Τερνάλεν, Ισινέν Αφοσιωμέ κο Πνευματικοί Στόχοι;
«Μουκχ κο Ιεχωβά σο-ντα κερέσα, ντα το σχέδια κα τθερέν επιτυχία».—ΠΑΡΟΙΜΙΕΣ 16:3.
ΥΜΝΟΙ: 11, 24
1-3. (α) Σο αντιμετωπίνενα σαρέ ο τερνέ, ντα σαρ μοιάζελα ανταβά; (Ντικχ ι φωτογραφία σο ισί κι αρχή) (β) Σο κα βοηθίνελ ι τερνέ Χριστιανόν;
ΒΑΚΕΡΕΝ ότι μανγκένα τι τζαν σε εκ πόλη σο ισί ντουρ, εκχέ σημαντικέ πραγμάσκε σο κα αβέλ-πες. Για τι τζαν οτθέ, πρέπει τι λεν ο λεωφορείος. Κάνα ερεσένα κο σταθμός, κι αρχή σαστίνενα σόσκε ντικχένα μπουτέ τζενέν ντα μπουτ λεωφορεία. Αλλά τουμέν τζανένα ακριβώς κάι μανγκένα τι τζαν ντα καβά λεωφορείος τι λεν. Να κα λεν καέκ γιαβέρ λεωφορείος, σόσκε τζανένα ότι κα γκερέλ-τουμέν λάθος τθανέστε.
2 Η ζωή ισί σαρ εκ ταξίδι, ντα τουμέν, τερνάλεν, ισινέν σαρ ο τζενέ κο σταθμός. Μερικές φορές υπαρχίντιβενα αζόμ πράγματα τι κερέν ντα τι τραμπίνεν κι ζωή σο κα μπορίνενας τι σαστίνεν. Αλλά άμα τζανένα ακριβώς κάι μανγκένα τι τζαν, κα αβέλ πιο εύκολος τουμένγκε τι λεν σωστές αποφάσεις. Καβά ντρομ πρέπει τι λεν;
3 Ανταβά μάθημας κα απαντίνελ ανταλέ ερωτησιάτε ντα κα σικαβέλ τουμένγκε σόσκε ισί λατσσό τι σκεφτίνεν πρώτα τουμαρέ ζωγιάτε σαρ κα κερέν χαρούμενος ι Ιεχωβάς. Ανταβά μανγκέλα τι βακερέλ τι ακολουθίνεν ο συμβουλές ι Ιεχωβάσκε Παροιμίες 16:3.
σαρέ κο αποφάσεις σο λένα τουμαρέ ζωγιάτε, σαρ για παράδειγμας σο εκπαίδευση ντα σο μπουτί κα τραμπίνεν ή άμα κα παντρίνεν ντα κα κερέν τσσαβέν. Ντα μανγκέλα τι βακερέλ τι προσπαθίνεν τι πετυχίνεν πνευματικούς στόχους, δηλαδή στόχους σο κα ανέν-τουμέν πιο πασέ κο Ιεχωβά. Αν κα ατσσόν αφοσιωμέ κι υπηρεσία κι Ιεχωβάσκι, μπορίνενα τι αβέν σίγουροι ότι κα ευλογίνελ-τουμέν ντα κα βοηθίνελ-τουμέν τι τθερέν επιτυχία.—ΔιαβάνενΣΟΣΚΕ ΤΙ ΤΣΣΟΥΒΕΝ ΠΝΕΥΜΑΤΙΚΟΥΣ ΣΤΟΧΟΥΣ;
4. Σο κα ντικχάς ανταλέ μαθημάστε;
4 Ισί λατσσό τι τσσουβέν πνευματικούς στόχους. Σόσκε; Κα ντικχάς τριν λόγους. Ο πρώτος ντα ο δεύτερος κα βοηθίνεν-τουμέν τι αγαβέν ότι κάνα προσπαθίνενα τι πετυχίνεν πνευματικούς στόχους, κα αβέν πιο λατσσέ αμαλά ι Ιεχωβάσκε. Ο τρίτος κα σικαβέλ σόσκε ισί λατσσό τι τσσουβέν ανταλά στόχους κάνα ισινέν τερνέ.
