1, 2. Σόσκε μερικά νταντά ντα νταγιά μπορεί τι ανησυχίνενα όταν λένγκε τσσαβέ μανγκένα τι αφιερώντιβεν κο Ιεχωβά ντα τι μπολντιόν;

ΧΙΛΙΑΔΕΣ τζενέ σο κερένα μελέτη κατά Αγία Γραφή αφιερώντιβενα κο Ιεχωβά ντα μπολντιόνα. Μπουτ λένταρ ισί τερνέ σο μπαριλέ κι αλήθεια ντα τραμπιντέ τι τζουβντιόν με το πιο λατσσό τρόπος. (Ψαλμός 1:​1-3) Αν ισινάν Χριστιανός ντατ ή ντάι, σίγουρα μπεκλεντίνεσα ι ντιβεσέσκε σο κα μπολντιόλ το τσσαβό ή τι τσσάι.​—Ντικχ 3 Ιωάννη 4.

² Όμως, μπορεί τι ανησυχίνεσα. Μπορεί τι τζανέσα μερικέ τερνέν σο μπολντιλέ αλλά σοράν να ισινέ σίγουροι άμα ο κανόνες ι Ντεβλέσκε ισί λένγκε λατσσιμάσκε. Μάλιστα μερικοί νασλέ κατά αλήθεια. Άρα, μπορεί τι ανησυχίνες ότι το τσσαβέ κα αρχίνεν τι υπηρετίνεν ι Ιεχωβάς αλλά σοράν κα χασαρέν ι αγάπη σο τθερένας ι αληθειάκε. Το τσσαβέ μπορεί τι αβέν σαρ μερικοί Χριστιανοί κι Έφεσος κο πρώτος αιώνας. Ο Ιησούς βακερντάς λένγκε: “Μουκχλέν ι αγάπη σο τθερένας κι αρχή”. (Αποκάλυψη 2:4) Σαρ μπορίνεσα τι βοηθίνες τι τσσαβέν τι ατσσικιαρέν ζουρανί πουμαρί αγάπη ντα τι “μπαριόν  [πνευματικά] για τι σώντιβεν”; (1 Πέτρου 2:2) Για τι λας ι απάντηση, κα ντικχάς ο παράδειγμας ι Τιμοθεόσκο.

3. (α) Σαρ αβιλό Χριστιανός ο Τιμόθεος, ντα σο κερντάς οντουλέντζαρ σο σικλιλόας; (β) Καλά τριν πράγματα ι σικλιαριμάσκε βακερντάς ο Παύλος κο Τιμόθεος;

³ Ο απόστολος Παύλος γκιλό πρώτη φορά κο Λύστρα κο μπρες 47 Κ.Χ. Ανταβά πακιάσα ότι αβιλό-πες όταν ο Τιμόθεος, σο μάλλον ισινέ έφηβος, σικλιλό οντουλένγκε σο σικλιαρντάας ο Ιησούς. Κερντάς οντουλά σο σικλιλό, ντα σοράν από ντούι μπρεσά αρχισάλο τι κερέλ ταξίδια ι Παυλόσαρ. Περίπου 16 μπρεσά σοράν, ο Παύλος γραφιντάς κο Τιμόθεος: «Τι ατσσός σταθερός κο πράγματα σο σικλιλάν ντα αβιλάν σίγουρος λένγκε, επειδή τζανέσα κατάρ σικλιλάν-λεν ντα ότι χουρντιαρέλα μπερί τζανέσα ο άγια βιβλία [ο Εβραϊκές Γραφές], σο μπορίνενα τι κερέν-τουτ σοφός για τι σώντιβες επειδή τθερέσα πίστη κο Χριστός Ιησούς». (2 Τιμόθεο 3:​14, 15) Ο Παύλος βακερντάς ότι ο Τιμόθεος (1) τζανέλας ο άγια βιβλία, (2) αβιλό σίγουρος οντουλένγκε σο σικλιλό ντα (3) αβιλό σοφός για τι σώντιβελ επειδή τθερέλας πίστη κο Χριστός Ιησούς.

