22-24.

17. Σο κα βοηθίνελ-αμέν τι λας αποφάσεις σο κερένα ι Ντεβλέσκο γκι;

¹⁷ Άμα κεράσα οντουλά σο βακερέλα ο Ντεβέλ, κα αβάς σαρ ο τζενέ σο βακερέλα ο εδάφιος Εβραίους 5:​14, δηλαδή “κα αβάς σικλέ τι τσσουβάς αμαρί γκοντί τι κχελέλ ντα αντικάς κα αγαβάς σο ισί σωστός ντα σο ισί λάθος”. Πουτσέν τουμαρό νεαυτός: “Άμα κα τραμπίναβ ανταγιά μπουτί, μήπως κα κεράβ ι γιαβερέν τι χασαρέν πουμαρί πίστη; Μήπως κα χρειαζίντιβελ τι μουκχάβ μι ρομές ή μι ρομνιά ντα μι τσσαβέν ντα τι τζαβ εκχέ γιαβερέ τθεμέστε; Σαρ κα επηρεάνελας-λεν ανταβά;”

18. Σόσκε πρέπει τι μαράς-αμέν τι τσσουβάς ι Ιεχωβάσκι λατρεία κι πρώτη θέση;

¹⁸ Νανέ πάντα εύκολος τι τσσουβάς ι Ιεχωβάσκι λατρεία κι πρώτη θέση ανταλέ “δύσκολε ντα επικίνδυνε ντιβεσέντε”. (2 Τιμόθεο 3:1) Μπορεί τι χρειαζίντιβελ τι μαράς-αμέν τι αρακχάς εκ μπουτί ντα τι ατσσικιαράς-λα. Παρόλο σο πρέπει τι ντικχάς αμαρί φαμιλί, τζανάσα ότι αμαρί λατρεία ισί πιο οπρέ σαριλένταρ. Δεν πρέπει τι μουκχάς ο λοβέ ντα ο γιαβερά πράγματα τι αβέν πιο σημαντικά αμαρέ ζωγιάτε από ό,τι πρέπει. (1 Τιμόθεο 6:9, 10) Άρα σαρ μπορίνασα “τι αβάς σίγουροι ότι αγαβάσα καλά ισί ο πιο σημαντικά πράγματα” αλλά εμ τι ανάς ο αναγκαία αμαρέ φαμιλιάτε;​—Φιλιππησίους 1:10.

19. Σαρ βοηθίνελα-αμέν η μπέσα σο ντάσα ι Ιεχωβάσκε τι τσσουβάς αμαρί μπουτί κο σωστός τθαν;

 ¹⁹ Τι ντεν σαρί τουμαρί μπέσα κο Ιεχωβά. (Διάβανε Παροιμίες 3:5, 6) Τζανάσα ότι ο Ντεβέλ αγαβέλα ντιπ σο τθεράσα ανάγκη ντα πφαμπόλα αμένγκε μπουτ. (Ψαλμός 37:​25· 1 Πέτρου 5:7) Λέσκο Λάφι βακερέλα αμένγκε: «Ο τρόπος σο τζουβντιόνα τι σικαβέλ ότι να μανγκένα ο λοβέ ντα τι ερεσέν-τουμέν οντουλά σο τθερένα. Σόσκε [ο Ντεβέλ] βακερντάς: “Ποτές να κα μουκχάβ-τουτ ντα ποτές να κα παρατίναβ-τουτ”». (Εβραίους 13:5) Ο Ιεχωβά να μανγκέλα τι αβάς συνέχεια αγχωμέ επειδή σκεφτίνασα σαρ κα ανάς ο αναγκαία αμαρέ φαμιλιάτε. Σικαντάς μπουτ φαρ ότι τθερέλα ι ζορ τι ντελ πι λαόστε σο-ντα τθερέλα ανάγκη. (Ματθαίος 6:​25-32) Σαρ-ντα τι αβέν ο πράγματα αμαρέ μπουτιάσαρ, αμέν διαβάνασα ντα σκεφτίνασα κάθε ντιβές ι Ντεβλέσκο Λάφι, βακεράσα ο λατσσέ αμπέρια ντα τζάσα αμαρέ συναθροισιέντε.​—Ματθαίος 24:​14· Εβραίους 10:​24, 25.

