1-3. (α) Σόσκε μανγκέλα εκ ντάι τι αβέλ λάκο τσσαβό πάκι; (β) Σόσκε μανγκέλα ο Ιεχωβά τι αβέλ λέσκο λαός πάκι;

 ΣΚΕΦΤΙΝΕΝ εκχέ λατσσέ νταγιά σο ετοιμάνελα πι χουρντέ τσσαβές για τι τζαλ κο σχολείος. Μανγκέλα λάκο τσσαβό τι κερέλ μπάνιος ντα τι ιρίλ περιποιημέ ντα τθοντέ σέα. Ανταβά βοηθίνελα-λες μα τι νασφάλιβελ ντα σικαβέλα κο γιαβερά ότι λέσκο ντατ ντα λέσκι ντάι αρακχαβένα-λες.

² Αμαρό Ντατ, ο Ιεχωβά, μανγκέλα τι αβάς πάκι σαρέ κο πράγματα. (Ψαλμός 18:​26) Τζανέλα ότι κερέλα αμένγκε λατσσιπέ ανταβά. Ντα κάνα ισινάμ πάκι, ντάσα-λες δόξα.​—Ιεζεκιήλ 36:​22· διάβανε 1 Πέτρου 2:12.

 ³ Σο μανγκέλα τι βακερέλ τι αβάς πάκι; Ντα σόσκε κερέλα αμένγκε λατσσιπέ ανταβά; Καζόμ κα εξετάνας ανταλά ερωτήσεις, μπορεί τι ντικχάς ότι πρέπει τι κεράς κάποιες αλλαγές αμαρέ νεαυτόστε.

4, 5. (α) Σόσκε πρέπει τι αβάς πάκι; (β) Σαρ σικλιαρέλα-αμέν η δημιουργία ι άποψη ι Ιεχωβάσκι για το πακλίκι;

⁴ Σικλιάσα τι αβάς πάκι σαρέ κο πράγματα κατά παράδειγμας σο ντέλα ο ίδιος ο Ιεχωβά. (Λευιτικό 11:​44, 45) Άρα, ο πιο σημαντικός λόγος σο ισινάμ πάκι ισί επειδή μανγκάσα τι “μοιάζας κο Ντεβέλ”.​—Εφεσίους 5:1.

⁵ Η δημιουργία σικαβέλα αμένγκε σαρ ντικχέλα ο Ιεχωβά ο πακλίκι. Ο Ιεχωβά κερντάς ι πφουβ με τρόπος σο καθαρίνελα ι μπαρμπάλ ντα ο πανί. (Ιερεμίας 10:​12) Σκεφτίνεν ο μπουτ τρόπους σο καθαρίντιβελα κορκορί αμαρί πφουβ, ατζέ-ντα κάνα ο τζενέ μελιαρένα-λα. Για παράδειγμας, ο Ιεχωβά κερντάς μπουτ χουρντέ τζουβντέ οργανισμούς σο βακέρντιβενα μικρόβια, ντα μπορίνασα τι ντικχάς-λεν σάντε με μικροσκόπιος. Μερικά μικρόβια μπορίνενα τι καθαρίνεν δηλητηριασμέ πράγματα. Ανταβά πράγμας ισί μπουτ μπαρό. Μάλιστα ο επιστήμονες χρησιμοποιήνενα κάποια μικρόβια ανταλένταρ για τι νασκιαρέν ο μπέτι αποτελέσματα σο μπορεί τι ανέλ η μόλυνση.​—Ρωμαίους 1:20.

6, 7. Σαρ σικαβέλας ο Νόμος ι Μωυσίσκο ότι οντουλά σο ντένα λατρεία ι Ιεχωβάς πρέπει τι αβέν πάκι;

⁶ Επίσης, ντικχάσα καζόμ σημαντικός ισί τι αβάς πάκι κατά Νόμος σο ντινάς ο Ιεχωβά κο Ισραηλίτες αντράλ κατά Μωυσής. Για παράδειγμας, ο λαός έπρεπε τι αβέλ πάκι κο σώμας για τι δεχτίνελ ο Ιεχωβά λένγκι λατρεία. Κο ντιβές σο κερένας θυσίες για τι ιτσσάρντιβεν λένγκε αμαρτίες, ο αρχιερέας έπρεπε τι τθοβέλ-πες σαστό ντούι φαρ. (Λευιτικό 16:4, 23, 24) Επίσης πριν τι κερέν ο θυσίες, ο γιαβερά  ιερείς έπρεπε τι τθοβέν πουμαρέ βαστά ντα πουμαρέ τσανγκά. (Έξοδος 30:​17-21· 2 Χρονικών 4:6) Μερικέ περιπτωσιέντε, άμα εκ τζενό να ντέλας καν κο νόμοι σο βακερένας για το πακλίκι η τιμωρία λέσκι ισινέ ο μεριπέ.​—Λευιτικό 15:​31· Αριθμοί 19:​17-20.