4. Σο χρησιμοποιηντάν τούι για τι σικλιαρές τι τσσαβέν; (Ντικχ ι φωτογραφία σο ισί κι αρχή)

⁴ Σαρ Χριστιανός ντατ ή ντάι, μανγκέσα το τσσαβέ τι τζανέν ο άγια βιβλία, σο αντιβές ισί ο Εβραϊκές Γραφές ντα ο Χριστιανικές Ελληνικές Γραφές. Ατζέ-ντα ο μπουτ χουρντέ τσσαβέ μπορίνενα τι σικλιόν ι τζενένγκε ντα ι ιστοριένγκε σο ισί κι Γραφή. Η οργάνωση ι Ιεχωβάσκι ντινάς μπερεκέτι βιβλία, φυλλάδια ντα βίντεα σο μπορίνενα τι χρησιμοποιήνεν ο νταντά ντα ο νταγιά για τι βοηθίνεν πουμαρέ τσσαβέν. Καλά ανταλένταρ ισί τι τσσιμπάτε; Το τσσαβέ πρέπει τι τζανέν σο ισί κι Γραφή για τι μπορίνεν τι αβέν λατσσέ αμαλά ι Ιεχωβάσαρ.

5. Σαρ τζανάσα ότι ο Τιμόθεος αβιλό σίγουρος για το λατσσέ αμπέρια ι Ιησούσκε;

⁵ Να ερεσέλα τι σικλιαρές απλά τι τσσαβέν ι τζενένγκε ντα ι ιστοριένγκε σο ισί κι Γραφή. Τι ντες-τουτ γκοντί ότι ο Τιμόθεος “αβιλό σίγουρος” οντουλένγκε σο σικλιλό. Γιαβερέ λαφίντζαρ, ισινέ σίγουρος ότι οντουλά σο σικλιλόας ισινέ μπαγιά. Ο Τιμόθεος τζανέλας ο Εβραϊκές Γραφές «χουρντιαρέλα μπερί», δηλαδή από αζομάν σο ισινέ μπουτ χουρντό. Σοράν, αβιλό σίγουρος ότι ο Ιησούς ισινέ ο Μεσσίας. Η πίστη σο τθερέλας ο Τιμόθεος ισινέ αζόμ μπαρί σο μπολντιλό ντα σοράν κερντάς ι Παυλόσαρ ο ιεραποστολικός έργος.

6. Σαρ μπορίνεσα τι βοηθίνες τι τσσαβέν τι μπαριαρέν πουμαρί πίστη κο Λάφι κι Ντεβλέσκο;

⁶ Σαρ μπορίνεσα τι βοηθίνες τι τσσαβέν τι μπαριαρέν πουμαρί πίστη σαρ ο Τιμόθεος, για τι “αβέν σίγουροι” βον-ντα οντουλένγκε σο σικλιόνα; Ισί μπουτ σημαντικός τι τθερές υπομονή. Χρειαζίντιβελα χρόνος για τι μπαριαρέλ κάποιος πι πίστη. Ντα απλά επειδή τούι πακιάσα κάτι, να μανγκέλα τι βακερέλ ότι κα πακιάν-λες αυτόματα το τσσαβέ-ντα. Ο κάθε τσσαβό ή τσσάι χρειαζίντιβελα τι  χρησιμοποιήνελ “πι γκοντί” για τι μπαριαρέλ πι πίστη κι Γραφή. (Διαβάνεν Ρωμαίους 12:1) Τούι σαρ ντατ ή σαρ ντάι, μπορίνεσα τι κερές μπουτ πράγματα για τι βοηθίνες τι τσσαβέν τι μπαριαρέν πουμαρί πίστη, ειδικά όταν κερένα ερωτήσεις. Για τι ντικχάς σο μπορίνασα τι σικλιάς εκχέ νταντέσταρ.

