Σαρ κα βοηθίντιβες ατζέ πο μπουτ καζόμ κερέσα ανταλά μαθήματα κατά Αγία Γραφή
Πρώτα ντικχ ανταλά οδηγίες ντα σοράν ο ΒΙΝΤΕΟΣ.
ΠΡΩΤΟΣ ΜΕΡΟΣ
Για τι προετοιμάντιβες κο μάθημας, διάβανε ο πρώτος μέρος. Ο ερωτήσεις (Α) ντα ο εδάφια (Β) ι καλέ γραμματέντζαρ σικαβένα καλά ισί ο σημαντικά σημεία. Ντικχ ότι μερικά εδάφια βακερένα «διαβάνεν».
ΜΑΣΚΑΡΙΝΟ ΜΕΡΟΣ
Ο πρώτα λάφια (Γ) σο ισί τελάλ κατά Χάντζουβ πο Αχόρτ βακερένα σο κα ντικχές πο τελέ. Ο υπότιτλοι (Δ) σικαβένα ο σημαντικά σημεία ι μαθημάσκε.
Ο ΒΙΝΤΕΑ σο ισί αντρέ κο πλαίσια, σικαβένα πο μπουτ πράγματα σο ισί λατσσό τι σικλιός. Μερικά βίντεα σικαβένα ιστορίες τζενένγκε σο ισί μπαγιά. Γιαβερά βίντεα τθερένα ιστορίες σο να αβιλέ-πες μπαγιά, αλλά σικαβένα πράγματα σο ντικχάσα-λεν αμαρέ ντιβεσέντε.
Ι τζενέσαρ σο κερέλα-τουτ μελέτη, διάβανε ο εδάφια, απάντινε κο ερωτήσεις ντα ντικχ ο βίντεα. Συζήτινε ο φωτογραφίες ντα ο λεζάντες (Ε) ντα σκέφτινε σαρ κα απαντίνεας κο πλαίσιος Μερικά Τζενέ Βακερένα (Ζ).
ΤΕΛΕΥΤΑΙΟΣ ΜΕΡΟΣ
Ο Χάνικ Λαφίντζαρ ντα ο Σο Σικλιλάν; (Η) βακερένα σο ντικχλάν κο μάθημας. Γράφινε ι ημερομηνία σο μπιτισκιαρντάν ο μάθημας. Ο Σο Μανγκάβα τι Κεράβ (Θ) ντέλα-τουτ ι ευκαιρία τι κερές κάτι σο σικλιλάν. Οτθέ σο βακερέλα Ρόντε (Ι) κα αρακχές πο μπουτ έντυπα ντα βίντεα.
Σαρ τι αρακχές ο εδάφια κι Αγία Γραφή
Η Αγία Γραφή τθερέλα 66 πο χουρντέ βιβλία. Χωρίντιβελα σε ντούι μέρη: κο Εβραϊκές-Αραμαϊκές Γραφές («Παλαιά Διαθήκη») ντα κο Ελληνικές Γραφές («Καινή Διαθήκη»).
Ο εδάφια κο μαθήματα κα σικάντιβεν αντικάς: Ο ναβ σο τθερέλα ο βιβλίος ι Γραφιάκο (Α) , σοράν ο κεφάλαιος (Β) ντα σοράν ο εδάφιος ή ο εδάφια (Γ).
Για παράδειγμας, ο Ιωάννης 17:3 ισί κο βιβλίος κι Ιωαννίσκο, κο κεφάλαιος 17 ντα εδάφιος 3.