1. Σο σκεφτίνελας ο Ιησούς ι ιράτ πριν τι μερέλ;

 ΙΣΙΝΕ η ιράτ πριν τι μερέλ ο Ιησούς. Βοβ τζανέλας ότι ατζεχάνικ κα μουκχέλας πι μαθητέν ντα σκεφτίνελας λένγκο μέλλον. Βακερντάς λένγκε: «Να τθερένα καέκ σχέση ανταλέ ντουνιάσαρ». (Ιωάννης 15:​19) Σοράν, προσευχισάλο πι Νταντέστε λένγκε ντα βακερντάς: «Να τθερένα καέκ σχέση ανταλέ ντουνιάσαρ, σαρ με-ντα να τθεράβα καέκ σχέση ανταλέ ντουνιάσαρ». (Ιωάννης 17:​15, 16) Σο μανγκέλας τι βακερέλ ο Ιησούς;

2. Όταν βακερντάς ο Ιησούς ι λέξη ντουνιάς, καλέ πραγμάσκε κερέλας λάφι;

² Ατθέ, “ο ντουνιάς” μανγκέλα τι σικαβέλ οντουλέ τζενέν σο να γνωριντέ ι Ντεβλές ντα κερέλα-λεν κουμάντος ο Μπενγκ. (Ιωάννης 14:​30· Εφεσίους 2:2· Ιακώβου 4:4· 1 Ιωάννη 5:​19) Σαρ μπορίνασα μα τι τθεράς «καέκ σχέση ανταλέ ντουνιάσαρ»; Ανταλέ κεφαλαιόστε κα ντικχάς μπουτ τρόπους: Ατσσάσα αφοσιωμέ κι Βασιλεία κι Ντεβλέσκι ντα ουδέτεροι, δηλαδή να συμμετεχίνασα ιτς κο πολιτικά. Τζάσα κόντρα κο πνεύμας κι ντουνιάσκο. Ιριάσα σέα σο να ντικχίντιβασα, λατσσαράσα-αμέν χωρίς τι ταρτίνας ι προσοχή οπρ’ αμέντε ντα τθεράσα ισορροπημέ άποψη ι λοβένγκε. Επίσης ιριάσα ι πανοπλία σο ντέλα-αμέν ο Ντεβέλ.​—Ντικχ ι Σημείωση 16 κο παλαϊνέ σελίδες.

3. Σαρ ντικχέλας ο Ιησούς ι πολιτική;

³ Όταν ο Ιησούς ισινέ κι πφουβ, ντικχέλας ότι ο τζενέ τθερένας μπουτ προβλήματα ντα ότι λένγκι ζωή να ισινέ εύκολη. Πφαμπόλας λένγκε μπαγιά ντα μανγκέλας τι βοηθίνελ-λεν. Μήπως αβιλό πολιτικός; Όχι. Τζανέλας ότι οντουβά σο χρειαζίντιβενας μπαγιά ο τζενέ ισινέ ι Ντεβλέσκι Βασιλεία, ή γιαβέρτουλους κυβέρνηση. Ο Ιησούς κα αβέλας Βασιλιάς ανταλέ Βασιλειάτε, ντα λέσκο έργος τθερέλας τι κερέλ πιο μπουτ ι Βασιλειάσαρ. (Δανιήλ 7:​13, 14· Λουκάς 4:​43· 17:​20, 21) Ο Ιησούς να ανακατούντιβελας κι πολιτική ντα ισινέ πάντα ουδέτερος. Όταν ισινέ ανγκλάλ κο Ρωμαίος κυβερνήτης Πόντιος Πιλάτος, βακερντάς: «Μι Βασιλεία να τθερέλα καέκ σχέση ανταλέ ντουνιάσαρ». (Ιωάννης 18:​36) Ο μαθητές λέσκε-ντα ισινέ ουδέτεροι. Ο θρησκευτικός συγγραφέας Ωριγένης (2ος-3ος αιώνας Κ.Χ.) γραφιντάς ότι ο Χριστιανοί να συμμετεχίνενας κο πολιτικά. Αντιβές, ο αληθινοί Χριστιανοί κερένα ο ίδιος πράγμας. Ισινάμ αφοσιωμέ κι Βασιλεία κι Ντεβλέσκι ντα ουδέτεροι σαρέ κατά πολιτικά πράγματα ανταλέ ντουνιάσκε.​—Ματθαίος 24:14.