5. Καβά ισί ο πιο σημαντικός λόγος για τι τσσουβέν πνευματικούς στόχους;
5 Ο πιο σημαντικός λόγος για τι τσσουβέν πνευματικούς στόχους ισί τι ευχαριστίνεν ι Ιεχωβάς λέσκε μανγκιμάσκε ντα σαρέ οντουλένγκε σο κερντάς αμένγκε. Εκ ψαλμωδός βακερντάς: «Ισί λατσσό τι ευχαριστίνας ι Ιεχωβάς . . . Σόσκε κερντάν-μαν τι χαιρίναβ, Ιεχωβά, οντουλέντζαρ σο κερντάν· χάρη κο πράγματα σο κερντάν τι βαστέντζαρ ντάβα βίκος χαράσαρ». (Ψαλμός 92:1, 4) Σκεφτίνεν σαρέ οντουλά σο ντινάς-τουμέν ο Ιεχωβά: ι ζωή, ι πίστη, ι Αγία Γραφή, ι κχανγκιρί ντα ι ελπίδα τι τζουβντιόν για πάντα κο Παράδεισος. Κάνα τσσουβένα πνευματικούς στόχους, σικαβένα κο Ιεχωβά ότι εκτιμίνενα-λεν σαρέ ανταλά, ντα αντικάς αβένα πιο πασέ λέστε.
6. (α) Σαρ επηρεάνενα ο πνευματικοί στόχοι τουμαρί φιλία ι Ιεχωβάσαρ; (β) Καλά στόχοι μπορίνενα τι τσσουβέν κάνα ισινέν τερνέ;
6 Ο δεύτερος λόγος για τι τσσουβέν πνευματικούς στόχους ισί ότι κάνα προσπαθίνενα τι πετυχίνεν-λεν, κερένα λατσσέ πράγματα ι Ιεχωβάσκε. Αντικάς, αβένα πιο πασέ λέστε. Ο απόστολος Παύλος γραφιντάς ακαγιά υπόσχεση: «Ο Ντεβέλ νανέ άδικος για τι μπιστρέλ οντουλά σο κερντέν ντα ι αγάπη σο σικαντέν λέσκε ναβέσκε». (Εβραίους 6:10) Ποτές να ισινέν μπουτ χουρντέ για τι τσσουβέν πνευματικούς στόχους. Για παράδειγμας, η Κριστίνε ισινέ 10 μπρεσένγκι κάνα αποφασιντάς τι διαβάνελ τακτικά ο ιστορίες ι πιστέ Μαρτυρένγκε. Ο Τόμπι ισινέ 12 μπρεσένγκο κάνα τσσουντάς στόχος τι διαβάνελ σαρί ι Γραφή πριν τι μπολντιόλ. Ο Μαξίμ ισινέ 11 μπρεσένγκο ντα λέσκι πφεν η Νοέμι 10 μπρεσένγκι κάνα μπολντιλέ. Ο ντούι-ντα τσσουντέ στόχος τι υπηρετίνεν κο Μπέθελ. Για τι ατσσόν αφοσιωμέ κο στόχος σο τσσουντέ, ιμπλαντέ κο ντουβάρι πουμαρέ κχερέσκο εκ αίτηση για το Μπέθελ. Σο κα κερέν τουμέν; Μπορίνενα τι σκεφτίνεν καλά στόχοι ισί σημαντικοί τουμένγκε ντα τι αρχίνεν τι προσπαθίνεν για τι πετυχίνεν-λεν;—Διαβάνεν Φιλιππησίους 1:10, 11.
