Άμα κα αβέλ-πες ανταβά, κο γιακχά κι κχανγκιριάκε, ο πουρανό μπιαβ τσσινάντιλο κάνα οντουβά μουρς παντρισάλο πάλι ντα ο νεβό μπιαβ πρέπει τι ατσσόλ. Για τι αγαβάς σόσκε βακεράσα-λες ανταβά, κα ντικχάς οντουλά σο βακερντάς ο Ιησούς ι διαζυγιόσκε ντα ι νεβέ μπιαβέσκε.

Κο εδάφιος Ματθαίος 19:9, ο Ιησούς βακερέλα ότι ισί σάντε εκ Γραφικός λόγος για τι τσσινάντιβελ εκ μπιαβ. Βακερντάς: «Κον λέλα διαζύγιος πι ρομνιάταρ, σο να γκιλί γιαβερέσαρ, ντα παντρίνελα εκχέ γιαβεράσαρ, κερέλα λουμνιπέ». Κατά λάφια ι Ιησούσκε, σικλιάσα (1) ότι η Γραφή μουκχέλα τι λιντιόλ διαζύγιος σάντε άμα εκ κατά ντούι κα κερέλ λουμνιπέ ντα (2) ότι εκ μουρς σο λέλα διαζύγιος πι ρομνιάταρ, σο να γκιλί γιαβερέσαρ, ντα παντρίνελα εκχέ γιαβεράσαρ κερέλα λουμνιπέ. a

Μανγκένα τι βακερέν ο λάφια ι Ιησούσκε ότι εκ μουρς σο κερέλα λουμνιπέ ντα λέλα διαζύγιος πι ρομνιάταρ μουκχέλα-λες η Γραφή τι παντρίνελ πάλι; Νάα πάντα. Κάνα τζάλα γιαβεράσαρ, η ρομνί σο ισί αθώα τραμπίνελα άμα κα συγχωρίνελ πι ρομές ή κα μουκχέλ-λες. Άμα κα μουκχέλ-λες ντα κα νικιόλ νόμιμος διαζύγιος, μπορίνενα τι παντρίνεν ο ντούι-ντα γιαβερέντζαρ κάνα κα νικιόλ ο διαζύγιος.

Οκιά μπάνταρ, η αθώα ρομνί μπέκιμ μανγκέλα τι ατσσικιαρέλ πο μπιαβ ντα μπέκιμ βακερέλα πι ρομέσκε ότι μανγκέλα τι συγχωρίνελ-λες. Αλλά σο αβέλα-πες άμα ο ρομ σο κερντάς λουμνιπέ να μανγκέλα τι συγχωρίνελ-λες λέσκι ρομνί ντα λέλα κορκορό νόμιμος διαζύγιος; Επειδή βόι μανγκέλα τι συγχωρίνελ-λες ντα τι ατσσικιαρέλ πο μπιαβ, να μουκχέλα-λες η Γραφή τι παντρίνελ πάλι. Άμα αποφασίνελα τι παντρίνελ εκχέ γιαβεράσαρ παρόλο σο να μουκχέλα-λες η Γραφή, κερέλα πάλι λουμνιπέ. Ανταβά μανγκέλα τι βακερέλ ότι η κχανγκιρί πρέπει τι κερέλ πάλι δικαστική επιτροπή.​—1 Κορ. 5:1, 2· 6:9, 10.

Κάνα εκ μουρς παντρίνελα πάλι παρόλο σο να μουκχέλα-λες η Γραφή, σαρ ντικχέλα η κχανγκιρί ο πουρανό μπιαβ ντα ο νεβό; Συνεχίνελα ο πουρανό μπιαβ τι αβέλ νόμιμος ι Γραφιάκε; Ισί κο βαστά κι αθώε ρομνιάκε τι τραμπίνελ άμα κα συγχωρίνελ ή κα μουκχέλ πι πουρανέ ρομές; Κα αβέλ σαρ τι συνεχίνελ τι κερντιόλ λουμνιπέ κο νεβό μπιαβ;

Ανγκλέ, κο γιακχά κι κχανγκιριάκε ο νεβό μπιαβ ισινέ λουμνιπέ καζόμ η αθώα ρομνί ισινέ τζουβντί, μπίπαντριμε ντα να γκιλίας γιαβερέσαρ. Όμως, ο Ιησούς να κερντάς λάφι ι αθώε ρομνιάκε κάνα βακερντάς ι διαζυγιόσκε ντα ι νεβέ μπιαβέσκε. Βακερντάς ότι εκ μουρς σο λέλα διαζύγιος, παρόλο σο να μουκχέλας-λες η Γραφή, ντα σοράν παντρίνελα γιαβεράσαρ κερέλα λουμνιπέ. Άμα κα αβέλ-πες κάτι ασακό, ο διαζύγιος ντα ο νεβό μπιαβ, σο ο Ιησούς βακερντάς ότι ισί λουμνιπέ, τσσιναβένα ο πουρανό μπιαβ.

