Σαρέ οντουλένγκε σο μανγκένα ι Ιεχωβά Ντεβλές ντα λέσκο Λάφι, ι Αγία Γραφή:

«Κα σικλιόν ι αλήθεια ντα η αλήθεια κα ελευθερώνελ-τουμέν», βακερντάς ο Ιησούς. (Ιωάννης 8:​32) Σκεφτίνεν σαρ αισθάντιλεν κάνα σικλιλέν για πρώτη φαρ ι αλήθεια κατά Γραφή! Σαρέ πφερντιλάμ χαρά κάνα αγαντάμ ότι, αντρέ εκχέ ντουνιάστε σο ισί πφερντό χουχαϊπέ, μπορίνασα τι αρακχάς ι αλήθεια.​—2 Τιμόθεο 3:1.

Ο Ιεχωβά Ντεβέλ μανγκέλα τι τζανάς ι αλήθεια. Αμέν-ντα, επειδή τθεράσα αγάπη ι τζενένγκε, μανγκάσα τι βακεράς-λα λένγκε-ντα. Αλλά για τι υπηρετίνας ι Ντεβλές να ερεσέλα σάντε ανταβά. Πρέπει τι κεράς ο πιο λατσσό σο μπορίνασα για τι τζουβντιάς σαρ Χριστιανοί επειδή σεβάνασα μπουτ ο αρχές ι Ιεχωβάσκε. Ο Ιησούς βακερντάς εκ σημαντικός πράγμας σο μπορίνασα τι κεράς για τι σικαβάς κο Ντεβέλ ότι μανγκάσα-λες. Βακερντάς: «Άμα κα κερέν μο εντολές, κα ατσσόν μι μανγκιμάστε, σαρ κερντόμ με ο εντολές ι Νταντέσκε ντα ατσσάβα λέσκε μανγκιμάστε».​—Ιωάννης 15:10.

Ο Ιησούς μανγκέλα μπουτ πι Νταντές ντα κερέλα σο-ντα μανγκέλα λέσταρ λέσκο Ντατ. Άμα κα προσπαθίνας τι μοιάζας κο Ιησούς, ο Ιεχωβά κα μανγκέλ-αμέν ντα κα αβάς μπαγιά ευτυχισμέ. Σαρ βακερντάς ο Ιησούς: «Αν τζανένα ανταλά πράγματα, ευτυχισμέ κα αβέν αν κα κερέν-λεν».​—Ιωάννης 13:17.

Μακάρι ανταβά βιβλίος τι βοηθίνελ-τουμέν τι σικλιόν τι τζουβντιόν αντικάς σαρ βακερένα ο αλήθειες ι Γραφιάκε ντα τι αβέν αμαλά ι Ντεβλέσκε. Προσευχίντιβασα τι συνεχίνελ τι μπαριόλ τουμαρί αγάπη ι Ντεβλέσκε ντα τι ατσσόν «κι Ντεβλέσκι αγάπη . . . για τι μπορίνεν τι τζουβντιόν για πάντα».​—Ιούδα 21.