1. Σο μπορεί τι αβέλ-πες κάνα εκ τζενό κερέλα εκ σοβαρή αμαρτία;

 ΚΟ ΓΙΑΒΕΡ μάθημας, σικλιλάμ σο βακερντάς ο απόστολος Παύλος κι κχανγκιρί κι Κόρινθος τι κερέλ κάνα εκ μουρς κερντάς εκ σοβαρή αμαρτία. Ανταβά μουρς να μετανιώνελας ντα έπρεπε τι ατσσικιαρέν-λες ντουρ κατά κχανγκιρί. Όμως σαρ βακερέλα ο βασικός εδάφιος ανταλέ μαθημάσκο ο Ντεβέλ μπορίνελα τι βοηθίνελ εκχέ τζενές τι μετανιώνελ. (Ρωμ. 2:4) Σαρ χρησιμοποιήνελα ι πρεσβυτερόν για τι βοηθίνελ εκχέ τζενές τι μετανιώνελ;

2, 3. Σο πρέπει τι κεράς άμα κα σικλιάς ότι εκ τζενό κερντάς εκ σοβαρή αμαρτία, ντα σόσκε;

² Άμα ο πρεσβύτεροι να τζανένα ότι εκ τζενό κερντάς εκ σοβαρή αμαρτία ναστί βοηθίνενα-λες. Αν κα σικλιάς ότι κάποιος κερντάς εκ σοβαρή αμαρτία σο ιτιρί λάταρ κα μπορίνενας τι ατσσικιαρέν-λες ντουρ κατά κχανγκιρί, σο πρέπει τι κεράς; Πρέπει τι βοηθίνας ι τζενές τι τζαλ κο πρεσβύτεροι.​—Ησ. 1:​18· Πράξ. 20:​28· 1 Πέτρ. 5:2.

³ Σο κα αβέλ-πες όμως άμα ο πφραλ ή η πφεν σο κερντάς εκ σοβαρή αμαρτία να μανγκέλα τι κερέλ λάφι ι πρεσβυτερόντζαρ; Αζομάν κα τζας αμέν ο ίδιοι τι κεράς λέντζαρ λάφι για τι αβάς σίγουροι ότι κα λελ ο τζενό ι βοήθεια σο χρειαζίντιβελα. Αντικάς κα σικαβάς αμαρί αγάπη επειδή να μανγκάσα τι χασαράς αμαρέ πφραλές ή αμαρέ πφενιά. Άμα ο τζενό να κα αλλάνελ κα χασαρέλ πι φιλία ι Ιεχωβάσαρ. Επίσης μπορεί τι κερέλ ζιάνι κο λατσσό ναβ σο τθερέλα η κχανγκιρί. Οτθάρ, ατζέ-ντα άμα ισί δύσκολος τζάσα κο πρεσβύτεροι επειδή μανγκάσα ι Ιεχωβάς ντα αμαρέ πφραλές ντα πφενιά.​—Ψαλμ. 27:14.

 ΣΑΡ ΒΟΗΘΙΝΕΝΑ Ο ΠΡΕΣΒΥΤΕΡΟΙ ΟΝΤΟΥΛΕΝ ΣΟ ΚΕΡΕΝΑ ΕΚ ΣΟΒΑΡΗ ΑΜΑΡΤΙΑ

4. Καβά ισί ο στόχος ι πρεσβυτερόνγκο κάνα συναντίντιβενα εκχέ τζενέσαρ σο κερντάς εκ σοβαρή αμαρτία;

⁴ Κάνα κάποιος κατά κχανγκιρί κερέλα εκ σοβαρή αμαρτία ο πρεσβυτέριος τραμπίνελα τρινέ πρεσβυτερόν για τι συναντίντιβεν λέσαρ. a Ανταλά μουρσά πρέπει τι αβέν ταπεινοί ντα τι αγαβέν πουμαρέ όρια. Αγαβένα ότι παρόλο σο κα προσπαθίνεν τι βοηθίνεν ι τζενές να μπορίνενα τι κερέν-λες με το ζόρι τι αλλάνελ. (Δευτ. 30:​19) Ο πρεσβύτεροι αγαβένα ότι να κα μετανιώνεν σαρέ αντικάς σαρ μετανιωσάλο ο βασιλιάς Δαβίδ. (2 Σαμ. 12:​13) Μερικοί κα τραμπίνεν μα τι ασουνέν ι διόρθωση ι Ιεχωβάσκι. (Γέν. 4:​6⁠-8) Όμως ο στόχος ι πρεσβυτερόνγκο ισί τι βοηθίνεν ι τζενές τι μετανιώνελ. Καλά πράγματα πρέπει τι τθερέν πουμαρέ γκοντιάτε ο πρεσβύτεροι κάνα κα συναντίντιβεν ι τζενέσαρ σο κερντάς αμαρτία;

