ΚΕΦΑΛΑΙΟΣ ΝΤΕΣΟΥΣΙΟΒ
Λε ι Απόφαση τι Ντες Λατρεία ι Ντεβλές
1, 2. Σο πρέπει τι σκεφτίνες, ντα σόσκε ισί σημαντικός ανταβά;
ΚΙ ΜΕΛΕΤΗ σο κερντάν αντράλ κατά Αγία Γραφή, σικλιλάν ότι μπουτ τζενέ σο βακερένα ότι ντένα λατρεία ι Ντεβλές, κι πραγματικότητα σικλιαρένα ή κερένα πράγματα σο μισίνελα ο Ντεβέλ. (2 Κορινθίους 6:17) Οτθάρ βακερέλα αμένγκε ο Ιεχωβά ότι πρέπει τι νικιάς κατά ψεύτικη θρησκεία, κατά “Μπαρί Βαβυλώνα”. (Αποκάλυψη 18:2, 4) Σο κα κερές τούι; Ο κάθε εκ αμένταρ πρέπει τι λελ εκ απόφαση ντα τι σκεφτίνελ: “Μανγκάβα τι νταβ λατρεία ι Ντεβλές αντικάς σαρ μανγκέλα βοβ ή μανγκάβα τι νταβ-λες λατρεία σαρ ντάβας-λες πριν;”
2 Άμα μουκχλάν ι ψεύτικη θρησκεία, ανταβά ισί λατσσό. Αλλά μπορεί τι υπαρχίντιβεν μερικές συνήθειες ντα έθιμα κατά ψεύτικη θρησκεία σο συνεχίνεσα τι μπεϊντίνες-λεν. Για τι συζητίνας σαρ ντικχέλα ο Ιεχωβά ασακέ συνήθειες ντα έθιμα ντα σόσκε ισί αζόμ σημαντικός τι ντικχάς-λεν σαρ ντικχέλα-λεν βοβ.
ΕΙΚΟΝΕΣ ΝΤΑ ΕΘΙΜΑ Ι ΜΟΥΛΕΝΓΚΕ
3. (α) Σόσκε μπορεί τι αβέλ δύσκολος μερικέ τζενένγκε τι τσσιναβέν τι πακιάν κο εικόνες; (β) Σο βακερέλα η Γραφή για το εικόνες;
3 Ισί τζενέ σο, για μπουτ μπρεσά, χρησιμοποιήνενα εικόνες ή χτίνενα χουρντέ κχανγκιριά πουμαρέ κχερέντε για τι ντεν λατρεία ι Ντεβλές. Άμα κερέας-λες τούι-ντα ανταβά, μπορεί τι αβέλα τούκε παράξενος ή ατζέ-ντα λάθος τι ντες λατρεία ι Ντεβλές χωρίς τι τθερές ασακέ πράγματα. Αλλά ντε-τουτ γκοντί ότι ο Ιεχωβά σικλιαρέλα-αμέν σαρ τι ντας-λες λατρεία. Επίσης, η Αγία Γραφή βακερέλα αμένγκε ξεκάθαρα ότι ο Ιεχωβά να μανγκέλα τι πακιάς κο εικόνες. —Διάβανε Έξοδος 20:4, 5· Ψαλμός 115:4-8· Ησαΐας 42:8· 1 Ιωάννη 5:21.
