1, 2. (α) Σαρ ντικχέλα ο Ιεχωβά οντουλέν σο κερένα εκ σοβαρή αμαρτία ντα να μετανιώνενα; (β) Σο μανγκέλα ο Ιεχωβά τι κερέν ο τζενέ σο αμαρτίνενα;

 Ο ΙΕΧΩΒΑ να δεχτίνελα σο-ντα κερένα ο τζενέ. Βοβ μισίνελα ι αμαρτία. (Ψαλμ. 5:4-6) Ο Ιεχωβά μανγκέλα τι ντας καν κο εντολές σο τθερέλα η Αγία Γραφή. Όμως, αγαβέλα ότι ισινάμ ατελείς ντα να μπεκλεντίνελα αμένταρ τι αβάς τέλειοι. (Ψαλμ. 130:3, 4) Επίσης να μανγκέλα ι πφιρνέ τζενέν σο ντικχένα «ο λατσσιπέ ι Ντεβλέσκο σο να αξίνασα-λες σαρ εκ δικαιολογία για τι κερέν μπέτι πράγματα». (Ιούδα 4) Η Αγία Γραφή βακερέλα ότι “ο πφιρνέ τζενέ κα καταστραφίντιβεν” κο Αρμαγεδδώνας, κο τζένγκι a κι Ντεβλέσκο.​—2 Πέτρ. 3:7· Αποκ. 16:16.

² Όμως, ο Ιεχωβά να μανγκέλα τι καταστραφίντιβελ καέκ τζενό. Σαρ ντικχλάμ κο γιαβέρ μάθημας, η Αγία Γραφή βακερέλα ξεκάθαρα ότι ο Ιεχωβά “μανγκέλα σαρέ τι μετανιώνεν”. (2 Πέτρ. 3:9) Ο πρεσβύτεροι μοιάζενα κο Ιεχωβά καζόμ μαρένα-πες με υπομονή τι βοηθίνεν οντουλέν σο κερένα εκ σοβαρή αμαρτία τι μετανιώνεν ντα τι τζαν πάλι πασέ κο Ιεχωβά. Όμως μερικές φορές εκ αμαρτωλός να μετανιώνελα. (Ησ. 6:9) Μερικοί να μανγκένα τι αλλάνεν παρόλο σο ο πρεσβύτεροι προσπαθίνενα μπουτ φαρ τι βοηθίνεν-λεν τι μετανιώνεν. Κάνα αβέλα-πες ανταβά, σο πρέπει τι κερέν ο πρεσβύτεροι;

 “ΑΤΣΣΙΚΙΑΡΕΝ ΝΤΟΥΡ Ι ΠΦΙΡΝΕ ΤΖΕΝΕΣ”

3. (α) Σαρ βακερέλα η Αγία Γραφή, σο πρέπει τι αβέλ-πες ι αμαρτωλέ τζενέντζαρ σο να μετανιώνενα; (β) Σόσκε βακεράσα ότι ο αμαρτωλός τζενό ισί σαρ τι βακερέλα κι κχανγκιρί τι ατσσικιαρέν-λες ντουρ;

³ Κάνα εκ αμαρτωλός τζενό b να μετανιώνελα, ο πρεσβύτεροι πρέπει τι ακολουθίνεν ι οδηγία σο ισί κι 1 Κορινθίους 5:13: «Ατσσικιαρέν ντουρ τουμένταρ ι πφιρνέ τζενές». Ο αμαρτωλός τζανέλα ότι αν να κα μετανιώνελ, η κχανγκιρί κα ατσσικιαρέλ-λες ντουρ. Άρα κάνα κερέλα-λες ανταβά ισί σαρ τι βακερέλα κι κχανγκιρί τι ατσσικιαρέλ-λες ντουρ. Γκίντελα οντουβά πράγμας σο ο ίδιος σπειριντάς. (Γαλ. 6:7) Σόσκε βακεράσα-λες ανταβά; Επειδή ο αμαρτωλός τζενό να μανγκλάς τι αλλάνελ ατζέ-ντα κάνα ο πρεσβύτεροι προσπαθιντέ μπουτ φορές τι βοηθίνεν-λες. (2 Βασ. 17:12-15) Οντουλέντζαρ σο κερέλα σικαντάς ότι τραμπιντάς μα τι κερέλ ο κανόνες ι Ιεχωβάσκε.​—Δευτ. 30:19, 20.