5. Καγιά συμβουλή κα τθερέν πουμαρέ γκοντιάτε ο πρεσβύτεροι κάνα κα συναντίντιβεν ι αμαρτωλέ τζενέσαρ; (2 Τιμόθεο 2:​24⁠-26) (Ντικχέν ι φωτογραφία-ντα)

⁵ Ο πρεσβύτεροι τζανένα ότι ο τζενό σο κερντάς αμαρτία ισί σαρ εκ μπρακό σο χασάρντιλο αλλά τθερέλα μπαρί αξία κο γιακχά κι Ιεχωβάσκε. (Λουκ. 15:4, 6) Άρα, κάνα συναντίντιβενα ανταλέ τζενέσαρ, να βακερένα λέσκε πφαρέ λάφια ούτε συμπεριφερίντιβενα λέσκε μπέτι τροπόσαρ. Επίσης, ο πρεσβύτεροι αγαβένα ότι νανέ οτθέ σάντε για τι κερέν ερωτήσεις ντα τι αγαβέν σο αβιλό-πες. Οκιά μπάνταρ, σικαβένα ο ιδιότητες σο βακερένα ο εδάφια 2 Τιμόθεο 2:​24⁠-26. (Διαβάνεν) Ο πρεσβύτεροι ισί κοβλέ γκίσκε, ατσσόνα ήρεμοι ντα σικαβένα λατσσιπέ επειδή μανγκένα τι βοηθίνεν ι τζενές τι αλλάνελ ο τρόπος σο σκεφτίνελα.

6. Σαρ κα ετοιμάνεν ο πρεσβύτεροι πουμαρί καρδιά πριν τι συναντίντιβεν ι αμαρτωλέ τζενέσαρ; (Ρωμαίους 2:4)

⁶ Ο πρεσβύτεροι ετοιμάνενα πουμαρί καρδιά. Προσπαθίνενα τι μοιάζεν κο Ιεχωβά ντα τι συμπεριφερίντιβεν κο αμαρτωλός τζενό αντικάς σαρ συμπεριφερίντιβελα λέσκε Βοβ. Ντένα-πες γκοντί ο λάφια ι Παυλόσκε: «Ο Ντεβέλ πι λατσσιμάσαρ μανγκέλα τι κερέλ-τουτ [τι βοηθίνελ-τουτ] τι μετανιώνες». (Διαβάνεν Ρωμαίους 2:4) Ο πρεσβύτεροι ισί τσομπάνια ντα χρειαζίντιβελα τι ακολουθίνεν ο οδηγίες ι Χριστόσκε ντα τι μοιάζεν λέστε καζόμ φροντίνενα ι κχανγκιρί. (Ησ. 11:3, 4· Ματθ 18:​18-20) Πριν τι συναντίντιβεν ο πρεσβύτεροι ι τζενέσαρ, προσευχίντιβενα κο Ιεχωβά για τι μπορίνεν τι βοηθίνεν ι τζενές τι μετανιώνελ. Ο πφραλά ρόντενα λατσσές κι Γραφή ντα κο έντυπα αμαρέ ντα κερένα προσευχή κο Ιεχωβά για τι βοηθίνελ-λεν τι αγαβέν ι τζενές ντα οντουλά σο αβιλέ-πες. Κα μανγκέν τι σικλιόν καλά πράγματα ίσως κερντέ ι τζενές τι σκεφτίνελ με το τρόπος σο σκεφτίνελας ντα τι κερέλ ο πράγματα σο κερντάς.​—Παρ. 20:5.

