1. Σόσκε ο μπολιπέ ισί αζόμ σημαντικός; (Ντικχ ι φωτογραφία σο ισί κι αρχή)

ΚΑΘΕ μπρες μπολντιόνα χιλιάδες τζενέ σο κερένα μελέτη κατά Αγία Γραφή. Μπουτ λένταρ ισί τερνέ, έφηβοι ή ατζέ πιο χουρντέ. Μπορεί τι μπαριλέ κι αλήθεια. Ισινάν τούι-ντα εκ λένταρ; Αν βα, κερντάν κάτι μπουτ λατσσό. Κάθε Χριστιανός πρέπει τι μπολντιόλ. Ντα ο μπολιπέ ισί απαραίτητος για τι σώντιβες ντα τι τζουβντιός για πάντα.​—Ματθαίος 28:​19, 20· 1 Πέτρου 3:21.

2. Σόσκε δεν πρέπει τι νταρές τι αφιερώντιβες κο Ιεχωβά;

² Όταν μπολντιλάν, ο Ιεχωβά αρχισάλο τι ευλογίνελ-τουτ μπουτέ νεβέ τροπόντζαρ. Τθερέας όμως νεβέ ευθύνες-ντα. Σο ευθύνες; Ο ντιβές σο μπολντιλάν, ο πφραλ σο κερντάς ι ομιλία ι μπολιμάσκι πουτσλάς: «Αφού ο Ιησούς Χριστός ντινάς πι ζωή τουμένγκε, μετανιωσάλεν τουμαρέ αμαρτιένγκε ντα λιντέν ι απόφαση τι τζουβντιόν ι Ιεχωβάσκε για τι κερέν οντουβά σο μανγκέλα;» Τούι απαντιντάν βα. Ντινάν το λάφι τι μανγκές ι Ιεχωβάς ντα τι αβέλ λέσκι υπηρεσία ο πιο σημαντικός πράγμας τι ζωγιάτε. Πρέπει τι μετανιώνες σο λιντάν ανταγιά σοβαρή  απόφαση; Σίγουρα όχι. Ποτές να κα μετανιώνες σο μουκχλάν ι Ιεχωβάς τι οδηγίνελ-τουτ. Οντουλά σο να τζανένα ι Ιεχωβάς ισί μέρος ανταλέ ντουνιάσκο σο κερέλα-λες κουμάντος ο Μπενγκ. Ο Μπενγκ να πφαμπόλα ιτς ούτε λένγκε ούτε τούκε. Κι πραγματικότητα, κα αβέλ λέσκο γκι αν κα χασαρές ι ελπίδα σο τθερέσα τι τζουβντιός για πάντα επειδή τσσιντιντάν λέσταρ ντα μουκχλάν ι Ιεχωβάς.

3. Σαρ ευλογιντάς-τουτ ο Ιεχωβά επειδή αφιερωντάν-τουτ λέστε;

³ Σκέφτινε σαρ ευλογιντάς-τουτ ο Ιεχωβά επειδή αφιερωντάν-τουτ λέστε ντα μπολντιλάν. Ντινάν τι ζωή κο Ιεχωβά, άρα μπορίνεσα τι βακερές με σιγουριά: «Ο Ιεχωβά ισί πασέ μάντε· να κα νταράβ. Σο μπορίνενα τι κερέν-μαν ο τζενέ;» (Ψαλμός 118:6) Ο πιο μπαρό προνόμιος σο μπορίνεσα τι τθερές ισί τι τσσίντες κατά Ντεβέλ ντα τι τζανές ότι βοβ ισί περήφανος τούκε.

4, 5. (α) Σόσκε μπορίνασα τι βακεράς ότι η αφιέρωση ισί τιρί ευθύνη; (β) Καζόμ μπρεσένγκε-ντα τι αβέν ο Χριστιανοί, καλά δυσκολίες αντιμετωπίνενα;