Κάνα εκ μουρς λέλα διαζύγιος πι ρομνιάταρ ντα παντρίνελα πάλι, νανέ κι τζουβλιάκε βαστά τι συγχωρίνελ-λες ή τι μουκχέλ-λες. Οτθάρ, να τθερέλα ι ευθύνη τι τραμπίνελ άμα κα συγχωρίνελ-λες ή άμα κα μουκχέλ-λες. Επίσης, η  άποψη ι κχανγκιριάκι ι νεβέ μπιαβέσκε να κα αλλάνελ άμα η αθώα ρομνί κα μερέλ, κα παντρίνελ πάλι ή κα τζαλ γιαβερέσαρ. b

Κο παράδειγμας σο βακέρντιλο πο οπρέ, ο ρομ κερντάς λουμνιπέ, ντα αντικάς λιντέ διαζύγιος. Σο κα αβέλας-πες άμα ο ρομ, χωρίς τι κερέλ λουμνιπέ, κα λέλας διαζύγιος ντα κα παντρίνελας πάλι; Ή σο κα αβέλας-πες άμα ο ρομ να κερντάας λουμνιπέ πριν κατά διαζύγιος αλλά κερντάας-λες ανταβά αφού νικίστιλο ο διαζύγιος, ντα σοράν κα παντρίνελας πάλι παρόλο σο λέσκι ρομνί μανγκέλας τι συγχωρίνελ-λες; Σαρέ ανταλέ παραδειγματέντε, ο διαζύγιος ντα ο νεβό μπιαβ, σο ισί λουμνιπέ, κα τσσιναβένας ο πουρανό μπιαβ. Ο νεβό μπιαβ ισί νόμιμος. Σαρ βακερέλας Η Σκοπιά 15 Φεβρουαρίου 1980 κι σελίδα 31, ανταβά τζενό «ακανά τσσουντάς-πες εκχέ νεβέ μπιαβέστε, οτθάρ ναστί τσσιναβέλα ανταβά μπιαβ για τι βουρτίνελ πι πουρανέ ρομνιάτε· ο πουρανό μπιαβ τσσινάντιλο ι διαζυγιόσαρ, ι λουμνιμάσαρ ντα ι δεύτερε μπιαβέσαρ».

Ανταγιά αλλαγή σο αβιλί-πες κο τρόπος σο αγαβάας-λες ανταβά να μανγκέλα τι βακερέλ ότι ο Χριστιανοί τσσιναβένα τι πακιάν ότι ο μπιαβ ισί ιερός ή ότι ο λουμνιπέ νανέ αζόμ μπαρί αμαρτία. Άμα εκ μουρς κα λελ διαζύγιος πι ρομνιάταρ, παρόλο σο να μουκχέλα-λες η Γραφή, ντα σοράν κα παντρίνελ εκχέ γιαβεράσαρ, παρόλο σο νανέ ελεύθερος τι κερέλ-λες ανταβά, αζομάν ο πρεσβύτεροι πρέπει τι κερέν δικαστική επιτροπή σόσκε κερντάς λουμνιπέ. (Άμα η νεβί ρομνί ισί Χριστιανή, πρέπει τι αβέλ-πες δικαστική επιτροπή λάκε-ντα σόσκε βόι-ντα κερντάς λουμνιπέ.) Παρόλο σο να κα αβέλ σαρ τι συνεχίνελ τι κερντιόλ λουμνιπέ κο νεβό μπιαβ, ο μουρς ναστί κα λελ προνόμια κι κχανγκιρί για μπουτ μπρεσά, ντα να κα λελ άμα να κερντάς πι ζωγιάσαρ τι μπιστάρντιβελ η αναστάτωση ντα η λατζ σο αντάς κο ναβ κι Ιεχωβάσκο λέσκι αμαρτία. Πριν τι ντεν-λες προνόμια, ο πρεσβύτεροι πρέπει επίσης τι σκεφτίνεν σο αβέλα-πες ι πουρανέ ρομνιάσαρ, σο μπορεί τι χουχαντάς-λα ο ρομ, αλλά εμ ι τσσαβέντζαρ σο μπέκιμ μουκχλάς.​—Μαλ. 2:​14-16.

Ο Χριστιανοί τθερένα πουμαρέ γκοντιάτε ο μπέτι πράγματα σο ανέλα εκ διαζύγιος σο τζάλα κόντρα κι Γραφή ντα ο νεβό μπιαβ, οτθάρ γκοντιάσαρ μοιάζενα κο Ιεχωβά ντα ισί λένγκε ιερός ο μπιαβ.​—Εκκλ. 5:4, 5· Εβρ. 13:4.