«Τθεράβα Ελπίδα κο Ντεβέλ»
«Ο τελευταίος Αδάμ αβιλό πνεύμας σο ντέλα ζωή».—1 ΚΟΡΙΝΘΙΟΥΣ 15:45.
ΥΜΝΟΙ: 111, 12
1-3. (α) Σο πρέπει τι αβέλ εκ κατά πιο βασικά πράγματα σο πακιάσα; (β) Σόσκε ισί αζόμ σημαντική η ανάσταση; (Ντικχ ι φωτογραφία σο ισί κι αρχή)
ΑΜΑ κάποιος κα πουτσέλας-τουμέν καλά ισί ο βασικά πράγματα σο πακιάνα, σο κα βακερένας; Σίγουρα κα βακερένας ότι ο Ιεχωβά ισί ο Δημιουργός ντα ότι βοβ ντινάς-αμέν ι ζωή. Μπορεί επίσης τι βακερένας ότι πακιάνα κο Ιησούς Χριστός, σο μουλό για τι ντελ ο λύτρος. Ντα σίγουρα κα κερένας λάφι για το Παράδεισος κι πφουβ, σο οτθέ ο λαός ι Ντεβλέσκο κα τζουβντιόλ για πάντα. Κα βακερένας, όμως, ότι η ανάσταση ισί εκ κατά πιο σουκάρ πράγματα σο πακιάνα;
2 Τθεράσα σημαντικούς λόγους τι βακεράς ότι η ανάσταση ισί εκ κατά πιο βασικά πράγματα σο πακιάσα, ατζέ-ντα άμα τθεράσα ι ελπίδα τι νακχάς τζουβντέ κατά μπαρί στεναχώρια ντα τι τζουβντιάς για πάντα κι πφουβ. Ο απόστολος Παύλος σικαντάς σόσκε η ανάσταση ισί αζόμ σημαντική. Βακερντάς: «Αν ισί μπαγιά ότι να υπαρχίντιβελα ανάσταση ι μουλένγκι, ούτε ο Χριστός αναστισάλο». Άμα ο Χριστός να αναστισάλοας, να κα κυβερνίνελας σαρ Βασιλιάς κο ουρανός, ντα κα κεράας ο έργος σινανέ. (Διαβάνεν 1 Κορινθίους 15:12-19) Όμως, τζανάσα ότι ο Ιησούς αναστισάλο. Επειδή πακιάσα-λες ανταβά, να μοιάζασα κο Σαδδουκαίοι, σο να δεχτίνενας ότι ο μουλέ μπορίνενα τι τζουβντιόν πάλι. Ατζέ-ντα όταν ο γιαβερά πρασάνα-αμέν, η πίστη σο τθεράσα ότι ο Ντεβέλ μπορίνελα τι αναστίνελ ι μουλέν ατσσόλα ζουρανί.—Μάρκος 12:18· Πράξεις 4:2, 3· 17:32· 23:6-8.
3 Ο Παύλος βακερντάς ότι η «ανάσταση ι μουλένγκι» ισί κατά «πρώτα πράγματα σο σικλιλάμ ι Χριστόσκε». (Εβραίους 6:1, 2) Βακερντάς ότι βοβ-ντα πακιάλας κι ανάσταση. (Πράξεις 24:10, 15, 24, 25) Αλλά παρόλο σο ισί εκ κατά πρώτα, ή γιαβέρσοϊ εκ κατά βασικά πράγματα σο σικλιάσα κατά Λάφι ι Ντεβλέσκο, πρέπει τι συνεχίνας τι διαβάνας προσεκτικά ντα τι κεράς σκέψεις για την ανάσταση. (Εβραίους 5:12) Σόσκε;
4. Σο ερωτήσεις μπορεί τι κεράς για την ανάσταση;
4 Κάνα ο τζενέ αρχίνενα τι διαβάνεν ι Αγία Γραφή, ο πιο μπουτ φαρ διαβάνενα ο ιστορίες για το αναστάσεις σο αβιλέ κο πουρανέ μπρεσά, σαρ η ανάσταση ι Λαζαρόσκι. Επίσης σικλιόνα ότι ο Αβραάμ, ο Ιώβ ντα ο Δανιήλ ισινέ σίγουροι ότι κο μέλλον ο μουλέ κα τζουβντιόνας πάλι. Σο κα βακερένας όμως αν κάποιος κα πουτσέλας-τουμέν τι σικαβέν κατά Γραφή σόσκε μπορίνασα τι πακιάς κο υποσχέσεις για την ανάσταση σο ντιντιλέ εκατοντάδες μπρεσά πιο τζανγκλέ; Ντα βακερέλα η Γραφή κάνα κα αβέλ η ανάσταση; Ο απαντήσεις ανταλέ ερωτησιέντε κα κερέν αμαρί πίστη πιο ζουρανί.