4. Σόσκε αβέλα-πες ανακοίνωση κάνα η κχανγκιρί ατσσικιαρέλα ντουρ ι τζενές σο να μετανιώνελα;

⁴ Κάνα η κχανγκιρί αποφασίνελα τι ατσσικιαρέλ ντουρ ι αμαρτωλέ τζενές, αβέλα εκ ανακοίνωση για τι σικλιόν ο πφραλά ότι βοβ νανέ πια Μάρτυρας ι Ιεχωβάσκο. c Ανταγιά ανακοίνωση να αβέλα-πες για τι κερέλ ι τζενές τι νιωθίνελ μπέτι. Η ανακοίνωση αβέλα-πες για τι μπορίνεν ο πφραλά κι κχανγκιρί τι ακολουθίνεν ι οδηγία ι Γραφιάκι «τι τσσιναβέν τι κερέν παρέα» ανταλέ τζενέσαρ ντα «ούτε τι χαν» λέσαρ. (1 Κορ. 5:9-11) Ισί μπουτ σημαντικός τι κεράς-λες ανταβά. Ο απόστολος Παύλος γραφιντάς: «Χάνικ μαγιά κερέλα σαρό ο χουμέρ τι φουσκώνελ». (1 Κορ. 5:6) Άμα εκ τζενό να μετανιώνελα πι αμαρτιάκε ντα συνεχίνελα τι ατσσόλ κι κχανγκιρί, ο γιαβερά μπορεί τι πακιάν ότι να χρειαζίντιβελα τι ντεν καν κο κανόνες κι Ιεχωβάσκε.​—Παρ. 13:20· 1 Κορ. 15:33.

5. Σαρ πρέπει τι ντικχάς εκχέ τζενές σο η κχανγκιρί ατσσικιαρντάς-λες ντουρ, ντα σόσκε;

⁵ Κάνα η κχανγκιρί ατσσικιαρέλα ντουρ εκχέ πφραλές ή εκχέ πφενιά, σαρ πρέπει τι νιωθίνας ανταλέ τζενέσκε; Παρόλο σο να κεράσα λέσαρ παρέα, δεν πρέπει τι ντικχάς-λες σαρ εκ τζενό σο ατσσιλό χωρίς ελπίδα αλλά σαρ εκ μπρακό σο χασάρντιλο. Εκ μπρακό σο νασλό κατά μαντρίς μπορεί τι βουρτίνελ. Τι ντεν-τουμέν γκοντί ότι ανταβά τζενό αφιερωντάας πι ζωή κο Ιεχωβά. Ισί μπαγιά ότι ανταγιά στιγμή να τζουβντιόλα αντικάς σαρ ντινάας πο λάφι κο Ιεχωβά, ντα ανταβά ισί μπουτ επικίνδυνος. (Ιεζ. 18:31) Όμως, αφού υπαρχίντιβελα ατζέ χρόνος ντα ο Ιεχωβά μανγκέλα τι συγχωρίνελ-λες, τθεράσα ι ελπίδα ότι ανταβά τζενό κα αλλάνελ. Σαρ μπορίνενα τι σικαβέν ο πρεσβύτεροι ότι τθερένα ανταγιά ελπίδα ντα τι βοηθίνεν ι αμαρτωλέ τζενές σο η κχανγκιρί ατσσικιαρντάς-λες ντουρ;

ΣΑΡ ΒΟΗΘΙΝΕΝΑ Ο ΠΡΕΣΒΥΤΕΡΟΙ ΟΝΤΟΥΛΕΝ ΣΟ Η ΚΧΑΝΓΚΙΡΙ ΑΤΣΣΙΚΙΑΡΕΛΑ-ΛΕΝ ΝΤΟΥΡ

6. Καλά πράγματα κα κερέν ο πρεσβύτεροι για τι βοηθίνεν εκχέ τζενές σο η κχανγκιρί ατσσικιαρντάς-λες ντουρ;