⁴ Δεν πρέπει τι σκεφτίνες ότι η φιλία σο τθερέσα ι Ιεχωβάσαρ ισί σαρ εκ περιουσία σο κληρονομίνεσα τι φαμιλιάταρ. Ατζέ-ντα άμα μπεσέσα τι νταντέσαρ ντα τι νταγιάσαρ, ισί τιρί ευθύνη τι αβές αμάλ ι Ιεχωβάσκο. Σόσκε ισί σημαντικός τι τθερές-λες ανταβά τι γκοντιάτε; Επειδή καέκ αμένταρ να μπορίνελα τι τζανέλ ακριβώς σαρ κα δοκιμάντιβελ αμαρί πίστη κο μέλλον. Για παράδειγμας, μπορεί τι μπολντιλάν πριν τι αβές έφηβος. Αλλά ακανά σο ισινάν έφηβος, τθερέσα νεβέ συναισθήματα ντα νεβέ προβλήματα. Εκ έφηβη βακερντάς: «Συνήθως εκ χουρντό να σκεφτίνελα ότι να μπεϊντίνελα σο ισί Μάρτυρας του Ιεχωβά απλά επειδή να χάλα κατά γενεθλιένγκι τούρτα κο σχολείος. Αλλά μετά από χάνικ μπρεσά, όταν η επιθυμία τι κερέλ σεξ κα αβέλ πιο μπαρί, πρέπει τι αβέλ σίγουρος αντρέ πι γκίστε ότι ο πιο λατσσό πράγμας ισί τι ντελ καν κο νόμοι κι Ιεχωβάσκε».

⁵ Να κα τθερέν σάντε ο τερνέ νεβέ δυσκολίες. Ατζέ-ντα η πίστη οντουλέ τζενένγκι σο μπολντιόνα σε πιο μπαρί ηλικία δοκιμάντιβελα με τρόπους σο να μπεκλεντίνενας. Μπορεί τι τθερένα προβλήματα πουμαρέ μπιαβέστε, κι υγεία ή κι μπουτί. Ο κάθε εκ αμένταρ, καζόμ μπρεσένγκο-ντα τι αβέλ, κα χρειαζίντιβελ τι ατσσόλ πιστός κο Ιεχωβά μπουτέ διαφορετικέ περιπτωσιέντε.​—Ιακώβου 1:​12-14.

6. (α) Σο πρέπει τι ντες-τουτ γκοντί για την αφιέρωση σο κερντάν κο Ιεχωβά; (β) Σο σικλιόσα κατά εδάφια Φιλιππησίους 4:​11-13;

⁶ Για τι ατσσός πιστός, πάντα τι ντες-τουτ γκοντί ότι πρέπει τι ατσσικιαρές ι υπόσχεση σο ντινάν κο Ιεχωβά σο ντα τι αβέλ-πες. Ανταβά μανγκέλα τι βακερέλ ότι ντινάν το λάφι Οντουλέστε σο κερέλα κουμάντος σαρό ο σύμπαν ότι κα συνεχίνες τι υπηρετίνες-λες, ατζέ-ντα άμα το αμαλά ή το ντατ ντα τι ντάι κα τσσιναβέν τι κερέν-λες ανταβά. (Ψαλμός 27:​10) Σαρέ κο περιπτώσεις, τι αβές σίγουρος ότι μανγκλάν κατά Ιεχωβά τι βοηθίνελ-τουτ τι ατσσικιαρές ι υπόσχεση σο ντινάν-λες.​—Διαβάνεν Φιλιππησίους 4:​11-13.

7. Σο μανγκέλα τι βακερέλ τι κερές «νταριάσαρ» ο πιο λατσσό σο μπορίνεσα για τι σώντιβες;

⁷ Ο Ιεχωβά μανγκέλα τι αβές λέσκο αμάλ. Αλλά πρέπει τι προσπαθίνες για τι ατσσικιαρές ανταγιά φιλία ζουρανί ντα για τι κερές ο πιο λατσσό σο μπορίνεσα για τι σώντιβες. Ο εδάφιος Φιλιππησίους 2:​12 βακερέλα: «Συνεχίνεν νταριάσαρ τι κερέν ο πιο λατσσό σο μπορίνενα για τι σώντιβεν». Ανταβά μανγκέλα τι βακερέλ ότι πρέπει τι σκεφτίνας προσεκτικά σο κα κεράς για τι  ατσσάς πασέ κο Ιεχωβά ντα για τι ατσσάς πιστοί λέστε σο-ντα τι αβέλ-πες. Να μπορίνασα απλά τι αμντίνας ότι κα πετυχίνας-λες ανταβά. Μα τι μπιστρές ότι ατζέ-ντα μερικοί σο υπηρετιντέ ι Ντεβλές για μπουτ μπρεσά να ατσσιλέ πιστοί. Σο μπορίνελα τι βοηθίνελ-τουτ τι κερές ο πιο λατσσό σο μπορίνεσα για τι σώντιβες;