ΕΚ ΑΝΑΣΤΑΣΗ ΣΟ ΒΑΚΕΡΝΤΙΛΙ ΕΚΑΤΟΝΤΑΔΕΣ ΜΠΡΕΣΑ ΠΙΟ ΤΖΑΝΓΚΛΕ
5. Σο κα ντικχάς πρώτα;
5 Μπορεί τι αβέλ εύκολος τι σκεφτίνας εκχέ τζενές τι αναστίντιβελ χάνικ πιο σοράν πι μεριμάσταρ. (Ιωάννης 11:11· Πράξεις 20:9, 10) Αλλά μπορίνασα τι πακιάς εκ υπόσχεση ότι κάποιος κα αναστίντιβελ εκατοντάδες μπρεσά πιο σοράν; Μπορίνασα τι πακιάς-λα είτε ντιντιλί εκχέ τζενέσκε σο μουλό μπουτ μπρεσά πιο τζανγκλέ είτε εκχέσκε σο μουλό πριν από χάνικ; Κι πραγματικότητα, πακιάνα σε εκ ανάσταση σο αβιλί-πες εκατοντάδες μπρεσά αφού ντιντιλίας υπόσχεση ότι κα αβέλας. Καγιά ισί ανταγιά ανάσταση; Ντα σο σχέση τθερέλα με την ελπίδα σο τθερένα ότι κα αβέλ ανάσταση κο μέλλον;
6. Σαρ σικαντέ οντουλά σο αβιλέ-πες κο Ιησούς ότι ο λάφια σο ισί κο Ψαλμός 118 νικίστιλε μπαγιά;
6 Αντράλ κατά Ψαλμός 118, σο μπορεί τι γραφιντάς-λες ο Δαβίδ, κα κεράς λάφι για εκ ανάσταση σο βακέρντιλι μπουτ μπρεσά πιο τζανγκλέ. Ανταβά Ψαλμός βακερέλα: «Ιεχωβά, σώνε-αμέν, μολίνασα-τουτ!» ντα «Ευλογημέ ισί οντουβά σο αβέλα κι Ιεχωβάσκο ναβ». Ο τζενέ βακερένας ανταγιά προφητεία ι Μεσσιάσκε όταν ο Ιησούς γκιλό κι Ιερουσαλήμ στις 9 Νισάν, χάνικ ντιβεσά πριν τι μερέλ. (Ψαλμός 118:25, 26· Ματθαίος 21:7-9) Αλλά σαρ ο Ψαλμός 118 βακερέλα για εκ ανάσταση σο κα αβέλας μπουτ μπρεσά πιο σοράν; Προσοχίνεν σο γιαβέρ βακερέλας ανταβά ψαλμός: «Ο μπαρ σο φουρτιντέ ο οικοδόμοι αβιλό ο πιο σημαντικός μπαρ ι γωνιάκο».—Ψαλμός 118:22.
«Ο οικοδόμοι» κερντέ πέρα ι Μεσσιάς (Ντικχ ι παράγραφος 7)
7. Σαρ κερντέ ο Ιουδαίοι πέρα ι Ιησούς;
7 “Ο οικοδόμοι σο φουρτιντέ ο μπαρ”, δηλαδή οντουλά σο κερντέ πέρα ι Μεσσιάς, ισινέ ο Ιουδαίοι αρχηγοί. Να σικαντέ απλά ότι να ντένας σημασία ι Ιησούς ή ότι να δεχτίνενας ότι ισί ο Χριστός. Μπουτ Ιουδαίοι κερντέ-λες πέρα όταν μανγκλέ κατά Πιλάτος τι μουνταρέλ-λες. (Λουκάς 23:18-23) Βα, φταίνενας βον-ντα σο μουλό ο Ιησούς.