⁶ Κάνα η κχανγκιρί ατσσικιαρέλα ντουρ εκχέ τζενές, μήπως ανταβά μανγκέλα τι βακερέλ ότι παρατίνασα-λες, ότι μουκχάσα-λες τι αρακχέλ κορκορό ο ντρομ για τι βουρτίνελ παλάλ κο Ιεχωβά; Νάα! Κάνα η επιτροπή ι πρεσβυτερόνγκι κα βακερέλ κο τζενό σο να μετανιώνελα ότι κα ατσσικιαρέλ-λες ντουρ κατά κχανγκιρί, κα εξηγίνελ λέσκε καλά πράγματα-ντα μπορίνελα τι κερέλ για τι βουρτίνελ παλάλ κο Ιεχωβά. Αλλά ο πρεσβύτεροι να κερένα σάντε ανταβά. Ο πο μπουτ φαρ, κα βακερέν κο τζενό ότι κα μανγκένας τι συναντίντιβεν πάλι λέσαρ, σοράν από χάνικα μασεκά, για τι ντικχέν άμα αλλαντάς ο τρόπος σο σκεφτίνελας. Άμα ο τζενό κα μανγκέλ τι συναντίντιβελ πάλι λέντζαρ, κι γιαβέρ συνάντηση σο κα κερέν λέσαρ, ο πρεσβύτεροι κα προσπαθίνεν τι βοηθίνεν-λες τι μετανιώνελ ντα τι  βουρτίνελ παλάλ. Ατζέ-ντα άμα αζομάν ο τζενό να αλλαντάς ο τρόπος σο σκεφτίνελα, πο σοράν, ο πρεσβύτεροι κα προσπαθίνεν γιαβερά-ντα φορές τι συναντίνεν-λες.

7. Σαρ πφαμπόνα ο πρεσβύτεροι οντουλένγκε σο η κχανγκιρί ατσσικιαρέλα-λεν ντουρ, αντικάς σαρ πφαμπόλα λένγκε ο Ιεχωβά; (Ιερεμίας 3:12)

⁷ Ο πρεσβύτεροι προσπαθίνενα τι μοιάζεν κο Ιεχωβά ντα τι σικαβέν βον-ντα ότι πφαμπόνα ι τζενένγκε σο ατσσικιαρντάς-λεν ντουρ η κχανγκιρί. Για παράδειγμας, κο πουρανέ μπρεσά, ο Ιεχωβά να μπεσέλας πι λαόσταρ, κατά Ισραήλ, τι μετανιώνελ πρώτα για τι προσπαθίνελ τι βοηθίνελ-λες. Οκιά μπάνταρ, μπουτσσαβέλας λένγκε πι προφητέν, ατζέ-ντα πριν καν βον τι αλλάνεν ο τρόπος σο σκεφτίνενας. Κο δεύτερος μάθημας σο ισί κι Σκοπιά ανταγιά, ντικχλάμ σαρ ο Ιεχωβά βακερντάς κο Ωσηέ τι συγχωρίνελ πι ρομνιά ντα τι λελ-λα παλάλ, παρόλο σο βόι συνεχίνελας τι κερέλ σοβαρή αμαρτία. Αντικάς, ο Ιεχωβά σικλιαρντάς πι λαός καζόμ μπουτ πφαμπόλας λένγκε. (Ωσηέ 3:1· Μαλ. 3:7) Ο πρεσβύτεροι μοιάζενα κο Ιεχωβά ντα μανγκένα μπαγιά τι βουρτίνελ ο αμαρτωλός τζενό παλάλ ντα να κερένα-λες λέσκε ανταβά πο δύσκολος.​—Διαβάνεν Ιερεμίας 3:12.