7, 8. (α) Σαρ σικαβέλα υπομονή εκ Χριστιανός ντατ όταν σικλιαρέλα πι τσσαγιά; (β) Κάνα χρειαζίντιλο τι σικαβές υπομονή τι τσσαβένγκε;

⁷ Ο Τόμας, σο τθερέλα εκχέ τσσαγιά 11 μπρεσένγκι, βακερέλα ότι λέσκι τσσάι μερικές φορές κερέλα ασακέ ερωτήσεις: «Να κα μπορίνελας ο Ιεχωβά τι χρησιμοποιήνελ ι εξέλιξη για τι υπαρχίντιβελ ζωή κι πφουβ;» ή «Σόσκε αμέν να ασχολίντιβασα με το πολιτικά ντα να ψηφίνασα για τι κεράς ι ντουνιάς πιο λατσσό;» Μερικές φορές χρειαζίντιβελα τι ατσσικιαρέλ-πες για μα τι βακερέλ λάκε απλά σο πρέπει τι πακιάλ. Ο Τόμας τζανέλα ότι μπορίνασα τι βοηθίνας εκχέ τζενές τι αβέλ σίγουρος ι αληθειάκε όχι άμα κα βακεράς λέσκε ότι εκ σημαντικός πράγμας ισί μπαγιά, αλλά άμα κα σικαβάς λέσκε μπερεκέτι χουρντέ αποδείξεις.

⁸ Ο Τόμας τζανέλα επίσης ότι πρέπει τι τθερέλ υπομονή για τι σικλιαρέλ πι τσσαγιά. Κι πραγματικότητα, σαρέ ο Χριστιανοί πρέπει τι τθερέν υπομονή. (Κολοσσαείς 3:​12) Ο Τόμας αγαβέλα ότι κα χρειαζίντιβελ χρόνος ντα μπουτ συζητήσεις για τι βοηθίνελ πι τσσαγιά τι αβέλ σίγουρη οντουλένγκε σο σικλιόλα. Πρέπει τι κερέλ λάσαρ λάφι λογικά οντουλένγκε σο σικλιόλα κατά Γραφή. Βοβ βακερέλα: «Ειδικά σημαντικέ πραγματέντε, μι ρομνί ντα με μανγκάσα τι τζανάς άμα αμαρί τσσάι πακιάλα μπαγιά οντουλά σο σικλιόλα ντα άμα ντικχίντιβενα λάκε λογικά. Άμα τθερέλα ερωτήσεις, ανταβά ισί λατσσό. Κα ανησυχίναβας άμα κα δεχτίνελας κάτι χωρίς τι κερέλ ερωτήσεις».

9. Σαρ μπορίνεσα τι βοηθίνες τι τσσαβέν τι πακιάν κο Λάφι κι Ντεβλέσκο;

⁹ Όταν ο νταντά ντα ο νταγιά σικλιαρένα πουμαρέ τσσαβέν με υπομονή, καζόμ κα νακχέλ ο καιρός, βον κα αρχίνεν τι αγαβέν «καζόμ μπουγλί ντα μπαρί ντα βουτσσί ντα αχόρτ» ισί η πίστη. (Εφεσίους 3:​18) Μπορίνασα τι σικλιαράς-λεν ανάλογα με την ηλικία σο τθερένα ντα ι πραγματέντζαρ σο αγαβένα. Καζόμ κα μπαριόλ λένγκι πίστη, κα αβέλ λένγκε πιο εύκολος τι υπερασπίνεν κο γιαβερά, ατζέ-ντα πουμαρέ συμμαθητέντε, οντουλά σο πακιάνα. (1 Πέτρου 3:​15) Για παράδειγμας, μπορίνενα το τσσαβέ τι χρησιμοποιήνεν ι Γραφή για τι εξηγίνεν σο αβέλα-πες όταν μεράσα; Ντικχίντιβελα λένγκε λογική η εξήγηση σο ντέλα η Γραφή; * (Ντικχ ι υποσημείωση) Τι ντες-τουτ γκοντί ότι χρειαζίντιβελα τι τθερές υπομονή για τι βοηθίνες τι τσσαβέν τι μπαριαρέν πουμαρί πίστη κο Λάφι κι Ντεβλέσκο, αλλά αξίνελα ο κόπος.​—Δευτερονόμιο 6:6, 7.

