Τι Μοιάζεν κο Ιεχωβά—Κο Ντεβέλ σο Ντέλα Ενθάρρυνση
«Ευλογιμέ τι αβέλ ο Ντεβέλ . . . σο ντέλα-αμέν ενθάρρυνση σαρέ κο δοκιμασίες σο νακχάσα».—2 ΚΟΡΙΝΘΙΟΥΣ 1:3, 4, υποσημείωση.
ΥΜΝΟΙ: 23, 152
1. Σαρ ντινάς ο Ιεχωβά ενθάρρυνση ντα ελπίδα κο τζενέ κάνα ο Αδάμ ντα η Εύα γκιλέ λέσαρ κόντρα;
Ο ΙΕΧΩΒΑ ισί Ντεβέλ σο ντέλα ενθάρρυνση. Σικαντάς-λες ανταβά από αζομάν σο ο τζενέ αμαρτιντέ ντα αβιλέ ατελείς. Κι πραγματικότητα, μόλις ο Αδάμ ντα η Εύα γκιλέ κόντρα κο Ντεβέλ, βακερντάς εκ προφητεία σο, κάνα κα αγαβένας-λα, κα ντέλας κουράγιος ντα ελπίδα κο τζενέ σο κα μπιάντιβενας. Ανταγιά προφητεία ισί κο εδάφιος Γένεση 3:15, ντα ντέλα ι υπόσχεση ότι ο Σατανάς ο Διάβολος ντα σαρέ λέσκε γκεραλίματα κα χασάρντιβεν.—1 Ιωάννη 3:8· Αποκάλυψη 12:9.
Ο ΙΕΧΩΒΑ ΕΝΘΑΡΡΥΝΕΛΑΣ ΠΙ ΥΠΗΡΕΤΟΝ ΚΟ ΠΟΥΡΑΝΕ ΜΠΡΕΣΑ
2. Σαρ ντινάς ενθάρρυνση ο Ιεχωβά κο Νώε;
2 Σκεφτίνεν σαρ ο Ιεχωβά ντινάς ενθάρρυνση πι υπηρετίστε κο Νώε. Ο τζενέ σο τζουβντιόνας λέσκε ντιβεσέντε ισινέ άγριοι ντα κερένας λουμνικανέ πράγματα, ντα σάντε ο Νώε πι Γένεση 6:4, 5, 11· Ιούδα 6) Αλλά ο Ιεχωβά ντινάς κο Νώε ο κουράγιος σο χρειαζίντιβελας για τι συνεχίνελ τι ντελ-Λες λατρεία ντα τι κερέλ ο σωστός. (Γένεση 6:9) Ο Ιεχωβά βακερντάς κο Νώε ότι κα καταστραφίνελας οντουλέ πφιρνέ ντουνιάς ντα εξηγιντάς λέσκε σο έπρεπε τι κερέλ για τι σώντιβελ πι φαμιλιάσαρ. (Γένεση 6:13-18) Κι Νωέσκε γιακχά, ο Ιεχωβά ισινέ Ντεβέλ σο ντέλας ενθάρρυνση.