7, 8. Σαρ μπορίνενα ο πρεσβύτεροι τι κερέν υπομονή σαρ κερέλα ο Ιεχωβά κάνα συναντίντιβενα εκχέ τζενέσαρ σο κερντάς μπαρί αμαρτία;

 ⁷ Ο πρεσβύτεροι κερένα υπομονή σαρ ο Ιεχωβά. Βον ντένα-πες γκοντί σαρ ο Ιεχωβά προσπαθίνελας τι βοηθίνελ ι αμαρτωλέ τζενέν κο πουρανέ μπρεσά. Για παράδειγμας, ο Ιεχωβά κερντάς υπομονή με τον Κάιν, βακερντάς λέσκε σο κα αβέλας-πες άμα να κα αλλάνελας ντα καλά ευλογίες κα λέλας άμα κα ντέλας καν. (Γέν. 4:6, 7) Ο Ιεχωβά μπουτσσαντάς τον προφήτη Νάθαν για τι διορθώνελ τον Δαβίδ. Ο Νάθαν χρησιμοποιηντάς εκ παράδειγμας για τι βοηθίνελ ι Δαβιδίς τι μετανιώνελ. (2 Σαμ. 12:​1⁠-7) Επίσης, ο Ιεχωβά “μπουτσσαβέλας συνέχεια” πι προφητέν κο Ισραηλίτες «ξανά ντα ξανά» κάνα βον να ντένας-λες καν. (Ιερ. 7:​24, 25) Να μπεσέλας τι μετανιώνελ πρώτα λέσκο λαός ντα σοράν τι βοηθίνελ-λεν. Οκιά μπάνταρ, κερέλας βοβ ο πρώτος βήμας για τι βοηθίνελ-λεν τι μετανιώνεν.

⁸ Ο πρεσβύτεροι ακολουθίνενα ο παράδειγμας ι Ιεχωβάσκο κάνα προσπαθίνενα τι βοηθίνεν οντουλέν σο κερντέ εκ σοβαρή αμαρτία. Σαρ βακερέλα ο εδάφιος 2 Τιμόθεο 4:2, προσπαθίνενα «με μπουτ υπομονή» τι βοηθίνεν εκχέ πφραλές σο τθερέλα πρόβλημας. Οτθάρ, εκ πρεσβύτερος πάντα χρειαζίντιβελα τι αβέλ ήρεμος ντα τι κερέλ υπομονή για τι βοηθίνελ ι αμαρτωλέ τζενές τι μανγκέλ τι κερέλ οντουβά σο ισί σωστός. Άμα ο πρεσβύτερος κα νευριάνελ ή κα χασαρέλ πι ζορ, ο τζενό μπορεί μα τι ασουνέλ ι συμβουλή ή μπορεί μα τι μανγκέλ τι μετανιώνελ.

9, 10. Σαρ μπορίνενα ο πρεσβύτεροι τι βοηθίνεν ι τζενές σο κερντάς αμαρτία τι σκεφτίνελ λογικά σαρέ οντουλά σο κερντάς;

⁹ Ο πρεσβύτεροι προσπαθίνενα τι σικλιόν καλά πράγματα γκερντέ ι τζενές κι αμαρτία. Για παράδειγμας, μήπως ο πφραλ πελό πνευματικά επειδή να διαβάνελας αζόμ μπουτ ι Γραφή ή να νικιόλας αζόμ συχνά κο έργος; Μήπως να κερέλας αζόμ συχνά προσευχή κο Ιεχωβά; Μήπως τσσιναντάς τι μαρέλ-πες τι τζαλ κόντρα κο μπέτι επιθυμίες; Καλέ τζενέντζαρ κερέλας παρέα; Σαρ τραμπίνελας τι διασκεδάνελ; Σαρ μπορεί τι επηρεαντέ σαρέ ανταλά πράγματα λέσκο γκι; Αγαβέλα σαρ νιωθίνελα λέσκο Ντατ, ο Ιεχωβά, ανταλέσκε σο κερντάς;

¹⁰ Ο πρεσβύτεροι μπορεί τι κερέν ερωτήσεις κο τζενό σο κα βοηθίνεν-λες τι αγαβέλ καλά πράγματα χαλαντέ λέσκι φιλία ι Ιεχωβάσαρ ντα οδηγιντέ-λες κι αμαρτία. Κα κερέν-λες ανταβά λατσσιμάσαρ, χωρίς τι πουτσέν προσωπικά πράγματα σο να χρειαζίντιβελα τι τζανέν ο πρεσβύτεροι. (Παρ. 20:5) Επίσης, σαρ κερντάς ο Νάθαν κο Δαβίδ, μπορίνενα τι χρησιμοποιήνεν παραδείγματα για τι βοηθίνεν ι τζενές τι σκεφτίνελ λογικά ντα τι αγαβέλ καζόμ μπέτι ισινέ ο πράγματα σο κερντάς. Μπορεί καζόμ αβέλα-πες η πρώτη συνάντηση, ο τζενό τι νιωθίνελ μπέτι για το αποφάσεις σο λιντάς ντα για το τρόπος σκέψης σο τθερέλας. Μπορεί ατζέ-ντα τι μετανιώνελ.

