Σόσκε καέκ δεν πρέπει τι βάντελ ο εκδόσεις σο νικαβένα ο Μάρτυρες ι Ιεχωβάσκε γιαβερέ ιστοτοπόντε ή κο κοινωνικά δίκτυα;

Ισί τζενέ σο αμντίνενα ότι, αφού ντάσα αμαρέ εκδόσεις χωρίς τι λας λοβέ, μπορίνενα τι αντιγραφίνεν-λεν ή τι βάντεν-λεν γιαβερέ ιστοτοπόντε ή κο κοινωνικά δίκτυα. Όμως, ανταβά μπορίνελα τι ανέλ μπαρέ προβλήματα ντα τζάλα κόντρα κο Όροι Χρήσης * (ντικχ ι υποσημείωση) αμαρέ ιστοτοπόνγκε. Ανταλά Όροι βακερένα ξεκάθαρα ότι καέκ δεν πρέπει λελ “εικόνες, ηλεκτρονικές εκδόσεις, εμπορικά σήματα, μουσική, φωτογραφίες, βίντεα ή θέματα ανταλέ ιστοτοπόσταρ ντα τι βάντελ-λεν κο Ίντερνετ (σε καέκ ιστότοπος, ή κο κοινωνικά δίκτυα)”. Σόσκε χρειαζίντιβενα ανταλά κανόνες;

Σο-ντα ισί αμαρέ ιστοτοπόντε τθερέλα πνευματικά δικαιώματα, δηλαδή αρακχάντιβελα κατά νόμος. Ανταβά ισί σημαντικός σόσκε τσσιναβέλα οντουλέν σο μανγκένα τι χρησιμοποιήνεν αμαρέ ιστότοποι με λάθος τρόπος. Μπουτ φαρ, αποστάτες ντα γιαβερά τζενέ σο μανγκένα τι κερέν ζιάνι αμαρέ εργόστε τσσουβένα αμαρέ εκδόσεις πουμαρέ ιστοτοπόντε για τι ταρτίνεν ι προσοχή ι πφραλένγκι, αλλά ι γιαβερένγκι-ντα. Όμως, ανταλέ ιστοτοπόντε τσσουβένα γιαβερά-ντα πράγματα για τι ανέν αμφιβολίες κι τζενένγκι γκοντί. (Ψαλμός 26:4· Παροιμίες 22:5) Γιαβερά χρησιμοποιηντέ αμαρέ εκδόσεις ή αμαρό λογότυπος jw.org κο διαφημίσεις, κο εφαρμογές για κινητά ή τάμπλετ ντα πραγματέντε σο μπικινένα. Αλλά αμαρέ εκδόσεις ντα αμαρό λογότυπος αρακχάντιβενα κατά νόμος, οτθάρ μπορίνασα τι τζας κο δικαστήριος ντα τι τσσιναβάς ι τζενέν σο κερένα-λες ανταβά. (Παροιμίες 27:​12) Όμως, ο δικαστήρια μπορεί μα τι ντεν-αμέν δίκιος άμα μουκχάσα μερικέ τζενέν, ατζέ-ντα πφραλέν, τι βάντεν αμαρέ εκδόσεις γιαβερέ ιστοτοπόντε ή τι χρησιμοποιήνεν ο λογότυπος jw.org για τι μπικινέν πράγματα.

Ισί επικίνδυνος τι γουλιαράς αμαρέ εκδόσεις γιαβερτθάρ ντα όχι κατά ιστότοπος jw.org. Ο Ιεχωβά ντέλα-αμέν πνευματικός χαμπέ σάντε αντράλ κατά «πιστός ντα φρόνιμος δούλος». (Ματθαίος 24:​45) Ανταβά «δούλος» χρησιμοποιήνελα σάντε πο επίσημοι ιστότοποι, ο www.pr418.com, tv.pr418.com ντα wol.pr418.com, για τι ντελ ο πνευματικός χαμπέ. Ντα τθεράσα σάντε τριν εφαρμογές για κινητά ή τάμπλετ, ο JW Language^®, JW Library^® ντα JW Library Sign Language^®. Ανταλά ιστότοποι ντα εφαρμογές να τθερένα διαφημίσεις ή κάτι γιαβέρ σο αβέλα κατά Μπενγκέσκο ντουνιάς. Αλλά άμα γουλιαράσα αμαρέ εκδόσεις κατά γιαβερά ιστότοποι ή εφαρμογές, υπαρχίντιβελα ο κίνδυνος ότι μπορεί τι αλλαξάλε με κάποιος τρόπος.​—Ψαλμός 18:​26· 19:8.

Επίσης, αν βάντασα αμαρέ εκδόσεις γιαβερέ ιστοτοπόντε σο ο τζενέ μπορίνενα τι γραφίνεν σχόλια, ο αποστάτες ντα γιαβερά τζενέ μπορίνενα τι κατηγορίνεν ι Ιεχωβάσκι οργάνωση. Ισί πφραλά σο χαλέ-πες λαφίντζαρ ανταλέ τζενέντζαρ ντα ανταβά αντάς πιο μπουτ λατζ κι Ιεχωβάσκο ναβ. Ασακέ συζητήσεις κο Ίντερνετ νανέ ο σωστός τρόπος για τι διορθώνας ι γιαβερέν ντα για τι βοηθίνας-λεν τι αγαβέν ι αλήθεια. (1 Τιμόθεο 6:​3-5· 2 Τιμόθεο 2:​23-25) Επίσης, μερικά τζενέ κερένα ιστότοπους ντα λογαριασμούς κο κοινωνικά δίκτυα σο μοιάζενα ότι ισί κατά οργάνωση ή κατά πφραλά σο ισί κο Κυβερνών Σώμας. Αλλά ανταλά ιστότοποι ντα λογαριασμοί ισί ψεύτικοι. Καέκ πφραλ κατά Κυβερνών Σώμας να τθερέλα πιρί ιστοσελίδα ή λογαριασμός σε καέκ κοινωνικός δίκτυος.

Κάνα οδηγίνασα ι τζενέν κο jw.org, βοηθίνασα τι βακέρντιβεν ο «λατσσέ αμπέρια». (Ματθαίος 24:​14) Καζόμ τζάλα, ο ιστότοποι ντα ο εφαρμογές σο τθεράσα αβένα πιο λατσσέ. Μανγκάσα σαρέ τι βοηθίντιβεν λένταρ. Άρα, μπορίνασα τι μπουτσσαβάς ι γιαβερένγκε με e-mail αμαρέ εκδόσεις ή εκ σύνδεσμος σο γκερέλα κο ιστότοπος. Αντικάς, οδηγίνασα ι τζενέν κο «πιστός ντα φρόνιμος δούλος», σο σάντε λες χρησιμοποιήνελα ο Ιεχωβά για τι ντελ ο πνευματικός χαμπέ.