1. Σαρ σικαντάς εκ τσσαβό πι ελπίδα κι ανάσταση;

 ΕΚ ΧΟΥΡΝΤΟ, ο Μάθιου, τθερέλα εκ μπαρό νασφαλιπέ ντα οτθάρ χρειαζίντιλο τι κερέλ μπουτ εγχειρήσεις. Εκ φαρ, κάνα ισινέ εφτά μπρεσένγκο, ντικχλάς πι φαμιλιάσαρ ο JW Broadcasting^® σο νικιόλα κάθε μάσεκ. Χάνικ πριν τι μπιτίνελ ο πρόγραμμας, ντικχλέ εκ μουσικός βίντεος σο σικαβέλας κάποιους τι καλωσορίνεν πουμαρέ αγαπημέ τζενέν κι ανάσταση. b Σοράν κατά πρόγραμμας, ο Μάθιου γκιλό πασέ πι νταντέστε ντα πι νταγιάτε, ασταρντάς-λεν κατά βας ντα βακερντάς: «Ντικχλάν, ντάγιο ντα ντάντε; Ατζέ-ντα άμα κα μεράβ, κα ιστιάβ κι ανάσταση. Μπορίνενα τι μπεκλεντίνεν μάνγκε. Σαρέ λατσσές κα τζαν». Μπορίνενα τι ανέν τουμαρέ γκοντιάτε σαρ νιωσάλο οντουβά ντατ ντα οντιά ντάι κάνα ντικχλέ καζόμ σίγουρος ισινέ λένγκο τσσαβό ότι ο μουλέ κα αναστίντιβεν;

2, 3. Σόσκε ισί λατσσό τι ανάς αμαρέ γκοντιάτε ι υπόσχεση ότι κα αναστίντιβεν ο μουλέ;

² Μπάζιμα, ισί λατσσό σαρέ αμένγκε τι σκεφτίνας ι υπόσχεση ι Γραφιάκι ότι κα αναστίντιβεν ο μουλέ κο μέλλον. (Ιωάν. 5:​28, 29) Σόσκε; Επειδή να τζανάσα κάνα μπορεί τι νακχάς εκ μπαρό νασφαλιπέ σο κα τσσουβέλ σε κίνδυνος αμαρί ζωή ή τι χασαράς ξαφνικά εκχέ τζενές σο μανγκάσα μπουτ. (Εκκλ. 9:​11· Ιακ. 4:​13, 14) Η ελπίδα ότι κα τζουβντιόν ο μουλέ μπορεί τι βοηθίνελ-αμέν τι νταϊντίνας ασακέ δυσκολίες. (1 Θεσ. 4:​13) Η Γραφή ντέλα-αμέν ι σιγουριά ότι αμαρό Ντατ σο ισί κο ουρανός τζανέλα-αμέν λατσσές ντα μανγκέλα-αμέν μπουτ. (Λουκ. 12:7) Σκεφτίνεν καζόμ λατσσές πρέπει τι τζανέλα-αμέν ο Ιεχωβά Ντεβέλ σο κα ανέλ-αμέν πάλι κι ζωή με το ίδιος χαρακτήρας ντα σαρέ με το αναμνήσεις σο τθεράας. Ντα καζόμ σουκάρ ισί σο ο Ιεχωβά ντέλα-αμέν ι ευκαιρία τι τζουβντιάς για πάντα, ατζέ-ντα άμα κα χρειαζίντιβελ τι αναστίνελ-αμέν!

³ Ανταλέ μαθημάστε, κα συζητίνας πρώτα σόσκε μπορίνασα τι πακιάς κι ανάσταση. Σοράν, κα ντικχάς εκ ιστορία κατά Γραφή σο μπαριαρέλα αμαρί πίστη ντα αντρέ ανταλάτε ισί ο εδάφιος ανταλέ  μαθημάσκο: «Το πφραλ κα ιστίλ». (Ιωάν. 11:​23) Τέλος, κα σικλιάς σαρ μπορίνασα τι κεράς ατζέ πο ζουρανί αμαρί ελπίδα κι ανάσταση.

4. Για τι πακιάς εκ υπόσχεση, καλέ πραγμάσκε πρέπει τι αβάς σίγουροι; Βακερέν εκ παράδειγμας.