8. Καλέ πραγματέντζαρ τθερέλα τι κερέλ η προσωπική μελέτη; Σόσκε ισί σημαντική;

⁸ Για τι αβάς αμαλά ι Ιεχωβάσκε, πρέπει τι ασουνάς-λες ντα τι κεράς λέσαρ λάφι. Ο βασικός τρόπος σο ασουνάσα ι Ιεχωβάς ισί αντράλ κατά προσωπική μελέτη ι Γραφιάκι. Ανταβά μανγκέλα τι βακερέλ τι διαβάνας ντα τι σκεφτίνας ο Λάφι ι Ντεβλέσκο ντα ο έντυπα σο στηρίντιβενα κι Γραφή. Όμως, η μελέτη ι Γραφιάκι νανέ σαρ εκ μάθημας κο σχολείος σο σικλιόσα αβριάλ για τι γραφίνες λατσσές κο διαγώνισμας. Αντίθετα, ισί σαρ εκ σουκάρ ταξίδι σο ρόντεσα ντα αρακχέσα νεβέ πράγματα ι Ιεχωβάσκε. Αντικάς, κα πλησιάνες ι Ντεβλές, ντα βοβ κα πλησιάνελ-τουτ.​—Ιακώβου 4:8.

9. Καλά πράγματα βοηθιντέ-τουτ κι προσωπική μελέτη σο κερέσα;

⁹ Η οργάνωση ι Ιεχωβάσκι ντέλα μπερεκέτι πράγματα σο μπορίνενα τι βοηθίνεν-τουτ τι κερές προσωπική μελέτη. Για παράδειγμας, ο «Δραστηριότητες για Μελέτη της Αγίας Γραφής» σο ισί οτθέ σο βακερέλα «Έφηβοι», κο ιστότοπος jw.org κι μπαλαμανί τσσιπ μπορίνενα τι βοηθίνεν-τουτ τι κερές τι ζωγιάτε οντουλά σο σικλιόσα κατά ιστορίες ι Γραφιάκε. Επίσης, κο ιστότοπος jw.org κα αρακχές ο οδηγοί μελέτης  «Τι Διδάσκει Πράγματι η Αγία Γραφή;» Ανταλά μπορίνενα τι βοηθίνεν-τουτ τι μπαριαρές τι πίστη ντα τι εξηγίνες οντουλά σο πακιάσα κο γιαβερά. Μπορίνεσα τι αρακχές γιαβερά-ντα ιδέες για την προσωπική μελέτη κο θέμας «Οι Νεαροί Ρωτούν . . . Πώς Μπορώ να Κάνω Απολαυστική την Ανάγνωση της Αγίας Γραφής;» κο Ξύπνα! Απρίλιος 2009. Όταν διαβάνεσα ι Γραφή ντα κερέσα σκέψεις, ανταβά κα βοηθίνελ-τουτ μπουτ κι προσπάθεια σο κερέσα τι σώντιβες.​—Διαβάνεν Ψαλμός 119:​105.

10. Σόσκε πρέπει τι προσευχίντιβελ εκ μπολντό Χριστιανός;

¹⁰ Όταν κεράσα προσωπική μελέτη κατά Γραφή, ασουνάσα ι Ιεχωβάς, ντα όταν προσευχίντιβασα, κεράσα λέσαρ λάφι. Δεν πρέπει τι αμντίνας ότι η προσευχή ισί εκ απλή συνήθεια ή κάτι σαρ φυλαχτός σο ανέλα μπαχ. Κι προσευχή κεράσα μπαγιά λάφι αμαρέ Δημιουργόσαρ. Απλά σκέφτινε: Ο Ιεχωβά μανγκέλα τι ασουνέλ οντουβά σο μανγκέσα τι βακερές λέσκε! (Διαβάνεν Φιλιππησίους 4:6) Άρα, όταν τθερέσα κάποια ανησυχία, η Γραφή βακερέλα “τι μουκχές κο Ιεχωβά ο βάρος σο βάντεσα”. (Ψαλμός 55:​22) Εκατομμύρια πφραλά ντα πφενιά μπορίνενα τι βακερέν τούκε ότι ανταγιά συμβουλή βοηθιντάς-λεν. Μπορίνελα τι βοηθίνελ τουτ-ντα!