⁷ Σο κα βακεράς αμαρέ ντιβεσένγκε; Κατά Νόμος μπορίνασα τι σικλιάς καγιά ισί η άποψη ι Ιεχωβάσκι μπουτέ πραγματένγκε. (Μαλαχίας 3:6) Ο Νόμος σικαβέλας ξεκάθαρα ότι οντουλά σο ντένας λατρεία ι Ιεχωβάς έπρεπε τι αβέν πάκι. Ο Ιεχωβά να αλλαξάλο. Ο Ιεχωβά συνεχίνελα τι μανγκέλ οντουλένταρ σο ντένα-λες λατρεία τι αβέν πάκι σαρέ κο πράγματα.​—Ιακώβου 1:27.

8. Καλέ πραγματέντε πρέπει τι αβάς πάκι;

⁸ Για τι αβάς πάκι κι Ιεχωβάσκε γιακχά, να ερεσέλα σάντε τι ατσσικιαράς πάκι αμαρό σώμας, αμαρέ σέα ντα αμαρό κχερ. Πρέπει τι αβάς πάκι σαρέ κο πράγματα αμαρέ ζωγιάτε. Για παράδειγμας κι λατρεία σο ντάσα, κο τρόπος σο συμπεριφερίντιβασα ντα οντουλέντε σο σκεφτίνασα. Ι Ιεχωβάσκε κα αβάς πάκι, σάντε άμα ο κάθε πράγμας σο κεράσα αμαρέ ζωγιάτε ισί πάκι.

9, 10. Σο μανγκέλα τι βακερέλ τι αβάς πάκι κι λατρεία σο ντάσα;

⁹ Πάκι λατρεία. Δεν πρέπει τι ανακατούντιβας ιτς με την ψεύτικη θρησκεία. Όταν ο Ισραηλίτες ισινέ αιχμάλωτοι κι Βαβυλώνα, τζουβντιόνας τζενέντζαρ σο λένγκι θρησκεία ισινέ ανήθικη ντα ψεύτικη. Ο Ησαΐας βακερντάς ότι ο Ισραηλίτες κα βουρτίνενας πουμαρέ τθεμέστε κι Ιερουσαλήμ για τι ανέν πάλι ι πάκι λατρεία. Ο Ιεχωβά βακερντάς λένγκε: «Νικιόν οτθάρ, μα ασταρέν τίποτα μαγαριμέ! Νικιόν λάταρ, ατσσόν πάκι». Δεν έπρεπε τι τσσουβέν κι λατρεία κι Ντεβλέσκι ο πράγματα σο σικλιαρέλας, ο συνήθειες ή ο έθιμα σο τθερέλας η ψεύτικη θρησκεία κι Βαβυλώνα.​—Ησαΐας 52:11.

 ¹⁰ Ο αληθινοί Χριστιανοί αντιβές ατσσόνα βον-ντα ντουρ κατά ψεύτικη θρησκεία. (Διάβανε 1 Κορινθίους 10:​21) Σαρό κο ντουνιάς υπαρχίντιβενα μπουτ παραδόσεις, πράγματα σο πακιάνα ο τζενέ ντα έθιμα σο στηρίντιβενα οντουλέντε σο σικλιαρέλα η ψεύτικη θρησκεία. Για παράδειγμας, μπουτέ τθεμέντε ο τζενέ πακιάνα ότι κάτι αντρ’ αμένταρ συνεχίνελα τι τζουβντιόλ μετά κατά μεριπέ, ντα υπαρχίντιβενα μπουτ έθιμα σο βασίντιβενα ανταλέ πραγμάστε. (Εκκλησιαστής 9:5, 6, 10) Ο Χριστιανοί δεν πρέπει τι κερέν ασακέ έθιμα. Αμαρέ τζενέ μπορεί τι πιένεν-αμέν τι συμμετεχίνας μερικέ ανταλέ πραγματένταρ. Αμέν, όμως, επειδή μανγκάσα τι αβάς πάκι κι Ιεχωβάσκε γιακχά, ατσσάσα πιστοί ατζέ-ντα κάνα πιένενα-αμέν.​—Πράξεις 5:29.

