1. Σο ισινέ σίγουρη η Μάρθα ότι κα αβέλας-πες λάκε πφραλέσκε; (Ντικχ ι φωτογραφία σο ισί κι αρχή)

Η ΜΑΡΘΑ, εκ λατσσί αμαλίν ντα μαθήτρια ι Ιησούσκι, ισινέ μπουτ στεναχωριμέ. Λάκο πφραλ, ο Λάζαρος, μουλόας. Υπαρχίντιβελας κάτι σο κα μπορίνελας τι ντελ-λα παρηγοριά; Βα. Ο Ιησούς ντινάς-λα πο λάφι: «Το πφραλ κα ιστίλ». Σίγουρα ανταλά λάφια να μπορίνενας τι λεν σαρί λάκι στεναχώρια. Αλλά η Μάρθα τθερέλας εμπιστοσύνη κι υπόσχεση κι Ιησούσκι, ντα βακερντάς: «Τζανάβα ότι κα ιστίλ κι ανάσταση, κο τελευταίος ντιβές». (Ιωάννης 11:​20-24) Ισινέ σίγουρη ότι κα αβέλας-πες ανάσταση κο μέλλον. Αζομάν όμως, ο Ιησούς κερντάς εκ θαύμας. Αναστιντάς ι Λαζαρός κο ίδιος ντιβές.

2. Σόσκε μανγκένα τι τθερέν ι σιγουριά σο τθερέλας η Μάρθα;

² Αμέν να τθεράσα λόγους τι μπεκλεντίνας ότι ο Ιησούς ή λέσκο Ντατ κα αναστίνεν ακανά αμαρέ αγαπημέ τζενέν σο μουλέ. Αλλά ισινέν αζόμ σίγουροι καζόμ ισινέ η Μάρθα ότι κο μέλλον τουμαρέ αγαπημέ τζενέ κα αναστίντιβεν; Μπορεί τι χασαρντέν τουμαρέ ρομές ή τουμαρέ ρομνιά, τουμαρέ νταγιά, τουμαρέ νταντές, τουμαρέ αγαπημέ παππούς ή μπαμπά ή τουμαρέ αγαπημέ τσσαβές. Μπεσένα σαρ σαρ τι σικίνεν τουμαρέ αγκαλιάτε  οντουλέ αγαπημέ τζενές, τι κερέν λάφι ντα τι ασάν μαζί. Ευτυχώς, σαρ η Μάρθα, τθερένα σημαντικούς λόγους τι βακερέν: «Τζανάβα ότι κα ιστίλ». Όμως, ισί λατσσό κάθε Χριστιανός τι σκεφτίνελ καλά ισί ο λόγοι σο τθεράσα ανταγιά σιγουριά.

3, 4. Σο κερντάας ο Ιησούς οντουλά ντιβεσά, ντα σαρ μπαριαρντάς ανταβά ι σιγουριά ι Μαρθάκι;

³ Η Μάρθα τζουβντιόλας πασέ κι Ιερουσαλήμ, άρα μπορεί μα τι ντικχλάας ι Ιησούς τι τζουβντιαρέλ εκχέ χηράκε τσσαβές σο μπεσέλας πασέ κι Ναΐν, κι Γαλιλαία. Όμως, μάλλον ασουντάας οντουλέσκε σο αβιλόας-πες. Επίσης, μάλλον ασουντάας ότι ο Ιησούς τζουβντιαρντάς εκχέ τσσαγιά σο λάκο ντατ ισινέ ο Ιάειρος. Σαρέ κο κχερ κι τσσαγιάκο «τζανένας ότι μουλίας». Όμως, ο Ιησούς ασταρντάς λάκο βας ντα βακερντάς: «Χουρντίε, ίστι!» Ντα βόι ιστίντιλι αμέσως. (Λουκάς 7:​11-17· 8:​41, 42, 49-55) Εμ η Μάρθα εμ λάκι πφεν, η Μαρία, τζανένας ότι ο Ιησούς μπορίνελας τι κερέλ λατσσές ι νασφαλέν. Οτθάρ πακιάνας ότι, αν ο Ιησούς ισινέ οτθέ, ο Λάζαρος να κα μερέλας. Αλλά ακανά σο ισινέ μουλό, σο μπεκλεντίνελας η Μάρθα; Προσοχίνεν ότι η Μάρθα βακερντάς ότι ο Λάζαρος κα ξαναβέλας κι ζωή κο μέλλον, «κο τελευταίος ντιβές». Σόσκε ισινέ αζόμ σίγουρη; Σόσκε μπορίνενα τουμέν τι αβέν σίγουροι ότι κο μέλλον, κα αβέλ ανάσταση ντα ότι μπορεί τι αναστίντιβεν τουμαρέ-ντα αγαπημέ τζενέ σο μουλέ;