8. Σαρ βοηθίνελα-αμέν ανταγιά ιστορία ι Ιησούσκι τι αγαβάς πο λατσσές σαρ νιωθίνελα ο Ιεχωβά οντουλένγκε σο μουκχλέ-λες; (Λουκάς 15:7)

⁸ Ντεν-τουμέν γκοντί σο κερντάς ο ντατ κι ιστορία ι τσσαβέσκι σο νασλό πι κχερέσταρ. Κάνα ο ντατ ντικχλάς πι τσσαβές τι βουρτίνελ κο κχερ, «τθαβντισάλο ντα ντινάς-λες ανγκάλι ντα τσσουμιντάς-λες γκουλντές». (Λουκ. 15:20) Προσοχίνεν ότι ο ντατ να μπεσέλας μέχρι λέσκο τσσαβό τι μολίνελ-λες τι συγχωρίνελ-λες. Οκιά μπάνταρ, τθαβντισάλο πι τσσαβέστε επειδή μανγκέλας-λες. Ανταβά σικαβέλα σαρ νιωθίνελα ο Ιεχωβά οντουλένγκε σο μουκχένα-λες. Ο πρεσβύτεροι κερένα ο πο λατσσό σο μπορίνενα για τι μοιάζεν κο Ιεχωβά. Μανγκένα ανταλά μπρακέ σο χασάρντιλε τι “βουρτίνεν πουμαρέ κχερέστε”. (Λουκ. 15:22-24, 32) Αβέλα-πες μπαρί χαρά κο ουρανός κάνα εκ αμαρτωλός βουρτίνελα ντα αβέλα μπαρί χαρά εμ κι πφουβ-ντα!​—Διαβάνεν Λουκάς 15:7.

9. Σο μανγκέλα ο Ιεχωβά τι κερέν ο αμαρτωλά τζενέ;

⁹ Αντράλ σαρέ ανταλένταρ σο ντικχλάμ μέχρι ακανά, αγαβάσα μπουτ λατσσές ότι όταν κάποιος κερέλα εκ σοβαρή αμαρτία ντα να μετανιώνελα, ο Ιεχωβά να πφάντελα πο γιακχά ανταλέστε. Όμως, να κερέλα πέρα ι αμαρτωλέ τζενέν. Μανγκέλα τι βουρτίνεν. Ντικχάσα μπουτ λατσσές σαρ νιωθίνελα ο Ιεχωβά ι αμαρτωλέ τζενένγκε σο μετανιώνενα, αντράλ κατά εδάφιος Ωσηέ 14:4: «Κα κεράβ-λεν λατσσές παρόλο σο να ατσσιλέ πιστοί. Κα μανγκάβ-λεν επειδή τραμπιντόμ-λες, σόσκε να ισινόμ ατζέκ χολιαμέ». Αφού τζανένα σαρ νιωθίνελα ο Ιεχωβά, ο πρεσβύτεροι ντικχένα σο-ντα αλλαγή κερντάς ο τζενό σο σικαβέλα ότι μπορεί τι αρχίνελα τι μετανιώνελ. Ντα ανταλά λάφια σικαβένα σαρέ κο τζενέ σο μουκχλέ ι Ιεχωβάς, καζόμ μπαρί αγάπη τθερέλα λένγκε ντα καζόμ μπουτ μανγκέλα τι βουρτίνεν παλάλ λέστε.

10, 11. Σαρ κα προσπαθίνεν ο πρεσβύτεροι τι βοηθίνεν οντουλέν σο πριν από μπουτ μπρεσά ατσσικιαρντάς-λεν ντουρ η κχανγκιρί;