4. (α) Σόσκε δεν πρέπει τι κεράς έθιμα ι μουλένγκε; (β) Σόσκε βακερντάς ο Ιεχωβά πι λαόσκε ότι δεν έπρεπε τι προσπαθίνεν τι κερέν λάφι ι μουλέντζαρ;
4 Μερικά τζενέ ντένα πουμαρέ σαατίσταρ ντα χαλαβένα λοβέ για τι κερέν πράγματα πουμαρέ μουλένγκε. Για παράδειγμας, ιλιαβένα ι μουλέσκε ντα κερένα διάφορα έθιμα. Αλλά σικλιλάμ ότι ο μουλέ να μπορίνενα τι βοηθίνεν-αμέν ή τι κερέν αμένγκε κακός ντα ότι να τζουβντιόνα κάπου γιαβερτθέ. Ισί επικίνδυνος τι προσπαθίνας τι επικοινωνίνας ι μουλέντζαρ, επειδή οντουλά σο μπορεί τι ντικχίντιβενα ότι βακερένα-λεν ο μουλέ κι πραγματικότητα μπορεί τι αβέν κατά δαίμονες. Οτθάρ ο Ιεχωβά βακερντάς ι Ισραηλιτένγκε ότι δεν έπρεπε τι προσπαθίνεν τι κερέν λάφι ι μουλέντζαρ ή τι ανακατούντιβεν γιαβερέ πραγματέντε σο τθερένα τι κερέν ι δαιμονέντζαρ.—Δευτερονόμιο 18:10-12· ντικχ ο Σημειώσεις 26 ντα 31 κο παλαϊνέ σελίδες.
5. Σο μπορίνελα τι βοηθίνελ-τουτ τι τσσιναβές τι πακιάς κο εικόνες ή τι κερές έθιμα ι μουλένγκε;
5 Σο μπορίνελα τι βοηθίνελ-τουτ τι τσσιναβές τι πακιάς κο εικόνες ή τι τσσιναβές τι κερές έθιμα ι μουλένγκε; Πρέπει τι διαβάνες ι Γραφή ντα τι σκεφτίνες μπουτ λατσσές σαρ ντικχέλα ο Ιεχωβά ανταλά πράγματα. Βοβ «τζουνγκάλα» ασακέ πραγματένταρ. (Δευτερονόμιο 27:15) Τι προσευχίντιβες κάθε ντιβές κο Ιεχωβά για τι βοηθίνελ-τουτ τι ντικχές ο πράγματα σαρ ντικχέλα-λεν βοβ ντα για τι βοηθίνελ-τουτ τι ντες-λες λατρεία με το τρόπος σο μανγκέλα. (Ησαΐας 55:9) Μπορίνεσα τι αβές σίγουρος ότι ο Ιεχωβά κα ντελ-τουτ ι ζορ σο χρειαζίντιβεσα για τι νασκιαρές σαρέ ο πράγματα σο τθερένα τι κερέν ι ψεύτικε θρησκειάσαρ.
ΠΡΕΠΕΙ ΤΙ ΚΕΡΑΣ ΧΡΙΣΤΟΥΓΕΝΝΑ;
6. Σόσκε τραμπιντέ τι κερέν ο γενέθλια ι Ιησούσκε 25 Δεκεμβρίου;
6 Ο Χριστούγεννα ισί εκ γιορτή σο κερένα-λα μπουτ τζενέ σαρό κο ντουνιάς, ντα ο πιο μπουτ τζενέ αμντίνενα ο Ιησούς να μπιάντιλο 25 Δεκεμβρίου, βον τραμπιντέ οντουβά ντιβές για τι κερέν λέσκε γενέθλια. (Λουκάς 2:8-12) Ο μαθητές ι Ιησούσκε να κερένας Χριστούγεννα. Εκ βιβλίος βακερέλα ότι, 200 μπρεσά αφού μπιάντιλο ο Ιησούς, «καέκ να τζανέλας κάνα ακριβώς μπιάντιλο, ντα χάνικ τζενέ μανγκένας τι σικλιόν ανταλέσκε». (Η Ιερή Προέλευση Σημαντικών Πραγμάτων [Sacred Origins of Profound Things]) Ο τζενέ αρχισάλε τι κερέν ο Χριστούγεννα περίπου 300 μπρεσά μετά κατά μεριπέ ι Ιησούσκο.