⁴ Για τι πακιάς εκ υπόσχεση, πρέπει τι αβάς σίγουροι ότι οντουβά σο ντέλα-λα εμ μανγκέλα εμ τθερέλα ι ζορ, ή γιαβέρσοϊ ι ικανότητα, τι κερέλ-λα τι νικιόλ μπαγιά. Για παράδειγμας, ανέν τουμαρέ γκοντιάτε ότι τουμαρό κχερ παθισάλο μπαρέ ζημιές από εκ καταιγίδα. Εκ αμάλ τουμαρό αβέλα ντα ντέλα-τουμέν ι υπόσχεση: “Κα βοηθίναβ-τουτ τι κερές το κχερ”. Βακερέλα αλήθεια, ντα ισινέν σίγουροι ότι μανγκέλα τι βοηθίνελ-τουμέν. Άμα ισί λατσσό οικοδόμος ντα τθερέλα σαρέ ο εργαλεία, τζανένα επίσης ότι τθερέλα εμ ι ικανότητα τι κερέλ-λες ανταβά. Οντουλέσκε πακιάνα κι υπόσχεση σο ντινάς-τουμέν. Άρα, σο κα βακεράας για την υπόσχεση σο ντινάς-αμέν ο Ντεβέλ ότι κα αβέλ-πες ανάσταση; Μανγκέλα τι κερέλ-λα τι νικιόλ μπαγιά ντα τθερέλα ι ζορ ανταλέσκε;

5, 6. Σόσκε μπορίνασα τι αβάς σίγουροι ότι ο Ιεχωβά μανγκέλα τι αναστίνελ ι μουλέν;

⁵ Μανγκέλα ο Ιεχωβά τι αναστίνελ ι μουλέν; Σίγουρα βα. Κερντάς μπερεκέτι τζενέν τι γραφίνεν κι Αγία Γραφή λέσκι υπόσχεση ότι κο μέλλον κα τζουβντιαρέλ ι μουλέν. (Ησ. 26:​19· Ωσηέ 13:​14· Αποκ. 20:​11-13) Ντα κάνα ο Ιεχωβά ντέλα εκ υπόσχεση, πάντα κερέλα-λα τι νικιόλ μπαγιά. (Ιησ. Ναυή 23:​14) Ντα ο Ιεχωβά μπεσέλα σαρ σαρ τι ανέλ πάλι κι ζωή ι μουλέν. Σόσκε βακεράσα-λες ανταβά;

⁶ Σκεφτίνεν ο λάφια σο βακερντάς ο Ιώβ. Βοβ ισινέ σίγουρος ότι, ατζέ-ντα άμα κα μερέλας, ο Ιεχωβά κα μπεσέλας σαρ σαρ τι ντικχέλ-λες πάλι τζουβντό. (Ιώβ 14:​14, 15) Ο Ιεχωβά νιωθίνελα αντικάς σαρέ πι υπηρετόνγκε σο μουλέ. Μπεσέλα σαρ σαρ τι ανέλ-λεν πάλι κι ζωή, ζουρανέ ντα ευτυχισμέ. Σο κα αβέλ-πες ι δισεκατομμύριε τζενέντζαρ σο μουλέ χωρίς τι ντιντιόλ-λεν η ευκαιρία τι σικλιόν ι αλήθεια ι Ιεχωβάσκε; Αμαρό λατσσό Ντεβέλ μανγκέλα τι αναστίνελ λεν-ντα. (Πράξ. 24:​15) Μανγκέλα τι τθερέν ι ευκαιρία τι αβέν λέσκε αμαλά ντα τι τζουβντιόν για πάντα κι πφουβ. (Ιωάν. 3:​16) Σίγουρα, ο Ιεχωβά μανγκέλα τι αναστίνελ ι μουλέν.