¹⁰ Σαρ κα προσπαθίνεν τι βοηθίνεν ο πρεσβύτεροι οντουλέν σο η κχανγκιρί ατσσικιαρντάς-λεν ντουρ, ίσως πριν από μπουτ μπρεσά; Κάποια τζενέ ανταλένταρ μπορεί μα τι κερένα ακανά ι αμαρτία σο ιτιρί λάταρ ατσσικιαρντέ-λεν ντουρ κατά κχανγκιρί. Μερικοί μπορεί μα τι ντένα-πες γκοντί ατζέ-ντα σόσκε ατσσικιαρντέας-λεν ντουρ. Καζόμ-ντα καιρός μπορεί τι αβέλ εκ τζενό ντουρ κατά κχανγκιρί, ο πρεσβύτεροι κα προσπαθίνεν τι αρακχέν-λες ντα τι τζαν λέσκε. Κάνα κα συναντίντιβεν, ο πρεσβύτεροι κα πουτσέν ι τζενές άμα μανγκέλα τι κερέν γιεκ προσευχή ντα τι βακερέν λέσκε αντράλ πουμαρέ γκίσταρ τι βουρτίνελ κι κχανγκιρί. Ισί μπαγιά, όμως, ότι άμα εκ τζενό ατσσιλό ντουρ κατά κχανγκιρί μπουτ μπρεσά, σίγουρα κα αβέλ μπίζουρανο πνευματικά. Οτθάρ, άμα κα βακερέλ ότι μανγκέλα τι αβέλ πάλι παλάλ κι κχανγκιρί, ο πρεσβύτεροι μπορεί τι κανονίνεν  τι κερέλ λέσαρ κάποιος μελέτη. Ανταβά μπορεί τι αβέλ-πες ατζέ-ντα πριν τι αβέλ πάλι Μάρτυρας ι Ιεχωβάσκο. Όμως, ο πρεσβυτέριος ισί οντουβά σο κα κανονίνελ τι αβέλ-πες η μελέτη κατά Γραφή.

¹¹ Ο Ιεχωβά πφαμπόλα ι τζενένγκε. Ο πρεσβύτεροι μανγκένα τι μοιάζεν λέστε ντα τι βοηθίνεν καζόμ πο μπουτ τζενέν αβέλα-πες τι σικλιόν ότι η πόρτα για τι βουρτίνεν λέστε ισί πουταρντί. Κάνα εκ αμαρτωλός τζενό μετανιώνελα ντα αλλάνελα ο τρόπος σο σκεφτίνελα ντα οντουλά σο κερέλα, η κχανγκιρί μπορίνελα τι δεχτίνελ-λες παλάλ χωρίς τι χασαρέλ χρόνος.​—2 Κορ. 2:6-8.

12. (α) Καλέ περιπτωσιέντε πρέπει ο πρεσβύτεροι τι προσοχίνεν μπουτ; (β) Σόσκε δεν πρέπει τι πακιάς ότι κάποιες αμαρτίες σο κερντέ μερικά τζενέ να μπορίνενα ποτές τι συγχωρίντιβεν κατά Ιεχωβά; (Ντικχέν ι υποσημείωση-ντα)

¹² Κάποιες φαρ, ο πρεσβύτεροι χρειαζίντιβελα  τι τθερέν πο μπουτ πουμαρί γκοντί κάνα ισί τι βουρτίνελ εκ τζενό πάλι παλάλ κι κχανγκιρί. Για παράδειγμας, άμα κάποιος πειραντάας εκχέ χουρντές ή εκχέ χουρντιά ή ισινέ αποστάτης ή χωριντάς πι ρομνιά με πφιρνικανό τρόπος, ο πρεσβύτεροι πρέπει τι αβέν σίγουροι ότι μετανιωσάλο μπαγιά. (Μαλ. 2:14· 2 Τιμ. 3:6) Πρέπει τι αρακχαβέν ι μπρακέν. Όμως, πρέπει τι αγαβάς ότι ο Ιεχωβά κα δεχτίνελ παλάλ σαρέ ι αμαρτωλέ τζενέν άμα βον σικαντέ ότι μετανιωσάλε μπαγιά ντα τσσιναντέ τι κερέν οντουβά μπέτι πράγμας σο κερένας. Οτθάρ ο πρεσβύτεροι προσοχίνενα μπουτ κάνα τθερένα τι κερέν τζενέντζαρ σο συμπεριφερισάλε πφιρνικανές γιαβερέντε. Όμως, δεν πρέπει τι ερεσέν κο σημείος τι βακερέν ότι κάποιες αμαρτίες σο κερντέ μερικά τζενέ να κα μπορίνεν ποτές τι συγχωρίντιβεν κατά Ιεχωβά. d​—1 Πέτρ. 2:10.