⁴ Τθεράσα σημαντικούς λόγους για τι τθεράς πίστη κι ανάσταση. Ακανά κα ντικχάς μερικούς ανταλένταρ. Κι πραγματικότητα, μπορεί τι αρακχέν κο Λάφι κι Ντεβλέσκο πράγματα σο να σκεφτίνενα συχνά, αλλά ανταβά μπορίνελα τι μπαριαρέλ ι πίστη σο τθερένα ότι κα ντικχέν πάλι τουμαρέ αγαπημέ τζενέν.

5. Σόσκε ισινέ σίγουρη η Μάρθα ότι ο Λάζαρος κα αναστίντιβελας;

⁵ Ντεν-τουμέν γκοντί ότι η Μάρθα να βακερντάς: “Μανγκάβα τι ιστίλ μο πφραλ”. Βακερντάς: «Τζανάβα ότι κα ιστίλ». Σόσκε ισινέ αζόμ σίγουρη η Μάρθα; Επειδή τζανέλας ότι αβιλέας-πες αναστάσεις κο παρελθόν. Μάλλον σικλιλίας λένγκε πι τζενένταρ ντα κατά συναγωγή όταν ισινέ χουρντί. Κα ντικχάς ακανά τριν αναστάσεις σο διαβάνασα κι Γραφή.

6. Καλέ θαυμάσκε σικλιλίας σίγουρα η Μάρθα;

⁶ Η πρώτη ανάσταση αβιλί αζομάν σο ο Ντεβέλ ντέλας κο προφήτης Ηλίας ι ζορ τι κερέλ θαύματα. Κο Σαρεπτά, σο ισινέ εκ φοινικική πόλη βόρεια κατά Ισραήλ, εκ τσορορί χήρα λιντάς πι κχερέστε ι προφητής. Σοράν, ο Ιεχωβά κερντάς εκ θαύμας. Κανονιντάς μα τι μπιτίνελ λάκο βαρό ντα λάκο λάδι για τι μπορίνελ βόι ντα λάκο τσσαβό τι ατσσόν τζουβντέ. (1 Βασιλέων 17:​8-16) Μετά από χάνικ καιρός, λάκο τσσαβό νασφάλιλο ντα μουλό. Αλλά ο Ηλίας βοηθιντάς-λα. Όταν ο Ηλίας ασταρντάς ι τσσαβές, κερντάς προσευχή κο Ιεχωβά ντα βακερντάς: «Ντέβλα μου, μολίναβα-τουτ τι αβέλ ανταλέ τσσαβέσκι ζωή πάλι αντρέ λέστε». Ντα ανταβά αβιλό-πες! Ο Ντεβέλ ασουντάς ι Ηλιάς, ντα ο τσσαβό αβιλό πάλι κι ζωή. Ανταγιά ισινέ η πρώτη ανάσταση σο βακερέλα η Γραφή. (Διαβάνεν 1 Βασιλέων 17:​17-24) Η Μάρθα σίγουρα τζανέλας οντουλέ εντυπωσιακέ πράγμασκε σο αβιλό-πες.

7, 8. (α) Σαρ παρηγοριντάς ο Ελισαιέ εκχέ στεναχωριμέ νταγιά; (β) Σο σικαβέλα ι Ιεχωβάσκε ο θαύμας σο κερντάς ο Ελισαιέ;

⁷ Η δεύτερη ανάσταση σο βακερέλα η Γραφή αβιλί-πες κατά προφήτης Ελισαιέ. Σε εκ πόλη σο βακέρντιβελας Σουνάμ,  τζουβντιόλας εκ Ισραηλίτισσα σο να τθερέλας τσσαβέν. Επειδή λιντάς πι κχερέστε ι Ελισαιές ντα φροντίνελας-λες λατσσές, ο Ιεχωβά ευλογιντάς ανταλέ τζουβλιά ντα λάκε πφουρέ ρομές εκχέ τσσαβέσαρ. Όμως αφού νακχλέ χάνικ μπρεσά, ο τσσαβό μουλό. Σκεφτίνεν καζόμ στεναχωριμέ ισινέ ανταγιά ντάι. Λάκι ντουκχ ισινέ αζόμ μπαρί σο γκιλί 30 χιλιόμετρα ντουρ κο βες Κάρμηλος, για τι αρακχέλ ι Ελισαιές. Ο Ελισαιέ μπουτσσαντάς πρώτα πι υπηρετής, ι Γιεζίς, κι Σουνάμ για τι αναστίνελ ι τσσαβές. Αλλά ο Γιεζί να μπορίνελας τι ανέλ κι ζωή ι τσσαβές. Αζομάν, η στεναχωριμέ ντάι ερεσλί κο κχερ μαζί με τον Ελισαιέ.​—2 Βασιλέων 4:​8-31.