11. Σαρ συμπεριφερίντιβελας ο Ιησούς κο αμαρτωλοί;

¹¹ Ο πρεσβύτεροι μαρένα-πες τι μοιάζεν κο Ιησούς. Κάνα ο Ιησούς αναστίντιλο, κερντάς λάφι ι Σαυλόσαρ κατά Ταρσό. Κερντάς λέσκε εκ μπουτ σουκάρ ερώτηση: «Σαούλ, Σαούλ, σόσκε τζάσα μάντζαρ κόντρα;» Ανταλέ ερωτησιάσαρ, ο Ιησούς βοηθιντάς ι Παυλός τι αγαβέλ ότι οντουβά σο κερέλας ισινέ λάθος. (Πράξ. 9:​3-6) Ντα κάνα κερντάς λάφι “ανταλέ τζουβλιάκε, για την Ιεζάβελ” ο Ιησούς βακερντάς: «Ντινόμ-λα χρόνος τι μετανιώνελ».​—Αποκ. 2:​20, 21.

12, 13. Σαρ μπορίνενα ο πρεσβύτεροι τι ντεν χρόνος εκχέ τζενέστε σο κερντάς αμαρτία τι μετανιώνελ; (Ντικχέν ι φωτογραφία-ντα)

¹² Ο πρεσβύτεροι μοιάζενα κο Ιησούς ντα να μανγκένα τι σιγκιαρέν τι σκεφτίνεν ότι ο τζενό να μανγκέλα τι αλλάνελ ο τρόπος σο σκεφτίνελα ντα οντουλά σο κερέλα. Μερικά τζενέ μπορεί τι μετανιώνεν κάνα ο πρεσβύτεροι κα κερέν λέντζαρ ι πρώτη συνάντηση. Γιαβερά τζενέ όμως, μπορεί τι χρειαζίντιβεν πο μπουτ χρόνος. Οτθάρ, ο πρεσβύτεροι μπορεί τι κανονίνεν τι συναντίντιβεν ι τζενέσαρ σο κερντάς αμαρτία, πο μπουτ από εκ φαρ. Μπέκιμ σοράν κατά πρώτη συνάντηση, ο Χριστιανός σο κερντάς αμαρτία τι αρχίνελ τι σκεφτίνελ σοβαρά οντουλά σο βακερντέ  λέσκε. Μπορεί τι σικαβέλ ταπεινότητα ντα τι μανγκέλ κατά Ιεχωβά τι συγχωρίνελ-λες για την αμαρτία σο κερντάς. (Ψαλμ. 32:5· 38:​18) Ντα αντικάς, σε εκ γιαβέρ συνάντηση, ο τζενό μπορεί τι τθερέλ διαφορετικός τρόπος σκέψης οντουλέσταρ σο τθερέλας κι πρώτη συνάντηση.

¹³ Για τι βοηθίνεν ι τζενές σο κερντάς αμαρτία τι μετανιώνελ, ο πρεσβύτεροι μαρένα-πες τι αγαβέν-λες ντα τι σικαβέν λέσκε λατσσιπέ. Προσευχίντιβενα κο Ιεχωβά τι ευλογίνελ ο προσπάθειες σο κερένα ντα τθερένα ι ελπίδα ότι ανταβά πφραλ ή πφεν κα αγαβέλ-πες ντα κα μετανιώνελ.​—2 Τιμ. 2:​25, 26.

14. Κον βοηθίνελα μπαγιά εκχέ αμαρτωλέ τζενές τι μετανιώνελ ντα σόσκε βακεράσα-λες ανταβά;

¹⁴ Άμα ο τζενό σο κερντάς αμαρτία κα μετανιώνελ, ανταβά κα ανέλ μπαρί χαρά! (Λουκ. 15:7, 10) Παρόλο σο ο πρεσβύτεροι κερντέ ο πο λατσσό σο μπορίνενας τι διορθώνεν ανταλέ τζενές, κον ισί οντουβά σο βοηθιντάς μπαγιά ανταλέ τζενές τι αλλάνελ; Ντεν-τουμέν γκοντί σο γραφιντάς ο Παύλος ι αμαρτωλέ τζενένγκε: «Ντα αντικάς μπορεί ο Ντεβέλ τι μουκχέλ-λεν τι μετανιώνεν». (2 Τιμ. 2:​25) Άρα, ο Ιεχωβά, ντα όχι εκ τζενό, ισί οντουβά σο βοηθίνελα εκχέ Χριστιανός τι αλλάνελ ο τρόπος σο σκεφτίνελα ντα πι συμπεριφορά. Ο Παύλος βακερντάς καλά λατσσέ πράγματα αβένα-πες κάνα εκ τζενό μετανιώνελα. Ανταβά τζενό αγαβέλα πο λατσσές ι αλήθεια, αγαβέλα-πες ντα μπορίνελα τι νασέλ ντουρ κατά παγίδες ι Μπενγκέσκε.​—2 Τιμ. 2:26.

