1. Σόσκε ο απόστολος Παύλος βακερντάς κο Εβραίοι Χριστιανοί τι ενθαρρύνεν ο εκ ι γιαβερές «ατζέ πιο μπουτ»;

ΚΟ ΠΡΩΤΟΣ αιώνας, ο απόστολος Παύλος βακερντάς κο Εβραίοι Χριστιανοί: «Τι σκεφτίνας ντα τι βοηθίνας ο εκ ι γιαβερές για τι σικαβάς αγάπη ντα τι κεράς λατσσέ πράγματα, χωρίς τι τσσιναβάς τι τζας κο συναθροίσεις, σαρ κερντέ-λες συνήθεια μερικοί, αλλά τι ενθαρρύνας ο εκ ι γιαβερές, ντα ατζέ πιο μπουτ καζόμ ντικχένα τι ερεσέλ ο ντιβές». (Εβραίους 10:​24, 25) Ο πφραλά μπορεί τι σκεφτίνενας σόσκε βακερντάς λένγκε ο Παύλος τι ενθαρρύνεν ο εκ ι γιαβερές ατζέ πιο μπουτ. Πριν τι νακχέν παντς μπρεσά, αγαντέ καβά ισινέ εκ λόγος σο βακερντάς-λες ανταβά. Αζομάν, ντικχλέ ότι ερεσέλας ο ντιβές σο κα κρίνελας ο Ιεχωβά ι Ιερουσαλήμ. Αγαντέ ότι έπρεπε τι νασέν κατά πόλη σαρ βακερντάας λένγκε ο Ιησούς. (Λουκάς 21:​20-22· Πράξεις 2:​19, 20) Οντουβά ντιβές ι Ιεχωβάσκο αβιλό κο 70 Κ.Χ. κάνα ο Ρωμαίοι καταστραφιντέ ι Ιερουσαλήμ.

2. Σόσκε πρέπει αντιβές τι τθεράς ατζέ πιο μπουτ αμαρέ γκοντιάτε τι ενθαρρύνας ο εκ ι γιαβερές;

² Αντιβές, αμέν-ντα ντικχάσα τι ερεσέλ ο ντιβές ι Ιεχωβάσκο,  σο ισί «μπαρό ντα ανέλα μπουτ νταρ». (Ιωήλ 2:​11) Οντουλά σο βακερντάς ο προφήτης Σοφονίας ισί αμαρέ ντιβεσένγκε-ντα: «Ο μπαρό ντιβές ι Ιεχωβάσκο ισί πασέ! Ισί πασέ ντα αβέλα μπουτ σουγκό!» (Σοφονίας 1:​14) Οτθάρ, πρέπει «τι πφαμπάς ο εκ ι γιαβερέσκε ντα τι βοηθίνας ο εκ ι γιαβερές για τι σικαβάς αγάπη ντα τι κεράς λατσσέ πράγματα». (Εβραίους 10:​24, υποσημείωση) Πρέπει τι πφαμπάς ατζέ πιο μπουτ αμαρέ πφραλένγκε για τι ενθαρρύνας-λεν κάνα χρειαζίντιβενα-λες.

3. Σο βακερντάς ο απόστολος Παύλος για την ενθάρρυνση; (Ντικχ ι φωτογραφία σο ισί κι αρχή)

³ «Ο γκι εκχέ τζενέσκο σο ανησυχίνελα μπουτ κα πφανγκιόλ, αλλά ο λατσσό λάφι κα κερέλ-λες τι χαιρίνελ». (Παροιμίες 12:​25) Σαρέ χρειαζίντιβασα ενθάρρυνση μπάζιμα. Ο Παύλος σικαντάς ξεκάθαρα ότι ατζέ-ντα οντουλά σο τθερένα ι ευθύνη τι ενθαρρύνεν ι γιαβερέν χρειαζίντιβενα ενθάρρυνση. Βοβ γραφιντάς πι πφραλένγκε κι Ρώμη: «Μανγκάβα μπουτ τι ντικχάβ-τουμέν ντα τι νταβ-τουμέν εκ πνευματικός δώρος για τι αβέν σταθεροί· ή μάλλον για τι ενθαρρύντιβας κατά πίστη ο εκ ι γιαβερέσκι, εμ τουμαριάταρ εμ μιριάταρ». (Ρωμαίους 1:​11, 12) Ατζέ-ντα ο απόστολος Παύλος μπάζιμα χρειαζίντιβελας ενθάρρυνση.​—Διαβάνεν Ρωμαίους 15:​30-32.