4. Σαρ υποστηρίνενα ο αληθινοί Χριστιανοί ι Βασιλεία ι Ντεβλέσκι;

⁴ Ο πρεσβευτές μπουτσσάντιβενα εκχέ ξένε τθεμέστε για τι υποστηρίνεν ο δικαιώματα πουμαρέ τθεμέσκε, οτθάρ να ανακατούντιβενα κο πολιτικά κι ξένε τθεμέσκε. Ο χρισμέ, σο τθερένα ι ελπίδα τι κυβερνίνεν ι Χριστόσαρ κο ουρανός, κερένα ο ίδιος πράγμας. Ο Παύλος γραφιντάς κο χρισμέ Χριστιανοί: «Ισινάμ πρεσβευτές σο λιντάμ ι θέση ι Χριστόσκι». (2 Κορινθίους 5:​20) Ο χρισμέ τραμπίντιλε για τι κερέν λάφι ι Ντεβλέσκε Βασιλειάκε. Να ανακατούντιβενα κο πολιτικά πράγματα ανταλέ ντουνιάσκε. (Φιλιππησίους 3:​20) Οκιά μπάνταρ, βοηθιντέ εκατομμύρια τζενέν τι σικλιόν  ι Ντεβλέσκε Βασιλειάκε. Ο “γιαβερά μπρακέ”, οντουλά σο τθερένα ι ελπίδα τι τζουβντιόν για πάντα κο νεβό ντουνιάς κι Ντεβλέσκο, υποστηρίνενα ι χρισμέ πφραλέν. Ατσσόνα βον-ντα ουδέτεροι. (Ιωάννης 10:​16· Ματθαίος 25:​31-40) Ισί ξεκάθαρος ότι καέκ αληθινός Χριστιανός να ανακατούντιβελα κο πολιτικά πράγματα ανταλέ ντουνιάσκε.​—Διάβανε Ησαΐας 2:​2-4.

5. Καβά ισί εκ λόγος σο ο Χριστιανοί να πολεμίνενα;

⁵ Ο αληθινοί Χριστιανοί ντικχένα σαρέ πουμαρέ πφραλέν σαρ φαμιλί ντα ισί ενωμέ παρόλο σο ισί γιαβερέ τθεμέσταρ ή τθερένα διαφορετικός παρελθόν. (1 Κορινθίους 1:​10) Άμα κα τζάας κο τζένγκια, κα πολεμίναας αμαρί φαμιλί, αμαρέ πφραλέν, σο ο Ιησούς ντινάς-αμέν ι εντολή τι μανγκάς-λεν. (Ιωάννης 13:​34, 35· 1 Ιωάννη 3:​10-12) Εκτός ανταλέσταρ, ο Ιησούς βακερντάς πι μαθητένγκε τι μανγκέν ατζέ-ντα πουμαρέ ντουσμανίν.​—Ματθαίος 5:​44· 26:52.

6. Σαρ ντικχένα ο υπηρέτες ι Ιεχωβάσκε ο κυβερνήσεις;

 ⁶ Παρόλο σο ατσσάσα ουδέτεροι σαρ Χριστιανοί, κεράσα ο πιο λατσσό σο μπορίνασα για τι ντας καν κο νόμοι σο τσσουβέλα ο κράτος. Για παράδειγμας, σικαβάσα σεβασμός κι κυβέρνηση κάνα ποκινάσα ο φόροι. Αλλά κεράσα πάντα σο νακχέλα αμαρέ βαστέσταρ για τι ντας «οντουλά σο ισί ι Ντεβλέσκε κο Ντεβέλ». (Μάρκος 12:​17· Ρωμαίους 13:​1-7· 1 Κορινθίους 6:​19, 20) Ντάσα κο Ντεβέλ «οντουλά σο ισί ι Ντεβλέσκε» κάνα μανγκάσα-λες, ασουνάσα-λες ντα ντάσα-λες πάκι λατρεία. Ισινάμ έτοιμοι τι χασαράς ατζέ-ντα αμαρί ζωή παρά μα τι ντας καν κο Ιεχωβά.​—Λουκάς 4:8· 10:​27· διάβανε Πράξεις 5:​29· Ρωμαίους 14:8.