20. Σαρ κα ατσσικιαράς απλή αμαρί ζωή;

²⁰ Τι ατσσικιαρέν τουμαρί γιακχ σάντε εκχέ πραγμάστε. (Διάβανε Ματθαίος 6:​22, 23) Ανταβά μανγκέλα τι βακερέλ τι ατσσικιαρέν απλή τουμαρί ζωή για τι τθερέν ι Ιεχωβάσκι λατρεία πρώτη τουμαρέ ζωγιάτε. Κα σικαβάας ότι να τθεράσα γκοντί άμα κα τσσουβάας ο λοβέ, ι λατσσί ζωή ή ο πιο νεβέ συσκευές πιο οπρέ κατά φιλία σο τθεράσα ι Ντεβλέσαρ. Άρα σο κα βοηθίνελ-αμέν τι τσσουβάς ο πιο σημαντικά πράγματα κι πρώτη θέση; Πρέπει τι τθεράς αμαρέ γιακχά πουταρντέ για μα τι τσσουβάς μπόρτζια, δηλαδή χρέη οπρ’ αμέντε. Άμα τθερένα εκ μπόρτζι, μπεσέν ντα σκεφτίνεν σαρ μπορίνενα τι ντεν παλάλ χάνικ λοβέ ή σαρέ ο λοβέ. Άμα να αρακχαντάμ-αμέν, ο λοβέ ντα ο γιαβερά πράγματα κα μπορίνενας τι λεν μπουτ αμαρέ  σαατίσταρ ντα αμαρέ ζοριάταρ, ντα αντικάς να κα τθεράς σαάτι τι κεράς προσευχή, τι διαβάνας ι Γραφή ντα τι νικιάς κο έργος. Αντίς τι τσσουβάς αμαρέ σορέστε μπουτ πράγματα, ισί λατσσό τι σικλιάς τι ερεσέν-αμέν ο αναγκαία, σαρ ισί “ο χαμπέ ντα ο σέα”. (1 Τιμόθεο 6:8) Επίσης, σαρ-ντα τι τζουβντιάς, μπάζιμα ισί λατσσό τι ντικχάς άμα μπορίνασα τι κεράς πιο μπουτ ι Ιεχωβάσκε.

21. Σόσκε πρέπει τι τραμπίνας σο ισί πιο σημαντικός αμαρέ ζωγιάτε;

²¹ Τι τσσουβέν ο σωστά πράγματα ανγκλάλ. Πρέπει τι χρησιμοποιήνας γκοντιάσαρ αμαρό σαάτι, αμαρί ζορ ντα αμαρέ πράγματα. Άμα να τθεράσα αμαρί γκοντί, ο  πράγματα σο νανέ αζόμ σημαντικά, σαρ ισί ο μπουτ γράμματα ή ο λοβέ, κα λεν αμαρέ σαατίσταρ σο τθερέλα μπαρί αξία αμένγκε. Ο Ιησούς βακερντάς: «Συνεχίνεν τι μανγκέν πρώτα ι Βασιλεία». (Ματθαίος 6:​33) Οντουλά σο τραμπίνασα, οντουλά σο ισινάμ σικλέ τι κεράς κάθε ντιβές ντα ο πράγματα σο τθεράσα αμαρέ γκοντιάτε τι κεράς σικαβένα σο ισί πιο σημαντικός αμαρέ γκίστε.

22, 23. (α) Καγιά ισί η πιο σημαντική μπουτί σο μπορίνασα τι κεράς σαρ Χριστιανοί; (β) Σο κα βοηθίνελ-αμέν τι κεράς γκίσαρ αμαρί μπουτί;

²² Η πιο σημαντική μπουτί αμένγκε ισί τι υπηρετίνας ι Ιεχωβάς ντα τι βακεράς ο λατσσέ αμπέρια. (Ματθαίος 24:​14· 28:​19, 20) Σαρ ο Ιησούς, αντικάς αμέν-ντα πρέπει τι κεράς ο πιο λατσσό ανταλέστε. Μερικά τζενέ μανγκλέ τι τζαν οτθέ σο ισί πιο μπαρί ανάγκη τι βακέρντιβεν ο λατσσέ αμπέρια. Γιαβερά σικλιόνα εκ νεβί τσσιπ για τι κερέν λάφι ι Ντεβλέσκε κο τζενέ. Κερέν λάφι οντουλέ τζενέντζαρ σο κερντέ-λεν ανταλά, ντα μανγκέν λένταρ τι βακερέν τουμένγκε ανταλένγκε. Κα βακερέν τουμένγκε ότι ακανά λένγκι ζωή ισί πιο σουκάρ ντα πιο πφερντί.​—Διάβανε Παροιμίες 10:22.

²³ Μπουτ αμένταρ αντιβές πρέπει τι αβάς μπερεκέτι σαάτια εκχέ μπουτιάτε ή ατζέ-ντα πιο μπουτ μπουτιέντε σάντε για τι ανάς ο μαντρό αμαρέ φαμιλιάτε. Ο Ιεχωβά τζανέλα-λες ανταβά ντα εκτιμίνελα σο-ντα κεράσα για τι ντικχάς αμαρί φαμιλί. Σο-ντα μπουτί κεράσα, μα τι τσσιναβάς τι αβάς μπουτιαρνέ για τι μοιάζας κο Ιεχωβά ντα κο Ιησούς. Ντα τι ντας-αμέν γκοντί ότι ο πιο σημαντικός αμένγκε ισί ι Ιεχωβάσκι υπηρεσία ντα τι βακεράς ο λατσσέ αμπέρια ι Ντεβλέσκε Βασιλειάκε. Ανταβά κα κερέλ-αμέν μπαγιά ευτυχισμέ.