15. Σαρ μπορίνενα ο πρεσβύτεροι τι συνεχίνεν τι βοηθίνεν εκχέ τζενές σο μετανιωσάλο;

¹⁵ Κάνα εκ τζενό μετανιώνελα, η επιτροπή ι πρεσβυτερόνγκι συνεχίνελα τι τζαλ λέσκε ντα τι βοηθίνελ-λες τι κερέλ πο ζουρανί πι πίστη. Επίσης, βοηθίνελα-λες τι τζαλ κόντρα κο παγίδες κι Μπενγκέσκε ντα τι κερέλ ο σωστός. (Εβρ. 12:​12, 13) Σίγουρα, ο πρεσβύτεροι να μουτθαβένα καεκχέστε οντουλά σο κερντάς ο τζενό. Αλλά σο μπορεί τι χρειαζίντιβελ τι βακερέν κι κχανγκιρί;

«ΤΙ ΔΙΟΡΘΩΝΕΣ ΑΝΓΚΛΑΛ ΣΑΡΕ ΟΝΤΟΥΛΕΝΤΕ ΣΟ ΝΤΙΚΧΕΝΑ»

16. Σαρ βακερέλα κο εδάφιος 1 Τιμόθεο 5:​20, κάσκε κερέλα λάφι ο Παύλος κάνα βακερέλα “οντουλά σο ντικχένα”;

¹⁶ Διαβάνεν 1 Τιμόθεο 5:​20. Ο Παύλος γραφιντάς ανταλά λάφια εκχέ γιαβερέ πρεσβυτερόστε,  κο Τιμόθεος, ντα βακερντάς τι αβέλ-πες ανταβά οντουλέντε σο αμαρτίνενα. Σο μανγκέλας τι βακερέλ; Να μανγκέλας τι βακερέλ ότι “οντουλά σο ντικχένας” ισινέ σαρί η κχανγκιρί. Κερέλας λάφι οντουλέ χάνικ τζενένγκε σο μπορεί τι τζανένας ήδη ι αμαρτιάκε. Ίσως τι ντικχλέας-λες πουμαρέ γιακχίντζαρ ή μπορεί τι μουτθαντάας λένγκε ο ίδιος ο τζενό σο κερντάας ι αμαρτία. Ο πρεσβύτεροι κα βακερένας σάντε ανταλένγκε ότι ο τζενό σο κερντάας ι αμαρτία λιντάς διόρθωση.

17. Άμα εκ σοβαρή αμαρτία λιντιλί αμπέρι σαρί κι κχανγκιρί ή κα λιντιόλ, καγιά ανακοίνωση κα αβέλ-πες, ντα σόσκε;

¹⁷ Μερικές φορές, η αμαρτία μπορεί τι λιντιλί αμπέρι σαρί κι κχανγκιρί. Ή μπορεί τι λιντιόλ αμπέρι. Αζομάν, “οντουλά σο ντικχένα” ισί σαρί η κχανγκιρί. Οτθάρ, εκ πρεσβύτερος κα ανακοινώνελ κι κχανγκιρί ότι ο πφραλ ή η πφεν λιντάς διόρθωση. Σόσκε; Ο Παύλος ντέλα ι απάντηση: «Για τι τθερέν πουμαρί γκοντί ο γιαβερά-ντα» ντα μα τι περέν κι αμαρτία.