7, 8. Σο ισί «ο πνεύμας ι ντουνιάσκο», ντα σαρ επηρεάνελα ι τζενέν;

⁷ Για τι ατσσάς ντουρ κατά Μπενγκέσκο ντουνιάς, δεν πρέπει τι μουκχάς «ο πνεύμας ι ντουνιάσκο» τι κερέλ-αμέν κουμάντος. Ανταβά πνεύμας σο αβέλα κατά Μπενγκ ισί ο τρόπος σο σκεφτίνενα ντα συμπεριφερίντιβενα ο τζενέ κο ντουνιάς ντα κερέλα κουμάντος σαρέ οντουλέν σο να υπηρετίνενα ι Ιεχωβάς. Αλλά ο Χριστιανοί τζάνα κόντρα ανταλέστε. Σαρ βακερντάς ο Παύλος, «αμέν να λιντάμ ο πνεύμας ι ντουνιάσκο, αλλά ο πνεύμας σο ισί κατά Ντεβέλ».​—1 Κορινθίους 2:​12· Εφεσίους 2:2, 3· ντικχ ι Σημείωση 17 κο παλαϊνέ σελίδες.

⁸ Ο πνεύμας ι ντουνιάσκο κερέλα ι τζενέν τι ντικχέν σάντε πουμαρό συμφέρον, τι αβέν μπαρικανέ ντα τι τζαν κόντρα κο γιαβερά. Κερέλα-λεν τι αμντίνεν ότι να χρειαζίντιβελα τι ντεν καν ι Ντεβλές. Ο Μπενγκ μανγκέλα τι κερέν ο τζενέ σο μπεϊντίνενα, χωρίς τι σκεφτίνεν ο αποτελέσματα. Μανγκέλα τι πακιάν ότι ο πιο σημαντικά πράγματα κι ζωή ισί «οντουλά σο μανγκέλα ο σώμας ντα οντουλά σο μανγκένα ο γιακχά». (1 Ιωάννη 2:​16· 1 Τιμόθεο 6:9, 10) Ο  Διάβολος κερέλα μπαρέ προσπάθειες για τι χουχαβέλ ι Ιεχωβάσκε υπηρετόν ντα τι κερέλ-λεν, χωρίς τι αγαβέν, τι σκεφτίνεν σαρ βοβ.​—Ιωάννης 8:​44· Πράξεις 13:​10· 1 Ιωάννη 3:8.

9. Σαρ κα μπορίνελας τι επηρεάνελ-αμέν ο πνεύμας ι ντουνιάσκο;

⁹ Ο πνεύμας ι ντουνιάσκο ισί παντού, σαρ η μπαρμπάλ σο λάσα. Άμα να προσπαθίνασα μπουτ τι τζας λέσαρ κόντρα, κα επηρεάνελ-αμέν. (Διάβανε Παροιμίες 4:​23) Κι αρχή ανταβά μπορεί τι ντικχίντιβελ ότι να κερέλα αμένγκε κακός. Για παράδειγμας, μπορεί τι μουκχάς αμαρό νεαυτός τι επηρεάντιβελ κατά τρόπος σο σκεφτίνενα ντα κατά πράγματα σο κερένα ο τζενέ σο να πακιάνα κο Ιεχωβά. (Παροιμίες 13:​20· 1 Κορινθίους 15:​33) Ή μπορεί τι επηρεάντιβας πραγματένταρ σαρ ισί η πορνογραφία, η αποστασία ή ο αθλήματα σο κερένα ι τζενέν τι μανγκέν τι αβέν πάντα βον πρώτοι σο-ντα τι αβέλ-πες.​—Ντικχ ι Σημείωση 18 κο παλαϊνέ σελίδες.