11. Σο μανγκέλα τι βακερέλ τι τθεράς πάκι συμπεριφορά;

¹¹ Πάκι συμπεριφορά. Για τι αβάς πάκι κι Ιεχωβάσκε γιακχά, πρέπει τι νασάς ντουρ σαρέ κατά λουμνικανέ πράγματα. (Διάβανε Εφεσίους 5:5) Κι Αγία Γραφή, ο Ιεχωβά βακερέλα αμένγκε τι “νασάς ντουρ κατά λουμνιπέ”. Βακερέλα ξεκάθαρα ότι οντουλά σο ισί λουμνέ ντα να μετανιώνενα «να κα νακχέν κι Βασιλεία κι Ντεβλέσκι».​—1 Κορινθίους 6:9, 10, 18· ντικχ ι Σημείωση 22 κο παλαϊνέ σελίδες.

12, 13. Σόσκε πρέπει τι σκεφτίνας πάκι πράγματα;

¹² Σκεφτίνασα πάκι πράγματα. Οντουλά σο σκεφτίνασα μπουτ φαρ κεράσα-λεν αμαρέ ζωγιάτε. (Ματθαίος 5:​28· 15:​18, 19) Ο πάκι σκέψεις κα βοηθίνεν-αμέν τι κεράς πάκι πράγματα. Όμως, ισινάμ ατελείς, οτθάρ μπάζιμ κα αβέν αμαρέ γκοντιάτε μπέτι σκέψεις. Κάνα αβέλα-πες ανταβά, πρέπει τι πάλντας-λεν σουγκό. Άμα να κερντάμ-λες, σιγά σιγά μπορεί τι ερεσάς κο σημείος μα τι τθεράς πάκι γκι. Μπορεί τι αρχίνας τι μανγκάς τι κεράς οντουλά σο σκεφτίνασα. Αντίς  ανταλέσκε, πρέπει τι πφεράς αμαρί γκοντί με πάκι σκέψεις. (Διάβανε Φιλιππησίους 4:8) Άρα, νασάσα ντουρ κατά διασκέδαση σο τθερέλα λουμνικανέ πράγματα ντα βία. Τραμπίνασα προσεκτικά σο διαβάνασα, σο ντικχάσα ντα σο συζητίνασα.​—Ψαλμός 19:8, 9.

¹³ Για τι ατσσάς κι Ντεβλέσκι αγάπη, πρέπει αμαρί λατρεία, αμαρί συμπεριφορά ντα οντουλά σο σκεφτίνασα τι αβέν πάκι. Αλλά ισί σημαντικός ι Ιεχωβάσκε τι αβάς πάκι κο σώμας-ντα.

14. Σόσκε ισί σημαντικός τι ατσσικιαράς πάκι αμαρό σώμας ντα αμαρέ πράγματα;

¹⁴ Όταν ατσσικιαράσα πάκι αμαρό σώμας ντα αμαρέ πράγματα, κεράσα λατσσιπέ εμ αμένγκε εμ ι γιαβερένγκε. Αμέν αισθάντιβασα σουκάρ, ντα ο γιαβερά χαιρίνενα τι μπεσέν πασέ αμέντε. Υπαρχίντιβελα όμως ατζέκ εκ σημαντικός λόγος για τι αβάς πάκι οπρ’ αμέντε. Κάνα ισινάμ πάκι ντάσα δόξα κο Ιεχωβά. Σκεφτίνεν: Άμα κα ντικχένας εκχέ χουρντέ τσσαβές τι αβέλ συνέχεια μελαλό, λογικά κα τθερένας μπέτι άποψη λέσκε νταντέσκε ντα λέσκε νταγιάκε. Αντικάς, άμα να φροντίνασα λατσσές αμαρό νεαυτός ντα να ισινάμ πάκι, ο τζενέ μπορεί τι τθερέν μπέτι άποψη ι Ιεχωβάσκε. Ο Παύλος βακερντάς: «Να κεράσα τίποτα σο κα μπορίνελας τι κερέλ εκχέ τζενές τι χασαρέλ πι πίστη, για μα τι κατηγορίνελ καέκ ο έργος σο κεράσα· αλλά κεράσα σο νακχέλα αμαρέ βαστέσταρ για τι σικαβάς ότι ισινάμ υπηρέτες ι Ντεβλέσκε».​—2 Κορινθίους 6:3, 4.