4, 5. Κας μπορίνασα τι ενθαρρύνας αντιβές, ντα σόσκε;

⁴ Αντιβές, μπορίνασα τι ενθαρρύνας οντουλέν σο υπηρετίνενα ι Ιεχωβάς ολοχρόνια, σαρ ισί ο πιστοί σκαπανείς. Μπουτ λένταρ μουκχλέ πράγματα σο μπεϊντίνενα για τι κερέν ο σκαπανικός. Ο ίδιος κερντέ ο ιεραπόστολοι, ο Μπεθελίτες, ο επίσκοποι περιοχής ντα λένγκε ρομνιά, ντα οντουλά σο υπηρετίνενα κο απομακρυσμέ μεταφραστικά γραφεία. Σαρέ ανταλά κερένα θυσίες για τι ντεν πιο μπουτ πουμαρέ σαατίσταρ κι υπηρεσία κι Ιεχωβάσκι. Οτθάρ, πρέπει τι ενθαρρύνας-λεν. Επίσης, υπαρχίντιβενα μπουτ πφραλά σο ισινέ κι ολοχρόνια υπηρεσία αλλά να μπορίνενα τι συνεχίνεν. Βον-ντα εκτιμίνενα μπουτ ι ενθάρρυνση σο λένα.

⁵ Κον γιαβέρ αξίνελα τι λελ ενθάρρυνση; Μπορίνασα τι ενθαρρύνας ι μπουτέ πφραλέν ντα πφενίν σο τραμπιντέ τι ατσσόν εργένια επειδή μανγκένα τι ντεν καν ι Ιεχωβάς ντα τι παντρίνεν «σάντε εκχές σο ακολουθίνελα ι Κυριός». (1 Κορινθίους 7:​39) Ο τζουβλιά ενθαρρύντιβενα κάνα λένγκε ρομά βακερένα λένγκε ότι μανγκένα-λεν ντα ότι εκτιμίνενα σαρέ οντουλά σο κερένα. (Παροιμίες 31:​28, 31) Επίσης, ο Χριστιανοί σο νακχένα διωγμός ή ισί νασφαλέ χρειαζίντιβενα ενθάρρυνση. (2 Θεσσαλονικείς 1:​3-5) Ο Ιεχωβά ντα ο Ιησούς παρηγορίνενα σαρέ ανταλέ πιστέ τζενέν.​—Διαβάνεν 2 Θεσσαλονικείς 2:​16, 17.

6. Σο σικλιάσα κατά εδάφια Ησαΐας 32:1, 2 για το ρόλος σο τθερένα ο πρεσβύτεροι;

⁶ Διαβάνεν Ησαΐας 32:1, 2. Τζουβντιάσα δύσκολε ντιβεσέντε ντα κα μπορίναας εύκολα τι στεναχωρίντιβας ντα τι χασαράς αμαρό κουράγιος. Ο Ιησούς Χριστός χρησιμοποιήνελα πι χρισμέ πφραλέν ντα ι πιστέ “αρχοντέν” κατά γιαβερά μπρακέ για τι ενθαρρύνελ-αμέν. Ανταλά πρεσβύτεροι να “κερένα κουμάντος” αμαρί πίστη, αλλά “ισί συνεργάτες” για τι αβάς χαρούμενοι. Μανγκένα τι βοηθίνεν-αμέν τι αβάς χαρούμενοι ντα τι ατσσάς πιστοί.​—2 Κορινθίους 1:24.