7, 8. Σόσκε μπορίνασα τι αβάς σίγουροι ότι ο Ιεχωβά τθερέλα ι ζορ τι αναστίνελ ι μουλέν;

⁷ Τθερέλα ο Ιεχωβά ι ζορ-ντα τι αναστίνελ ι μουλέν; Σίγουρα! Βοβ ισί ο «Παντοδύναμος». (Αποκ. 1:8) Ισί μπουτ ζουρανό, οτθάρ μπορίνελα τι νικίνελ σαρέ ι ντουσμανίν, ατζέ-ντα ο μεριπέ. (1 Κορ. 15:​26) Ανταβά ντέλα-αμέν ζορ ντα κουράγιος. Σκεφτίνεν σο αβιλό-πες κι πφεν Έμα Άρνολντ. Βόι ντα λάκι φαμιλί νακχλέ μπαρέ προβλήματα σο δοκιμαντέ λένγκι πίστη καζόμ αβέλας-πες ο Β΄ Παγκόσμιος Πόλεμος. Μερικά τζενέ σο μανγκένας-λεν μουλέ κο ναζιστικά στρατόπεδα συγκέντρωσης. Οτθάρ, η Έμα, για τι ντελ κουράγιος πι τσσαγιά, βακερντάς: «Άμα ο τζενέ σο μουλέας να κα μπορίνενας τι τζουβντιόν ποτές πάλι, ανταβά κα σικαβέλας ότι αμαρό ντουσμάνι, ο μεριπέ, ισί πο ζουρανό κατά Ντεβέλ. Αλλά ανταβά νανέ μπαγιά». Σίγουρα, τίποτα νανέ πο ζουρανό κατά Ιεχωβά! Ο παντοδύναμος Ντεβέλ σο δημιουργιντάς ι ζωή ισί ικανός τι ανέλ πάλι κι ζωή οντουλέν σο μουλέ.

⁸ Κάτι γιαβέρ σο κερέλα-αμέν σίγουρους ότι ο Ντεβέλ μπορίνελα τι αναστίνελ ι μουλέν ισί ότι να μπιστρέλα καεκχές. Ντέλα βίκος ι κάθε τσεργάν λάκε ναβέσαρ. (Ησ. 40:​26) Επίσης, ντέλα-πες γκοντί οντουλέν σο μουλέ. (Ιώβ 14:​13· Λουκ. 20:​37, 38) Μπορίνελα εύκολα τι ντελ-πες γκοντί ατζέ-ντα ο πο χουρντέ λεπτομέρειες οντουλένγκε σο κα αναστίνελ​—για παράδειγμας, λένγκι εμφάνιση ντα λένγκο χαρακτήρας, οντουλά σο νακχλέ, ντα ο αναμνήσεις σο τθερένας.

9. Σόσκε πακιάνα ι υπόσχεση ι Ιεχωβάσκι ότι κα αβέλ-πες ανάσταση κο μέλλον;

⁹ Σίγουρα, μπορίνασα τι πακιάς ι υπόσχεση σο ντινάς ο Ιεχωβά ότι κα τζουβντιαρέλ ι  μουλέν κο μέλλον, επειδή τζανάσα ότι βοβ εμ μανγκέλα εμ τθερέλα ι ζορ τι κερέλ-λα τι νικιόλ μπαγιά. Ντικχέν ατζέκ εκ λόγος σο πακιάσα κι Ντεβλέσκι υπόσχεση για την ανάσταση: Ο Ιεχωβά τθερέλα-λες κερντό πάλι ανταβά. Κο πουρανέ μπρεσά, ντινάς μερικέ πιστέ μουρσέντε, αντρέ ανταλέντε κο Ιησούς-ντα, ι ζορ τι τζουβντιαρέν μουλέν. Για τι ντικχάς ι ιστορία σο σικαβέλα εκ κατά αναστάσεις σο κερντάς ο Ιησούς, σαρ ισί γραμμέ κο Ιωάννης κεφάλαιος 11.

10. Σο αβέλα-πες καζόμ ο Ιησούς βακερέλα ο λατσσέ αμπέρια κατά γιαβέρ μπάντα κατά Λεν Ιορδάνης, ντα σο κερέλα; (Ιωάννης 11:​1-3)