φαμιλιάσαρ ντένας λατρεία ι Ιεχωβάς. Ο Νώε κα μπορίνελας τι χασαρέλ πο κουράγιος. (3. Σαρ ντινάς ενθάρρυνση ο Ιεχωβά κο Ιησούς του Ναυή; (Ντικχ ι φωτογραφία σο ισί κι αρχή)
3 Πιο σοράν, ο Ιεχωβά ντινάς ενθάρρυνση πι υπηρετίστε κο Ιησούς του Ναυή, σο έπρεπε τι κερέλ εκ δύσκολος διορισμός. Έπρεπε τι γκερέλ ι Ντεβλέσκε λαός κο Υποσχεμέ Τθεμ ντα τι νικίνελ ι ζουρανέ στρατόν σο τθερένας ο λαοί οτθέ. Ο Ιεχωβά τζανέλας ότι ο Ιησούς του Ναυή τθερέλας μπουτ λόγους τι νταρέλ, οτθάρ βακερντάς κο Μωυσής: «Τσσουβ υπεύθυνος ι Ιησούς, ντα ενθάρρυνε-λες ντα ντε-λες δύναμη, σόσκε βοβ κα νακχέλ οκιά μπάνταρ ανγκλάλ ανταλέ λαόσταρ ντα κα οδηγίνελ-λες για τι κληρονομίνελ ακαβά τθεμ σο κα ντικχές». (Δευτερονόμιο 3:28) Σοράν, ο Ιεχωβά ντινάς ενθάρρυνση κο Ιησούς του Ναυή ακαλέ λαφίντζαρ: «Να ντάβα-τουτ με εντολή; Τι τθερές θάρρος ντα τι αβές ζουρανό. Μα τι ιζράς ούτε τι νταρές, σόσκε ο Ιεχωβά το Ντεβέλ ισί τούσαρ κάι-ντα τι τζας». (Ιησούς του Ναυή 1:1, 9) Σαρ πακιάνα ότι νιωσάλο ο Ιησούς του Ναυή κάνα ασουντάς ανταλά λάφια;
4, 5. (α) Σαρ ενθαρρύνελας ο Ιεχωβά πι λαός κο πουρανέ μπρεσά; (β) Σαρ ενθαρρυντάς ο Ιεχωβά πι Τσσαβές;
4 Ο Ιεχωβά ενθαρρύνελας πι λαός σαρ ομάδα-ντα. Για παράδειγμας, ο Ιεχωβά τζανέλας ότι ο Ιουδαίοι κα χρειαζίντιβενας ενθάρρυνση όταν ισινέ αιχμάλωτοι κι Βαβυλώνα, οτθάρ ντινάς-λεν ακαγιά προφητεία: «Μα ντάρα, σόσκε με ισινόμ τούσαρ. Μα ανησύχινε, σόσκε με ισινόμ το Ντεβέλ. Κα νταβ-τουτ ζορ, βα, κα βοηθίναβ-τουτ· κα ασταράβ-τουτ ζουρανές μι δεξί βαστέσαρ της δικαιοσύνης». (Ησαΐας 41:10) Μπουτ μπρεσά πιο σοράν, ο Ιεχωβά ενθαρρυντάς ι πρώτε Χριστιανόν, ντα ενθαρρύνελα αμέν-ντα με το ίδιος τρόπος.—Διαβάνεν 2 Κορινθίους 1:3, 4.
5 Ο Ιεχωβά ντινάς ενθάρρυνση πι Τσσαβέστε-ντα. Κάνα μπολντιλό ο Ιησούς, ασουντάς εκ φωνή κατά ουρανός τι βακερέλ: «Ακαβά ισί μο Τσσαβό σο μανγκάβα-λες μπουτ, ντα ισινόμ ευχαριστιμέ λέσαρ». (Ματθαίος 3:17) Μπορίνενα τι σκεφτίνεν καζόμ ζορ ντινέ ανταλά λάφια ι Ιησούς κάνα κερέλας πο έργος κι πφουβ;
Ο ΙΗΣΟΥΣ ΕΝΘΑΡΡΥΝΕΛΑΣ Ι ΓΙΑΒΕΡΕΝ
6. Σαρ ντέλα-αμέν ενθάρρυνση η παραβολή ι Ιησούσκι για το τάλαντα;
6 Ο Ιησούς ακολουθίνελας πι Νταντέσκο παράδειγμας, οτθάρ ενθαρρύνελας ι γιαβερέν τι αβέν πιστοί. Κερντάς-λες ανταβά κάνα βακερντάς ι παραβολή για το τάλαντα. Κι παραβολή οντιά, ο κύριος βακερντάς πι κάθε πιστέ υπηρετίσκε: «Μπουτ λατσσές κερντάν, ισινάν λατσσό ντα πιστός δούλος! Ισινάνας πιστός κάνα ντινόμας-τουτ χάνικ πράγματα. Κα τσσουβάβ-τουτ υπεύθυνος μπουτέ πραγματέντε. Τσσουβ-τουτ κι χαρά τι κυριόσκι». (Ματθαίος 25:21, 23) Ανταλά λάφια ενθαρρυντέ λέσκε μαθητέν τι συνεχίνεν τι υπηρετίνεν ι Ιεχωβάς πιστά!
