1. Καγιά προφητεία βακερντάς ο Ησαΐας σο τθερέλα τι κερέλ ι Ιησούσαρ, ντα σόσκε ενθαρρύνελα-αμέν ανταβά;

Η ΠΡΟΦΗΤΕΙΑ του Ησαΐα σο βακερέλα ι Ιησού Χριστόσκε ενθαρρύνελα-αμέν ντα ντέλα-αμέν ελπίδα. Ο Ησαΐας βακερντάας ότι ο Ιησούς «για τι κρίνελ, να κα βασίντιβελ οντουλέστε σο ντικχένα λέσκε γιακχά ούτε κα ντελ συμβουλές σάντε οντουλέσταρ σο ασουνένα λέσκε κανά» αλλά «κα κρίνελ οντουλέν σο νανέ σημαντικοί με δικαιοσύνη». (Ησαΐας 11:3, 4) Σόσκε ενθαρρύνελα-αμέν ανταβά; Επειδή τζουβντιάσα εκχέ ντουνιάστε πφερντό ρατσισμός ντα ο τζενέ κρίνενα ο εκ ι γιαβερές οντουλέσταρ σο ντικχένα. Χρειαζίντιβασα μπαγιά ι τέλειε Κριτής, ι Ιησούς, σο ποτές να κα κρίνελ-αμέν οντουλέσταρ σο ντικχέλα!

2. Καγιά εντολή ντινάς-αμέν ο Ιησούς, ντα σο κα ντικχάς ανταλέ μαθημάστε;

² Κάθε ντιβές, νικαβάσα συμπεράσματα ι γιαβερένγκε. Αλλά να ισινάμ τέλειοι σαρ ο Ιησούς, οτθάρ αμαρέ συμπεράσματα νανέ τέλεια. Επηρεάντιβασα εύκολα οντουλένταρ σο ντικχάσα. Όμως, ο Ιησούς ντινάς ακαγιά εντολή: «Μα κρίνεν οντουλέσταρ σο ντικχένα αλλά τι κρίνεν δίκαια». (Ιωάννης 7:​24) Άρα, ο  Ιησούς μανγκέλα τι μοιάζας λέστε ντα μα τι κρίνας ι γιαβερέν οντουλέσταρ σο ντικχάσα. Ανταλέ μαθημάστε, κα ντικχάς τριν πράγματα σο μπορεί τι επηρεάνεν αμαρί άποψη: η φυλή ή ο λαός, ο λοβέ ντα η ηλικία. Κι κάθε περίπτωση, κα ντικχάς σαρ μπορίνασα τι ντας καν ι Ιησούς ντα μα τι κρίνας ι γιαβερέν οντουλέσταρ σο ντικχάσα.

3, 4. (α) Σόσκε αλλαντάς ο Πέτρος πι άποψη ι τζενένγκε σο ισινέ γιαβερέ τθεμένταρ; (Ντικχ ι φωτογραφία σο ισί κι αρχή) (β) Καγιά νεβί αλήθεια σικλιαρντάς ο Ιεχωβά κο Πέτρος;

³ Σκεφτίνεν σαρ νιωσάλο ο απόστολος Πέτρος κάνα μανγκλέ λέσταρ τι τζαλ κι Καισάρεια, κο κχερ κι Κορνηλιόσκο σο ισινέ γιαβερέ τθεμέσταρ! (Πράξεις 10:​17-29) Χουρντιαρέλα μπερί, ο Πέτρος σικλιλό τι πακιάλ ότι ο τζενέ σο ισινέ γιαβερέ τθεμένταρ ισινέ μαγαριμέ. Αλλά μερικά πράγματα κερντέ-λες τι σκεφτίνελ διαφορετικά. Για παράδειγμας, ο Ντεβέλ σικαντάς λέσκε εκ φαντασία. (Πράξεις 10:​9-16) Ανταλέ φαντασιάτε, ντικχλάς κάτι σαρ σεντόνι τι γουλίλ κατά ουρανός. Ισινέ πφερντό ζώα σο ο Ιουδαίοι πακιάνας ότι ισινέ μαγαριμέ. Σοράν, εκ φωνή βακερντάς: «Ίστι, Πέτρο, τσσιν ντα χα!» Ο Πέτρος να δεχτιντάς τι χαλ. Σοράν, η φωνή βακερντάς λέσκε: «Μα βάκερ ότι ισί μαγαριμέ οντουλά σο ο Ντεβέλ καθαριντάς». Σοράν ανταλέ φαντασιάταρ, ο Πέτρος να αγαβέλας σο προσπαθίνελας τι βακερέλ λέσκε η φωνή. Οντιά στιγμή, ερεσλέ τζενέ σο μπουτσσαντάς ο Κορνήλιος. Ο άγιος πνεύμας βακερντάς ι Πετρόσκε τι τζαλ κο κχερ κι Κορνηλιόσκο, ντα αντικάς ο Πέτρος ακολουθιντάς οντουλέ τζενέν.