10. Σαρ μπορίνασα τι τζας κόντρα κο πνεύμας κι ντουνιάσκο;

¹⁰ Σαρ μπορίνασα μα τι μουκχάς ο πνεύμας ι ντουνιάσκο τι κερέλ-αμέν κουμάντος; Χρειαζίντιβελα τι αβάς πασέ κο Ιεχωβά ντα τι μουκχάς λέσκι σοφία τι οδηγίνελ-αμέν. Πρέπει τι προσευχίντιβας συνέχεια τι ντελ-αμέν πο άγιος πνεύμας ντα τι συνεχίνας τι κεράς μπουτ πράγματα λέσκε. Ο Ιεχωβά ισί ο πιο ζουρανό κο σύμπαν. Ισινάμ σίγουροι ότι μπορίνελα τι βοηθίνελ-αμέν τι τζας κόντρα κο πνεύμας κι ντουνιάσκο.​—1 Ιωάννη 4:4.

11. Σαρ επηρεάνελα ο πνεύμας ι ντουνιάσκο ο τρόπος σο ιριαβένα-πες ο τζενέ;

¹¹ Σικαβάσα ότι να τθεράσα καέκ σχέση ανταλέ ντουνιάσαρ με το τρόπος σο ιριαβάσα-αμέν ντα λατσσαράσα-αμέν. Μπουτ τζενέ κο ντουνιάς ιρίνα συγκεκριμέ σέα για  τι ταρτίνεν ι προσοχή, τι ανέν μπέτι σκέψεις κο γιαβερά, τι τζαν κόντρα κι κοινωνία ή τι σικαβέν καζόμ χουλανέ ισί. Οκιά μπάνταρ όμως γιαβερέ τζενέν να χάλα-λεν ιτς ανάγκη σαρ ισί. Μπορεί τι τραμπίνεν τι αβέν μελαλέ ή τι μουκχέν-πες σαρ τι αβέλ. Αμέν δεν πρέπει τι μουκχάς καέκ ανταλέ πραγματένταρ τι επηρεάνελ ο τρόπος σο ιριαβάσα-αμέν ντα λατσσαράσα-αμέν.

12, 13. Καλά αρχές πρέπει τι οδηγίνεν-αμέν όταν αποφασίνασα σο κα ιριάς;

¹² Σαρ υπηρέτες ι Ιεχωβάσκε, μανγκάσα πάντα αμαρέ σέα τι αβέν περιποιημέ, πάκι, σουκάρ ντα τι σκεφτίνας  κατέ τζάσα ντα τι ιριαβάς-αμέν ανάλογα. Ιριαβάσα-αμέν «σεμνά ντα γκοντιάσαρ», ντα αντικάς σικαβάσα ότι ισινάμ «αφοσιωμέ κο Ντεβέλ».​—1 Τιμόθεο 2:9, 10· Ιούδα 21.

¹³ Ο τρόπος σο ιριαβάσα-αμέν μπορίνελα τι επηρεάνελ ι άποψη σο τθερένα ο γιαβερά ι Ιεχωβάσκε ντα λέσκε λαόσκε. Πρέπει τι κεράς «τα πάντα για τι ντιντιόλ δόξα κο Ντεβέλ». (1 Κορινθίους 10:​31) Κάνα ισινάμ σεμνοί σεβάνασα ο αισθήματα ντα ι γνώμη ι γιαβερένγκι. Άρα, όταν τραμπίνασα σο σέα κα ιριάς ή σαρ κα λατσσαράς-αμέν, δεν πρέπει τι μπιστράς ότι οντουλά σο τραμπίνασα επηρεάνενα ι γιαβερέν.​—1 Κορινθίους 4:9· 2 Κορινθίους 6:3, 4· 7:1.