15, 16. Σο μπορίνασα τι κεράς για τι αβάς πάκι;

¹⁵ Αμαρό σώμας ντα αμαρέ σέα. Κάθε ντιβές πρέπει τι αβάς πάκι οπρ’ αμέντε. Για παράδειγμας, κεράσα μπάνιος συχνά, κάθε ντιβές άμα αβέλα-πες. Τθοβάσα αμαρέ  βαστά σαπουνίσαρ, ειδικά πριν τι κεράς χαμπέ ή τι χας, ντα οπωσδήποτε άμα γκιλάμ κο καμπινές ή άμα ασταρντάμ κάτι μελαλό. Ο τθοϊπέ ι βαστένγκο ντικχίντιβελα κάτι απλός, αλλά πρέπει τι κεράς-λες για τι νασκιαράς ο μικρόβια ντα ο νασφαλίματα. Μπορεί μάλιστα τι σώνελ αμαρί ζωή. Άμα νανέ-αμέν καμπινές μπορίνασα τι αρακχάς γιαβερά τρόπους για τι ατσσάς πάκι. Ο Ισραηλίτες κο πουρανέ μπρεσά, να τθερένας καμπινές, οτθάρ κάνα κερένας πουμαρί ανάγκη πραχούνενας-λεν ντουρ πουμαρέ κχερένταρ ντα οτθάρ σο λένας πανί.​—Δευτερονόμιο 23:​12, 13.

¹⁶ Αμαρέ σέα να χρειαζίντιβελα τι αβέν πααλίς, αντρέ κι μόδα ή τι ταρτίνεν ι προσοχή. Πρέπει όμως τι αβέν περιποιημέ ντα πάκι. (Διάβανε 1 Τιμόθεο 2:9, 10) Μανγκάσα πάντα ο τρόπος σο ιριαβάσα-αμέν ντα λατσσαράσα-αμέν τι ντελ δόξα κο Ιεχωβά.​—Τίτο 2:10.

17. Σόσκε πρέπει τι ατσσικιαράς πάκι αμαρό κχερ ντα αμαρέ πράγματα;

 ¹⁷ Αμαρό κχερ ντα αμαρέ πράγματα. Κάι-ντα τζουβντιάσα, ατσσικιαράσα πάκι αμαρό κχερ. Μανγκάσα επίσης τι αβέλ πάκι αμαρό αμάξι, αμαρό μηχανάκι, αμαρό ποδήλατος ή σο-ντα γιαβέρ τθεράσα, ειδικά άμα τζάσα λέσαρ κο συναθροίσεις ή κο έργος κι Ντεβλέσκο. Πρέπει τι κεράς-λες ανταβά επειδή κο έργος κι Ντεβλέσκο κεράσα λάφι κο τζενέ ι ζωγιάκε σο κα τθεράς σε εκ πάκι παραδεισένια πφουβ. (Λουκάς 23:​43· Αποκάλυψη 11:​18) Άμα ισί πάκι αμαρό κχερ ντα αμαρέ πράγματα σικαβάσα ότι ετοιμάνασα-αμέν από ακανά για τη ζωή κο πάκι, νεβό ντουνιάς.

18. Σόσκε πρέπει τι αβέλ πάκι αμαρό τθαν σο ντάσα λατρεία;

¹⁸ Ο τθαν σο ντάσα λατρεία. Σικαβάσα ότι ο πακλίκι ισί σημαντικός αμένγκε κάνα ατσσικιαράσα πάκι ο τθαν σο ντάσα λατρεία, είτε ι Αίθουσα Βασιλείας είτε ο τθαν σο κεράσα συνελεύσεις. Όταν ο τζενέ αβένα για πρώτη φαρ σε εκ Αίθουσα Βασιλείας, ο πιο μπουτ φαρ ντένα σημασία καζόμ πάκι ισί. Ανταβά ντέλα δόξα κο Ιεχωβά. Σαρέ αντρέ κι κχανγκιρί, τθεράσα ι ευκαιρία τι βοηθίνας κο πακλίκι κι κχανγκιριάκο ντα τι ατσσικιαράς-λα σε λατσσί κατάσταση.​—2 Χρονικών 34:10.