Ο Ντεβέλ αναστιντάς ι Ιησούς για τι αβέλ «ο πιο σημαντικός μπαρ ι γωνιάκο» (Ντικχ ο παράγραφοι 8, 9)
8. Σαρ κα μπορίνελας ο Ιησούς τι αβέλ «ο πιο σημαντικός μπαρ ι γωνιάκο»;
Ψαλμός 118:22. (Λουκάς 20:9-17) Ο απόστολος Πέτρος χρησιμοποιηντάς ο ίδιος εδάφιος όταν κερντάς λάφι κο “αρχηγοί, κο πρεσβύτεροι ντα κο γραμματείς” ι Ιουδαιόνγκε “σο γκιντισάλεας κι Ιερουσαλήμ”. Κερντάς λάφι ι “Ιησού Χριστόσκε κατά Ναζαρέτ”, ντα βακερντάς λένγκε ότι «τουμέν καρφωντέν-λες κο κας αλλά ο Ντεβέλ αναστιντάς-λες κατά μουλέ». Σοράν βακερντάς: «Βοβ ισί “ο μπαρ σο τουμέν ο οικοδόμοι να ντινέ-λες σημασία, ντα ανταβά μπαρ αβιλό ο πιο σημαντικός μπαρ ι γωνιάκο”».—Πράξεις 3:15· 4:5-11· 1 Πέτρου 2:5-7.
8 Αφού κερντέ πέρα ντα μουνταρντέ ι Ιησούς, σαρ κα μπορίνελας βοβ τι αβέλ «ο πιο σημαντικός μπαρ ι γωνιάκο»; Ανταβά κα μπορίνελας τι αβέλ-πες σάντε άμα κα αναστίντιβελας. Ο Ιησούς σικαντάς-λες ανταβά όταν βακερντάς εκ ιστορία εκχέ τζενέσαρ σο τθερέλας ρεζά, δηλαδή αμπέλι, ντα μπουτσσαντάς τζενέν οντουλένγκε σο κερένας μπουτί λέσκε. Βον συμπεριφερίντιβενας με μπέτι τρόπος οντουλέ τζενένγκε. Τελικά, ο τζενό σο τθερέλας ο ρεζά μπουτσσαντάς πι τσσαβές ντα τθερέλας ελπίδα ότι κα ασουνένας-λες. Όμως, βον μουνταρντέ λέσκε τσσαβές. Σοράν ανταλέ ιστοριάταρ, ο Ιησούς βακερντάς ι προφητεία σο ισί κο εδάφιος9. Καβά σημαντικός πράγμας βακέρντιλοας κο εδάφιος Ψαλμός 118:22;
9 Ισί ξεκάθαρος ότι η προφητεία κο Ψαλμός 118:22 βακερντάς ότι κα αβέλας εκ ανάσταση εκατοντάδες μπρεσά πιο σοράν. Ο τζενέ κα κερένας πέρα ντα κα μουνταρένας ι Μεσσιάς. Αλλά κα αναστίντιβελας για τι τζουβντιόλ πάλι ντα κα αβέλας ο πιο σημαντικός μπαρ ι γωνιάκο. Μόλις αναστισάλο, ο Ιησούς αβιλό ο μοναδικός σο λέσκο ναβ «ντιντιλό κο τζενέ, για τι μπορίνελ τι σώνελ-αμέν».—Πράξεις 4:12· Εφεσίους 1:20.