¹⁰ Διαβάνεν Ιωάννης 11:​1-3. Σκεφτίνεν σο αβιλό-πες κι Βηθανία κο τέλος κι μπρεσέσκο 32 Κ.Χ. Ανταλέ γκαβέστε, ο Ιησούς τθερέλα μερικέ λατσσέ αμαλέν​—ι Λαζαρός ντα λέσκε ντουέ πφενίν, ι Μαριά ντα ι Μαρθά. (Λουκ. 10:​38-42) Αλλά ο Λάζαρος ισί νασφαλό, ντα λέσκε πφενιά νταρένα. Μπουτσσαβένα αμπέρι κο Ιησούς, σο ισί κατά γιαβέρ μπάντα κατά Λεν Ιορδάνης, περίπου ντούι ντιβεσά ντρομ κατά Βηθανία. (Ιωάν. 10:​40) Δυστυχώς, ο Λάζαρος μερέλα περίπου οντιά στιγμή σο ο τζενό σο μπουτσσάντιλο τι βακερέλ ο αμπέρι αρακχέλα ι Ιησούς. Παρόλο σο ο Ιησούς τζανέλα ότι λέσκο αμάλ μουλό, μπεσέλα κο ίδιος τθαν ατζέ ντούι ντιβεσά, ντα σοράν ξεκινίνελα τι τζαλ κι Βηθανία. Οτθάρ, κάνα ερεσέλα οτθέ ο Ιησούς, ο Λάζαρος ισί ήδη μουλό σταρ ντιβεσά. Ο Ιησούς μανγκέλα τι κερέλ κάτι σο κα βοηθίνελ πι αμαλέν ντα κα δοξάνελ ι Ντεβλές.​—Ιωάν. 11:4, 6, 11, 17.

11. Καβά σημαντικός μάθημας για τη φιλία μπορίνασα τι σικλιάς ανταλέ ιστοριάταρ;

¹¹ Ανταλέ ιστοριάταρ σικλιάσα εκ σημαντικός μάθημας για τη φιλία. Σκεφτίνεν ακαβά: Κάνα η Μαρία ντα η Μάρθα μπουτσσαντέ αμπέρι κο Ιησούς, να μανγκλέ λέσταρ τι αβέλ κι Βηθανία. Βακερντέ λέσκε απλώς ότι λέσκο αγαπημέ αμάλ ισινέ νασφαλό. (Ιωάν. 11:3) Κάνα μουλό ο Λάζαρος, ο Ιησούς κα μπορίνελας τι τζουβντιαρέλ-λες ντουράλ. Όμως, τραμπιντάς τι τζαλ κι Βηθανία για τι αβέλ γιεκ πι αμαλινέντζαρ, ι Μαριάσαρ ντα ι Μαρθάσαρ. Τθερένα τουμέν εκχέ αμαλές σο κα τθάβντελ τι αβέλ πασέ τουμέντε χωρίς τι μανγκέν-λες λέσταρ; Άμα αβέλα-πες ανταβά, τζανένα ότι κα βοηθίνελ-τουμέν κο “ντιβεσά σο αβέλα στεναχώρια”. (Παρ. 17:​17) Σαρ ο Ιησούς, τι αβάς αμέν-ντα ασακέ αμαλά ι γιαβερένγκε! Ακανά, για τι βουρτίνας κι ιστορία τι ντικχάς σο αβιλό-πες σοράν.

12. Σο υπόσχεση ντέλα ο Ιησούς κι Μάρθα, ντα σόσκε ανταγιά νανέ εκ ψεύτικη υπόσχεση; (Ιωάννης 11:​23-26)

¹² Διαβάνεν Ιωάννης 11:​23-26. Η Μάρθα σικλιόλα ότι ο Ιησούς ισί πασέ κι Βηθανία. Τζάλα κουσιέντζαρ τι αρακχέλ-λες ντα βακερέλα: «Κύριε, άμα ισινάνας ατθέ, μο πφραλ να κα μερέλας». (Ιωάν. 11:​21) Ισί μπαγιά ότι ο Ιησούς κα μπορίνελας από την αρχή τι κερέλ ι Λαζαρός λατσσές. Αλλά βοβ μανγκέλα τι κερέλ κάτι ατζέ πο μπαρό. Ντέλα ακαγιά υπόσχεση: «Το πφραλ κα ιστίλ». Επίσης, ντέλα κι Μάρθα ατζέκ εκ λόγος για τι πακιάλ λέσκι υπόσχεση, κάνα βακερντάς: «Με ισινόμ η ανάσταση ντα η ζωή». Βα, ο Ντεβέλ ντινάς κο Ιησούς ι ζορ για τι τζουβντιαρέλ ι μουλέν. Πο τζανγκλέ, αναστιντάς εκχέ χουρντέ τσσαγιά χάνικ σοράν λάκε μεριμάσταρ, ντα εκχέ τερνές, μάλλον ο ίδιος ντιβές σο μουλό οντουβά τερνό. (Λουκ. 7:​11-15· 8:​49-55) Μπορίνελα  όμως τι αναστίνελ εκχές σο ισί μουλό σταρ ντιβεσά ντα λέσκο σώμας αρχισάλο τι κερνιόλ;