ότι αζομάν γιορτάνενα ο ντιβές σο μπιάντιλο ο Ιησούς. Κι πραγματικότητα όμως, ο Χριστούγεννα τθερένα τι κερέν ι ψεύτικε θρησκειάσαρ. Εκ εγκυκλοπαίδεια βακερέλα ότι ο Ρωμαίοι σο πακιάνας κο είδωλα γιορτάνενας ο γενέθλια ι κχαμέσκε στις 25 Δεκεμβρίου. Ο παπάζια μανγκένας τι αβέν Χριστιανοί οντουλά τζενέ σο πακιάνας κο είδωλα, ντα οτθάρ, παρόλο σο7. Σόσκε να κερένα ο αληθινοί Χριστιανοί Χριστούγεννα;
7 Μπουτ τζενέ τζανένα ότι ο Χριστούγεννα ντα ο πράγματα σο κερένα οντουβά ντιβές, σαρ για παράδειγμας ο γλέντια ντα ο δώρα σο ντένα, τθερένα τι κερέν ψεύτικε θρησκειέντζαρ. Για παράδειγμας, μπουτ μπρεσά πιο τζανγκλέ, κι Αγγλία ντα μερικέ τθεμέντε κι Αμερική ισινέ απαγορευμέ τι κερέν Χριστούγεννα επειδή τθερένας τι κερέν ι ψεύτικε θρησκειάσαρ. Κον κερέλας Χριστούγεννα τιμωρίντιβελας. Αλλά τελικά ο τζενέ αρχισάλε πάλι τι κερέν ο Χριστούγεννα. Σόσκε να κερένα Χριστούγεννα ο αληθινοί Χριστιανοί; Επειδή μανγκένα τι ευχαριστίνεν ι Ντεβλές σαρέ οντουλέντζαρ σο κερένα.
ΠΡΕΠΕΙ ΤΙ ΚΕΡΑΣ ΓΕΝΕΘΛΙΑ;
8, 9. Σόσκε να κερένας ο πρώτοι Χριστιανοί γενέθλια;
8 Εκ γιαβέρ γιορτή σο κερένα-λα μπουτ τζενέ ισί ο γενέθλια. Πρέπει τι κερέν ο Χριστιανοί γενέθλια; Η Γραφή βακερέλα σάντε ντουέ τζενένγκε σο κερντέ γενέθλια, αλλά οντουλά τζενέ να πακιάνας κο Ιεχωβά. (Γένεση 40: 20· Μάρκος 6:21) Ο γενέθλια κερένας-λεν για τι ντεν δόξα ψεύτικε ντεβλέντε. Οτθάρ, ο πρώτοι Χριστιανοί «πακιάνας ότι ο γενέθλια ισινέ εκ γιορτή σο τθερέλας τι κερέλ ι ψεύτικε θρησκειάσαρ».—Η Παγκόσμια Εγκυκλοπαίδεια του Βιβλίου (The World Book Encyclopedia).
9 Κο πουρανέ μπρεσά, ο Ρωμαίοι ντα ο Έλληνες πακιάνας ότι ο γενέθλια ι κάθε τζενέσκε περένας κο ντιβές σο τθερέλας γενέθλια εκ ντεβέλ. Επίσης, αμντίνενας ότι οντουβά ντεβέλ μπουτσσαβέλας εκ πνεύμας όταν μπιάντιβελας εκ τζενό. Ο ειδωλολάτρες πακιάνας ότι, για τι αρακχαβέλ οντουβά πνεύμας ι τζενές σαρέ λέσκε ζωγιάτε, ο τζενό έπρεπε τι κερέλ γενέθλια.
10. Σόσκε δεν πρέπει τι κερέν ο Χριστιανοί γενέθλια;
10 Πακιάσα ότι ο Ιεχωβά μανγκέλα τι κεράς γιορτές σο τθερένα τι κερέν ι ψεύτικε θρησκειάσαρ; (Ησαΐας 65:11, 12) Όχι, να μανγκέλα. Οτθάρ να κεράσα γενέθλια ή γιαβερά ασακέ γιορτές.