10. Όταν σικλιαρέσα τι τσσαβέν, καβά πράγμας ισί σημαντικός;

 ¹⁰ Φυσικά, το παράδειγμας-ντα ισί σημαντικός για τι βοηθίνες τι τσσαβέν τι μπαριαρέν πουμαρί πίστη. Η Στέφανι, σο τθερέλα τρινέ τσσαΐν, βακερέλα: «Από αζομάν σο ισινέ μπουτ χουρντέ μο τσσαγιά, πουτσάβα μο νεαυτός: “Βακεράβα μι τσσαΐνγκε σόσκε ισινόμ με σίγουρη ότι υπαρχίντιβελα ο Ιεχωβά, ότι μανγκέλα-αμέν ντα ότι λέσκο ντρομ ισί σωστός; Μπορίνενα μο τσσαγιά τι ντικχέν ξεκάθαρα ότι με μανγκάβα μπαγιά ι Ιεχωβάς;” Ναστί μπεκλεντίναβα μι τσσαΐνταρ τι αβέν σίγουρες ανταλένγκε άμα να ισινόμ με σίγουρη».

11, 12. Σο ισί η σοφία, ντα σαρ τζανάσα ότι να τθερέλα τι κερέλ σάντε με την ηλικία εκχέ τζενέσκι;

¹¹ Σικλιλάμ ότι ο Τιμόθεος (1) τζανέλας σο βακερέλα η Γραφή ντα (2) ισινέ σίγουρος οντουλένγκε σο πακιάλας. Αλλά σο μανγκέλας τι βακερέλ ο Παύλος όταν βακερντάς ότι ο άγια βιβλία κα μπορίνενας τι κερέν ι Τιμοθεός “σοφός για τι σώντιβελ”;

¹² Ο έντυπος Ενόραση στις Γραφές, Τόμος 2, εξηγίνελα ότι κι Αγία Γραφή, η σοφία ισί «η ικανότητα σο τθερέλα κάποιος τι χρησιμοποιήνελ με επιτυχία ο πράγματα σο τζανέλα ντα αγαβέλα για τι λύνελ προβλήματα, για τι νασέλ κατά κίνδυνοι ή τι τσσιναβέλ-λεν, για τι πετυχίνελ συγκεκριμέ στόχους ή για τι ντελ συμβουλές γιαβερέντε σο κα βοηθίνεν-λεν τι χρησιμοποιήνεν ανταγιά ικανότητα. Η σοφία ισί ο αντίθετος κατά ντινιλιπέ». Η Γραφή βακερέλα ότι «ο ντινιλιπέ ισί ντιπ αντρέ κο γκι κι τσσαβέσκο». (Παροιμίες 22:​15) Αφού η σοφία ισί ο αντίθετος κατά ντινιλιπέ, η σοφία ισί εκ κατά πράγματα σο σικαβένα ότι κάποιος ισί ώριμος. Εκ τζενό αβέλα πνευματικά ώριμος όχι απλά επειδή μπαριόλα, αλλά επειδή νταρέλα κατά Ιεχωβά ντα μανγκέλα τι ασουνέλ-λες.​—Διαβάνεν Ψαλμός 111:10.

13. Σαρ μπορίνενα ο τερνέ τι σικαβέν ότι ισί σοφοί για τι σώντιβεν;

¹³ Ο τερνέ σο ισί πνευματικά ώριμοι ισί σταθεροί ντα να γκερένα-λεν ακατάρ ντα οκουτάρ λένγκε επιθυμίες ή ο γιαβερά τερνέ. (Εφεσίους 4:​14) Αλλά λένγκι «ικανότητα τι αγαβέν» ισί γυμνασμέ για τι “ξεχωρίνεν σο ισί σωστός ντα σο ισί λάθος”. (Εβραίους 5:​14) Αντικάς λένα σοφές αποφάσεις, ατζέ-ντα όταν να ντικχένα-λεν λένγκο ντατ ντα λένγκι ντάι ή γιαβερά τζενέ σο ισί πιο μπαρέ λένταρ. (Φιλιππησίους 2:​12) Ασακί σοφία ισί σημαντική για τι σώντιβεν. (Διαβάνεν Παροιμίες 24:​14) Σαρ μπορίνεσα τι βοηθίνες τι τσσαβέν τι τθερέν ασακί σοφία; Πρέπει τι αβές σίγουρος ότι τζανένα καλά κανόνες οδηγίνενα τι ζωή. Οντουλέντζαρ σο βακερέσα ντα κερέσα, πρέπει τι ντικχέν ότι προσπαθίνεσα τι τζουβντιός σαρ βακερένα ο κανόνες ι Γραφιάκε.​—Ρωμαίους 2:​21-23.