14. Σο πρέπει τι σκεφτίνας όταν τραμπίνασα σο σέα κα ιριάς κο συναθροίσεις ντα κο έργος;

¹⁴ Σαρ πρέπει τι ιριαβάς-αμέν κο συναθροίσεις ή κο έργος; Μήπως ταρτίνασα μπουτ ι προσοχή οπρ’ αμέντε; Μήπως αμαρέ σέα ανένα σε δύσκολη θέση ι γιαβερέν; Μήπως πακιάσα ότι ο ιριαϊπέ ισί αμαρί μπουτί ντα καεκχέ γιαβερέσκι; (Φιλιππησίους 4:5· 1 Πέτρου 5:6) Σίγουρα μανγκάσα τι ντικχίντιβας σουκάρ, αλλά οντουβά σο κα κερέλ-αμέν πραγματικά σουκάρ ισί αμαρέ Χριστιανικές ιδιότητες. Ανταλά ιδιότητες ντικχέλα ο Ιεχωβά όταν παρατηρίνελα-αμέν. Σικαβένα σο τθεράσα αντρ’ αμέντε, σο “τζενέ ισινάμ αντρέ αμαρέ γκίστε”, ντα ανταλά ιδιότητες τθερένα «μπαρί αξία κο γιακχά κι Ντεβλέσκε».​—1 Πέτρου 3:3, 4.

15. Σόσκε να βακερέλα αμένγκε ακριβώς ο Ιεχωβά σαρ πρέπει τι ιριαβάς-αμέν ντα τι λατσσαράς-αμέν;

¹⁵ Ο Ιεχωβά να ντινάς-αμέν κανόνες σο βακερένα σο σέα πρέπει τι ιριάς. Όμως, ντινάς-αμέν ο αρχές ι Γραφιάκε, σο βοηθίνενα-αμέν τι κεράς λατσσέ επιλογές. (Εβραίους 5:​14) Ο Ιεχωβά μανγκέλα αμαρέ αποφάσεις, είτε ισί μπαρέ είτε χουρντέ, τι βασίντιβεν κι αγάπη σο τθεράσα λέσκε  ντα ι γιαβερένγκε. (Διάβανε Μάρκος 12:​30, 31) Ο λαός ι Ιεχωβάσκο σαρό κο ντουνιάς ιριαβέλα-πες διαφορετικά, ανάλογα καλέ τθεμέσταρ ισί ντα σο μπεϊντίνελα ο κάθε εκ. Ανταλά διαφορές ισί σουκάρ ντα ευχάριστες.

16. Σαρ τζάλα κόντρα η άποψη σο τθερέλα ο ντουνιάς ι λοβένγκε οντουλέσαρ σο σικλιαρντάς ο Ιησούς; Σο πρέπει τι πουτσάς αμαρό νεαυτός;

¹⁶ Ο Μπενγκ μανγκέλα τι πακιάν ο τζενέ ότι κα αρακχέν ι ευτυχία κο λοβέ ντα κο πράγματα σο τθερένα, αλλά ο υπηρέτες ι Ιεχωβάσκε τζανένα ότι νανέ μπαγιά ανταβά. Αμέν πακιάσα οντουβά σο βακερντάς ο Ιησούς: «Καζόμ-ντα  πράγματα τι τθερέλ εκ τζενό, να κα αρακχαβέν λέσκι ζωή». (Λουκάς 12:​15) Ο λοβέ να μπορίνενα τι κερέν-αμέν μπαγιά ευτυχισμέ. Να μπορίνενα τι ντεν-αμέν αληθινέ αμαλέν, αληθινή ειρήνη κι γκοντί ή αιώνια ζωή. Ισί μπαγιά, ότι χρειαζίντιβασα κάποια υλικά πράγματα ντα ότι μανγκάσα τι απολαμβάνας ι ζωή. Αλλά ο Ιησούς σικλιαρντάς-αμέν ότι κα αβάς ευτυχισμέ άμα κα τθεράς λατσσί σχέση ι Ντεβλέσαρ ντα άμα ο πιο σημαντικός πράγμας αμαρέ ζωγιάτε ισί τι ντας-λες λατρεία. (Ματθαίος 5:3· 6:​22, υποσημείωση) Πουτσέν τουμαρό νεαυτός: Μήπως επηρεαντάς-μαν η άποψη σο τθερέλα ο ντουνιάς ι λοβένγκε; Μήπως σκεφτίναβα ή κεράβα λάφι συνέχεια ι λοβένγκε;​—Λουκάς 6:​45· 21:​34-36· 2 Ιωάννη 6.