Ο Ιησούς ενθαρρυντάς ι Πετρός ντα ντινάς-λες ο διορισμός τι ντελ ζορ ι γιαβερέν
7. Σαρ ενθαρρύνελας ο Ιησούς πι αποστολόν ντα ειδικά ι Πετρός;
7 Ο απόστολοι μπουτ φαρ χάνας-πες κον ισί ο πιο μπαρό, αλλά ο Ιησούς τθερέλας πάντα υπομονή λέντζαρ. Ενθαρρύνελας-λεν Λουκάς 22:24-26) Μπουτ φαρ ο Πέτρος κερέλας λάθη ντα στεναχωρίνελας ι Ιησούς. (Ματθαίος 16:21-23· 26:31-35, 75) Όμως, ο Ιησούς ποτές να μουκχλάς ι Πετρός. Αλλά ενθαρρυντάς-λες ντα ντινάς-λες ο διορισμός τι ντελ ζορ ι γιαβερέν.—Ιωάννης 21:16.
τι αβέν ταπεινοί ντα τι υπηρετίνεν βον ι γιαβερέν, ντα μα τι μανγκέν τι υπηρετίνεν-λεν ο γιαβερά. (ΕΝΘΑΡΡΥΝΣΗ ΚΟ ΠΟΥΡΑΝΕ ΜΠΡΕΣΑ
8. Σαρ ενθαρρυντάς ο Εζεκίας οντουλέν σο ισινέ αρχηγοί κο στρατός ντα ι Ιουδαιόν;
8 Ο υπηρέτες ι Ιεχωβάσκε ατζέ-ντα κο πουρανέ μπρεσά, σο να τθερένας ο παράδειγμας ι Ιησούσκο, αγαβένας ότι έπρεπε τι ενθαρρύνεν ι γιαβερέν. Σκεφτίνεν ι Εζεκιάς. Κάνα ο Ασσύριοι ισινέ έτοιμοι τι κερέν τζένγκι κι Ιερουσαλήμ, ο Εζεκίας γκιντιντάς οντουλέν σο ισινέ αρχηγοί κο στρατός ντα ι λαός για τι ενθαρρύνελ-λεν, ντα βον “λιντέ ζορ κατά λάφια σο βακερντάς”.—Διαβάνεν 2 Χρονικών 32:6-8.
9. Σο σικλιάσα κατά Ιώβ για την ενθάρρυνση;
9 Επίσης, μπορίνασα τι σικλιάς για την ενθάρρυνση κατά Ιώβ-ντα. Παρόλο σο χρειαζίντιβελας βοβ ενθάρρυνση, σικλιαρντάς ι γιαβερέν σαρ τι ενθαρρύνεν. Ο Ιώβ βακερντάς κο μουρσά σο γκιλέ τι παρηγορίνεν-λες ότι, αν κα προσπαθίνελας βοβ τι παρηγορίνελ-λεν, κα βακερέλας λένγκε πράγματα σο κα ντένας-λεν ζορ ντα κα κερένας-λεν τι νιωθίνεν πιο λατσσές, όχι πράγματα σο κα πληγώνενας-λεν. (Ιώβ 16:1-5) Αλλά τελικά ο Ιώβ λιντάς ενθάρρυνση κατά Ελιού ντα κατά Ιεχωβά.—Ιώβ 33:24, 25· 36:1, 11· 42:7, 10.
10, 11. (α) Σόσκε χρειαζίντιβελας ενθάρρυνση η τσσάι ι Ιεφθαέσκι; (β) Κας μπορίνασα τι ενθαρρύνας αντιβές;
10 Η τσσάι ι Ιεφθαέσκι-ντα χρειαζίντιβελας ενθάρρυνση. Λάκο ντατ, ο κριτής Ιεφθάε, τζάλας τι κερέλ τζένγκι ι Αμμωνιτέντζαρ. Ντινάς πο λάφι ότι, αν ο Ιεχωβά κα βοηθίνελας-λες τι νικίνελ κο τζένγκι, ο πρώτος τζενό σο κα αρακχέλας όταν κα βουρτίνελας κχερέ, κα τζάλας τι υπηρετίνελ ι Ιεχωβάς κι σκηνή της μαρτυρίας. Ο Ισραηλίτες νικιντέ, ντα ο πρώτος τζενό σο αρακχλάς ι Ιεφθαές ισινέ λέσκι τσσάι, σο εκτός λάταρ να τθερέλας γιαβερέ τσσαβέν. Λέσκο γκι πφανγκιλό. Αλλά ατσσικιαρντάς πο λάφι ντα μπουτσσαντάς πι τσσαγιά για τι υπηρετίνελ κι σκηνή της μαρτυρίας σαρέ πο μπρεσά.—Κριτές 11:30-35.