ΙΣΙ ΣΗΜΑΝΤΙΚΟΣ ΜΑ ΤΙ ΚΕΡΑΣ ΑΣΑΚΕ ΓΙΟΡΤΕΣ;
11. Σόσκε μερικά τζενέ κερένα γιορτές; Σο πρέπει τι αβέλ πιο σημαντικός τούκε;
11 Μερικά τζενέ τζανένα ότι ο Χριστούγεννα ντα γιαβερά γιορτές τθερένα τι κερέν ι ψεύτικε θρησκειάσαρ, αλλά συνεχίνενα τι κερέν-λεν. Πακιάνα ότι ο γιορτές ισί εκ λατσσί ευκαιρία τι νακχέν λατσσές πουμαρέ φαμιλιάσαρ. Πακιάσα-λες τούι-ντα ανταβά; Νανέ λάθος τι μανγκές τι νακχές λατσσές τι φαμιλιάσαρ. Ο Ιεχωβά κερντάς ι φαμιλί, ντα μανγκέλα τι τθεράς-λεν λατσσές αμαρέ τζενέντζαρ. (Εφεσίους 3:14, 15) Όμως, πρέπει τι ντας-αμέν γκοντί ότι ισί πιο σημαντικός τι τθεράς εκ λατσσί φιλία ι Ιεχωβάσαρ παρά τι κεράς ο γιορτές ι ψεύτικε θρησκειάκε για τι τθεράς-λεν λατσσές αμαρέ τζενέντζαρ. Ακ σόσκε ο απόστολος Παύλος βακερντάς: «Πάντα τι προσπαθίνεν τι αγαβέν άμα οντουλά σο κερένα ισί σωστά κι Κυριόσκε γιακχά».—Εφεσίους 5:10.
12. Σόσκε κι Ιεχωβάσκε γιακχά νανέ σαρέ ο γιορτές λατσσέ;
Έξοδος 32:2-10) Σαρ βακερντάς ο προφήτης Ησαΐας, δεν πρέπει τι “ακουμπίνας τίποτα μαγαριμέ”!—Διάβανε Ησαΐας 52:11.
12 Μπουτ τζενέ πακιάνα ότι να τθερέλα σημασία σόσκε ντα σαρ αρχισάλε ο τζενέ τι κερέν εκ γιορτή, αλλά ο Ιεχωβά να τθερέλα ι ίδια άποψη. Βοβ να μανγκέλα ο γιορτές σο τθερένα τι κερέν ι ψεύτικε θρησκειάσαρ ντα ο γιορτές σο ντένα δόξα κο τζενέ ή εκχέ τθεμέστε. Για παράδειγμας, ο Αιγύπτιοι κερένας μπουτ γιορτές πουμαρέ ψεύτικε ντεβλένγκε. Όταν ο Ισραηλίτες νασλέ κατά Αίγυπτος, κερντέ εκ ψεύτικη γιορτή σο κερένας ο Αιγύπτιοι ντα βακερντέ ότι ισινέ εκ «γιορτή ι Ιεχωβάσκε». Αλλά ο Ιεχωβά τιμωριντάς-λεν οντουλέσκε σο κερντέ. (ΤΙ ΕΞΗΓΙΝΕΣ ΟΝΤΟΥΛΑ ΣΟ ΠΑΚΙΑΣΑ ΜΕ ΣΟΥΚΑΡ ΤΡΟΠΟΣ
13. Καλά ερωτήσεις μπορεί τι τθερές όταν κα τσσιναβές τι κερές γιορτές;
13 Όταν κα τσσιναβές τι κερές γιορτές, μπορεί τι τθερές μπουτ ερωτήσεις. Για παράδειγμας: Σο πρέπει τι κεράβ άμα οντουλά τζενέ σο κεράβα λέντζαρ μπουτί πουτσλέ-μαν σόσκε να κεράβα Χριστούγεννα; Σο πρέπει τι κεράβ άμα κάποιος κα ντελ-μαν εκ χριστουγεννιάτικος δώρος; Σο πρέπει τι κεράβ άμα μο ρομ ή μι ρομνί μανγκέλα μάνταρ τι κεράβ γιορτές; Σαρ μπορίναβα τι βοηθίναβ μι τσσαβέν μα τι στεναχωρίντιβεν επειδή να κεράσα γιορτές ή λένγκε γενέθλια;