10. (α) Σο βακέρντιλο κο εδάφιος Ψαλμός 16:10; (β) Σόσκε μπορίνασα τι αβάς σίγουροι ότι ο εδάφιος Ψαλμός 16:10 να βακερέλας για τον Δαβίδ;
10 Για τι ντικχάς εκ γιαβέρ εδάφιος σο βακερντάς για εκ ανάσταση. Νικίστιλο μπαγιά αφού νακχλέ πιο μπουτ από χίλια μπρεσά. Ανταβά πρέπει τι ντελ-αμέν σιγουριά ότι εκ ανάσταση μπορίνελα τι αβέλ-πες ατζέ-ντα άμα κα νακχέλ μπουτ καιρός από αζομάν σο βακέρντιλι ή ντιντιλί υπόσχεση ότι κα αβέλ-πες. Κο Ψαλμός 16, διαβάνασα ο λάφια σο βακερντάς ο Δαβίδ: «Να κα μουκχές-μαν κο Μεζάρι. Να κα μουκχές οντουλές σο ισί αφοσιωμέ τούτε τι κερνιόλ κι γούρνα». (Ψαλμός 16:10) Ο Δαβίδ να προσπαθίνελας τι βακερέλ ότι βοβ να κα μερέλας ποτές ντα ότι να κα τσσουβένας-λες κο Μεζάρι. Ο Λάφι ι Ντεβλέσκο βακερέλα ξεκάθαρα ότι ο Δαβίδ μπαριλό ντα μουλό ντα «ζαντισάλο τι ξεκουράντιβελ πι παππούντζαρ ντα πραχουντέ-λες κι Πόλη του Δαβίδ». (1 Βασιλέων 2:1, 10) Άρα, κάσκε βακερέλα ο εδάφιος Ψαλμός 16:10;
11. Κάνα εξηγιντάς ο Πέτρος ο εδάφιος Ψαλμός 16:10;
11 Αφού νακχλέ πιο μπουτ από χίλια μπρεσά από αζομάν σο ο Δαβίδ γραφιντάς ανταλά λάφια, ο Πέτρος εξηγιντάς κάσκε βακερέλας ο εδάφιος Ψαλμός 16:10. Χάνικ εβδομάδες αφού μουλό ντα αναστισάλο ο Ιησούς, ο Πέτρος κερντάς λάφι χιλιάδες τζενέντε σο ισινέ Ιουδαίοι ή τθερένας ι Ιουδαιόνγκι θρησκεία. (Διαβάνεν Πράξεις 2:29-32) Αντάς λένγκε γκοντιάτε ότι ο Δαβίδ μουλόας ντα πραχουντέας-λες. Ντα η Γραφή να βακερέλα ότι κάποιος οντουλέ τζενένταρ αντάς αντίρρηση όταν ο Πέτρος βακερντάς ότι ο Δαβίδ «ντικχλάς πιο τζανγκλέ ντα κερντάς λάφι για την ανάσταση» ι Μεσσιάσκι.
12. Σαρ νικίστιλο μπαγιά ο εδάφιος Ψαλμός 16:10, ντα καγιά σιγουριά ντέλα-αμέν ανταβά για την υπόσχεση ότι κα αβέλ ανάσταση;
12 Για τι σικαβέλ ότι οντουλά σο βακερέλας ισινέ μπαγιά, ο Πέτρος χρησιμοποιηντάς ο λάφια σο βακερντάς ο Δαβίδ ντα ισί κο εδάφιος Ψαλμός 110:1. (Διαβάνεν Πράξεις 2:33-36) Ο λογικά λάφια ι Πετρόσκε, σο στηρίντιβενας κι Γραφή, βοηθιντέ οντουλέ τζενέν τι πακιάν ότι ο Ιησούς ισινέ «εμ Κύριος εμ Χριστός». Ο τζενέ δεχτιντέ ότι ο εδάφιος Ψαλμός 16:10 νικίστιλο μπαγιά όταν ο Ιησούς αναστισάλο κατά μουλέ. Πιο σοράν, ο απόστολος Παύλος χρησιμοποιηντάς ασακέ λογικά λάφια όταν κερντάς λάφι κο Ιουδαίοι κι Αντιόχεια κι Πισιδία. Ανταλά λάφια κερντέ λένγκε μπαρί εντύπωση, ντα μανγκένας τι ασουνέν πιο μπουτ πράγματα. (Διαβάνεν Πράξεις 13:32-37, 42) Αμέντε-ντα πρέπει τι ντεν σιγουριά ανταλά προφητείες ι Γραφιάκε σο βακερένας για εκ ανάσταση σο κα αβέλας κο μέλλον παρόλο σο νικίστιλε μπαγιά μπουτ μπρεσά πιο σοράν.