13. Σο κερέλα ο Ιησούς κάνα ντικχέλα ι Μαριά ντα ι γιαβερέν τι ροβέν, σαρ σικαβένα ο εδάφια Ιωάννης 11:​32-35; (Ντικχέν ι φωτογραφία-ντα)

¹³ Διαβάνεν Ιωάννης 11:​32-35. Ανέν τουμαρέ γκοντιάτε σο αβέλα-πες σοράν. Η Μαρία, η γιαβέρ πφεν ι Λαζαρόσκι, νικιόλα αβρί για τι ντικχέλ ι Ιησούς. Βακερέλα ο ίδια λάφια σο βακερντάς λάκι πφεν: «Κύριε, άμα ισινάνας ατθέ, μο πφραλ να κα μερέλας». Βόι ντα ο γιαβερά σο ισί λάσαρ νιωθίνενα μπαρί ντουκχ. Καζόμ ο Ιησούς ντικχέλα-λεν ντα ασουνέλα-λεν τι ροβέν, πφανγκιόλα λέσκο γκι. Επειδή αγαβέλα πι αμαλένγκι ντουκχ, αρχίνελα τι ροβέλ. Αγαβέλα καζόμ πφαρό ισί τι μερέλ εκ τζενό σο μανγκέσα. Σίγουρα, μπεσέλα σαρ σαρ τι νασκιαρέλ οντουβά σο ανέλα λένγκε αζόμ μπαρί ντουκχ!

14. Σο σικλιάσα ι Ιεχωβάσκε οντουλέσταρ σο κερντάς ο Ιησούς κάνα ροντάς η Μαρία;

¹⁴ Οντουβά σο κερντάς ο Ιησούς κάνα ροντάς η Μαρία, σικλιαρέλα-αμέν ότι ο Ιεχωβά ισί Ντεβέλ σο αγαβέλα ι ντουκχ ι γιαβερένγκι. Σόσκε βακεράσα-λες ανταβά; Σαρ ντικχλάμ κο γιαβέρ μάθημας, ο Ιησούς νιωθίνελα ντα σκεφτίνελα ακριβώς σαρ πο Ντατ. (Ιωάν. 12:​45) Ο Ιησούς ροντάς επειδή νιωσάλο αζόμ μπουτ ι ντουκχ πι αμαλένγκι σο χασαρντέ πουμαρέ τζενές. Ανταλέσταρ, αγαβάσα ότι ο Ιεχωβά-ντα νιωθίνελα αζόμ μπαρί ντουκχ αμένγκε κάνα ντικχέλα-αμέν τι ροβάς επειδή ισινάμ στεναχωριμέ. (Ψαλμ. 56:8) Να κερέλα-τουμέν ανταβά τι μανγκέν τι τζαν ατζέ πο πασέ αμαρέ λατσσέ Ντεβλέστε;

15. Σο αβέλα-πες κο μεζάρι κι Λαζαρόσκο, σαρ βακερένα ο εδάφια Ιωάννης 11:​41-44; (Ντικχέν ι φωτογραφία-ντα)