17. Σαρ κα αβέλ πιο λατσσί τουμαρί ζωή άμα να κα τθερέν ι ντουνιάσκι άποψη ι λοβένγκε;

¹⁷ Άμα αμαρί γκοντί ισί κι υπηρεσία κι Ιεχωβάσκι ντα να τθεράσα ι ντουνιάσκι άποψη ι λοβένγκε, αμαρί ζωή κα αβέλ πφερντί. (Ματθαίος 11:​29, 30) Κα αβάς ικανοποιημέ ντα κα τθεράς ειρήνη κι γκοντί ντα κο γκι. (Ματθαίος 6:​31, 32· Ρωμαίους 15:​13) Να κα ανησυχίνας μπουτ για το υλικά πράγματα. (Διάβανε 1 Τιμόθεο 6:9, 10) Κα νιωθίνας ι ευτυχία σο τθερέλα κάποιος όταν ντέλα. (Πράξεις 20:​35) Ντα ο τρόπος σο τζουβντιάσα κα βοηθίνελ-αμέν τι τθεράς πιο μπουτ χρόνος ι τζενένγκε σο μανγκάσα. Μπορεί ατζέ-ντα τι σοβάς πιο λατσσές.​—Εκκλησιαστής 5:12.

18. Σο προσπαθίνελα τι κερέλ ο Μπενγκ;

¹⁸ Ο Μπενγκ προσπαθίνελα τι χαλαβέλ αμαρί σχέση ι Ιεχωβάσαρ, οτθάρ αμέν πρέπει τι κεράς ο πιο λατσσό σο μπορίνασα για τι αρακχαβάς-λα. Κεράσα τζένγκι “ι δαιμονέντζαρ σο ισί κο ουρανός”. (Εφεσίους 6:​12) Ο Μπενγκ ντα λέσκε δαίμονες να μανγκένα τι αβάς ευτυχισμέ ούτε  τι τζουβντιάς για πάντα. (1 Πέτρου 5:8) Ανταλά ζουρανέ ντουσμάνια κερένα αμένγκε επίθεση, αλλά με τη βοήθεια ι Ιεχωβάσκι μπορίνασα τι νικίνας!

19. Σαρ βακερένα ο εδάφια Εφεσίους 6:​14-18 ότι ισί η «πανοπλία» ι Χριστιανόνγκι;

¹⁹ Κο πουρανέ μπρεσά, ο στρατιώτες ιρίνας πανοπλία για τι αρακχαβέν-πες κο τζένγκι. Αντικάς, πρέπει αμέν-ντα τι ιριάς ι «πανοπλία» σο ντινάς-αμέν ο Ιεχωβά. (Εφεσίους 6:​13) Βόι κα αρακχαβέλ-αμέν. Ο εδάφια Εφεσίους 6:​14-18 βακερένα για την πανοπλία ανταγιά: «Ατσσόν σταθεροί, ντα ιρίν ι αλήθεια σαρ εκ ζώνη πφαντί ντονταλάι τουμαρέ ντουμέσταρ, ντα ι δικαιοσύνη σαρ εκ θώρακας τουμαρέ γκεσίστε ντα σαρ τεραχά τουμαρέ πιντρέντε, ιρίν ο λατσσέ αμπέρια της ειρήνης. Εκτός σαρέ ανταλένταρ, λεν ι πίστη σαρ εκ μπαρί ασπίδα, σο λάσαρ κα μπορίνεν τι σταματίνεν σαρέ ο βέλη ι πφιρνέσκε σο τθερένα γιακ. Επίσης, δεχτίνεν ι σωτηρία σαρ εκ περικεφαλαία ντα ο σπαθίς ι πνευμάσκο, δηλαδή ο λάφι ι Ντεβλέσκο, ντα σε κάθε περίπτωση αντράλ κατά πνεύμας συνεχίνεν τι κερέν προσευχή ντα τι μολίνεν ι Ντεβλές με μπουτ διαφορετικούς τρόπους».