⁴ Αν ο Πέτρος κα κρίνελας “οντουλέσταρ σο ντικχέλας”, να κα τζάλας ποτές κο κχερ κι Κορνηλιόσκο. Ο Ιουδαίοι να τζάνας ποτές κο κχερά κι τζενένγκε σο ισινέ γιαβερέ τθεμένταρ. Όμως, σόσκε γκιλό ο Πέτρος; Παρόλο σο τθερέλας ρατσισμός ι τζενένγκε σο ισινέ γιαβερέ τθεμένταρ, η φαντασία σο ντικχλάς ντα η καθοδηγία σο λιντάς κατά άγιος πνεύμας αλλαντέ λέσκο τρόπος σκέψης. Αφού ο Πέτρος ασουντάς ι Κορνηλιός, βακερντάς: «Ακανά αγαβάβα μπαγιά ότι ο Ντεβέλ να ξεχωρίνελα ι τζενέν, αλλά σαρέ κο τθεμά δεχτίνελα οντουλέν σο νταρένα λέσταρ ντα κερένα ο σωστός». (Πράξεις 10:​34, 35) Ανταβά νεβό πράγμας σο σικλιλό ο Πέτρος ισινέ μπουτ λατσσό ντα κα επηρεάνελας σαρέ ι Χριστιανόν. Σαρ;

5. (α) Σο μανγκέλα ο Ιεχωβά τι αγαβέν σαρέ ο Χριστιανοί; (β) Παρόλο σο τζανάσα ι αλήθεια, καλά αισθήματα μπορεί τι συνεχίνας τι τθεράς;

⁵ Ο Ιεχωβά χρησιμοποιηντάς ι Πετρός για τι βοηθίνελ σαρέ ι Χριστιανόν τι αγαβέν ότι να ξεχωρίνελα ι τζενέν. Ι Ιεχωβάσκε, η φυλή, ο λαός ή η τσσιπ να τθερένα καέκ σημασία. Άμα νταράσα κατά Ντεβέλ ντα κεράσα ο σωστός, δεχτίνελα-αμέν. (Γαλάτες 3:​26-28· Αποκάλυψη 7:9, 10) Σίγουρα τζανένα-λες ανταβά. Σο αβέλα-πες όμως άμα μπαριλέν εκχέ τθεμέστε ή φαμιλιάτε σο υπαρχίντιβελας ρατσισμός; Παρόλο σο μπορεί τι αμντίνενα ότι να ξεχωρίνενα ι τζενέν, μήπως ντιπ αντρέ τουμέντε τθερένα ρατσισμός; Ατζέ-ντα ο Πέτρος, σο βοηθιντάς ι γιαβερέν τι ντικχέν ότι ο Ντεβέλ να ξεχωρίνελα ι τζενέν, σικαντάς ότι τθερέλας ρατσισμός. (Γαλάτες 2:​11-14) Άρα, σαρ μπορίνασα τι ντας καν ι  Ιησούς ντα μα τι κρίνας ι γιαβερέν οντουλέσταρ σο ντικχάσα;

6. (α) Σο κα βοηθίνελ-αμέν τι νασκιαράς αντρ’ αμένταρ ο ρατσισμός; (β) Σο σικαντάς η έκθεση εκχέ πρεσβυτερόσκι;