11 Παρόλο σο ισινέ δύσκολος ανταβά ι Ιεφθαέσκε, πρέπει τι αβέλας ατζέ πιο δύσκολος λέσκε τσσαγιάκε. Όμως, δεχτιντάς τι κερέλ ι υπόσχεση πι νταντέσκι. (Κριτές 11:36, 37) Ανταβά μανγκέλας τι βακερέλ ότι ποτές να κα παντρίνελας ντα να κα κερέλας τσσαβέν. Λάκι φαμιλί να κα τθερέλας προσαγγονίν. Η τσσάι ι Ιεφθαέσκι χρειαζίντιβελας μπουτ παρηγοριά ντα ενθάρρυνση. Η Γραφή βακερέλα: «Ανταβά αβιλό έθιμος κο Ισραήλ: Ο τερνέ Ισραηλίτισσες τζάνας τι ισαρέν ι τσσαγιά σο τθερέλας ο Ιεφθάε ο Γαλααδίτης σταρ ντιβεσά κο μπρες». (Κριτές 11:39, 40) Η τσσάι ι Ιεφθαέσκι ανέλα αμαρέ γκοντιάτε ι Χριστιανόν σο ατσσόνα εργένια για τι μπορίνεν τι κερέν πιο μπουτ ι Ιεχωβάσκε. Κα μπορίναας τι ισαράς-λεν ντα τι ενθαρρύνας-λεν;—1 Κορινθίους 7:32-35.
Ο ΑΠΟΣΤΟΛΟΙ ΕΝΘΑΡΡΥΝΕΝΑΣ ΠΟΥΜΑΡΕ ΠΦΡΑΛΕΝ
12, 13. Σαρ “ντινάς ζορ πι πφραλέν” ο Πέτρος;
12 Ι ιράτ πριν τι μερέλ, ο Ιησούς βακερντάς κο απόστολος Πέτρος: «Σίμων, Σίμων, ντικχ! Ο Μπενγκ μανγκλάς τι ισανέλ-τουμέν σαρ ο γκιβ. Αλλά με προσευχισάλομ τούκε αντράλ μι γκίσταρ για μα τι χασάρντιβελ τι πίστη· οτθάρ, κάνα κα βουρτίνες, ντε ζορ τι πφραλέν».—Λουκάς 22:31, 32.
Ο επιστολές ι αποστολένγκε ενθαρρύνενας ι Χριστιανόν κο πρώτος αιώνας ντα συνεχίνενα τι ενθαρρύνεν αμέν-ντα αντιβές (Ντικχ ο παράγραφοι 12-17)
13 Ο Πέτρος ισινέ εκ οντουλένταρ σο ισινέ υπεύθυνοι κι πρώτη Χριστιανική κχανγκιρί. (Γαλάτες 2:9) Ενθαρρυντάς πι πφραλέν με το θάρρος σο σικαντάς κι Πεντηκοστή αλλά εμ πιο σοράν. Αφού υπηρετιντάς για μπουτ μπρεσά, γραφιντάς κο πφραλά: “Γραφιντόμ τουμένγκε χάνικ λάφια για τι ενθαρρύναβ-τουμέν ντα για τι αβέν σίγουροι ότι ο λατσσιπέ σο σικαντάς τουμένγκε ο Ντεβέλ χωρίς τι αξίνεν-λες ισί πραγματικός. Τι ατσσόν σταθεροί ανταλέστε”. (1 Πέτρου 5:12) Ο επιστολές ι Πετρόσκε ενθαρρυντέ ι Χριστιανόν αζομάν. Ντα συνεχίνενα τι ενθαρρύνεν αμέν-ντα αντιβές καζόμ μπεσάσα τι νικιόν μπαγιά σαρέ ο υποσχέσεις ι Ιεχωβάσκε!—2 Πέτρου 3:13.
14, 15. Σαρ ενθαρρύνενα-αμέν ο βιβλία ι Γραφιάκε σο γραφιντάς ο απόστολος Ιωάννης;
14 Ο απόστολος Ιωάννης-ντα ισινέ υπεύθυνος Ιωάννης 13:34, 35.