14, 15. Σο μπορίνεσα τι κερές άμα κάποιος βακερντάς τούκε «χρόνια πολλά» ή ντινάς-τουτ εκ δώρος;
14 Ισί σημαντικός τι σκεφτίνες λατσσές σο κα βακερές ή σο κα κερές σε κάθε περίπτωση. Για παράδειγμας, άμα ο τζενέ βακερένα τούκε «χρόνια πολλά», νανέ λατσσό μα τι ντες-λεν σημασία. Μπορίνεσα απλά τι βακερές λένγκε: «Ευχαριστώ». Αλλά άμα κάποιος κα μανγκέλας τι σικλιόλ σόσκε να κερέσα γιορτές, κα αβέλας λατσσό τι εξηγίνες λέσκε. Όταν εξηγίνεσα, πάντα τι συμπεριφερίντιβες λατσσές ντα τι σικαβές σεβασμός. Η Γραφή βακερέλα: «Τουμαρό Κολοσσαείς 4:6) Κα μπορίνεας τι βακερές ότι μπεϊντίνεσα τι νακχές λατσσές ι γιαβερέντζαρ ντα τι ντες δώρα, αλλά επειδή να συμμετεχίνεσα κο γιορτές, κερέσα-λες ανταβά γιαβερέ ντιβεσέντε.
λάφι πάντα τι αβέλ γκουλντό, τι τθερέλ λον, για τι τζανέν σαρ πρέπει τι απαντίνεν ι κάθε εκχέσκε». (15 Σο πρέπει τι κερές άμα κάποιος ντινάς-τουτ εκ δώρος; Η Γραφή να τθερέλα κανόνες σαρέ ι πραγματένγκε, αλλά βακερέλα ότι πρέπει τι ατσσικιαράς πάκι αμαρί συνείδηση. (1 Τιμόθεο 1:18, 19) Μπορεί ο τζενό σο ντέλα-τουτ ο δώρος μα τι τζανέλ ότι να κερέσα οντιά συγκεκριμέ γιορτή. Ή μπορεί τι βακερέλ: «Τζανάβα ότι να κερέσα γιορτές, αλλά μανγκάβα τι νταβ-τουτ ακαβά δώρος». Κο ντούι-ντα περιπτώσεις, μπορίνεσα τι αποφασίνες άμα κα δεχτίνες ο δώρος ή όχι. Αλλά σο-ντα τι αποφασίνες, τι ατσσικιαρές πάκι τι συνείδηση. Να κα μανγκάας τι κεράς κάτι σο κα χαλαβέλας αμαρί φιλία ι Ιεχωβάσαρ.
ΤΟΥΙ ΝΤΑ ΤΙ ΦΑΜΙΛΙ
Οντουλά σο υπηρετίνενα ι Ιεχωβάς ισί ευτυχισμέ
16. Σο πρέπει τι κερές άμα το τζενέ μανγκένα τι κερέν γιορτές;
16 Σο πρέπει τι κερές άμα το τζενέ μανγκένα τι κερέν γιορτές; Νανέ σωστός τι χας-τουτ λέντζαρ. Μα μπίσταρ-τουτ ότι τθερένα ο δικαίωμας τι αποφασίνεν σο κα κερέν. Τι συμπεριφερίντιβες λατσσές λένγκε ντα τι σεβάνες-λεν, σαρ μανγκέσα τούι-ντα τι σεβάνεν-τουτ βον. (Διάβανε Ματθαίος 7:12) Αλλά άμα το τζενέ μανγκένα τι αβές τούι-ντα λέντζαρ όταν κερένα γιορτές, σο πρέπει τι κερές; Προτού τι αποφασίνες σο κα κερές, κερ προσευχή κο Ιεχωβά για τι βοηθίνελ-τουτ τι λες ι σωστή απόφαση. Σκέφτινε ο πράγματα προσεκτικά ντα ρόντε κι Γραφή ντα κο έντυπα σο τθεράσα για τι σικλιός πιο μπουτ ανταλέ θεμάσκε. Μα τι μπιστρές-τουτ ποτές ότι μανγκέσα τι κερές ι Ιεχωβάσκο γκι τι χαιρίνελ.