⁶ Για τι αγαβάς αν τθεράσα ατζέ-ντα χάνικ ρατσισμός αντρ’ αμέντε, πρέπει τι εξετάνας αμαρό νεαυτός. Πρέπει τι συγκρίνας αμαρί συμπεριφορά οντουλέντζαρ σο σικλιάσα κατά Λάφι ι Ντεβλέσκο. (Ψαλμός 119:​105) Επίσης, μπορίνασα τι μανγκάς εκχέ αμαλέσταρ τι βακερέλ αμένγκε αν παρατηριντάς ότι τθεράσα ρατσισμός σο αμέν να μπορίνασα τι ντικχάς αμαρέ νεαυτόστε. (Γαλάτες 2:​11, 14) Μπορεί τι συνηθιντάμ αζόμ μπουτ ανταλά αισθήματα σο ναστί αγαβάσα ότι τθεράσα αντρ’ αμέντε ρατσισμός! Ανταβά αβιλό-πες εκχέ πρεσβυτερόστε σο γραφιντάς εκ έκθεση κο γραφείος τμήματος εκχέ μπουτ λατσσέ αντρογυνόσκε σο ισινέ κι ολοχρόνια υπηρεσία. Ο μουρς ισινέ εκχέ λαόσταρ σο μπουτ τζενέ να σεβάνενας. Ο πρεσβύτερος γραφιντάς μπουτ λατσσέ πράγματα ι μουρσέσκε αλλά επίσης βακερντάς: «Παρόλο σο ισί [οντουλέ λαόσταρ], η συμπεριφορά λέσκι ντα ο τρόπος σο τζουβντιόλα βοηθίνενα ι γιαβερέν τι αγαβέν ότι, ατζέ-ντα αν ισινάν [οντουλέ λαόσταρ], ανταβά να μανγκέλα τι βακερέλ ότι ισινάν κχαντινό ή τθερέσα μπέτι συνήθειες σαρ ο πιο μπουτ τζενέ σο ισί [οντουλέ λαόσταρ]». Καβά ισί ο μάθημας αμένγκε; Καζόμ-ντα ευθύνες τι τθεράσα κι οργάνωση κι Ιεχωβάσκι, πρέπει τι εξετάνας αμαρό νεαυτός ντα τι δεχτίνας βοήθεια για τι αρακχάς αν ατσσιλό ατζέ-ντα χάνικ ρατσισμός αντρέ αμαρέ γκίστε. Σο γιαβέρ μπορίνασα τι κεράς;

7. Σαρ μπορίνασα τι σικαβάς ότι “κεράσα τθαν αμαρέ γκίστε”;

⁷ Αν “κεράσα τθαν αμαρέ γκίστε”, η αγάπη κα τζαλ κι θέση σο ισινέ ο ρατσισμός. (2 Κορινθίους 6:​11-13) Μήπως μπεϊντίνενα τι κερέν παρέα σάντε τζενέντζαρ σο ισινέν κατά ίδια φυλή, κατά ίδιος λαός ή κερένα λάφι ι ίδια τσσιπ; Αν βα, προσπαθίνεν τι νακχέν χρόνος γιαβερέντζαρ-ντα. Κα μπορίνενας τι μανγκέν πφραλένταρ σο ισί γιαβερέ τθεμέσταρ τι νικιόν τουμέντζαρ κο έργος. Ή κα μπορίνενας τι καλίνεν-λεν κο κχερ για χαμπέ ή για παρέα. (Πράξεις 16:​14, 15) Αν κα κερέν-λες ανταβά, η αγάπη κα πφερέλ τουμαρό γκι αζόμ μπουτ σο να κα ερεσέλ αντρέ λέστε ρατσισμός. Ακανά όμως κα ντικχάς εκ γιαβέρ τρόπος σο μπορεί τι κρίνας “οντουλέσταρ σο ντικχάσα”.

8. Σαρ μπορίνελα ο χουλανιπέ ή ο τσοροριπέ τι επηρεάνελ αμαρί άποψη ι γιαβερένγκε, σαρ σικλιάσα κατά εδάφιος Λευιτικό 19:15;

⁸ Αμαρί άποψη ι γιαβερένγκε μπορεί τι επηρεάντιβελ κάνα ντικχάσα άμα ισί χουλανέ ή τσορορέ. Ο εδάφιος Λευιτικό 19:​15 βακερέλα: «Δεν πρέπει τι τσσίντες εκχέ τζενέσταρ επειδή ισί τσορορό ή χουλανό. Με δικαιοσύνη πρέπει τι κρίνες ι τζενέν». Αλλά σαρ κα μπορίνελας ο χουλανιπέ ή ο τσοροριπέ εκχέ τζενέσκο τι επηρεάνελ ο τρόπος σο ντικχάσα-λες;

9. Καγιά αλήθεια γραφιντάς ο Σολομών, ντα σο σικλιαρέλα-αμέν ανταγιά;