7, 8. Σαρ μπορίνενα ο πρεσβύτεροι τι ενθαρρύνεν ι γιαβερέν οντουλέντζαρ σο βακερένα ντα κερένα;

⁷ Ο πρεσβύτεροι μπορίνενα τι μοιάζεν κο απόστολος Παύλος σο πάντα προσπαθίνελας  τι ενθαρρύνελ πι πφραλέν. Γραφιντάς κο Χριστιανοί κι Θεσσαλονίκη σο τθερένας διωγμός: «Επειδή τθεράσα-τουμέν αντρέ αμαρέ γκίστε, ισινάμας αποφασισμέ τι ντας-τουμέν, όχι σάντε ο λατσσέ αμπέρια ι Ντεβλέσκε, αλλά αμαρό νεαυτός-ντα, σόσκε μανγκλάμ-τουμέν μπουτ».​—1 Θεσσαλονικείς 2:8.

⁸ Ο πρεσβύτεροι μπορίνενα τι ενθαρρύνεν μπουτ οντουλέντζαρ σο βακερένα. Αλλά ερεσέλα σάντε ανταβά; Ο Παύλος βακερντάς κο πρεσβύτεροι σο ισινέ κατά Έφεσος: «Πρέπει τι βοηθίνεν οντουλέν σο νανέ ζουρανέ, ντα πρέπει τι ντεν-τουμέν γκοντί ο λάφια ι Κυριόσκε, ι Ιησούσκε, σο βακερντάς: “Ισί πιο ευτυχισμέ εκ τζενό όταν ντέλα παρά όταν λέλα”». (Πράξεις 20:​35) Ο Παύλος ισινέ έτοιμος “τι ντελ τα πάντα ντα σαρί πι ζωή” πι πφραλένγκε. Σικαντάς οντουλέντζαρ σο κερντάς ότι ισινέ έτοιμος τι κερέλ ο πιο λατσσό σο μπορίνελας λένγκε. (2 Κορινθίους 12:​15) Αντικάς ο πρεσβύτεροι-ντα πρέπει τι ενθαρρύνεν ντα τι παρηγορίνεν ι γιαβερέν, όχι σάντε οντουλέντζαρ σο βακερένα, αλλά οντουλέντζαρ σο κερένα-ντα. Ανταβά σικαβέλα ότι πφαμπόνα μπαγιά αμένγκε.​—1 Κορινθίους 14:3.

9. Σαρ μπορίνενα ο πρεσβύτεροι τι ντεν συμβουλή για τι ενθαρρύνεν ι γιαβερέν;

⁹ Για τι ντεν ζορ κο πφραλά, ο πρεσβύτεροι μπάζιμα χρειαζίντιβελα τι ντεν συμβουλή. Ντα μπορίνενα τι σικλιόν κατά Αγία Γραφή σαρ τι κερέν-λες ανταβά με εκ τρόπος σο κα ενθαρρύνελ ι γιαβερέν. Αφού μουλό ντα αναστισάλο, ο Ιησούς μουκχλάς εκ μπουτ λατσσό παράδειγμας ανταλέστε κάνα ντινάς σοβαρές συμβουλές μερικέ κχανγκιρίντε κι Μικρά Ασία. Αλλά πριν τι ντελ ο συμβουλές, ισαρντάς αντράλ πι γκίσταρ ι κχανγκιρίν κι Έφεσος, κι Πέργαμος ντα κο Θυάτειρα σαρέ ι λατσσέ πραγματένγκε σο κερένας. (Αποκάλυψη 2:​1-5, 12, 13, 18, 19) Ο Ιησούς βακερντάς κι κχανγκιρί σο ισινέ κι Λαοδίκεια: «Με, σαρέ οντουλέν σο μανγκάβα, ντάβα-λεν συμβουλές ντα διορθώναβα-λεν. Οτθάρ, υπηρέτινε ι Ντεβλές σαρέ τι γκίσαρ ντα μετάνιωνε». (Αποκάλυψη 3:​19) Ο πρεσβύτεροι προσπαθίνενα τι ακολουθίνεν ι Χριστόσκο παράδειγμας κάνα ντένα συμβουλή.