Άμα τζανένα καλά ισί τουμαρέ στόχοι, ισί πιο εύκολος τι λεν σωστές αποφάσεις
7, 8. (α) Σαρ μπορίνασα τι λας πιο εύκολα αποφάσεις κάνα τσσουβάσα στόχους; (β) Σόσκε εκ έφηβη τραμπιντάς μα τι τζαλ κο πανεπιστήμιος;
7 Καβά ισί ο τρίτος λόγος για τι τσσουβέν στόχους κάνα ισινέν τερνέ; Καζόμ ισινέν τερνέ, πρέπει τι λεν μπουτ αποφάσεις. Χρειαζίντιβελα τι αποφασίνεν σο εκπαίδευση ντα σο μπουτί κα τραμπίνεν, ντα μπουτ γιαβερά πράγματα. Ανταλά αποφάσεις ι ζωγιάκε ισί σαρ ο διασταυρώσεις σο αρακχένα εκχέ ταξιδίστε. Άμα τζανένα κάι τζάνα, ισί εύκολος τι αποφασίνεν καβά ντρομ κα λεν. Ντα άμα τζανένα καλά ισί τουμαρέ στόχοι, ισί πιο εύκολος τι λεν σωστές αποφάσεις. Ο Παροιμίες 21:5 βακερέλα: «Ο σχέδια σο κερέλα οντουβά σο ισί γκοντιαβέρ κα τθερέν λατσσό αποτέλεσμας». Καζόμ πιο νωρίς κερένα σχέδια ντα τσσουβένα λατσσέ στόχους, αζόμ πιο σουγκό κα αβέν ο λατσσέ αποτελέσματα. Ανταβά αγαντάς η Ντάμαρις κάνα έπρεπε τι λελ εκ σημαντική απόφαση κι εφηβεία.
εδάφιος8 Η Ντάμαρις τθερέλας μπουτ λατσσέ βαθμούς κάνα τελειωντάς ο σχολείος, ντα κα μπορίνελας τι τζαλ κο πανεπιστήμιος τι σπουδάνελ δικηγόρος χωρίς τι ποκινέλ. Αλλά βόι τραμπιντάς εκ μπουτί σο να κα λέλας λάταρ μπουτ χρόνος. Σόσκε; Επειδή κάνα ισινέ χουρντί, αποφασιντάας τι κερέλ σκαπανικός. Βόι βακερέλα: «Για τι κεράβας-λες ανταβά, κα χρειαζίντιβελας τι κεράβ μπουτί χάνικ σαάτια. Άμα κα λάβας πτυχίος δικηγορόσκο, κα μπορίναβας τι νικαβάβ μπουτ λοβέ, αλλά να κα αρακχάβας εύκολα εκ μπουτί χάνικ σαατίντζαρ». Η Ντάμαρις κερέλα σκαπανικός 20 μπρεσά. Νιωθίνελα ότι τσσουντάς ο σωστός στόχος ντα ότι λιντάς ι σωστή απόφαση κάνα ισινέ κι εφηβεία; Βα. Οτθέ σο κερέλα μπουτί, μπουτ φαρ κερέλα λάφι δικηγορόντζαρ σο κερένα ι μπουτί σο κα κερέλας βόι-ντα άμα κα τζάλας κο πανεπιστήμιος. Η Ντάμαρις βακερέλα ότι μπουτ λένταρ νανέ ιτς ευχαριστιμέ πουμαρέ μπουτιάσαρ. Νιωθίνελα ότι, επειδή σαρέ ανταλά μπρεσά κερέλα σκαπανικός, ισί μπουτ ευτυχισμέ ντα νανέ σαρ οντουλά τζενέ σο να τθερένα χαρά.
9. Σόσκε ισινάμ περήφανοι αμαρέ τερνένγκε;
9 Χιλιάδες τερνέ αμαρέ κχανγκιρίντε σαρό κο ντουνιάς τζάνα-λεν μπουτ λατσσές ντα αξίνενα ισαριπέ. Τσσουβένα πρώτα πουμαρέ ζωγιάτε πουμαρί φιλία ι Ιεχωβάσαρ ντα ο πνευματικοί στόχοι. Ανταλά τερνέ απολαμβάνενα μπαγιά ι ζωή ενώ σικλιόνα τι ακολουθίνεν ο οδηγίες ι Ιεχωβάσκε σαρέ κο πράγματα, σαρ ισί η εκπαίδευση, η μπουτί ντα η φαμιλί. Ο Σολομών βακερντάς: «Τι τθερές εμπιστοσύνη κο Ιεχωβά σαρέ τι γκίσαρ». Επίσης, βακερντάς: «Σο-ντα τι κερές, λες τι τθερές τι γκοντιάτε, ντα βοβ κα κερέλ το ντρομά ίσια». (Παροιμίες 3:5, 6) Τερνάλεν, ο Ιεχωβά μανγκέλα-τουμέν μπουτ! Ισινέν πολύτιμοι λέσκε, οτθάρ κα αρακχαβέλ, κα οδηγίνελ ντα κα ευλογίνελ-τουμέν.