⁹ Ο άγιος πνεύμας κερντάς τον Σολομώντα τι γραφίνελ ακαγιά αλήθεια: «Ι  τσορορές μισίνενα-λες ατζέ-ντα ο τζενέ σο ισί πασέ λέστε, αλλά ι χουλανέσκε αμαλά ισί μπουτ». (Παροιμίες 14:​20) Σο σικλιαρέλα-αμέν ανταγιά παροιμία; Άμα να ισινάμ προσεκτικοί, μπορεί τι μανγκάς τι αβάς αμαλά χουλανέ πφραλέντζαρ ντα όχι τσορορέντζαρ. Σόσκε ισί αζόμ επικίνδυνος τι κρίνας ι τζενέν κατά πράγματα σο τθερένα ή να τθερένα;

10. Καλέ προβλημάσκε προειδοποιηντάς ο Ιάκωβος ι Χριστιανόν;

¹⁰ Αν κρίνασα αμαρέ πφραλέν κατά πράγματα σο τθερένα ή να τθερένα, μπορεί τι ανάς διχόνοια κι κχανγκιρί. Ανταβά αβιλό-πες μερικέ κχανγκιρίντε κο πρώτος αιώνας, ντα ο Ιάκωβος προειδοποιηντάς οντουλέ Χριστιανόν ανταλέσκε. (Διαβάνεν Ιακώβου 2:​1-4) Δεν πρέπει τι μουκχάς τι υπαρχίντιβελ διχόνοια αμαρέ κχανγκιριάτε. Σαρ μπορίνασα μα τι κρίνας ι τζενέν οντουλένταρ σο τθερένα;

11. Επηρεάνενα ο υλικά πράγματα εκχέ τζενέσκε ι φιλία σο τθερέλα ι Ιεχωβάσαρ; Εξηγίνεν.

¹¹ Πρέπει τι ντικχάς αμαρέ πφραλέν σαρ ντικχέλα-λεν ο Ιεχωβά. Ι Ιεχωβάσκε, εκ τζενό νανέ πολύτιμος επειδή ισί χουλανό ή τσορορό. Αμαρί φιλία ι Ιεχωβάσαρ να τθερέλα καέκ σχέση αμαρέ λοβέντζαρ ή με το υλικά πράγματα σο τθεράσα. Ισί μπαγιά ότι ο Ιησούς βακερντάς ότι «κα αβέλ δύσκολος τι νακχέλ εκ χουλανό τζενό κι Βασιλεία σο ισί κο ουρανός» αλλά να βακερντάς ότι ανταβά ναστί αβέλα-πες. (Ματθαίος 19:​23) Επίσης, ο Ιησούς βακερντάς:  «Ευτυχισμέ ισινέν τουμέν ο τσορορέ, επειδή τουμαρί ισί η Βασιλεία ι Ντεβλέσκι». (Λουκάς 6:​20) Ανταβά όμως να μανγκέλας τι βακερέλ ότι σαρέ ο τσορορέ κα ασουνένας ι Ιησούς ντα κα τθερένας μπαρέ ευλογίες. Μπουτ τσορορέ να ακολουθιντέ ι Ιησούς. Άρα, ναστί κρίνασα ι φιλία σο τθερέλα εκ τζενό ι Ιεχωβάσαρ κατά υλικά πράγματα σο τθερέλα.

12. Σο σικλιαρέλα η Γραφή εμ ι χουλανέν εμ ι τσορορέν;

¹² Κο λαός κι Ιεχωβάσκο, υπαρχίντιβενα εμ χουλανέ εμ τσορορέ πφραλά. Αλλά σαρέ μανγκένα ι Ιεχωβάς ντα υπηρετίνενα-λες σαστέ γκίσταρ. Η Γραφή βακερέλα ι χουλανένγκε «μα τι στηρίνεν πουμαρί ελπίδα κο χουλανιπέ σο χασάρντιβελα, αλλά κο Ντεβέλ». (Διαβάνεν 1 Τιμόθεο 6:​17-19) Επίσης, ο Λάφι ι Ντεβλέσκο προειδοποιήνελα σαρέ ι Ιεχωβάσκε υπηρετόν, χουλανέν ντα τσορορέν, ότι ισί επικίνδυνος τι μανγκέν ο λοβέ. (1 Τιμόθεο 6:9, 10) Κάνα ντικχάσα ι πφραλέν σαρ ντικχέλα-λεν ο Ιεχωβά, να κα κρίνας-λεν οντουλένταρ σο τθερένα ή να τθερένα. Αλλά σο κα βακεράς ι ηλικιάκε; Πρέπει τι κρίνας ι γιαβερέν λένγκε ηλικιάταρ;

13. Σο σικλιαρέλα-αμέν η Γραφή για το σεβασμός σο πρέπει τι σικαβάς ι πφουρένγκε;