10. Σαρ μπορίνασα σαρέ τι ντας ζορ ο εκ ι γιαβερές;

¹⁰ Να τθερένα σάντε ο πρεσβύτεροι ι ευθύνη τι ενθαρρύνεν ι γιαβερέν. Ο Παύλος βακερντάς σαρέ ι Χριστιανόνγκε τι βακερέν “λατσσέ λάφια σο ντένα ζορ ι γιαβερέν κάνα ισί ανάγκη, για τι κερέν λατσσιπέ” ι γιαβερένγκε. (Εφεσίους 4:​29) Ο κάθε εκ αμένταρ πρέπει τι τζανέλ σο χρειαζίντιβενα ο γιαβερά για τι μπορίνελ τι βοηθίνελ-λεν. Ο Παύλος γραφιντάς κο Εβραίοι Χριστιανοί: «Κερέν ζουρανέ ο βαστά σο ιμπλάντιβενα ντα ο κοτσά σο να τθερένα ζορ, ντα συνεχίνεν τι κερέν ίσια ο ντρομά τουμαρέ πιντρένγκε, για μα τι αβέλ χειρότερα ο μπανγκό πιντρό, αλλά τι αβέλ λατσσές». (Εβραίους 12:​12, 13) Σαρέ μπορίνασα τι ντας ζορ ντα τι ενθαρρύνας ο εκ ι γιαβερές οντουλέντζαρ σο βακεράσα, ατζέ-ντα άμα ισινάμ μπουτ τερνέ.

11. Σο βοηθιντάς ι Μαρθά όταν τθερέλας κατάθλιψη;

¹¹ Εκ πφεν, η Μάρθα, τθερέλας κατάθλιψη. * (Ντικχ ι υποσημείωση) Βόι γραφιντάς: «Εκ ντιβές σο μανγκάβας κατά Ιεχωβά τι ντελ-μαν ενθάρρυνση, ντικχλόμ εκχέ πφουρέ πφενιά σο σικαντάς μάνγκε αγάπη ντα πφαμπιλί μάνγκε, κάτι σο τθεράβας μπουτ ανάγκη οντουλά ντιβεσά. Επίσης, βακερντάς μάνγκε ότι βόι-ντα τθερέλας  κατάθλιψη. Ανταβά βοηθιντάς-μαν μα τι νιωθίναβ ντιπ κορκορί». Οντιά πφεν μπορεί μα τι αγαντάς ιτς καζόμ μπουτ βοηθιντέ λάκε λάφια ι Μαρθά!

12, 13. Σαρ μπορίνασα τι κεράς ι συμβουλή σο ισί κο εδάφια Φιλιππησίους 2:​1-4;

¹² Ο Παύλος γραφιντάς κο Χριστιανοί κο Φίλιπποι: «Άμα ενθαρρύνενα ο εκ ι γιαβερές ντα ισινέν ενωμέ κο Χριστός, άμα παρηγορίνενα ο εκ ι γιαβερές μανγκιμάσαρ, άμα πφαμπόνα ο εκ ι γιαβερέσκε ντα άμα τθερένα σουκάρ αισθήματα ντα τζιτζίνενα ο εκ ι γιαβερέσκε, κα κερέν-μαν ατζέ πιο χαρούμενος όταν σκεφτίνενα με το ίδιος τρόπος, τθερένα ι ίδια αγάπη, ισινέν ενωμέ ντα τθερένα ι ίδια σκέψη κι γκοντί. Μα τι κερέν τίποτα επειδή μανγκένα τι χαν-τουμέν ή από εγωισμός, αλλά με ταπεινότητα τι νιωθίνεν ότι ο γιαβερά ισί πιο σημαντικοί τουμένταρ, ντα μα τι ντικχέν σάντε τουμαρό συμφέρον, αλλά ο συμφέρον ι γιαβερένγκο-ντα».​—Φιλιππησίους 2:​1-4.

