Συγχωρίναβα μανγκέλα τι βακερέλ ότι σβήναβα ο λάθος ντα νασκιαράβα σο-ντα μπέτι πράγμας τθεράβα αντρέ μι γκίστε. Συγχωρίναβα να μανγκέλα τι βακερέλ ότι χουρντιαράβα ο λάθος ή κεράβα ότι να αβιλό-πες τίποτα.

ΑΡΧΗ ΚΑΤΑ ΓΡΑΦΗ: «Τι νταϊντίνεν ο εκ ι γιαβερές ντα τι συγχωρίνεν ο εκ ι γιαβερές αντράλ τουμαρέ γκίσταρ, ατζέ-ντα άμα εκ τζενό τθερέλα παράπονος εκχέ γιαβερέσταρ».​—Κολοσσαείς 3:13.

«Κάνα μανγκέσα εκχέ τζενές, να ντέσα σημασία κο λάθη λέσκε αλλά ντικχέσα σο τζενό προσπαθίνελα τι αβέλ».—Άαρον.

Άμα ατσσικιαρένα αντρέ τουμέντε χολί, κα κερέν ζιάνι τουμαρέ σωμάστε ντα τουμαρέ γκίστε ντα επίσης τουμαρέ μπιαβέστε

«Εκ φαρ μο ρομ μανγκλάας μάνταρ συγνώμη σόσκε κερντάας κάτι σο πληγωντάς-μαν μπουτ. Ισινέ μάνγκε δύσκολος τι συγχωρίναβ-λες. Κάνα τελικά συγχωριντόμ-λες, μετανιωσάλομ σο να κερντόμας-λες πο τζανγκλέ. Σινανέ αντάμας αμένγκε φασαρίες».—Τζούλια.

ΠΟΥΤΣΕΝ ΤΟΥΜΑΡΟ ΝΕΑΥΤΟΣ

Ι γιαβέρ φαρ σο κα πληγώντιβεν εκχέ πραγμάσταρ σο κερντάς ή βακερντάς τουμαρό ρομ ή τουμαρί ρομνί, σκεφτίνεν:

• “Μήπως ισινόμ μπουτ ευαίσθητος ή ευαίσθητη;”

• “Ισί αζόμ μπαρό ο θέμας σο πρέπει σο-ντα τι αβέλ-πες τι μανγκέλ μάνταρ συγνώμη ή κα μπορίναβας απλά τι μπιστράβ-λες;”

ΚΕΡΕΝ ΛΑΦΙ ΤΟΥΜΑΡΕ ΡΟΜΕΣΑΡ Ή ΤΟΥΜΑΡΕ ΡΟΜΝΙΑΣΑΡ

• Καζόμ χρόνος μανγκάσα ο πο μπουτ φαρ για τι συγχωρίνας ο εκ ι γιαβερές;

• Σο μπορίνασα τι κεράς για τι συγχωρίνας πο σουγκό;

ΙΔΕΕΣ

• Κάνα νιωθίνενα ότι τουμαρό ρομ ή τουμαρί ρομνί προσβαλιντάς-τουμέν, μα βακερέν ότι κερντάς-λες επίτηδες.

• Προσπαθίνεν τι δικαιολογίνεν λέσκι ή λάκι συμπεριφορά ντα μα τι μπιστρέν ότι «σαρέ κεράσα λάθη μπουτ φαρ».​—Ιακώβου 3:2.

«Συγχωρίνεσα πο εύκολα κάνα ο ντούι-ντα φταίνενα, αλλά ισί πο δύσκολος κάνα φταίνελα σάντε ο εκ. Πρέπει τι αβές ταπεινός για τι δεχτίνες ι συγνώμη ι γιαβερέσκι ντα τι συγχωρίνες-λες».​—Κίμπερλι.

ΑΡΧΗ ΚΑΤΑ ΓΡΑΦΗ: «Κερ . . . λάφι χωρίς τι χασαρές σαάτι».​—Ματθαίος 5:25.