¹³ Η Γραφή βακερέλα μπουτ φαρ ότι πρέπει τι σεβάνας ι πφουρέν. Ο εδάφιος Λευιτικό 19:​32 βακερέλα: «Ανγκλάλ κο παρνέ μπαλά πρέπει τι ιστίς, ντα πρέπει τι σικαβές σεβασμός ι πφουρέσκε ντα τι νταρές τι Ντεβλέσταρ». Ο εδάφιος Παροιμίες 16:​31 σικλιαρέλα-αμέν ότι «ο παρνέ μπαλά, κάνα ισί κο δίκαιος ντρομ, ισί στεφάνι σουκαριμάσκο». Ο Παύλος βακερντάς κο Τιμόθεος μα τι κρίνελ ι πιο πφουρέ πφραλέν αλλά τι ντικχέλ-λεν σαρ νταντά. (1 Τιμόθεο 5:1, 2) Παρόλο σο ο Τιμόθεος τθερέλας εξουσία τι ντελ οδηγίες ι πφουρέ πφραλέν μερικέ πραγματέντε, έπρεπε τι σικαβέλ λένγκε πάντα συμπόνια ντα σεβασμός.

14. Κάνα μπορεί τι χρειαζίντιβελ τι διορθώνας εκχέ τζενές σο ισί πιο μπαρό αμένταρ;

¹⁴ Σο αβέλα-πες όμως άμα εκ πφουρό αμαρτίνελα επίτηδες ή υποστηρίνελα πράγματα σο στεναχωρίνενα ι Ιεχωβάς; Ο Ιεχωβά να κα ατσσόλ πφαντέ βαστέντζαρ όταν εκ τζενό αμαρτίνελα επίτηδες, ατζέ-ντα άμα ισί πφουρό ντα ο γιαβερά σεβάνενα-λες. Προσοχίνεν ι αρχή σο ισί κο εδάφιος Ησαΐας 65:​20: «Ο αμαρτωλός κα αβέλ καταραμέ, ατζέ-ντα άμα ισί σελ μπρεσένγκο». Εκ γιαβέρ αρχή σο μοιάζελα ανταλάσαρ αρακχάσα-λα κι φαντασία σο ντικχλάς ο Ιεζεκιήλ. (Ιεζεκιήλ 9:​5-7) Ο πιο σημαντικός πράγμας ισί τι σικαβάς σεβασμός ι Ιεχωβάσκε σο ισί ο Πουρανό ι Ντιβεσένγκο. (Δανιήλ 7:9, 10, 13, 14) Αμαρό σεβασμός λέσκε κα ντελ-αμέν ο θάρρος σο χρειαζίντιβασα για τι διορθώνας εκχέ τζενές σο χρειαζίντιβελα βοήθεια, καζόμ μπρεσένγκο-ντα τι αβέλ.​—Γαλάτες 6:1.

15. Σο σικλιάσα κατά απόστολος Παύλος για το σεβασμός σο πρέπει τι σικαβάς ι πιο τερνέ πφραλένγκε;

¹⁵ Σο αβέλα-πες άμα εκ πφραλ ισί τερνό; Μήπως ανταβά μανγκέλα τι βακερέλ ότι να αξίνελα αμαρό σεβασμός; Όχι. Ο Παύλος γραφιντάς κο Τιμόθεος: «Καέκ μα τι πακιάλ ότι να χρειαζίντιβελα τι σεβάνεν-τουτ επειδή ισινάν τερνό. Αλλά τι αβές παράδειγμας οντουλένγκε σο ισί πιστοί, κο λάφι, κι συμπεριφορά, κι αγάπη, κι πίστη, κι αγνότητα». (1 Τιμόθεο 4:​12) Κάνα ο Παύλος γραφιντάς-λες ανταβά, ο Τιμόθεος μάλλον ισινέ περίπου 30 μπρεσένγκο. Όμως, ο Παύλος ντινάας-λες μπουτ σημαντικές ευθύνες. Καβά ισί ο μάθημας; Δεν πρέπει τι κρίνας ι πιο τερνέ πφραλέν λένγκε ηλικιάταρ. Σκεφτίνεν καζόμ μπουτ πράγματα κερντάς ο Ιησούς μέχρι σο αβιλό 33 μπρεσένγκο!