ΤΙ ΠΡΟΕΤΟΙΜΑΝΕΝ-ΤΟΥΜΕΝ ΛΑΤΣΣΕΣ ΓΙΑ ΤΙ ΚΕΡΕΝ ΛΑΦΙ ΚΟ ΓΙΑΒΕΡΑ Ι ΙΕΧΩΒΑΣΚΕ
10. (α) Σόσκε πρέπει ο έργος τι αβέλ εκ κατά πιο σημαντικά πράγματα αμένγκε; (β) Σαρ μπορίνενα τι εξηγίνεν πιο λατσσές οντουλά σο πακιάνα;
10 Κάνα σκεφτίνενα πρώτα τουμαρέ ζωγιάτε σαρ κα κερέν χαρούμενος ι Ιεχωβάς, κα μανγκέν τι βακερέν κο γιαβερά λέσκε. Ο Ιησούς Χριστός βακερντάς ότι «πρέπει πρώτα τι βακέρντιβεν ο λατσσέ αμπέρια». (Μάρκος 13:10) Άρα, ο έργος πρέπει τι κερντιόλ χωρίς τι χασάρντιβελ χρόνος ντα πρέπει τι αβέλ εκ κατά πιο σημαντικά πράγματα αμένγκε. Μπορίνενα τι τσσουβέν στόχος τι κερέν πιο μπουτ έργος; Μπορίνενα τι κερέν σκαπανικός; Αλλά σο αβέλα-πες άμα να μπεϊντίνενα μπουτ ο έργος; Ντα σαρ μπορίνενα τι εξηγίνεν πιο λατσσές οντουλά σο πακιάνα; Κα βοηθίνεν-τουμέν ντούι πράγματα: Τι προετοιμάντιβεν λατσσές ντα μα τι τσσιναβέν τι βακερέν κο γιαβερά οντουλά σο τζανένα ι Ιεχωβάσκε. Κάνα κα κερέν-λεν ανταλά, κα σαστίνεν κατά μπαρί χαρά σο κα ντελ-τουμέν ο έργος.
Σαρ προετοιμάνενα-τουμέν για τι κερέν λάφι κο γιαβερά ι Ιεχωβάσκε; (Ντικχ ο παράγραφοι 11, 12)
11, 12. (α) Σαρ μπορίνενα τι προετοιμάνεν-τουμέν για τι κερέν λάφι κο γιαβερά ι Ιεχωβάσκε; (β) Σαρ χρησιμοποιηντάς εκ τερνό πφραλ ι ευκαιρία τι κερέλ λάφι ι Ιεχωβάσκε κο σχολείος;
Σαρ κα Ατσσάβ Σταθερός Όταν Πιένενα-μαν τι Κεράβ Σεξ;», σο ισί κο βιβλιάριος Απαντήσεις σε 10 Ερωτήσεις σο Κερένα ο Τερνέ, κα βοηθίνελ-τουμέν τι ετοιμάνεν τουμαρί απάντηση. Επίσης, ανταβά βιβλιάριος μπορίνελα τι βοηθίνελ-τουμέν τι ετοιμάνεν απαντήσεις γιαβερέ-ντα ερωτησιέντε.—Διαβάνεν 1 Πέτρου 3:15.