17. Σο μπορίνεσα τι κερές για τι βοηθίνες τι τσσαβέν μα τι στεναχωρίντιβεν όταν ο γιαβερά κερένα γιορτές;
17 Σο μπορίνεσα τι κερές για τι βοηθίνες τι τσσαβέν όταν
ντικχένα ι γιαβερέν τι κερέν γιορτές; Μερικές φορές, μπορίνεσα τι κανονίνες τι κερές κάτι λένγκε σο ισί διαφορετικός οντουλένταρ σο κερέσα κάθε ντιβές. Επίσης, μπορίνεσα τι ντες-λεν εκ δώρος για τι κερές λένγκε έκπληξη. Εκ κατά πιο μπαρέ δώρα σο μπορίνεσα τι ντες τι τσσαβέντε ισί τι νακχές λέντζαρ χρόνος ντα τι σικαβές λένγκε αγάπη.ΚΕΡ Ο ΠΙΟ ΛΑΤΣΣΟ ΓΙΑ ΤΙ ΝΤΕΣ ΛΑΤΡΕΙΑ Ι ΝΤΕΒΛΕΣ
18. Σόσκε πρέπει τι τζας κο Χριστιανικές συναθροίσεις;
18 Για τι κεράς ι Ιεχωβάσκο γκι τι χαιρίνελ, πρέπει τι μουκχάς ι ψεύτικη θρησκεία, ο έθιμα ντα ο γιορτές σο τθερένα τι κερέν λάσαρ. Πρέπει επίσης τι κεράς ο πιο λατσσό σο μπορίνασα για τι ντας λατρεία ι Ντεβλές σαρ μανγκέλα βοβ. Σαρ κα κεράς-λες ανταβά; Εκ τρόπος ισί τι τζας συνέχεια κο Χριστιανικές συναθροίσεις. (Διάβανε Εβραίους 10:24, 25) Ο συναθροίσεις ισί μπουτ σημαντικές σόσκε οτθέ ντάσα λατρεία ι Ιεχωβάς. (Ψαλμός 22:22· 122:1) Μπορίνασα τι ντας ζορ ο εκ ι γιαβερές όταν ισινάμ σαρέ μαζί κο συναθροίσεις.—Ρωμαίους 1:12.
19. Σόσκε ισί σημαντικός τι βακερές κο γιαβερά οντουλένγκε σο σικλιλάν κατά Γραφή;
19 Εκ γιαβέρ τρόπος για τι ντες λατρεία ι Ντεβλές αντικάς σαρ μανγκέλα βοβ ισί τι κερές λάφι κο γιαβερά οντουλένγκε σο σικλιλάν κατά Γραφή. Μπουτ τζενέ στεναχωρίντιβενα σο ντικχένα τι αβέν-πες μπέτι πράγματα κο ντουνιάς. Μπορεί τι τζανέσα τζενέν σο νιωθίνενα αντικάς. Βάκερ λένγκε οντουλέ μπουτ σουκάρ πραγματένγκε σο πακιάσα ότι κα αβέν-πες κο μέλλον. Καζόμ κα τζας κο Χριστιανικές συναθροίσεις ντα κα βακερές κο γιαβερά οντουλένγκε σο σικλιλάν κατά Γραφή, κα αγαβές ότι να κα μανγκές τι κερές ο πράγματα ντα ο έθιμα ι ψεύτικε θρησκειάκε. Μπορίνεσα τι αβές σίγουρος ότι κα αβές ευτυχισμέ ντα ότι ο Ιεχωβά κα ευλογίνελ-τουτ μπουτ επειδή προσπαθίνεσα τι ντες-λες λατρεία αντικάς σαρ μανγκέλα βοβ.—Μαλαχίας 3:10.