¹³ Σαρέ πρέπει τι ρόντας τρόπους για τι βοηθίνας ο εκ ι γιαβερές. Για τι ενθαρρύνας αμαρέ πφραλέν ντα πφενίν, μπορίνασα τι “παρηγορίνας ο εκ ι γιαβερές μανγκιμάσαρ”, τι “πφαμπάς ο εκ ι γιαβερέσκε”, τι “τθεράς σουκάρ αισθήματα ντα τι τζιτζίνας ο εκ ι γιαβερέσκε”.

14. Καβά ισί εκ τρόπος για τι ενθαρρύνας;

¹⁴ Χαιρίνασα κάνα ασουνάσα ότι ο τζενέ σο βοηθιντάμ-λεν τι σικλιόν ι αλήθεια συνεχίνενα τι αβέν πιστοί. Ο απόστολος Ιωάννης γραφιντάς: «Τίποτα να ντέλα-μαν πιο μπαρί χαρά ανταλάταρ: τι ασουνάβ ότι μο τσσαβέ πφιρένα κι αλήθεια». (3 Ιωάννη 4) Μπουτ σκαπανείς ενθαρρύντιβενα κάνα ασουνένα ότι κάποιος σο βοηθιντέ-λες τι σικλιόλ  ι αλήθεια πριν μπουτ μπρεσά συνεχίνελα τι υπηρετίνελ ι Ιεχωβάς πιστά, ντα μπορεί τι κερέλα σκαπανικός-ντα. Οτθάρ, άμα ο σκαπανείς χρειαζίντιβενα ενθάρρυνση, μπορίνασα τι ανάς λένγκε γκοντιάτε σαρέ ο λατσσέ πράγματα σο κερντέ για τι βοηθίνεν γιαβερέν.

15. Σο μπορίνασα τι κεράς για τι ενθαρρύνας οντουλέν σο υπηρετίνενα πιστά;

¹⁵ Μπουτ επίσκοποι περιοχής βακερντέ καζόμ ενθάρρυνση λιντέ βον ντα λένγκε ρομνιά κάνα ντινέ-λεν εκ χουρντό γράμμας για τι ευχαριστίνεν-λεν σο γκιλέ λένγκε κχανγκιριάτε. Αντικάς νιωθίνενα γιαβερά-ντα πφραλά σο υπηρετίνενα πιστά ι Ιεχωβάς, σαρ ισί ο πρεσβύτεροι, ο ιεραπόστολοι, ο σκαπανείς ντα ο Μπεθελίτες. Όταν ευχαριστίνασα-λεν, μπορεί τι ενθαρρύνας-λεν πιο μπουτ οντουλέσταρ σο μπεκλεντίνασα.

16. Καλά απλά πράγματα μπορίνενα τι ενθαρρύνεν εκχέ τζενές;

¹⁶ Σο αβέλα-πες όμως άμα ισί τουμένγκε δύσκολος τι βακερέν κο γιαβερά σαρ νιωθίνενα λένγκε; Κι πραγματικότητα, νανέ αζόμ δύσκολος τι ενθαρρύνας ι γιαβερέν. Προσπαθίνεν τι ασάν εκχέ τζενέσκε. Άμα να κα ασάλ τουμένγκε βοβ-ντα, μπορεί ανταβά τι σικαβέλα ότι τθερέλα εκ πρόβλημας ντα χρειαζίντιβελα εκχέ τζενές για τι κερέλ λάφι. Για τι παρηγορίνεν-λες, μπορίνενα απλά τι ασουνέν-λες.​—Ιακώβου 1:19.