¹⁵ Διαβάνεν Ιωάννης 11:​41-44. Ο Ιησούς τζάλα κο μεζάρι κι Λαζαρόσκο ντα μανγκέλα τι ταρτίνεν ο μπαρ. Η Μάρθα να συμφωνίνελα ντα βακερέλα ότι λέσκο σώμας κα κχάντελας ακανά. Ο Ιησούς απαντίνελα: «Να βακερντόμ τούκε ότι άμα κα πακιάς κα ντικχές ι δόξα ι Ντεβλέσκι;» (Ιωάν. 11:​39, 40) Σοράν, ο Ιησούς βάντελα πο γιακχά κάρινγκ κο ουρανός ντα προσευχίντιβελα ανγκλάλ σαριλέντε. Μανγκέλα τι ντελ κο Ιεχωβά σαρί ι δόξα οντουλέσκε σο κα αβέλ-πες. Πο σοράν, ντέλα βίκος: «Λάζαρε, έλα αβρί!» Ντα ο Λάζαρος νικιόλα κατά μεζάρι! Ο Ιησούς μόλις κερντάς κάτι σο μερικοί  αμντίνενας ότι ναστί αβέλας-πες.​—Ντικχέν ο θέμας «Γιατί χρειάστηκαν τέσσερις ημέρες για να φτάσει ο Ιησούς στον τάφο του Λαζάρου;» κι Σκοπιά 1 Ιανουαρίου 2008.

16. Σαρ η ιστορία σο ισί κο Ιωάννης κεφάλαιος 11 μπαριαρέλα αμαρί πίστη ότι κα αβέλ-πες ανάσταση;

¹⁶ Η ιστορία σο ισί κο Ιωάννης κεφάλαιος 11 μπαριαρέλα αμαρί πίστη ότι κα αβέλ-πες ανάσταση. Σαρ; Ντεν-τουμέν γκοντί ι υπόσχεση σο ντινάς ο Ιησούς κι Μάρθα: «Το πφραλ κα ιστίλ». (Ιωάν. 11:​23) Σαρ λέσκο Ντατ, αντικάς ο Ιησούς-ντα μανγκέλα ντα τθερέλα ι ζορ τι κερέλ τι νικιόλ μπαγιά ανταγιά υπόσχεση. Λέσκε δάκρυα σικαντέ ότι μπεσέλα σαρ σαρ αντράλ πι γκίσταρ τι νασκιαρέλ ο μεριπέ ντα ι ντουκχ σο νιωθίνασα κάνα χασαράσα εκχέ τζενές. Ντα κάνα ο Λάζαρος νικίστιλο κατά μεζάρι, ο Ιησούς σικαντάς πάλι ότι τθερέλα ι ζορ τι τζουβντιαρέλ ι μουλέν. Επίσης σκεφτίνεν σο αντάς κι γκοντί κι Μαρθάκι ο Ιησούς: «Να βακερντόμ τούκε ότι άμα κα πακιάς κα ντικχές ι δόξα ι Ντεβλέσκι;» (Ιωάν. 11:​40) Τθεράσα σημαντικούς λόγους τι πακιάς ότι η υπόσχεση σο ντινάς ο Ντεβέλ ότι κα αβέλ-πες ανάσταση κα νικιόλ μπαγιά. Σαρ μπορίνασα όμως τι κεράς ατζέ πο ζουρανί αμαρί ελπίδα κι ανάσταση;

17. Σο πρέπει τι ντας-αμέν γκοντί κάνα διαβάνασα ιστορίες κατά Γραφή για την ανάσταση;

¹⁷ Τι διαβάνεν για αναστάσεις σο αβιλέ-πες κο πουρανέ μπρεσά ντα τι σκεφτίνεν-λεν λατσσές. Η Γραφή βακερέλα οχτώ τζενένγκε σο αναστισάλε κι πφουβ. c Κα μπορίνενας τι ντικχέν ι κάθε εκ ιστορία ξεχωριστά. Καζόμ κερένα-λες ανταβά, τι ντεν-τουμέν γκοντί ότι η Γραφή κερέλα λάφι πραγματικέ τζενένγκε​—μουρσένγκε, τζουβλίνγκε ντα χουρντένγκε. Ρόντεν σο μαθήματα μπορίνενα τι σικλιόν. Σκεφτίνεν σαρ ο κάθε παράδειγμας σικαβέλα ότι ο Ντεβέλ εμ μανγκέλα εμ τθερέλα ι ζορ τι αναστίνελ ι μουλέν. Πο μπουτ σαριλένταρ, σκεφτίνεν ι πο σημαντική ανάσταση σο αβιλί-πες ποτές​—ι ανάσταση ι Ιησούσκι.  Τι ντεν-τουμέν γκοντί ότι η ανάσταση λέσκι ντικχλέ-λα πουμαρέ γιακχίντζαρ εκατοντάδες τζενέ ντα ανταβά κερέλα αμαρί πίστη πο σταθερή.​—1 Κορ. 15:​3-6, 20-22.