14, 15. (α) Σο πρέπει τι σκεφτίνελ εκ τερνό σο μανγκέλα τι μπολντιόλ; (β) Σαρ κα βοηθίνες τι τσσαβέν τι σκεφτίνεν ο ευλογίες σο κα τθερέν άμα κα ασουνέν ι Ντεβλέσκε νόμοι;

¹⁴ Όμως, για τι βοηθίνες τι τσσαβέν τι μπαριαρέν πουμαρί πίστη, να ερεσέλα απλά τι βακερές λένγκε σο ισί σωστός ντα σο ισί λάθος. Πρέπει επίσης τι βοηθίνες-λεν  τι κερέν λογικές σκέψεις ασακέ ερωτησιένγκε: “Σόσκε η Γραφή βακερέλα μα τι κεράς κάποια πράγματα σο μπορεί τι ντικχίντιβενα σουκάρ; Σαρ μπορίναβα τι αβάβ σίγουρος ότι ο κανόνες ι Γραφιάκε ισί πάντα μι λατσσιμάσκε;”​—Ησαΐας 48:​17, 18.

¹⁵ Άμα το τσσαβέ μανγκένα τι μπολντιόν, βοήθινε-λεν τι σκεφτίνεν λατσσές ο ευθύνες-ντα σο ανέλα ο μπολιπέ. Σαρ νιωθίνενα λένγκε; Καλά ισί ο ευλογίες; Καλά ισί ο δυσκολίες; Σόσκε ο ευλογίες ισί πιο μπουτ κατά δυσκολίες; (Μάρκος 10:​29, 30) Ισί μπουτ σημαντικός τι σκεφτίνεν με προσοχή ανταλά πράγματα πριν τι μπολντιόν. Βοήθινε τι τσσαβέν τι σκεφτίνεν λατσσές ο ευλογίες σο κα τθερέν άμα κα ασουνέν ι Ντεβλές ντα ο μπέτι αποτελέσματα άμα να κα ασουνέν-λες. Αζομάν, κα αβέλ πιο εύκολος λένγκε τι πακιάν ότι ο κανόνες ι Γραφιάκε ισί πάντα λένγκε λατσσιμάσκε.​—Δευτερονόμιο 30:​19, 20.

16. Σο πρέπει τι κερέν ο νταντά ντα ο νταγιά άμα λένγκε μπολντέ τσσαβέ κα αρχίνεν τι τθερέν αμφιβολίες;

¹⁶ Σο μπορίνεσα τι κερές άμα το μπολντέ τσσαβέ κα αρχίνεν τι τθερέν αμφιβολίες ι αληθειάκε; Για παράδειγμας, το τσσαβό ή τι τσσάι μπορεί τι μπεϊντίνελα ο πράγματα ι ντουνιάσκε. Ή μπορεί τι αρχίνελ τι τθερέλ αμφιβολίες ντα τι σκεφτίνελ ότι να κα τθερέλ εκ λατσσί ζωή άμα κα ακολουθίνελ  ο κανόνες ι Γραφιάκε. (Ψαλμός 73:​1-3, 12, 13) Ο τρόπος σο αντιδράνεσα μπορεί τι κερέλ τι τσσαβέν είτε τι συνεχίνεν τι υπηρετίνεν ι Ιεχωβάς είτε τι τσσιναβέν. Προσπάθινε μα τι χας-τουτ λέντζαρ ανταλέσκε, είτε ισί μπουτ χουρντέ είτε ισί κι εφηβεία. Αντίθετα, τι σικαβές λένγκε ότι μανγκέσα-λεν ντα ότι μανγκέσα τι βοηθίνες-λεν.

