ΟΤΑΝ διαβάνεσα εκ εφημερίδα, ντικχέσα τηλεόραση ή ασουνέσα ραδιόφωνος, ντικχέσα ντα ασουνέσα μπουτ ιστορίες για μουνταρίματα, τζένγκια ντα τρομοκρατία. Μπορεί τούι-ντα τι τθερέσα μπουτ προβλήματα επειδή ισινάν νασφαλό ή επειδή εκ τζενό σο μανγκέσα-λες μουλό.

Σκέφτινε:

• Ανταβά μανγκέλα ο Ντεβέλ μάνγκε ντα μι φαμιλιάκε;

• Κατέ μπορίναβα τι αρακχάβ βοήθεια για τι νταβ-λεν πέρα μι προβληματέντζαρ;

• Κα αβέλ ποτές αληθινή ειρήνη;

Ο απαντήσεις σο ντέλα η Αγία Γραφή ανταλέ ερωτησιέντε ισί σωστές ντα μπορίνασα τι πακιάς-λεν.

• Ο τζενέ να κα τθερέν πάλι ντουκχ, να κα πφουρίλιβεν ούτε κα μερέν.​—Αποκάλυψη 21:4

• «Ο μπανγκό κα τθάβντελ σαρ ο ελάφι».​—Ησαΐας 35:6

• «Ο γιακχά ι κορορένγκε κα πουτάρντιβεν».​—Ησαΐας 35:5

•  Ο μουλέ κα τζουβντιόν πάλι. ​—Ιωάννης 5:​28, 29

• Καέκ να κα νασφάλιβελ, δηλαδή να κα πασλιόλ. ​—Ησαΐας 33:24

• Η πφουβ κα τθερέλ μπουτ χαμπέ σαριλένγκε.​—Ψαλμός 72:16

Ισί εύκολος τι σκεφτίνες ότι οντουλά σο διαβαντάν κο πρώτες σελίδες ανταλέ βιβλιόσκε αβένα-πες σάντε κο σουνέ. Αλλά ο Ντεβέλ ντινάς πο λάφι ότι μπουτ σουγκό κα κερέλ σαρέ ανταλά αλλαγές κι πφουβ, ντα η Γραφή εξηγίνελα σαρ κα κερέλ-λες ανταβά.

Η Γραφή κερέλα ατζέκ πιο μπουτ πράγματα. Βακερέλα αμένγκε σο πρέπει τι τζανάς για τι αβάς μπαγιά ευτυχισμέ ντα τι απολαμβάνας ι ζωή ακανά. Σκέφτινε χάνικ ο πράγματα σο κερένα-τουτ τι ανησυχίνες. Ανταλά μπορεί τι τθερένα τι κερέν ι λοβέντζαρ ή μπορεί τι ισί προβλήματα κι φαμιλί, εκ νασφαλιπέ ή ο μεριπέ εκχέ τζενέσκο σο μανγκέσα μπουτ. Η Γραφή μπορίνελα τι βοηθίνελ-τουτ τι ντες-λεν πέρα ανταλέ προβληματέντζαρ, ντα μπορίνελα τι ντελ-τουτ κουράγιος επειδή απαντίνελα σε ερωτήσεις σαρ ανταλά:

• Σόσκε τθεράσα αζόμ μπουτ προβλήματα;

• Σαρ μπορίνασα τι ντας-λεν πέρα αμαρέ προβληματέντζαρ;

• Μπορίνελα αμαρί φαμιλί τι αβέλ ευτυχισμέ;

• Σο αβέλα όταν μεράσα;

• Κα ξαναντικχάς ποτές αμαρέ αγαπημέ τζενέν σο μουλέ;

• Σόσκε μπορίνασα τι αβάς σίγουροι ότι ο Ντεβέλ κα κερέλ σαρέ οντουλά σο βακερντάς;

 Αφού διαβάνεσα ανταβά βιβλίος, σικαβέσα ότι μανγκέσα τι ντικχές σο σικλιαρέλα η Αγία Γραφή. Ανταβά βιβλίος κα βοηθίνελ-τουτ. Η κάθε παράγραφος τθερέλα ερωτήσεις, ντα ανταβά κα βοηθίνελ-τουτ τι αγαβές πιο λατσσές ι Γραφή. Εκατομμύρια τζενέ μπεϊντίνενα τι κερέν λάφι ι Γραφιάκε με τους Μάρτυρες του Ιεχωβά. Μακάρι τούι-ντα τι μπεϊντίνες-λες ανταβά. Καζόμ κα ρόντες για τι αρακχές οντουλά σο μπορίνελα τι σικλιαρέλ-τουτ η Αγία Γραφή, ο Ντεβέλ κα ευλογίνελ-τουτ!