11. Σόσκε πρέπει πάντα τι βακερές ευχαριστώ κο Ιεχωβά;

¹¹ Όμως, δεν πρέπει τι προσευχίντιβας σάντε κάνα μανγκάσα τι βοηθίνελ-αμέν ο Ιεχωβά. Η Γραφή βακερέλα αμένγκε μα τι μπιστράς “τι σικαβάς εκτίμηση”. (Κολοσσαείς 3:​15) Μερικές φορές ο προβλήματα κερένα-αμέν τι ανησυχίνας αζόμ μπουτ σο να ντάσα σημασία ο λατσσέ πράγματα σο τθεράσα. Οτθάρ, προσπάθινε τι κερές ακαβά: Κάθε ντιβές, σκέφτινε τουλάχιστον τριν πράγματα σο μανγκέσα τι σικαβές εκτίμηση λένγκε, ντα σοράν βάκερ ευχαριστώ κο Ιεχωβά. Η Άμπιγκεϊλ, εκ έφηβη σο μπολντιλί όταν ισινέ 12 μπρεσένγκι, βακερέλα: «Πακιάβα ότι ο Ιεχωβά αξίνελα αμαρό ευχαριστώ πιο μπουτ σαριλένταρ κο σύμπαν. Κάθε φαρ σο τθεράσα ι ευκαιρία, πρέπει τι βακεράς λέσκε ευχαριστώ ι σουκάρ πραγματένγκε σο ντινάς-αμέν». Μερικές φορές η Άμπιγκεϊλ κερέλα πι νεαυτόστε ακαγιά ερώτηση σο ασουντάας κάποτε: «Άμα γιαβίν κα ιστιάβας ντα κα τθεράβας σάντε ο πράγματα σο ευχαριστιντόμ αντιβές ι Ιεχωβάς λένγκε, σο κα ατσσόλας-μαν;» * (Ντικχ ι υποσημείωση)

12, 13. Σαρ ντικχλάν τούι τι γιακχίντζαρ ότι ο Ιεχωβά ισί λατσσό, ντα σόσκε ισί σημαντικός τι σκεφτίνες σαρ βοηθιντάς-τουτ;

¹² Ο Ιεχωβά βοηθιντάς τον βασιλιά Δαβίδ τι νταϊντίνελ μπουτ δύσκολες καταστάσεις. Ο Δαβίδ ντικχλάας-λες ανταβά πι γιακχίντζαρ όταν βακερντάς: «Δοκιμάνεν ντα ντικχέν ότι ο Ιεχωβά ισί λατσσό· ευτυχισμέ ισί ο τζενό σο τζάλα τι αρακχαβέλ-πες λέστε». (Ψαλμός 34:8) Ανταβά εδάφιος σικαβέλα καζόμ σημαντικός ισί τι ντικχάς αμαρέ  γιακχίντζαρ ο λατσσιπέ ι Ιεχωβάσκο αμαρέ ζωγιάτε. Όταν διαβάνεσα ι Γραφή ντα αμαρέ έντυπα ντα τζάσα κο συναθροίσεις, σικλιόσα σαρ ο Ντεβέλ βοηθιντάς γιαβερέν τι ατσσόν πιστοί. Αλλά καζόμ τι φιλία ι Ιεχωβάσαρ αβέλα πιο ζουρανί, χρειαζίντιβεσα τι ντικχές σαρ ο Ιεχωβά βοηθίνελα τουτ. Σαρ ντικχλάν τούι τι γιακχίντζαρ ότι ο Ιεχωβά ισί λατσσό;