16, 17. (α) Σαρ αποφασίνενα ο πρεσβύτεροι αν εκ πφραλ τθερέλα ο προσόντα τι αβέλ διακονικός υπηρέτης ή πρεσβύτερος; (β) Σαρ μπορεί τι τζαν κόντρα ι Γραφιάσαρ αμαρέ απόψεις ή ο έθιμα αμαρέ τθεμέσκε;

 ¹⁶ Μερικέ λαόντε, ο τζενέ να σεβάνενα ι τερνέν. Οτθάρ, ισί πρεσβύτεροι σο μπορεί μα τι κερένα πρόταση για τι υπηρετίνελ εκ τερνό πφραλ σαρ διακονικός υπηρέτης ή πρεσβύτερος ατζέ-ντα άμα τθερέλα ο προσόντα τι διορίντιβελ. Όμως, η Γραφή ποτές να βακερέλα ότι εκ πφραλ χρειαζίντιβελα τι τθερέλ συγκεκριμέ ηλικία για τι υπηρετίνελ σαρ διακονικός υπηρέτης ή πρεσβύτερος. (1 Τιμόθεο 3:​1-10, 12, 13· Τίτο 1:​5-9) Αν εκ πρεσβύτερος τσσουβέλα εκ κανόνας ανταλέ πραγμάσκε επειδή στηρίντιβελα κο τρόπος σκέψης πι τθεμέσκο, να ακολουθίνελα ο Λάφι ι Ντεβλέσκο. Ο πρεσβύτεροι δεν πρέπει τι στηρίντιβεν κο απόψεις σο τθερένα βον ή κο έθιμα πουμαρέ τθεμέσκε για τι κρίνεν ι πιο τερνέν, αλλά κο κανόνες κι Γραφιάκε.​—2 Τιμόθεο 3:​16, 17.

¹⁷ Αν ο πρεσβύτεροι να ακολουθίνενα ο κανόνες ι Γραφιάκε για τι διορίνεν διακονικούς υπηρέτες ή πρεσβυτερόν, κα τσσιναβένας ι πρόοδος ι πφραλένγκι σο τθερένα ο προσόντα τι διορίντιβεν. Εκχέ τθεμέστε, εκ διακονικός υπηρέτης τθερέλας μπουτ σημαντικές ευθύνες ντα τζάλας-λεν μπουτ λατσσές, οτθάρ ο πρεσβύτεροι συμφωνιντέ ότι τθερέλα ο προσόντα τι διορίντιβελ πρεσβύτερος. Όμως, μερικοί πρεσβύτεροι σο ισινέ πιο πφουρέ βακερντέ ότι ντικχιόλας μπουτ χουρντό για πρεσβύτερος, οτθάρ να κερντέ πρόταση για τι διορίντιβελ. Δυστυχώς, οντουβά πφραλ να διορίντιβελας επειδή ντικχιόλας χουρντό. Ντα μάλλον ανταβά τρόπος σκέψης υπαρχίντιβελα μπουτέ τθεμέντε κο ντουνιάς. Ισί μπουτ σημαντικός τι στηρίντιβας κι Γραφή ντα όχι κο απόψεις σο τθεράσα αμέν ή κο έθιμα αμαρέ τθεμέσκε. Αντικάς, κα ντας καν ι Ιησούς ντα να κα κρίνας ι γιαβερέν οντουλέσταρ σο ντικχάσα.

18, 19. Σο κα βοηθίνελ-αμέν τι ντικχάς ι πφραλέν σαρ ντικχέλα-λεν ο Ιεχωβά;

¹⁸ Ισινάμ ατελείς, αλλά μπορίνασα τι σικλιάς μα τι ξεχωρίνας ι τζενέν, σαρ να ξεχωρίνελα-λεν ο Ιεχωβά. (Πράξεις 10:​34, 35) Οτθάρ, πρέπει πάντα τι ντας προσοχή οντουλέντε σο βακερέλα ο Λάφι ι Ντεβλέσκο. Κάνα κεράσα-λεν αμαρέ ζωγιάτε, ντάσα καν κι εντολή κι Ιησούσκι “μα τι κρίνας οντουλέσταρ σο ντικχάσα”.​—Ιωάννης 7:24.

¹⁹ Μπουτ σουγκό αμαρό Βασιλιάς, ο Ιησούς Χριστός, κα κρίνελ σαρέ ι τζενέν. Λέσκι κρίση κα στηρίντιβελ κο δίκαιοι κανόνες κι Ντεβλέσκε, όχι οντουλέστε σο ντικχέλα ή ασουνέλα. (Ησαΐας 11:3, 4) Μπεσάσα σαρ σαρ τι αβέλ ανταβά μπουτ σουκάρ βακίτι!