ΣΟ ΜΠΟΡΙΝΕΛΑ ΤΙ ΚΕΡΕΛ Η ΚΧΑΝΓΚΙΡΙ

13. (α) Σαρ πρέπει τι συμπεριφερίντιβας εκχέ τζενέσκε σο λέλα διόρθωση κατά πρεσβύτεροι; (β) Σαρ πρέπει τι συμπεριφερίντιβας εκχέ τζενέσκε σο ατσσικιαρέλα-λες ντουρ η κχανγκιρί;

¹³ Σαρ ντικχλάμ κο γιαβέρ μάθημας, μπάζιμα αβέλα-πες ανακοίνωση ότι εκ τζενό λιντάς διόρθωση. Κάνα αβέλα-πες ανταβά, μπορίνασα τι συνεχίνας τι κεράς λέσαρ παρέα. Κεράσα-λες ανταβά επειδή τζανάσα ότι μετανιωσάλο ντα αλλαντάς ο μπέτι τρόπος σο σκεφτίνελας ντα πι μπέτι συμπεριφορά. (1 Τιμ. 5:20) Συνεχίνελα τι αβέλ αντρέ κι κχανγκιρί ντα χρειαζίντιβελα τι κεράς λέσαρ παρέα για τι λελ ζορ. (Εβρ. 10:24, 25) Όμως, ο πράγματα ισί μπουτ διαφορετικά κάνα η κχανγκιρί ατσσικιαρέλα ντουρ εκχέ τζενές. “Τσσιναβάσα τι κεράς παρέα” ανταλέ τζενέσαρ ντα “ούτε χάσα εκχέ ασακέ τζενέσαρ”.​—1 Κορ. 5:11.

14. Σαρ μπορίνενα ο Χριστιανοί τι χρησιμοποιήνεν πουμαρί συνείδηση για τι αποφασίνεν σαρ τι συμπεριφερίντιβεν οντουλέντε σο ατσσικιαρντάς-λεν ντουρ; (Ντικχέν ι φωτογραφία-ντα)

¹⁴ Μήπως σαρέ ανταλά σο ντικχλάμ μανγκένα τι βακερέν ότι πρέπει μα τι ντας ιτς σημασία εκχέ τζενές σο η κχανγκιρί ατσσικιαρντάς-λες ντουρ; Όχι. Σίγουρα να κα κεράς παρέα λέσαρ. Όμως, ο Χριστιανοί μπορίνενα τι χρησιμοποιήνεν πουμαρί συνείδηση σο σικλιαρντέ-λα κατά Γραφή για τι αποφασίνεν άμα κα καλίνεν εκχέ τζενές σο ατσσικιαρντάς ντουρ η κχανγκιρί σε εκ συνάθροιση. Κα μπορίνενας για παράδειγμας τι καλίνεν εκχές σο ισί τζενέ λέσαρ ή εκχές σο ισινέ λέσαρ λατσσέ αμαλά. Άμα ο τζενό κα αβέλ κι συνάθροιση, σαρ πρέπει τι συμπεριφερίντιβας λέσκε;  Μέχρι ακανά, να χαιρετίναας εκχέ ασακέ τζενές. Πάλι-ντα, ο κάθε Χριστιανός πρέπει τι χρησιμοποιήνελ πι συνείδηση σο σικλιαρντάς-λα κατά Γραφή, για τι αποφασίνελ σο κα κερέλ. Κάποιοι μπέκιμ τι νιωθίνεν λατσσές τι χαιρετίνεν ι τζενές ή τι καλωσορίνεν-λες κι συνάθροιση. Όμως να κα πουτράας συζήτηση ούτε κα κεράας λέσαρ παρέα.