⁸ Ο Ελισαιέ γκιλό αντρέ κο κχερ σο ισινέ ο τσσαβό σο μουλό, ντα προσευχισάλο. Ο Ιεχωβά απαντιντάς κι προσευχή κι Ελισαιέσκι ντα με θαύμας αντάς κι ζωή ι τσσαβές. Όταν η ντάι ντικχλάς πι τσσαβές τζουβντό, πφερντιλό λάκο γκι χαρά! (Διαβάνεν 2 Βασιλέων 4:​32-37) Βόι μπορεί τι ντινάς-πες γκοντί ο λάφια σο βακερντάας η Άννα κι προσευχή σο κερντάας. Η Άννα να μπορίνελας τι κερέλ τσσαβέν μέχρι σο ο Ιεχωβά ευλογιντάς-λα εκχέ τσσαβέσαρ, τον Σαμουήλ. Αζομάν, η Άννα ντινάς δόξα ι Ιεχωβάς επειδή βοβ “γκερέλα ι τζενέν κο Μεζάρι ντα ιστικιαρέλα-λεν”. (1 Σαμουήλ 2:6) Όταν αναστιντάς ι τσσαβές κι Σουνάμ, ο Ντεβέλ σικαντάς ότι μπορίνελα τι αναστίνελ ι μουλέν.

9. Βακερέν σαρ αβιλί-πες η τρίτη ανάσταση σο βακερέλα η Γραφή.

⁹ Κάτι γιαβέρ-ντα, μπουτ εντυπωσιακός, αβιλό-πες αφού μουλό ο Ελισαιέ. Υπηρετιντάας σαρ προφήτης πιο μπουτ από 50 μπρεσά, αλλά σοράν νασφάλιλο ντα τελικά μουλό. Ο καιρός νακχλό ντα ατσσιλέας σάντε λέσκε κόκαλα. Εκ ντιβές, μερικοί Ισραηλίτες πραχούνενας εκχέ τζενές. Ξαφνικά ντικχλέ μερικέ ντουσμανίν τι αβέν. Ο Ισραηλίτες προσπαθιντέ τι νασέν καζόμ πιο σουγκό μπορίνενας, ντα τσσουντέ ι μουλές κο μεζάρι σο ισινέ ο Ελισαιέ. Η Γραφή βακερέλα: «Μόλις ο τζενό ακουμπιντάς ο κόκαλα ι Ελισαιέσκε, αβιλό πάλι κι ζωή ντα ατσσιλό πι τσανγκίντε». (2 Βασιλέων 13:​14, 20, 21) Ανταλά αληθινές ιστορίες σικαντέ κι Μάρθα ότι ο Ντεβέλ τθερέλα ι ζορ τι νικίνελ ο μεριπέ. Πρέπει τι ντεν τουμέντε-ντα ι σιγουριά ότι η ζορ ι Ντεβλέσκι ισί μπουτ μπαρί ντα να τθερέλα όρια.

10. Σο αβιλό-πες σε εκ Χριστιανή σο βακερένας λάκε Ταβιθά, ντα σο κερντάς ο Πέτρος;

¹⁰ Κο Χριστιανικές Ελληνικές Γραφές-ντα διαβάνασα για αναστάσεις σο κερντέ πιστοί υπηρέτες ι Ντεβλέσκε. Πιο τζανγκλέ βακερντάμ για αναστάσεις σο κερντάς ο Ιησούς πασέ κι πόλη Ναΐν ντα κο κχερ του Ιαείρου. Χάνικ πιο σοράν, ο απόστολος Πέτρος τζουβντιαρντάς ι Δορκαδά, σο βακέρντιβελας επίσης Ταβιθά. Ο Πέτρος γκιλό κο δωμάτιος σο τσσουντέας-λα, κερντάς προσευχή ντα σοράν βακερντάς: «Ταβιθά, ίστι!» Βόι αβιλί αμέσως κι ζωή, ντα ο Πέτρος «σικαντάς-λα τζουβντί» κο γιαβερά Χριστιανοί σο ισινέ οτθέ. Οντουβά θαύμας κερντάς μπουτέ τζενέν “τι πακιάν κο Κύριος”. Οντουλά νεβέ  μαθητές κα μπορίνενας τι βακερέν κο γιαβερά ο λατσσέ αμπέρια ι Ιησούσκε ντα επίσης τι βακερέν σαριλένγκε ότι ο Ιεχωβά μπορίνελα τι τζουβντιαρέλ ι μουλέν.​—Πράξεις 9:​36-42.