17. Σο ενθαρρυντάς εκχέ τερνέ πφραλές;

¹⁷ Εκ τερνό πφραλ, ο Ανρί, στεναχωρισάλο μπουτ κάνα μερικοί λέσκε τζενένταρ τσσιναντέ τι υπηρετίνεν ι Ιεχωβάς. Εκ τανό λένταρ ισινέ λέσκο ντατ-ντα, σο ισινέας πρεσβύτερος. Εκ επίσκοπος περιοχής  ντικχλάς ότι ο Ανρί ισινέ στεναχωριμέ ντα γκερντάς-λες κάπου για καφές. Βοβ ασουνέλας προσεκτικά καζόμ ο Ανρί πουτρέλας λέσκε πο γκι. Ο Ανρί αγαντάς ότι ο μόνος πράγμας σο μπορίνελας τι κερέλ για τι βοηθίνελ πι τζενέν τι βουρτίνεν κι αλήθεια ισινέ τι ατσσόλ βοβ πιστός. Επίσης, λιντάς παρηγοριά κάνα διαβαντάς ο Ψαλμός 46 ντα ο εδάφια Σοφονίας 3:​17 ντα Μάρκος 10:​29, 30.

18. (α) Σο γραφιντάς ο βασιλιάς Σολομών για την ενθάρρυνση; (β) Καγιά συμβουλή ντινάς ο απόστολος Παύλος;

¹⁸ Σο μπορίνασα τι σικλιάς κατά Μάρθα ντα κατά Ανρί; Σαρέ μπορίνασα τι παρηγορίνας ντα τι ενθαρρύνας εκχέ πφραλές ή εκχέ πφενιά σο τθερέλα ανάγκη. Ο βασιλιάς Σολομών γραφιντάς: «Καζόμ λατσσό ισί ο λάφι σο βακέρντιβελα κι σωστή στιγμή! Ο χαρούμενος ντικχιπέ ντέλα χαρά κο γκι· ο λατσσό αμπέρι ντέλα ζορ κο κόκαλα». (Παροιμίες 15:​23, 30, υποσημείωση) Μπορίνενα τι σκεφτίνεν εκχέ τζενές σο χρειαζίντιβελα ενθάρρυνση ή ισί στεναχωριμέ; Σόσκε μα τι κερέν κάτι αζόμ απλός σαρ ισί τι διαβάνεν λέσκε κάτι κατά Σκοπιά ή κατά ιστότοπος; Επίσης, ο Παύλος σικαντάς ότι αν γκιλιαβάσα γιεκ ο ύμνοι ι Βασιλειάκε κα νιωθίνας πιο λατσσές. Βοβ γραφιντάς: «Τι σικλιαρέν ντα τι ενθαρρύνεν ο εκ ι γιαβερές ψαλμόντζαρ, γκιλίντζαρ σο ντένα δόξα ι Ντεβλές ντα με πνευματικούς ύμνους σο βακέρντιβενα με εκτίμηση. Βακερέν ύμνους αντράλ τουμαρέ γκίσταρ ι Ιεχωβάσκε».​—Κολοσσαείς 3:​16· Πράξεις 16:25.

19. Σόσκε κα αβέλ η ενθάρρυνση ατζέ πιο σημαντική καζόμ νακχέλα ο καιρός, ντα σο πρέπει τι κεράς;

¹⁹ Καζόμ ερεσέλα ο ντιβές ι Ιεχωβάσκο, κα αβέλ ατζέ πιο σημαντικός αμένγκε τι ενθαρρύνας ο εκ ι γιαβερές. (Εβραίους 10:​25) Κα αβάς χαρούμενοι αν κα ντας καν κι συμβουλή κι Παυλόσκι: «Τι ενθαρρύνεν ο εκ ι γιαβερές ντα τι μπαριαρέν ο εκ ι γιαβερέσκι πίστη, σαρ κερένα-λες».​—1 Θεσσαλονικείς 5:11.