¹³ Ο κάθε Χριστιανός ντικχλάς πι γιακχίντζαρ ο λατσσιπέ ι Ιεχωβάσκο με εκ ξεχωριστός τρόπος. Ο Ιεχωβά καλιντάς ι κάθε εκχές αμένταρ τι πλησιάνελ λες ντα λέσκε Τσσαβές. Ο Ιησούς βακερντάς: «Καέκ να μπορίνελα τι αβέλ μάντε άμα ο Ντατ, σο μπουτσσαντάς-μαν, να κα ταρτίνελ-λες πασέ μάντε». (Ιωάννης 6:​44) Πακιάσα ότι ο Ιεχωβά ταρτιντάς-τουτ πασέ πέστε; Ή μήπως σκεφτίνεσα: “Ο Ιεχωβά ταρτιντάς πασέ πέστε μι νταντές ντα μι νταγιά, ντα με απλά τζάβα παλά-λέντε”; Τι ντες-τουτ γκοντί ότι όταν αφιερωντάν τι ζωή λέστε ντα μπολντιλάν, σικαντάν ότι τθερέσα εκ ξεχωριστή φιλία λέσαρ. Η Γραφή βακερέλα αμένγκε: «Αν κάποιος μανγκέλα ι Ντεβλές, Βοβ τζανέλα-λες ανταλές». (1 Κορινθίους 8:3) Πάντα τι εκτιμίνες μπουτ ι θέση σο ντινάς-τουτ ο Ιεχωβά αντρέ κι οργάνωση λέσκι.

14, 15. Σαρ μπορίνελα ο έργος τι βοηθίνελ-τουτ τι μπαριαρές τι πίστη;

¹⁴ Ντικχέσα επίσης τι γιακχίντζαρ ο λατσσιπέ ι Ιεχωβάσκο όταν ντέλα-τουτ ο θάρρος τι κερές λάφι οντουλένγκε σο πακιάσα κο γιαβερά, είτε κο έργος είτε κο σχολείος. Μπορεί τι αβέλ δύσκολος τι κερές λάφι ι Ντεβλέσκε τι συμμαθητέντε. Μπορεί τι ανησυχίνεσα σαρ κα αντιδράνεν. Ντα μπορεί τι αβέλ μπουτ δύσκολος τι εξηγίνες οντουλά σο πακιάσα ανγκλάλ μπουτέ τζενέντε. Σο κα βοηθίνελ-τουτ;

¹⁵ Σκέφτινε σόσκε πακιάσα ανταλά σο πακιάσα. Αν ο οδηγοί μελέτης κο jw.org ισί εκχέ τσσιμπάτε σο αγαβέσα, τι χρησιμοποιήνες-λεν. Μπορίνενα τι βοηθίνεν-τουτ τι σκεφτίνες ανταλά σο πακιάσα, σόσκε πακιάσα-λεν ντα σαρ μπορίνεσα τι εξηγίνες-λεν κο γιαβερά. Αν ισινάν σίγουρος οντουλένγκε σο πακιάσα ντα προετοιμαντάν-τουτ λατσσές, κα μανγκές τι ντες μαρτυρία ι Ιεχωβάσκε.​—Ιερεμίας 20:8, 9.

16. Σο κα ντελ-τουτ θάρρος τι κερές λάφι οντουλένγκε σο πακιάσα;

¹⁶ Ατζέ-ντα αν προετοιμαντάν-τουτ λατσσές, μπορεί τι σακιντίνες τι εξηγίνες οντουλά σο πακιάσα. Εκ πφεν σο ισί 18 μπρεσένγκι ντα μπολντιλί όταν ισινέ 13, βακερέλα: «Τζανάβα σο πακιάβα, αλλά μερικές φορές δυσκολίντιβαβα τι βακεράβ οντουλά σο σκεφτίναβα». Οτθάρ, προσπαθίνελα τι κερέλ λάφι για την αλήθεια με φυσικός ντα άνετος τρόπος. Βόι βακερέλα: «Μο συμμαθητές κερένα λάφι ελεύθερα σαρέ οντουλένγκε σο κερένα. Πρέπει με-ντα τι νιωθίναβ ελεύθερη τι κεράβ ο ίδιος. Οτθάρ, κα βακεράβ τυχαία χάι κάτι ασακό: “Πριν μερικά ντιβεσά κεράβας μελέτη κατά Γραφή εκχέ τζενιά ντα . . .” Σοράν, βακεράβα κάτι σο αβιλό-πες. Παρόλο σο να τθερέλα σχέση ι Γραφιάσαρ οντουβά σο βακεράβα, ο γιαβερά μπουτ φαρ τθερένα ι περιέργεια τι σικλιόν σαρ κεράβα ι τζενέν μελέτη κατά Γραφή. Μερικές φορές πουτσένα ανταλέσκε. Καζόμ πιο μπουτ χρησιμοποιήναβα ανταβά τρόπος, αζόμ πιο  εύκολος αβέλα μάνγκε τι κεράβ λάφι ι Γραφιάκε. Ντα σοράν νιωθίναβα πάντα μπουτ σουκάρ!»