20. Σο πρέπει τι κεράς για τι βοηθίνελ-αμέν αμαρί «πανοπλία»;

²⁰ Άμα εκ στρατιώτης κα μπιστρέλας τι ιρίλ εκ κομμάτι κατά πανοπλία ντα εκ σημείος λέσκε σωμάσταρ να κα αβέλας αρακχαντό, οτθέ κα προσπαθίνελας τι ντελ-λες ο ντουσμάνι. Οτθάρ, άμα μανγκάσα τι αρακχαβέλ-αμέν αμαρί «πανοπλία», πρέπει τι ιριάς-λα σαρί. Χρειαζίντιβελα τι ιριάς-λα συνέχεια ντα τι ατσσικιαράς-λα σε λατσσί κατάσταση. Ο τζένγκι σο κεράσα κα συνεχίντιβελ μέχρι ο Ντεβέλ τι καταστραφίνελ ι Μπενγκέσκε ντουνιάς ντα τι νασκιαρέλ λες ντα λέσκε δαιμονέν κατά πφουβ. (Αποκάλυψη 12:​17· 20:​1-3) Άρα, άμα κεράσα αγώνας με λάθος  επιθυμίες ή με εκ αδυναμία, δεν πρέπει τι μουκχάς-αμέν!​—1 Κορινθίους 9:27.

21. Σαρ κα νικίνας κο τζένγκι σο κεράσα;

²¹ Αμέν κορκορέ να ισινάμ πιο ζουρανέ κατά Διάβολος. Αλλά με τη βοήθεια ι Ιεχωβάσκι ισινάμ! Για τι ατσσάς πιστοί, πρέπει τι προσευχίντιβας κο Ιεχωβά, τι διαβάνας λέσκο Λάφι ντα τι κεράς παρέα αμαρέ πφραλέντζαρ ντα αμαρέ πφενίντζαρ. (Εβραίους 10:​24, 25) Σαρέ ανταλά κα βοηθίνεν-αμέν τι ατσσάς πιστοί κο Ντεβέλ ντα τι αβάς έτοιμοι τι υποστηρίνας οντουλά σο πακιάσα.

22, 23. (α) Σαρ κα αβάς πάντα έτοιμοι τι υποστηρίνας οντουλά σο πακιάσα; (β) Σο κα συζητίνας κο γιαβέρ κεφάλαιος;

²² Χρειαζίντιβελα τι αβάς πάντα έτοιμοι τι υποστηρίνας οντουλά σο πακιάσα. (Ιωάννης 15:​19) Μερικέ πραγματέντε, ο Μάρτυρες του Ιεχωβά να κερένα οντουβά σο κερένα ο πιο μπουτ τζενέ. Πουτσέν τουμαρό νεαυτός: “Αγαβάβα μπαγιά σόσκε κεράσα-λες ανταβά; Ισινόμ ντιπ σίγουρος ότι οντουβά σο βακερέλα η Γραφή ντα ο πιστός ντα φρόνιμος δούλος ισί σωστός; (Ματθαίος 24:​45· Ιωάννης 17:​17) Ισινόμ περήφανος σο ισινόμ Μάρτυρας ι Ιεχωβάσκο; (Ψαλμός 34:2· Ματθαίος 10:​32, 33) Μπορίναβα τι εξηγίναβ οντουλά σο πακιάβα γιαβερέντε;”​—Διάβανε 1 Πέτρου 3:15.

²³ Μπουτέ περιπτωσιέντε, ισί εύκολος τι αγαβάς σο πρέπει τι κεράς για τι ατσσάς ντουρ ανταλέ ντουνιάσταρ. Γιαβερά φορές όμως ανταβά νανέ αζόμ ξεκάθαρος. Ο Σατανάς προσπαθίνελα τι χουχαβέλ-αμέν διάφορε τροπόντζαρ. Εκ παγίδα σο χρησιμοποιήνελα ισί η διασκέδαση. Σαρ μπορίνασα τι τραμπίνας γκοντιάσαρ αμαρί διασκέδαση; Κα ντικχάς-λες ανταβά κο γιαβέρ κεφάλαιος.