11 Κι αρχή, προετοιμάνεν-τουμέν τι απαντίνεν εκχέ ερωτησιάτε σο κερένα μπουτ φαρ τουμαρέ συμμαθητές. Ο ιστότοπος jw.org ντα γιαβερά εκδόσεις τθερένα θέματα σο κα βοηθίνεν-τουμέν τι απαντίνεν ασακέ ερωτησιέντε. Για παράδειγμας, τουμαρέ συμμαθητές μπορεί τι πουτσέν-τουμέν: «Σόσκε να κερένα σεξ πριν τι παντρίνεν»; Ο θέμας «12 Βακερέν τουμαρέ συμμαθητένγκε τι ρόντεν κορκορέ κο ιστότοπος jw.org. Ανταβά κερντάς ο Λούκα. Εκ φαρ κι τάξη, κερένας λάφι ι διάφορε θρησκειένγκε. Ο Λούκα ντικχλάς ότι ο βιβλίος ι σχολειόσκο βακερέλας λάθος πράγματα ι Ιεχωβάσκε Μαρτυρένγκε. Παρόλο σο σακιντίνελας, πουτσλάς ι δασκαλά άμα κα μπορίνελας τι βακερέλ κι τάξη σόσκε οντουλά πράγματα ισινέ λάθος. Η δασκάλα μουκχλάς-λες τι εξηγίνελ σο πακιάλας ντα ο Λούκα σικαντάς ο ιστότοπος σαρί κι τάξη. Σαρ εργασία, η δασκάλα μανγκλάς σαρέ κατά μαθητές τι ντικχέν κχερέ ο βίντεος Νταραϊπέ—Νίκινε Οντουλές σο Νταραβέλα-τουτ Χωρίς τι Ακουμπίνες-λες. Μπορίνενα τι σκεφτίνεν καζόμ χαρούμενος ισινέ ο Λούκα σο κερντάας λάφι ι Ιεχωβάσκε κο σχολείος;
13. Σόσκε δεν πρέπει τι παρατίνας-λεν κάνα τθεράσα δυσκολίες;
13 Κάνα τθερένα δυσκολίες, μα χασαρέν τουμαρό κουράγιος αλλά συνεχίνεν τι προσπαθίνεν για τι πετυχίνεν τουμαρέ στόχους. 2 Τιμόθεο 4:2) Ανταβά κερντάς η Κατερίνα. Ισινέ 17 μπρεσένγκι κάνα τσσουντάς στόχος τι κερέλ λάφι ι Ιεχωβάσκε σαρέ οντουλένγκε σο ισινέ λάσαρ κι μπουτί. Εκ οντουλένταρ προσβαλιντάς-λα μπουτ φαρ. Αλλά βόι να μπισταρντάς πο στόχος. Λάκι λατσσί συμπεριφορά κερντάς εντύπωση εκχέ γιαβερέστε σο ισινέ λάσαρ κι μπουτί, κο Χανς. Βοβ αρχισάλο τι διαβάνελ αμαρέ έντυπα, κερντάς μελέτη ντα μπολντιλό. Η Κατερίνα να τζανέλας-λεν ανταλά σόσκε γκιλίας τι μπεσέλ γιαβερτθέ. 13 μπρεσά πιο σοράν, ισινέ εκχέ συναθροισιάτε πι φαμιλιάσαρ. Σαστισάλι κάνα ντικχλάς ότι οντουβά σο αβιλό για τι κερέλ ι ομιλία ισινέ ο Χανς! Ισινέ μπουτ χαρούμενη σο να μουκχλάας ο στόχος σο τθερέλας τι κερέλ λάφι ι Ιεχωβάσκε οντουλέντε σο ισινέ λάσαρ κι μπουτί.