11. Σο γραφιντάς ο γιατρός Λουκάς εκχέ τερνέσκε, ντα σαρ επηρεαντάς ι γιαβερέν οντουβά σο αβιλό-πες;

¹¹ Κάποια τζενέ ντικχλέ πουμαρέ γιακχίντζαρ εκ γιαβέρ ανάσταση. Εκ φαρ, ο απόστολος Παύλος ισινέ σε εκ συνάθροιση εκχέ κχερέστε κι Τρωάδα, οτθέ σο αντιβές ισί η βορειοδυτική Τουρκία. Ο Παύλος κερέλας λάφι μέχρι επκάς ιράτ. Εκ τερνό, ο Εύτυχος, μπεσέλας κο παράθυρος ντα ασουνέλας. Αλλά λιντάς-λες η λίντρα ντα πελό κατά τρίτος όροφος. Ο Λουκάς μπορεί τι ισινέ ο πρώτος σο τθαβντισάλο πασέ κο Εύτυχος. Σαρ γιατρός, αγαντάς ότι ο τερνό να ισινέ απλά ντινό ντα μπαϊλντιμέ. Ισινέ μουλό! Γουλίστιλο ο Παύλος-ντα. Αγκαλιαντάς ι Ευτυχός ντα σοράν σαρέ ατσσιλέ πουταρντέ μόσαρ όταν βακερντάς: «Ισί τζουβντό». Ανταβά θαύμας επηρεαντάς μπουτ σαρέ οντουλέ τζενέν σο ντικχλέ σο αβιλό-πες. Επειδή τζανένας ότι ο τερνό ισινέ μουλό ντα σοράν τζουβντιλό, «λιντέ μπουτ μπαρί παρηγοριά».​—Πράξεις 20:​7-12.

12, 13. Αφού διαβαντάμ για μερικές αναστάσεις, σο ερωτήσεις μπορεί τι κεράς;

¹² Ο αναστάσεις σο ντικχλάμ πρέπει τι ντεν-τουμέν ι ίδια σιγουριά σο τθερέλας η Μάρθα. Μπορίνασα τι αβάς σίγουροι ότι αμαρό Ντεβέλ, σο ντινάς-αμέν ζωή, μπορίνελα τι τζουβντιαρέλ εκχέ μουλές. Ισί όμως ενδιαφέρον ότι κι κάθε ανάσταση σο ντικχλάμ ισινέ οτθέ εκ πιστός υπηρέτης ι Ντεβλέσκο, σαρ ισί ο Ηλίας, ο Ιησούς ή ο Πέτρος. Επίσης, οντουλά αναστάσεις αβιλέ-πες αζομάν σο ο Ιεχωβά κερέλας θαύματα. Αλλά σο κα βακεράς οντουλένγκε σο μουλέ αζομάν σο να αβένας-πες ασακέ θαύματα; Κα μπορίνενας ο πιστά μουρσά ντα τζουβλιά τι μπεκλεντίνεν ότι ο Ντεβέλ κα αναστίνελ ι μουλέν κο μέλλον; Κα μπορίνενας τι αβέν αζόμ σίγουροι καζόμ ισινέ η Μάρθα όταν βακερντάς:  «Τζανάβα ότι [μο πφραλ] κα ιστίλ κι ανάσταση, κο τελευταίος ντιβές»; Σόσκε μπορίνελας η Μάρθα τι πακιάλ ότι κα αβέλας-πες ανάσταση κο μέλλον, ντα σόσκε μπορίνενα τι πακιάν-λες τουμέν-ντα;

¹³ Σε μπουτ σημεία, ο Λάφι ι Ντεβλέσκο σικαβέλα ότι ο αφοσιωμέ υπηρέτες ι Ιεχωβάσκε τζανένας ότι κα αβέλας-πες ανάσταση κο μέλλον. Για τι ντικχάς μερικά ανταλένταρ.