κι πρώτη Χριστιανική κχανγκιρί. Γραφιντάς εκ μπουτ σουκάρ Ευαγγέλιος για το έργος ι Ιησούσκο. Ανταβά βιβλίος ι Γραφιάκο ενθαρρυντάς ι Χριστιανόν για εκατοντάδες μπρεσά, ντα συνεχίνελα τι ενθαρρύνελ αμέν-ντα αντιβές. Για παράδειγμας, σάντε κο Ευαγγέλιος σο γραφιντάς ο Ιωάννης διαβάνασα ο λάφια ι Ιησούσκε ότι η αγάπη σικαβέλα κον ισί ο αληθινοί μαθητές.—Διαβάνεν15 Ο τριν επιστολές-ντα σο γραφιντάς ο Ιωάννης τθερένα πολύτιμες αλήθειες. Άμα νιωθίνασα ότι χασαράσα αμαρό κουράγιος επειδή κεράσα λάθη, λοκχιόλα αμαρό γκι κάνα διαβάνασα ότι η θυσία ι Ιησούσκι «καθαρίνελα-αμέν σαρέ κατά αμαρτίες». (1 Ιωάννη 1:7) Ντα αν συνεχίνασα τι τθεράς τύψεις, παρηγορίντιβασα κάνα διαβάνασα ότι «ο Ντεβέλ ισί πιο μπαρό αμαρέ γκίσταρ». (1 Ιωάννη 3:20) Ο Ιωάννης ισί ο μόνος σο γραφιντάς ότι «ο Ντεβέλ ισί αγάπη». (1 Ιωάννη 4:8, 16) Η δεύτερη ντα η τρίτη επιστολή λέσκι ισαρένα ι Χριστιανόν σο συνεχίνενα τι «πφιρέν κι αλήθεια».—2 Ιωάννη 4· 3 Ιωάννη 3, 4.
16, 17. Σαρ ενθαρρύνελας ο απόστολος Παύλος ι πρώτε Χριστιανόν;
16 Ο απόστολος Παύλος μουκχλάς εκ μπουτ σουκάρ παράδειγμας επειδή ντέλας ενθάρρυνση πι πφραλέν. Αφού νακχλό χάνικ καιρός μετά κατά μεριπέ ι Ιησούσκο, ο πιο μπουτ απόστολοι ατσσιλέ κι Ιερουσαλήμ, οτθέ σο ισινέ ο κυβερνών σώμας. (Πράξεις 8:14· 15:2) Ο Χριστιανοί κι Ιουδαία κερένας λάφι ι Χριστόσκε κο τζενέ σο πακιάνας σάντε εκχέ Ντεβλές. Αλλά ο άγιος πνεύμας μπουτσσαντάς ι Παυλός τι κερέλ λάφι κο μπαλαμέ, κο ρωμαίοι ντα γιαβερέντε, σο πακιάνας μπουτέ ντεβλέν.—Γαλάτες 2:7-9· 1 Τιμόθεο 2:7.
17 Ο Παύλος γκιλό οτθέ σο αντιβές ισί η Τουρκία, ντα επίσης κι Ελλάδα ντα κι Ιταλία. Οντουλέ τθανέντε, κερέλας λάφι κο τζενέ σο να ισινέ Ιουδαίοι ντα βοηθίνελας τι αβέν νεβέ Χριστιανικά κχανγκιριά. Η ζωή ισινέ δύσκολη ι νεβέ Χριστιανόνγκε. Οντουλά σο μπεσένας λέντζαρ κο ίδιος τθεμ τζάνας λέντζαρ κόντρα, οτθάρ χρειαζίντιβενας ενθάρρυνση. (1 Θεσσαλονικείς 2:14) Περίπου κο 50 Κ.Χ., ο Παύλος γραφιντάς εκ επιστολή για τι ενθαρρύνελ ι νεβί κχανγκιρί κι Θεσσαλονίκη. Ο ίδιος βακερντάς: «Ευχαριστίνασα πάντα ι Ντεβλές κάνα τσσουβάσα σαριλέν τουμέν αμαρέ προσευχιέντε, σόσκε να μπιστράσα ο έργος σο κερένα με πίστη, ο προσπάθειες σο κερένα μανγκιμάσαρ ντα ι υπομονή σο σικαβένα». (1 Θεσσαλονικείς 1:2, 3) Επίσης, βακερντάς λένγκε τι ντεν ζορ ο εκ ι γιαβερές ντα γραφιντάς: «Τι ενθαρρύνεν ο εκ ι γιαβερές ντα τι μπαριαρέν ο εκ ι γιαβερέσκι πίστη».—1 Θεσσαλονικείς 5:11.