18. Σαρ μπορίνενα τι χρησιμοποιήνεν λατσσές ο ύμνοι ντα ο γκιλιά σο κερένα λάφι για την ανάσταση; (Ντικχέν ι υποσημείωση-ντα)

¹⁸ Τι χρησιμοποιήνεν λατσσές ο «ύμνους» ντα ο γκιλιά σο κερένα λάφι για την ανάσταση. d (Εφεσ. 5:​19) Ανταλά ύμνοι ντα ανταλά γκιλιά κερένα-αμέν πο σίγουρους ότι κα αβέλ η ανάσταση ντα μπαριαρένα αμαρί πίστη κι μπουτ σουκάρ ελπίδα σο τθεράσα. Ασουνέν-λεν, κερέν-λεν πρόβες ντα συζητίνεν σο σημασία τθερένα λένγκε λάφια κάνα κερένα τουμαρί φαμιλιάκι λατρεία. Γραφίνεν ανταλά λάφια, σαρ τι βακεράας, τουμαρέ γκοντιάτε ντα τουμαρέ γκίστε. Σοράν, άμα κα νακχέν εκ δοκιμασία σο κα τσσουβέλας τουμαρί ζωή σε κίνδυνος ή άμα κα χασαρέν εκχέ τζενές σο μανγκένα, ο πνεύμας ι Ιεχωβάσκο κα βοηθίνελ-τουμέν τι ντεν-τουμέν γκοντί οντουλά ύμνοι ντα οντουλά γκιλιά. Ανταβά κα λοκχιαρέλ τουμαρό γκι ντα κα ντελ-τουμέν ζορ.

19. Σο μπορίνασα τι ανάς αμαρέ γκοντιάτε για την ανάσταση; (Ντικχέν ο πλαίσιος « Σο κα Πουτσέν-λεν;»)

¹⁹ Τι χρησιμοποιήνεν τουμαρί φαντασία. Ο Ιεχωβά κερντάς-αμέν τι μπορίνας τι ντικχάς αμαρό νεαυτός κο νεβό ντουνιάς. Εκ πφεν βακερέλα: «Ντινόμ αζόμ μπουτ μι σαατίσταρ για τι σκεφτίναβ μο νεαυτός κο νεβό ντουνιάς σο ισί σαρ τι σουνγκάβα ο τριαντάφυλλα κο Παράδεισος». Ανέν τουμαρέ γκοντιάτε σαρ κα αβέλ κάνα κα ντικχέν πιστέ μουρσέν ντα τζουβλίν κατά πουρανέ μπρεσά. Κας μανγκένα τι ντικχέν σαρ σαρ; Σο κα πουτσέν-λες; Ανέν τουμαρέ γκοντιάτε ι στιγμή σο κα ντικχέν πάλι τουμαρέ αγαπημέ τζενέν σο μουλέ. Σκεφτίνεν ο πρώτα πράγματα σο κα βακερέν λένγκε, ι τατί ανγκάλι σο κα λεν-λεν, ντα ο δάκρυα σο κα τθάβντεν τουμαρέ γιακχίνταρ κατά χαρά.

20. Καλέ πραγμάσκε πρέπει τι αβάς αποφασισμέ;

²⁰ Καζόμ μπουτ εκτιμίνασα ι υπόσχεση σο ντινάς-αμέν ο Ιεχωβά για την ανάσταση! Μπορίνασα τι αβάς ντιπ σίγουροι ότι ανταγιά υπόσχεση κα αβέλ-πες μπαγιά, επειδή ο Ιεχωβά εμ μανγκέλα εμ τθερέλα ι ζορ τι κερέλ-λα τι νικιόλ μπαγιά. Οτθάρ, τι αβάς αποφασισμέ τι συνεχίνας τι μπαριαράς αμαρί πίστη κι μπουτ σουκάρ ελπίδα σο τθεράσα. Καζόμ κεράσα-λες ανταβά, κα τζας ατζέ πο πασέ κο Ντεβέλ, σο κι πραγματικότητα ντέλα πο λάφι κο κάθε εκ αμένταρ: “Το αγαπημέ τζενέ κα ιστίν!”