ΚΑΝΑ ΚΑ ΑΒΕΛ Η ΑΝΑΣΤΑΣΗ;
13. Σο ερωτήσεις μπορεί τι κεράς για την ανάσταση;
13 Λάσα δύναμη όταν τζανάσα ότι εκ ανάσταση μπορίνελα τι αβέλ-πες ατζέ-ντα άμα κα νακχέν εκατοντάδες μπρεσά από αζομάν σο βακέρντιλι. Όμως, μερικοί μπορεί τι πουτσέν: “Μανγκέλα τι βακερέλ ανταβά ότι πρέπει τι μπεκλεντίναβ μπουτ καιρός για τι ντικχάβ μι αγαπημέ τζενές σο μουλό; Κάνα κα αβέλ η ανάσταση;” Ο Ιησούς βακερντάς κο απόστολοι ότι υπαρχίντιβενας πράγματα σο να τζανένας-λεν ντα να μπορίνενας τι τζανέν-λεν. Υπαρχίντιβενα λεπτομέρειες σο τθερένα τι κερέν “ι σαατίντζαρ ντα ι βακιτίντζαρ σο σάντε ο Ντατ τθερέλα εξουσία οπρά-λέντε”. (Πράξεις 1:6, 7· Ιωάννης 16:12) Όμως, τζανάσα κάποια πράγματα σο σικαβένα κάνα κα αβέλ η ανάσταση.
14. Σαρ ισινέ διαφορετική η ανάσταση ι Ιησούσκι κατά γιαβερά αναστάσεις σο αβιλέας πιο τζανγκλέ;
14 Η πιο σημαντική ανάσταση σο ισί γραμμέ κι Γραφή ισί η ανάσταση ι Ιησούσκι. Άμα βοβ να αναστισάλοας, καέκ αμένταρ να κα τθερέλας ελπίδα τι ντικχέλ πάλι πι αγαπημέ τζενέν σο μουλέ. Ο τζενέ σο αναστισάλε πριν τον Ιησού, σαρ για παράδειγμας οντουλά σο αναστιντάς-λεν ο Ηλίας ντα ο Ελισαιέ, να τζουβντιλέ για πάντα. Μουλέ πάλι ντα αβιλέ τσικ κο μεζάρι. Αλλά ο Ιησούς «αναστισάλο κατά μουλέ». «Να κα μερέλ πάλι· ο μεριπέ να κερέλα-λες Ρωμαίους 6:9· Αποκάλυψη 1:5, 18· Κολοσσαείς 1:18· 1 Πέτρου 3:18.
κουμάντος». Τζουβντιόλα κο ουρανός «για πάντα».—15. Σόσκε ο Ιησούς βακέρντιβελα «πρώτοι καρποί»;
15 Ο Ιησούς αναστισάλο κο ουρανός σαρ πνευματικός πλάσμας. Ανταγιά ισινέ η πρώτη ντα πιο σημαντική ανάσταση κο ουρανός. (Πράξεις 26:23) Αλλά ο Ιησούς να ισινέ ο μόνος σο κα αναστίντιβελας κο ουρανός. Ο Ιησούς ντινάς πο λάφι ότι λέσκε πιστοί απόστολοι κα κυβερνίνενας οτθέ λέσαρ. (Λουκάς 22:28-30) Αλλά για τι λένας ανταγιά ευλογία, κα χρειαζίντιβελας πρώτα τι μερέν. Σοράν, κα αναστίντιβενας πνευματικέ σωμάσαρ, σαρ ο Ιησούς. Ο Παύλος γραφιντάς ότι «ο Χριστός αναστισάλο κατά μουλέ ντα ισί ο πρώτοι καρποί οντουλένταρ σο σοτέ ο σοϊπέ ι μεριμάσκο». Σοράν, ο Παύλος βακερντάς ότι γιαβερά-ντα κα αναστίντιβενας για τι τζουβντιόν κο ουρανός: «Ο κάθε εκ πι σειράσαρ: ο Χριστός ο πρώτοι καρποί, ντα σοράν οντουλά σο ισί ι Χριστόσκε αζομάν σο κα αβέλ λέσκι παρουσία».—1 Κορινθίους 15:20, 23.