Ο ΚΥΒΕΡΝΩΝ ΣΩΜΑΣ ΝΤΕΛΑ ΕΝΘΑΡΡΥΝΣΗ
18. Σαρ ο κυβερνών σώμας ενθαρρυντάς ι Φιλιππός κο πρώτος αιώνας;
18 Κο πρώτος αιώνας, ο Ιεχωβά χρησιμοποιηντάς ο κυβερνών σώμας για τι ενθαρρύνελ σαρέ ι Χριστιανόν, εμ οντουλέν σο τθερένας ι ευθύνη κο κχανγκιριά. Όταν ο Φίλιππος κερντάς λάφι ι Χριστόσκε κο Σαμαρείτες, ο κυβερνών σώμας στηριντάς-λες. Μπουτσσάντιλε ντούι πφραλά κατά κυβερνών σώμας, ο Πέτρος ντα ο Ιωάννης, για τι προσευχίντιβεν τι λεν άγιος πνεύμας ο νεβέ Χριστιανοί. (Πράξεις 8:5, 14-17) Ο Φίλιππος ντα οντουλά νεβέ πφραλά ντα πφενιά λιντέ μπουτ ενθάρρυνση κατά βοήθεια σο ντινάς-λεν ο κυβερνών σώμας!
19. Σαρ νιωσάλε ο πρώτοι Χριστιανοί όταν διαβαντέ ι επιστολή κατά κυβερνών σώμας;
19 Πιο σοράν, ο κυβερνών σώμας χρειαζίντιβελας τι λελ εκ σημαντική απόφαση. Μήπως έπρεπε ο Χριστιανοί σο να ισινέ Ιουδαίοι τι κερέν περιτομή, σαρ βακερέλας ο Μωσαϊκός Νόμος; (Πράξεις 15:1, 2) Αφού ο πφραλά κατά κυβερνών σώμας πρώτα προσευχισάλε για τι μανγκέν ο άγιος πνεύμας ντα συζητιντέ λογικά κατά Γραφή, αποφασιντέ ότι ανταβά να ισινέ απαραίτητος. Σοράν, γραφιντέ εκ επιστολή σο εξηγίνελας λένγκι απόφαση ντα μπουτσσαντέ πφραλέν για τι γκερέν-λα κο κχανγκιριά. Κάνα ο Χριστιανοί διαβαντέ ι επιστολή «χαιρισάλε κατά ενθάρρυνση».—Πράξεις 15:27-32.
20. (α) Σαρ ενθαρρύνελα σαρέ αμέν αντιβές ο Κυβερνών Σώμας; (β) Καγιά ερώτηση κα ντικχάς κο γιαβέρ μάθημας;
20 Αντιβές, ο Κυβερνών Σώμας σο τθερένα ο Μάρτυρες ι Ιεχωβάσκε ντέλα ενθάρρυνση κο Μπεθελίτες, κο γιαβερά πφραλά σο ισί κι ειδική ολοχρόνια υπηρεσία, αλλά σαρέ αμέντε-ντα. Σαρ ο πφραλά κο πρώτος αιώνας, αμέν-ντα χαιρίνασα όταν λάσα ενθάρρυνση! Επίσης κο 2015, ο Κυβερνών Σώμας νικαντάς ο βιβλιάριος Επιστρέψτε στον Ιεχωβά για τι βοηθίνελ οντουλέν σο μουκχλέ ι αλήθεια τι βουρτίνεν Λέστε. Αλλά μήπως σάντε ο πφραλά σο τθερένα ι ευθύνη κι κχανγκιρί πρέπει τι ενθαρρύνεν ι γιαβερέν ή πρέπει σαρέ τι κεράς-λες ανταβά; Κα συζητίνας ανταγιά ερώτηση κο γιαβέρ μάθημας.