19. Σο δεν πρέπει τι κεράς;

¹⁹ Παρόλο σο να βακερέλα η Γραφή ακριβώς καλά μπέτι συνήθειες δεν πρέπει τι κεράς, ντέλα αρχές σο βοηθίνενα-αμέν τι αγαβάς σαρ νιωθίνελα ο Ιεχωβά ασακέ πραγματένγκε. Ο Ιεχωβά να μανγκέλα τι ματιάς, τι πιας τσιγάρα ή ναρκωτικά. Άμα ισινάμ αμαλά ι Ντεβλέσκε, κα νασάς σαρέ ανταλέ πραγματένταρ. Σόσκε; Επειδή σεβάνασα μπουτ ο  δώρος ι ζωγιάκο. Ασακέ συνήθειες μπορίνενα τι οδηγίνεν κο μεριπέ, τι κερέν-αμέν τι νασφάλιβας ή τι κερέν κακός κο τζενέ σο ισί πασ’ αμέντε. Μπουτ τζενέ προσπαθίνενα τι τσσιναβέν ανταλά μπέτι συνήθειες για τι αρακχαβέν πουμαρί υγεία. Όμως, αμέν σο ισινάμ αμαλά ι Ιεχωβάσκε τθεράσα εκ ατζέ πιο σημαντικός λόγος για τι τσσιναβάς-λεν​—αμαρί αγάπη ι Ντεβλέσκε. Εκ τσσάι βακερντάς: «Με τη βοήθεια ι Ιεχωβάσκι, καθαριντόμ μι ζωή ντα μουκχλόμ παλά-μάνταρ ο μπέτι συνήθειες σο κερένας-μαν κουμάντος. . . . Πακιάβα ότι να κα μπορίναβας τι κεράβ ανταλά αλλαγές κορκορί». Για τι ντικχάς παντς αρχές ι Γραφιάκε σο βοηθίνενα εκχέ τζενές τι τσσιναβέλ ο μπέτι συνήθειες.

20, 21. Καλά μπέτι συνήθειες βακερέλα αμένγκε ο Ιεχωβά τι μουκχάς παλ’ αμέντε;

²⁰ «Αφού τθεράσα ανταλά υποσχέσεις πφραλάλεν, τι καθαρίνας αμαρό νεαυτός κάθε πραγμάσταρ σο μαγαρίνελα αμαρό σώμας ντα αμαρί γκοντί. Επίσης πρέπει τι προσπαθίνας τι αβάς άγιοι κι Ντεβλέσκε γιακχά επειδή τθεράσα μπαρό σεβασμός λέσκε». (2 Κορινθίους 7:1) Ο Ιεχωβά μανγκέλα τι μουκχάς παλ’ αμέντε ο μπέτι συνήθειες σο κα μπορίνενας τι κερέν αμένγκε κακός κι γκοντί ντα κο σώμας.

²¹ Εκ σημαντικός λόγος για τι “καθαρίνας αμαρό νεαυτός κάθε πραγμάσταρ σο μαγαρίνελα-αμέν” ισί κο εδάφια 2 Κορινθίους 6:​17, 18. Οτθέ ο Ιεχωβά βακερέλα αμένγκε: «Τσσιναβέν τι ασταρέν οντουβά σο νανέ πάκι». Σοράν ντέλα πο λάφι: «Με κα δεχτίναβ-τουμέν. Με κα αβάβ ντατ τουμένγκε, ντα τουμέν κα αβέν τσσαβέ ντα τσσαγιά μάνγκε». Βα, ο Ιεχωβά κα μανγκέλ-αμέν σαρ εκ ντατ μανγκέλα πι τσσαβέν άμα νασάσα ντουρ κάθε πραγμάσταρ σο κα μαγαρίνελας-αμέν ή κα μελιαρέλας-αμέν λέσκε γιακχίντε.