16. Καβά στοιχείος τθεράσα για τι αγαβάς κάνα αβέλα-πες η ανάσταση κο ουρανός;
16 Ο λάφια ι Παυλόσκε ντένα-αμέν εκ στοιχείος για τι αγαβάς κάνα αβέλα-πες η ανάσταση κο ουρανός. Κα αβέλας-πες αζομάν σο κα αβέλας η παρουσία ι Χριστόσκι. Για μπουτ μπρεσά, ο Μάρτυρες ι Ιεχωβάσκε τθερένα σικαντό κατά Γραφή ότι η «παρουσία» ι Χριστόσκι αρχισάλι κο 1914. Αμέν συνεχίνασα τι τζουβντιάς κι «παρουσία» λέσκι, ντα ο τέλος ανταλέ πφιρνέ ντουνιάσκο ισί μπουτ πασέ.
17, 18. Σο κα αβέλ-πες μερικέ χρισμέ τζενένγκε κι παρουσία κι Χριστόσκι;
17 Η Γραφή εξηγίνελα πιο μπουτ πράγματα για την ανάσταση κο ουρανός: «Μανγκάσα τι τζανέν σο κα αβέλ-πες οντουλέντζαρ σο σοβένα ο σοϊπέ ι μεριμάσκο . . . Άμα πακιάσα ότι ο Ιησούς μουλό ντα αναστισάλο, πακιάσα επίσης ότι γιεκ λέσαρ ο Ντεβέλ κα ανέλ οντουλέν σο σοτέ ο σοϊπέ ι μεριμάσκο . . . Αμέν ο τζουβντέ σο ατσσάσα μέχρι κι παρουσία κι Κυριόσκι να κα αναστίντιβας πριν τι αναστίντιβεν οντουλά σο σοτέ ο σοϊπέ ι μεριμάσκο· επειδή ο ίδιος ο Κύριος κα γουλίλ κατά ουρανός ντα κα ντελ εντολές, . . . ντα οντουλά σο μουλέ σαρ μαθητές ι Χριστόσκε κα αναστίντιβεν πρώτοι. Σοράν, αμέν ο τζουβντέ σο ατσσάσα κα καπτίντιβας αντρέ κο σύννεφα γιεκ λέντζαρ για τι αρακχάς ι Κυριός κο ουρανός· ντα αντικάς κα αβάς πάντα ι Κυριόσαρ».—1 Θεσσαλονικείς 4:13-17.
18 Η πρώτη ανάσταση, δηλαδή η ανάσταση κο ουρανός, κα αβέλας-πες κάποια στιγμή αφού κα αρχίνελας η παρουσία ι Χριστόσκι. Ο χρισμέ σο κα αβέν τζουβντέ κι μπαρί στεναχώρια “κα καπτίντιβεν αντρέ κο σύννεφα”. (Ματθαίος 24:31) Σο μανγκέλα τι βακερέλ ανταβά; Οντουλά σο κα “καπτίντιβεν” να κα “σοβέν ο σοϊπέ ι μεριμάσκο”, δηλαδή να κα αβέν μουλέ μπουτ καιρός. Αλλά όταν κα μερέν, “κα αλλάνεν, σε εκ στιγμή, μπουτ σουγκό, καζόμ κα μπασέλ η τελευταία σάλπιγγα”.—1 Κορινθίους 15:51, 52.