(ΜΑ ΜΠΙΣΤΡΕΝ ΤΟΥΜΑΡΕ ΣΤΟΧΟΙ
14, 15. (α) Σο πρέπει τι ντεν-τουμέν γκοντί κάνα ο γιαβερά πιένενα-τουμέν τι κερέν ο πράγματα σο κερένα βον; (β) Σο μπορίνενα τι κερέν για τι ατσσόν ζουρανέ κάνα ο γιαβερά πιένενα-τουμέν;
14 Μέχρι ακανά, ανταβά μάθημας σικαντάς τουμένγκε ότι ισί λατσσό τι σκεφτίνεν πρώτα τουμαρέ ζωγιάτε σαρ κα κερέν χαρούμενος ι Ιεχωβάς ντα τι τσσουβέν πνευματικούς στόχους. Αλλά μπουτ τερνέ σο ισί τουμαρέ ηλικιάτε μανγκένα σάντε τι νακχέν σουκάρ. Ντα μπορεί τι βακερέν τουμένγκε τι κερέν σο κερένα βον. Κάποια στιγμή, κα χρειαζίντιβελ τι σικαβέν κο γιαβερά καζόμ σημαντικός ισί τουμένγκε τι πετυχίνεν τουμαρέ στόχους. Μα μουκχέν ι γιαβερέν τι κερέν-τουμέν τι μπιστρέν ανταλά στόχοι. Αν ισινένας κο σταθμός για τι λεν ο λεωφορείος σαρ βακερντάμ κι αρχή, κα τσσουβένας-τουμέν καλέ τι αβέλ λεωφορειόστε σάντε επειδή οντουλά σο ισί αντρέ νακχένα λατσσές; Σίγουρα όχι!
15 Άρα, σο μπορίνενα τι κερέν για τι ατσσόν ζουρανέ κάνα ο γιαβερά πιένενα-τουμέν τι κερέν σο κερένα βον; Τι νασέν πραγματένταρ σο μπορεί τι τσσουβέν-τουμέν κο πειρασμός. (Παροιμίες 22:3) Τι ντεν-τουμέν γκοντί ο μπέτι αποτελέσματα σο κα αβέν αν κα κερέν λάθος πράγματα. (Γαλάτες 6:7) Ντα παραδεχτίνεν με ταπεινότητα ότι τουμέν-ντα χρειαζίντιβενα συμβουλές. Τι ασουνέν οντουλά σο βακερέλα τουμένγκε τουμαρό ντατ, τουμαρί ντάι ντα ο πφραλά σο τθερένα εμπειρία.—Διαβάνεν 1 Πέτρου 5:5, 6.
16. Σαρ σικαβέλα η εμπειρία σο τθερέλας ο Κρίστοφ ότι ισί σημαντικός τι αβάς ταπεινοί;
16 Η ταπεινότητα βοηθιντάς τον Κρίστοφ τι δεχτίνελ εκ λατσσί συμβουλή. Χάνικ καιρός αφού μπολντιλό, αρχισάλο τι τζαλ τακτικά εκχέ γυμναστηριόστε. Κάποια τερνέ βακερντέ λέσκε τι γραφίντιβελ λένγκε ομαδάτε. Ο Κρίστοφ κερντάς λάφι ανταλέσκε εκχέ πρεσβυτερόσαρ σο βακερντάς λέσκε σο κίνδυνοι υπαρχίντιβενα, σαρ για παράδειγμας ότι μπορεί τι σκεφτίνελ σαρ κα αβέλ πιο λατσσό κατά γιαβερά. Ο Κρίστοφ όμως αποφασιντάς τι γραφίντιβελ κι ομάδα. Αλλά σοράν αγαντάς ότι οντουβά άθλημας ισινέ βίαιος ντα επικίνδυνος. Κερντάς λάφι πάλι κο πρεσβύτεροι ντα βον ντινέ-λες συμβουλή κατά Γραφή. Ο Κρίστοφ βακερέλα: «Ο Ιεχωβά μπουτσσαντάς μάνγκε τζενέν σο ντένας λατσσέ συμβουλές, ντα με ασουντόμ-Λες, παρόλο σο αργισάλομ χάνικα». Τουμέν, ισινέν αρκετά ταπεινοί για τι δεχτίνεν συμβουλές;
17, 18. (α) Σο μανγκέλα ο Ιεχωβά ι τερνένγκε αντιβές; (β) Σο μπορίνενα τι κερέν για μα τι μετανιώνεν για το επιλογές σο κερντέν κάνα κα μπαριόν; Βακερέν εκ παράδειγμας.