17, 18. Άμα εκ τερνό τθερέλα αμφιβολίες, σαρ μπορίνελα τι βοηθίνελ-λες λέσκο ντατ ντα λέσκι ντάι;

¹⁷ Εκ τερνό σο μπολντιλό, κερντάς αφιέρωση κο Ιεχωβά. Ανταβά μανγκέλα τι βακερέλ ότι ντινάς πο λάφι τι μανγκέλ ι Ντεβλές ντα τι τσσουβέλ λέσκι υπηρεσία πιο οπρέ σαρέ κατά γιαβερά πράγματα. (Διαβάνεν Μάρκος 12:​30) Ο Ιεχωβά ντικχέλα ι αφιέρωση σαρ εκ σοβαρή υπόσχεση, ντα αντικάς πρέπει τι ντικχάς-λα αμέν-ντα. (Εκκλησιαστής 5:4, 5) Τι βακερές-λες ανταβά τι τσσαβένγκε. Αλλά πρώτα διάβανε προσεκτικά ο έντυπα σο ντινάς η οργάνωση ι Ιεχωβάσκι κο νταντά ντα κο νταγιά. Σοράν, με εκ σουκάρ τρόπος ντα κι σωστή στιγμή, βάκερ τι τσσαβένγκε ότι η απόφαση σο λιντέ τι αφιερώντιβεν κο Ιεχωβά ντα τι μπολντιόν ισινέ μπουτ σοβαρή αλλά κα ανέλ λένγκε μπουτ ευλογίες.

¹⁸ Για παράδειγμας, μπορίνεσα τι αρακχές λατσσέ συμβουλές κο παράρτημας «Οι Γονείς Ρωτούν» σο τθερέλα κο τέλος ο βιβλίος Οι Νεαροί Ρωτούν​—Αποτελεσματικές Απαντήσεις, Τόμος 1. Οτθέ βακερέλα ότι ο νταντά ντα ο νταγιά δεν πρέπει τι σιγκιαρέν τι νικαβέν ο συμπέρασμας ότι λένγκε τσσαβέ να δεχτίνενα ι αλήθεια, αλλά πρέπει τι αρακχέν καβά ισί ο πραγματικός πρόβλημας. Μπορεί τι νιωθίνενα κορκορέ ή τι πιένενα-λεν ο γιαβερά τερνέ. Ή μπορεί τι νιωθίνενα ότι ο γιαβερά τερνέ κερένα πιο μπουτ πράγματα λένταρ κι υπηρεσία κι Ιεχωβάσκι. Επίσης, ο παράρτημας εξηγίνελα ότι ανταλά δυσκολίες να σικαβένα ότι το τσσαβέ να δεχτίνενα οντουλά σο πακιάσα. Ο πιο μπουτ φαρ συμπεριφερίντιβενα αντικάς επειδή νακχένα γιαβερά δυσκολίες. Ο παράρτημας ντέλα συμβουλές κο νταντά ντα κο νταγιά για τι βοηθίνεν πουμαρέ τσσαβέν σο τθερένα αμφιβολίες ι αληθειάκε.

19. Σαρ μπορίνενα ο νταντά ντα ο νταγιά τι βοηθίνεν πουμαρέ τσσαβέν τι αβέν “σοφοί για τι σώντιβεν”;

¹⁹ Σαρ ντατ ή ντάι, τθερέσα ι μπαρί ευθύνη ντα ο προνόμιος τι ντες τι τσσαβέν «ι διόρθωση ντα ο συμβουλές ι Ιεχωβάσκε». (Εφεσίους 6:4) Σαρ ντικχλάμ, ανταβά μανγκέλα τι βακερέλ ότι πρέπει τι σικλιαρές τι τσσαβέν οντουλά σο βακερέλα η Γραφή ντα τι βοηθίνες-λεν τι αβέν σίγουροι οντουλένγκε σο σικλιόνα. Όταν κα μπαριόλ λένγκι πίστη, κα μανγκέν τι αφιερώντιβεν κο Ιεχωβά ντα τι ντεν-λες ο πιο λατσσό σο τθερένα. Μακάρι ο Λάφι ι Ιεχωβάσκο, λέσκο πνεύμας ντα ο προσπάθειες σο κερέσα τι βοηθίνεν τι τσσαβέν τι αβέν “σοφοί για τι σώντιβεν”.