18. Άμα εκ μπολντό τερνό ή τερνί κα κερέλ εκ σοβαρή αμαρτία, σο πρέπει τι κερέν ο πρεσβύτεροι; (Ντικχέν ι φωτογραφία-ντα)

¹⁸ Σο κα κερέν ο πρεσβύτεροι κάνα εκ μπολντό τερνό ή τερνί, σο ισί πο τελέ από 18 μπρεσένγκο, κα κερέλ εκ σοβαρή αμαρτία; Ο πρεσβυτέριος κα κανονίνελ τι συναντίντιβεν ντούι πρεσβύτεροι ι τερνέσαρ ντα λέσκε νταντέσαρ ντα νταγιάσαρ σο ισί Χριστιανοί. b Ο πρεσβύτεροι κα πουτσέν ι νταντές ντα ι νταγιά σο κερντέ μέχρι ακανά για τι προσπαθίνεν τι βοηθίνεν πουμαρέ τσσαβές τι κερέλ ο αλλαγές σο χρειαζίντιβελα ντα τι μετανιώνελ. Άμα ο τσσαβό ή η τσσάι ασουντάς ι διόρθωση πι νταντέσκι ντα πι νταγιάκι ντα αλλαντάς  ο τρόπος σο σκεφτίνελα ντα πι συμπεριφορά, ο ντούι πρεσβύτεροι μπορεί τι αποφασίνεν τι μουκχέν ι νταντές ντα ι νταγιά τι συνεχίνεν τι βοηθίνεν πουμαρέ τσσαβές. Ο πρεσβύτεροι τζανένα ότι ο Ιεχωβά ντινάς κο ντατ ντα κι ντάι ι ευθύνη τι διορθώνεν πουμαρέ τσσαβές με αγάπη. (Δευτ. 6:6, 7· Παρ. 6:​20· 22:6· Εφεσ. 6:​2-4) Σοράν, ο πρεσβύτεροι κα κερέν λάφι μπάζιμα ι νταντέσαρ ντα ι νταγιάσαρ για τι αβέν σίγουροι ότι λένγκο τσσαβό ή λένγκι τσσάι λέλα ι βοήθεια σο χρειαζίντιβελα. Σο κα αβέλ-πες, όμως, άμα εκ μπολντό τερνό να μανγκέλα τι αλλάνελ; Αζομάν, εκ επιτροπή πρεσβυτερόνγκι κα συναντίντιβελ λέσαρ ντα λέσκε Χριστιανέ νταντέσαρ ή νταγιάσαρ.

«Ο ΙΕΧΩΒΑ ΣΙΚΑΒΕΛΑ ΜΠΟΥΤ ΑΓΑΠΗ ΝΤΑ ΣΥΓΧΩΡΙΝΕΛΑ»

19. Σαρ μαρένα-πες ο πρεσβύτεροι τι συμπεριφερίντιβεν σαρ συμπεριφερίντιβελα ο Ιεχωβά κο τζενέ σο κερένα εκ σοβαρή αμαρτία;

¹⁹ Ο πρεσβύτεροι σο υπηρετίνενα κο επιτροπές τθερένα ευθύνη κο γιακχά κι Ιεχωβάσκε τι ατσσικιαρέν ι κχανγκιρί πάκι. (1 Κορ. 5:7) Επίσης, μανγκένα τι βοηθίνεν οντουλέν σο κερένα εκ μπαρί αμαρτία τι μετανιώνεν, άμα αβέλα-πες ανταβά. Ντα κάνα βοηθίνενα εκχέ τζενές, βον να χασαρένα πουμαρί ελπίδα ότι ανταβά τζενό κα αλλάνελ. Σόσκε; Επειδή μανγκένα τι μοιάζεν κο Ιεχωβά, σο «σικαβέλα μπουτ αγάπη ντα συγχωρίνελα». (Ιακ. 5:​11) Ντικχέν σαρ κερντάς-λες ανταβά ο απόστολος Ιωάννης κάνα ισινέ πφουρό. Γραφιντάς: «Μο τσσαβέ, γραφίναβα τουμένγκε ανταλά για μα τι αμαρτίνεν. Όμως, άμα κάποιος αμαρτιντάς, τθεράσα βοηθός σο ισί μαζί ι Νταντέσαρ, ι Ιησού Χριστός σο ισί δίκαιος».​—1 Ιωάν. 2:1.

20. Σο κα ντικχάς κο τελευταίος μάθημας;

²⁰ Δυστυχώς, κάποιες φορές εκ Χριστιανός να μανγκέλα τι μετανιώνελ. Κάνα αβέλα-πες ανταβά, ο πρεσβύτεροι πρέπει τι ατσσικιαρέν-λες ντουρ κατά κχανγκιρί. Σο πρέπει τι κερέν ο πρεσβύτεροι κάνα αβέλα-πες ανταβά; Κα λας ι απάντηση κο τελευταίος μάθημας.