17 Η Γραφή βακερέλα: «Τι χαιρίνες, τερνέα [ή τερνίε], το μπρεσά, ντα το γκι τι χαιρίνελ κο ντιβεσά τι τερνιμάσκε». (Εκκλησιαστής 11:9) Ο Ιεχωβά μανγκέλα τι αβέν χαρούμενοι κάνα ισινέν τερνέ. Ανταλέ μαθημάστε, σικλιλέν ότι εκ τρόπος για τι αβέν χαρούμενοι ισί τι ατσσόν αφοσιωμέ κο πνευματικοί στόχοι σο τθερένα ντα τι ακολουθίνεν ο συμβουλές ι Ιεχωβάσκε σαρέ κο σχέδια σο κερένα ντα κο αποφάσεις σο λένα. Καζόμ πιο νωρίς κα κερέν-λες ανταβά τουμαρέ ζωγιάτε, αζόμ πιο σουγκό κα νιωθίνεν σαρ ο Ιεχωβά οδηγίνελα, αρακχαβέλα ντα ευλογίνελα-τουμέν. Σκεφτίνεν καζόμ λατσσέ συμβουλές ντέλα-τουμέν αντράλ πι Λαφίσταρ, ντα κερέν ακαγιά συμβουλή: «Τι ντες-τουτ γκοντί κάνα ισινάν τερνό ι πιο Μπαρές, Οντουλές σο κερντάς-τουτ».—Εκκλησιαστής 12:1.
18 Ο τερνέ μπαριόνα σουγκό. Δυστυχώς, μπουτ λένταρ μετανιώνενα σο τσσουντέ λάθος στόχους ή σο να τθερένας ιτς στόχους κάνα ισινέ τερνέ. Αλλά άμα τουμέν κα ατσσόν αφοσιωμέ κο πνευματικοί στόχοι σο τθερένα, κάνα κα μπαριόν, κα χαιρίνεν για το επιλογές σο κερντέν. Ανταβά αβιλό-πες κι Μιριάνα. Κάνα ισινέ έφηβη, ισινέ μπουτ λατσσί κο αθλητισμός. Καλιντέ-λα ατζέ-ντα κο Ολυμπιακοί Αγώνες σο αβένα κο βεν. Αλλά βόι τραμπιντάς τι υπηρετίνελ ολοχρόνια ι Ιεχωβάς. Αφού νακχλέ πιο μπουτ από 30 μπρεσά, ισί ατζέ κι ολοχρόνια υπηρεσία, γιεκ πι ρομέσαρ. Βακερέλα ότι ο τζενέ σο μανγκένα τι τθερέν μπαρό ναβ, δόξα, εξουσία ντα λοβέ νανέ ποτές χαρούμενοι. Ντα βακερέλα ότι ο πιο λατσσέ στόχοι ισί τι υπηρετίνας ι Ντεβλές ντα τι βοηθίνας ι τζενέν τι γνωρίνεν-λες.
19. Σόσκε ισί λατσσό τι αβέν αφοσιωμέ κο πνευματικοί στόχοι κάνα ισινέν τερνέ;
19 Τερνάλεν, αξίνενα μπαγιά ισαριπέ σόσκε ισινέν αφοσιωμέ κι υπηρεσία κι Ιεχωβάσκι παρόλο σο τθερένα δυσκολίες. Τσσουβένα πνευματικούς στόχους ντα ο έργος ισί εκ κατά πιο σημαντικά πράγματα τουμαρέ ζωγιάτε. Ντα να μουκχένα ι ντουνιάς τι κερέλ-τουμέν τι μπιστρέν τουμαρέ στόχοι. Μπορίνενα τι αβέν σίγουροι ότι τουμαρέ μπαρέ προσπάθειες να τζάνα χαμέ. Τθερένα πφραλέν ντα πφενίν σο μανγκένα-τουμέν ντα υποστηρίνενα-τουμέν. Οτθάρ, “μουκχέν κο Ιεχωβά σο-ντα κερένα, ντα τουμαρέ σχέδια κα τθερέν επιτυχία”.