14. Σο σικλιάσα για την ανάσταση οντουλένταρ σο βακερέλα η Γραφή για τον Αβραάμ;

¹⁴ Σκεφτίνεν σο μανγκλάς ο Ιεχωβά κατά Αβραάμ τι κερέλ κο Ισαάκ, κο τσσαβό σο μπεκλεντίνελας λέσκε αζόμ καιρός. Ο Ιεχωβά βακερντάς: «Λε, σε παρακαλώ, τι τσσαβές, τι μοναδικέ τσσαβές σο μανγκέσα αζόμ μπουτ, τον Ισαάκ, ντα κερ εκ ταξίδι κο τθεμ Μοριά, ντα οτθέ ντε-λες σαρ θυσία σο πρέπει τι πφαμπόλ». (Γένεση 22:2) Σαρ πακιάνα ότι νιωσάλο ο Αβραάμ όταν ασουντάς ανταγιά εντολή; Ο Ιεχωβά ντινάας πο λάφι ότι αντράλ κατά προσάγγονα του Αβραάμ κα ευλογίντιβενας σαρέ ο τθεμά. (Γένεση 13:​14-16· 18:​18· Ρωμαίους 4:​17, 18) Επίσης, ο Ιεχωβά βακερντάας ότι η ευλογία κα αβέλας «αντράλ κατά Ισαάκ». (Γένεση 21:​12) Αλλά σαρ κα αβέλας-πες ανταβά αν ο Αβραάμ κα θυσιάνελας πι τσσαβές; Ο Παύλος, με το πνεύμας ι Ντεβλέσκο, εξηγιντάς ότι ο Αβραάμ πακιάλας ότι ο Ντεβέλ μπορίνελας τι τζουβντιαρέλ τον Ισαάκ. (Διαβάνεν Εβραίους 11:​17-19) Όμως, η Γραφή να βακερέλα ότι ο Αβραάμ πακιάλας ότι ο Ισαάκ κα αβέλας κι ζωή αμέσως ή μετά από χάνικ σάατια, μετά από εκ ντιβές ή μετά από εκ εβδομάδα. Ο Αβραάμ ναστί τζανέλας κάνα κα αναστίντιβελας λέσκο τσσαβό. Αλλά ισινέ σίγουρος ότι ο Ιεχωβά κα ανέλας τον Ισαάκ κι ζωή.

15. Καγιά ελπίδα τθερέλας ο πιστός Ιώβ;

¹⁵ Επίσης, ο πιστός Ιώβ τζανέλας ότι κα αβέλας-πες ανάσταση κο μέλλον. Τζανέλας ότι, αν εκ δέντρος τσσιντιλό, μπορίνελα τι μπαριόλ πάλι ντα τι αβέλ σαρ νεβό. Ανταβά όμως να μπορίνελα τι αβέλ-πες  εκχέ τζενέσαρ. (Ιώβ 14:​7-12· 19:​25-27) Αν εκ τζενό κα μερέλ, να μπορίνελα τι ανέλ πο νεαυτός πάλι κι ζωή. (2 Σαμουήλ 12:​23· Ψαλμός 89:​48) Σίγουρα, ανταβά να μανγκέλα τι βακερέλ ότι ο Ντεβέλ να μπορίνελα τι τζουβντιαρέλ εκχέ τζενές. Μάλιστα ο Ιώβ πακιάλας ότι ο Ιεχωβά κα ανέλας-λες πι γκοντιάτε. (Διαβάνεν Ιώβ 14:​13-15) Ο Ιώβ ναστί τζανέλας κάνα ακριβώς κα αβέλας-πες ανταβά. Ισινέ όμως σίγουρος ότι Οντουβά σο κερντάς ι τζενέν μπορίνελας τι ανέλ-λες πι γκοντιάτε ντα τι τζουβντιαρέλ-λες, ντα ότι πράγματι κα κερέλας-λες ανταβά.

16. Καγιά ενθάρρυνση ντινάς εκ άγγελος κο Δανιήλ;

¹⁶ Σκεφτίνεν ατζέκ εκχέ πιστέ τζενές, τον Δανιήλ. Σαρέ πι ζωγιάτε υπηρετίνελας πιστά ι Ιεχωβάς, ντα Βοβ στηρίνελας-λες. Εκ φαρ, εκ άγγελος βακερντάς ότι ο Δανιήλ ισινέ «μπουτ αγαπητός τζενό» ντα βακερντάς λέσκε τι “τθερέλ ειρήνη” ντα τι “αβέλ ζουρανό”.​—Δανιήλ 9:​22, 23· 10:​11, 18, 19.