15. Καλέ αμαρτωλέ τζενένγκε κερένα λάφι ο εδάφια 2 Ιωάννη 9-11; (Ντικχέν ο πλαίσιος-ντα « Κερένας Λάφι ο Ιωάννης ντα ο Παύλος ι Ίδιε Πραγμάσκε;»)

¹⁵ Μερικοί μπορεί τι σκεφτίνενα: “Να βακερέλα η Γραφή ότι εκ Χριστιανός σο χαιρετίνελα εκχέ ασακέ τζενές αβέλα συνεργάτης κο πφιρνικανέ πράγματα σο κερέλα;” (Διαβάνεν 2 Ιωάννη 9-11) Οντουλά σο βακέρντιβενα πο οπρέ ντα πο τελέ κατά εδάφιος ανταβά σικαβένα ότι ανταγιά οδηγία κερέλα λάφι για το αποστάτες ντα οντουλένγκε σο μανγκένα τι ταρτίνεν ι γιαβερέν-ντα κι αμαρτία. (Αποκ. 2:20) Άρα άμα κάποιος βακερέλα αποστατικά πράγματα ή ταρτίνελα ι γιαβερέν-ντα κι αμαρτία, ο πρεσβύτεροι να κα κανονίνεν τι τζαν τι ντικχέν-λες. Όμως υπαρχίντιβελα ελπίδα τι αγαβέλ-πες. Μέχρι τι αβέλ-πες ανταβά ούτε κα χαιρετίνας εκχέ ασακέ τζενές, ούτε κα καλίνας-λες κι συνάθροιση.

ΤΙ ΠΦΑΜΠΟΝ Ι ΓΙΑΒΕΡΕΝΓΚΕ ΝΤΑ ΤΙ ΣΥΓΧΩΡΙΝΕΝ ΣΑΡ Ο ΙΕΧΩΒΑ

16, 17. (α) Σο μανγκέλα ο Ιεχωβά τι κερέν ο αμαρτωλά τζενέ; (Ιεζεκιήλ 18:32) (β) Σαρ μπορίνενα ο πρεσβύτεροι τι συνεργαζίντιβεν ι Ιεχωβάσαρ καζόμ προσπαθίνενα τι βοηθίνεν ι αμαρτωλέ τζενέν;

¹⁶ Σο σικλιλάμ αντράλ ανταλέ παντζέ μαθηματένταρ; Ο Ιεχωβά να μανγκέλα τι καταστραφίντιβελ καέκ! (Διαβάνεν Ιεζεκιήλ 18:​32) Μανγκέλα σαρέ ο αμαρτωλά τζενέ τι αβέν αμαλά λέσαρ. (2 Κορ. 5:20) Άκ’ σόσκε σαρέ ανταλά μπρεσά ο Ιεχωβά προσπαθίνελα πάντα τι βοηθίνελ πι υπηρετόν σο μουκχλέ-λες τι μετανιώνεν ντα τι βουρτίνεν λέστε. Ο πρεσβύτεροι τθερένα ο προνόμιος τι αβέν συνεργάτες ι Ιεχωβάσκε καζόμ μαρένα-πες τι βοηθίνεν ι αμαρτωλέ τζενέν τι μετανιώνεν.​—Ρωμ. 2:4· 1 Κορ. 3:9.

¹⁷ Σκεφτίνεν σο μπαρί χαρά αβέλα-πες κο ουρανός κάνα εκ αμαρτωλός τζενό μετανιώνελα! Αμαρό Ντατ σο ισί κο ουρανός, ο Ιεχωβά, νιωθίνελα βοβ ο ίδιος ανταγιά χαρά κάθε φαρ σο εκ μπρακό σο χασάρντιλοας βουρτίνελα κι κχανγκιρί. Αμαρί αγάπη ι Ιεχωβάσκε αβέλα ατζέ πο μπαρί κάνα σκεφτίνασα καζόμ μανγκέλα-αμέν, συγχωρίνελα-αμέν ντα σικαβέλα αμένγκε λατσσιπέ σο να αξίνασα-λες.​—Λουκ. 1:78.