17. Σο γιαβέρ κα βοηθίνελ-τουτ τι κερές λάφι κο γιαβερά;

¹⁷ Όταν ο γιαβερά νιωθίνενα ότι πφαμπόσα λένγκε ντα ότι σεβάνεσα-λεν μπαγιά, ισί πιο εύκολος λένγκε τι σεβάνεν τουτ ντα οντουλά σο πακιάσα. Η Ολίβια, σο ισί 17 μπρεσένγκι ντα μπολντιλί όταν ισινέ μπουτ πιο χουρντί, βακερέλα: «Πάντα τθεράβας ι νταρ ότι αν κα κεράβας λάφι ι Γραφιάκε, κα αμντίνενας ότι ισινόμας κολλημέ». Σοράν όμως αρχισάλι τι ντικχέλ ο πράγματα διαφορετικά. Αντί τι σκεφτίνελ σάντε πι νταρ, σκεφτιντάς: «Μπουτ τερνέ να τζανένα τίποτα για τους Μάρτυρες του Ιεχωβά. Αμέν ισινάμ ο μόνοι Μάρτυρες σο μπορίνενα τι κερέν λέντζαρ λάφι συχνά. Οτθάρ, οντουλά σο κεράσα ντα βακεράσα μπορεί τι επηρεάνεν ο τρόπος σο κα αντιδράνεν. Σο κα αβέλ-πες αν λατζάσα ή σακιντίνασα, αν δυσκολίντιβασα τι κεράς λάφι οντουλένγκε σο πακιάσα ή άμα κεράσα λάφι αλλά μετά γκίντασα-αμέν; Αζομάν ο γιαβερά κα αμντίνεν ότι λατζάσα σο ισινάμ Μάρτυρες. Μπορεί ατζέ-ντα τι συμπεριφερίντιβεν αμένγκε μπέτι επειδή να τθεράσα σιγουριά. Αν όμως κεράσα λάφι άνετα ντα με σιγουριά οντουλένγκε σο πακιάσα ισί πιο σίγουρος ότι κα σεβάνεν-αμέν».

18. Σαρ κα κερές ο πιο λατσσό σο μπορίνεσα για τι σώντιβες;

¹⁸ Ντικχλάμ ότι ισί μπαρί ευθύνη τι κερές ο πιο λατσσό σο μπορίνεσα για τι σώντιβες. Για τι κερές-λες ανταβά, πρέπει τι διαβάνες ντα τι σκεφτίνες ο Λάφι ι Ντεβλέσκο, τι προσευχίντιβες κο Ιεχωβά ντα τι σκεφτίνες σαρέ οντουλά σο κερντάς για τι βοηθίνελ-τουτ. Αντικάς, κα αβές πιο σίγουρος ότι ο Ιεχωβά ισί το Αμάλ. Ανταβά κα κερέλ-τουτ τι μανγκές τι βακερές κο γιαβερά οντουλένγκε σο πακιάσα.​—Διαβάνεν Ψαλμός 73:28.

19. Σόσκε αξίνενα ο προσπάθειες σο κερέσα για τι σώντιβες;

¹⁹ Ο Ιησούς βακερντάς: «Άμα κάποιος μανγκέλα τι αβέλ παλά-μάντε, τι μπιστρέλ πο νεαυτός ντα τι βάντελ ο κας σο κα βασανίνεν-λες ντα τι ακολουθίνελ-μαν συνέχεια». (Ματθαίος 16:​24) Βα, για τι ακολουθίνελ ι Ιησούς, ο κάθε Χριστιανός πρέπει τι αφιερώντιβελ κο Ιεχωβά ντα τι μπολντιόλ. Αλλά ανταβά πουτρέλα ο ντρομ για τι τθερές μπουτ σουκάρ ζωή ακανά ντα αιώνια ζωή κο νεβό ντουνιάς κι Ντεβλέσκο. Οτθάρ, τι συνεχίνες τι κερές ο πιο λατσσό σο μπορίνεσα για τι σώντιβες!