17, 18. Σο υπόσχεση ντινάς ο Ιεχωβά κο Δανιήλ;

¹⁷ Όταν ο Δανιήλ ισινέ σχεδόν 100 μπρεσένγκο ντα ερεσέλας κο τέλος πι ζωγιάκο, μπορεί τι σκεφτίνελας σο κα αβέλας λέσκε. Μπεκλεντίνελας ο Δανιήλ τι τζουβντιόλ πάλι; Σίγουρα! Κο τελευταία λάφια κατά βιβλίος Δανιήλ διαβάνασα σο υπόσχεση ντινάς-λες ο Ντεβέλ: «Τούι, όμως, συνέχινε μέχρι κο τέλος. Κα ξεκουράντιβες». (Δανιήλ 12:​13) Ο Δανιήλ τζανέλας ότι ο μουλέ ξεκουράντιβενα ντα ότι να υπαρχίντιβελα “καέκ πράγμας τι κερέν ούτε κάτι τι σικλιόν ούτε σοφία κο Μεζάρι”, οτθέ σο κα τζάλας ατζεχάνικ. (Εκκλησιαστής 9:​10) Αλλά ανταβά να κα αβέλας ο τέλος του Δανιήλ. Ο Ιεχωβά ντινάς-λες εκ σουκάρ υπόσχεση για το μέλλον.

¹⁸ Ο άγγελος ι Ιεχωβάσκο βακερντάς λέσκε: «Κα ιστίς τι λες ι θέση σο κα ντιντιόλ-τουτ κο τελευταία ντιβεσά». Ο Δανιήλ να τζανέλας ακριβώς κάνα κα αβέλας-πες ανταβά. Τζανέλας ότι κα μερέλας ντα κα ξεκουράντιβελας. Όμως, όταν ο Δανιήλ ασουντάς ι υπόσχεση: «Κα ιστίς τι λες ι θέση σο κα ντιντιόλ-τουτ», αγαντάς ότι κα αναστίντιβελας κο μέλλον. Ανταβά κα αβέλας-πες αφού κα νακχένας μπουτ μπρεσά λέσκε μεριμάσταρ, «κο τελευταία ντιβεσά». Ή σαρ βακερέλα η Αγία Γραφή, Μετάφραση από τα Πρωτότυπα Κείμενα: «Όταν κα τελειώνεν ο βακίτια κα ιστίς για τι λες τι ευλογία».

19, 20. (α) Σο σχέση τθερένα ανταλά σο ντικχλάμ οντουλέσαρ σο βακερντάς η Μάρθα κο Ιησούς; (β) Σο κα ντικχάς κο γιαβέρ μάθημας;

¹⁹ Η Μάρθα τθερέλας σημαντικούς λόγους τι αβέλ σίγουρη ότι ο πιστός πφραλ λάκο, ο Λάζαρος, “κα ιστίλας κι ανάσταση, κο τελευταίος ντιβές”. Η υπόσχεση σο ντινάς ο Ιεχωβά κο Δανιήλ ντα η ζουρανί πίστη σο τθερέλας η Μάρθα ότι κο μέλλον κα αβέλ-πες ανάσταση, πρέπει τι ντεν-αμέν σιγουριά αντιβές. Κα αβέλ-πες ανάσταση.

²⁰ Σικλιλάμ για αναστάσεις σο αβιλέ-πες μπαγιά κο παρελθόν. Ανταλά σικαβένα ότι ο μουλέ μπορίνενα τι τζουβντιόν πάλι. Επίσης, ντικχλάμ ότι μουρσά ντα τζουβλιά σο υπηρετιντέ ι Ντεβλές πιστά μπεκλεντίνενας τι αβέλ-πες ανάσταση κο μέλλον. Υπαρχίντιβελα όμως κάποια απόδειξη ότι εκ ανάσταση κα μπορίνελας τι αβέλ-πες ατζέ-ντα άμα κα νακχέλας μπουτ καιρός από αζομάν σο βακέρντιλι; Αν βα, κα τθεράς ατζέκ εκ λόγος για τι μπεκλεντίνας τι αβέλ-πες ανάσταση κο μέλλον. Κάνα όμως κα αβέλ-πες ανταβά; Κα ντικχάς ανταλά σημεία κο γιαβέρ μάθημας.