19. Καγιά «πιο λατσσί ανάσταση» κα αβέλ κο μέλλον;
19 Αντιβές, ο πιο μπουτ πιστοί Χριστιανοί νανέ χρισμέ ντα να τραμπίντιλε για τι κυβερνίνεν κο ουρανός ι Χριστόσαρ. Αλλά μπεκλεντίνενα τι αβέλ «ο ντιβές ι Ιεχωβάσκο», όταν βοβ κα ανέλ ο τέλος ανταλέ πφιρνέ ντουνιάσκο. Καέκ να τζανέλα ακριβώς κάνα κα αβέλ ο τέλος, αλλά ο αποδείξεις σικαβένα ότι ισί πασέ. 1 Θεσσαλονικείς 5:1-3) Όταν κα αβέλ ο νεβό ντουνιάς ι Ντεβλέσκο, κα αβέλ εκ διαφορετική ανάσταση. Αζομάν, κα αναστίντιβεν τζενέ για τι τζουβντιόν κι πφουβ ντα κα τθερέν ι ελπίδα τι αβέν τέλειοι ντα μα τι ξαναμερέν ποτές. Ανταγιά κα αβέλ «πιο λατσσί ανάσταση» οντουλάταρ σο τθερένας ο τζενέ σο αναστισάλε κο πουρανέ μπρεσά αλλά μουλέ πάλι πιο σοράν.—Εβραίους 11:35.
(20. Σόσκε μπορίνασα τι αβάς σίγουροι ότι η ανάσταση κα αβέλ οργανωμέ;
20 Η Γραφή βακερέλα ότι οντουλά σο τζάνα κο ουρανός αναστίντιβενα «ο κάθε εκ πι σειράσαρ». (1 Κορινθίους 15:23) Άρα, μπορίνασα τι αβάς σίγουροι ότι κι πφουβ-ντα η ανάσταση κα αβέλ-πες σειράσαρ, δηλαδή οργανωμέ. Ανταβά μπορεί τι κερέλ-αμέν τι πουτσάς: Μήπως οντουλά σο μουλέ ακανά τελευταία κα αναστίντιβεν μόλις κα αρχίνελ τι κυβερνίνελ κι πφουβ η Βασιλεία ι Χριστόσκι για τι καλωσορίνεν-λεν λένγκε αγαπημέ τζενέ σο τζανένα-λεν; Μήπως ο πιστά μουρσά κατά πουρανέ μπρεσά σο ισινέ λατσσέ αρχηγοί κα αβέν κι ζωή πιο σουγκό για τι βοηθίνεν τι αβέλ οργανωμέ ι Ντεβλέσκο λαός κο νεβό ντουνιάς; Σο κα αβέλ-πες οντουλέντζαρ σο να υπηρετιντέ ποτές ι Ιεχωβάς; Κάνα ντα κάι κα αναστίντιβεν; Υπαρχίντιβενα μπουτ ερωτήσεις σο κα μπορίναας τι κεράς. Αλλά να χρειαζίντιβελα τι ανησυχίνας ακανά ανταλέ πραγματένγκε. Ισί πιο λατσσό απλά τι μπεκλεντίνας για τι ντικχάς σο κα αβέλ. Μπορίνασα τι αβάς σίγουροι ότι κα αβέλ μπουτ σουκάρ τι ντικχάς σαρ κα κερέλ ο Ιεχωβά ο πράγματα.
21. Καγιά ελπίδα τθερένα;
21 Μέχρι αζομάν, πρέπει τι κεράς αμαρί πίστη κο Ιεχωβά πιο ζουρανί. Βοβ ντινάς υπόσχεση αντράλ κατά Ιησούς ότι ο μουλέ ισί Λέσκε γκοντιάτε ντα ότι κα τζουβντιόν πάλι. (Ιωάννης 5:28, 29· 11:23) Για τι τθεράς ατζέκ εκ απόδειξη ότι ο Ιεχωβά κα αναστίνελ ι μουλέν, ο Ιησούς βακερντάς ότι ο Αβραάμ, ο Ισαάκ ντα ο Ιακώβ “ισί σαρέ τζουβντέ” ι Ιεχωβάσκε. (Λουκάς 20:37, 38) Σίγουρα τθεράσα μπουτ λόγους τι βακεράς, σαρ ο απόστολος Παύλος: “Τθεράβα ελπίδα κο Ντεβέλ ότι κα αβέλ ανάσταση”.—Πράξεις 24:15.