22-25. Καλά αρχές ι Γραφιάκε βοηθίνενα-αμέν τι νασάς ντουρ κατά συνήθειες σο νανέ πάκι;

 ²² «Πρέπει τι μανγκές ι Ιεχωβάς τι Ντεβλές σαρέ τι γκίσαρ ντα σαρέ τι ψυχιάσαρ ντα σαρέ τι γκοντιάσαρ». (Ματθαίος 22:​37) Ανταγιά ισί η πιο σημαντική εντολή σαριλένταρ. (Ματθαίος 22:​38) Ο Ιεχωβά αξίνελα σαρί αμαρί αγάπη. Κα ντάας-λες σαρί αμαρί αγάπη άμα κα τραμπίναας τι κεράς κάτι σο μπορεί τι ανέλ αμένγκε μεριπέ ή τι κερέλ ζιάνι αμαρέ γκοντιάτε; Οκιά μπάνταρ, αμέν κεράσα ο πιο λατσσό σο μπορίνασα για τι σικαβάς σεβασμός ι ζωγιάκε σο ντινάς-αμέν.

²³ «[Ο Ιεχωβά] ντέλα σαριλέντε ζωή ντα ανάσα ντα σαρέ ο πράγματα». (Πράξεις 17:​24, 25) Άμα εκ αμάλ κα ντέλας-τουμέν εκ μπουτ λατσσό δώρος, κα φουρτίνενας-λες; Κα καταστραφίνενας-λες; Η ζωή ισί εκ μπουτ σουκάρ δώρος κατά Ιεχωβά ντα εκτιμίνασα-λα μπουτ. Οτθάρ μανγκάσα τι χρησιμοποιήνας-λα με τρόπος σο δοξάνελα-λες.​—Ψαλμός 36:9.

²⁴ «Πρέπει τι μανγκές ι τζενές σο ισί πασέ τούτε σαρ μανγκέσα το νεαυτός». (Ματθαίος 22:​39) Ο συνήθειες σο νανέ πάκι να κερένα κακός σάντε αμένγκε. Μπορίνενα τι κερέν κακός κο τζενέ σο ισί πασ’ αμέντε, σο μπουτ φαρ ισί αμαρέ αγαπημέ τζενέ. Φιρειπείν, εκ τζενό σο μπεσέλα κο ίδιος κχερ εκχέ τζενέσαρ σο πίλα τσιγάρα μπορεί τι νασφάλιβελ πφαρές σάντε επειδή ντέλα-λες ο κάντος. Κάνα τσσιναβάσα ο μπέτι συνήθειες, σικαβάσα οντουλέντε σο ισί ντονταλάι αμένταρ ότι μανγκάσα-λεν.​—1 Ιωάννη 4:​20, 21.

²⁵ «Συνέχινε τι βακερές λένγκε τι ντεν καν ντα τι κερέν οντουβά σο βακερένα ο κυβερνήσεις ντα ο εξουσίες». (Τίτο 3:1) Μπουτέ τθεμέντε, ο κράτος να μουκχέλα τι τθερέλ ντα τι πιλ κάποιος ναρκωτικά. Αφού ο Ιεχωβά ντέλα ι εντολή τι σικαβάς σεβασμός κο κυβερνήσεις, αμέν ντάσα καν κο νόμοι ανταλά.​—Ρωμαίους 13:1.

26. (α) Σο πρέπει τι κεράς για τι δεχτίνελ ο Ιεχωβά αμαρί λατρεία; (β) Σόσκε κάνα ατσσάσα πάκι κι Ντεβλέσκε γιακχά τζουβντιάσα ι πιο λατσσέ τροπόσαρ;

 ²⁶ Μπορεί τι αγαβάς ότι, για τι αβάς αμαλά ι Ιεχωβάσκε, χρειαζίντιβελα τι κεράς κάποιες αλλαγές. Άμα κα αγαβάς-λες ανταβά, πρέπει τι αρχίνας σουγκό. Νανέ πάντα εύκολος τι τσσιναβάς εκ μπέτι συνήθεια, αλλά μπορίνασα τι κεράς-λες! Ο Ιεχωβά ντέλα πο λάφι ότι κα βοηθίνελ-αμέν. Βοβ βακερέλα: «Με, ο Ιεχωβά, ισινόμ το Ντεβέλ, Οντουβά σο σικλιαρέλα-τουτ τι λατσσιμάσκε, Οντουβά σο οδηγίνελα-τουτ κο ντρομ σο πρέπει τι πφιρές». (Ησαΐας 48:​17) Άμα κεράσα σο νακχέλα αμαρέ βαστέσταρ για τι ατσσάς πάκι σαρέ κο πράγματα, μπορίνασα τι αβάς σίγουροι ότι ντάσα δόξα αμαρέ Ντεβλές.