1, 2. Καλά διαφορετικές απόψεις τθερένα ο τζενέ για το παράδεισος;

ΜΠΟΥΤ πφραλά ντα πφενιά διαφορετικέ τθεμένταρ γκιλέας κι Σεούλ σο ισί κι Κορέα για εκ συνέλευση. Κάνα νασένας κατά στάδιος, ο Μάρτυρες σο ισινέ κατά Κορέα γκιντισάλε ντονταλάι λένταρ. Μπουτ λένταρ χαιρετίνενας-λεν ντα ντένας βίκος: «Κα ντικχάς-τουμέν κο Παράδεισος!» Καλέ παραδεισόσκε πακιάνα ότι βακερένας;

² Ο τζενέ πακιάνα διαφορετικά πράγματα για το παράδεισος. Μερικοί βακερένα ότι ο παράδεισος ισί απλά εκ φαντασία. Γιαβερά βακερένα ότι ο παράδεισος ισί οτθέ σο αρακχένα χαρά. Εκ μποκχαλό τζενό σο μπεσέλα εκχέ μπαρέ τραπεζίστε πφερντό χαμπίματα μπορεί τι νιωθίνελ ότι ισί κο παράδεισος. Πριν από μπουτ μπρεσά, εκ τζουβέλ κάνα ντικχλάς εκ τθαν πφερντό με αγριολούλουδα, ατσσιλί πουταρντέ μόσαρ ντα βακερντάς: «Ισινόμ κο παράδεισος!» Οντουβά τθαν βακέρντιβελα μέχρι αντιβές Παράδεισος, παρόλο σο οτθέ ντέλα μπουτ βιβ, περίπου 15 μέτρα, κάθε μπρες. Σο ισί ο Παράδεισος τουμένγκε; Πακιάνα ότι κα αβέλ;

3. Κάνα βακέρντιβελα πρώτη φαρ ο Παράδεισος κι Γραφή;

³ Η Αγία Γραφή βακερέλα ότι ισινέ εκ παράδεισος κο πουρανέ μπρεσά ντα ότι κα αβέλ εκ τανό ανγκλ’ αμέντε. Διαβάνασα  για το Παράδεισος πρώτη φαρ κο πρώτος βιβλίος κι Γραφιάκο. Ο εδάφιος Γένεση 2:8 βακερέλα: «Ο Ιεχωβά Ντεβέλ κερντάς εκ κήπος κι Εδέμ, [ή εκ παράδεισος για τι απολαμβάνεν-λες, η Καθολική Μετάφραση Ντουαί (Douay Version)], κο ανατολικά, ντα τσσουντάς οτθέ ι τζενές σο κερντάας». Ο εβραϊκός κείμενος κερέλα λάφι για το κήπος της Εδέμ. Ο λάφι «Εδέμ» μανγκέλα τι βακερέλ «Απόλαυση», ντα οντουβά κήπος ισινέ μπαγιά μπουτ σουκάρ. Οτθέ ισινέ μπουτ πράγματα χαμάσκε ντα ο τζενέ τθερένας ειρήνη με το ζώα.​—Γένεση 1:​29-31.

4. Σόσκε βακεράσα ότι ο κήπος της Εδέμ ισινέ παράδεισος;

⁴ Η εβραϊκή λέξη σο μανγκέλα τι βακερέλ «κήπος» μεταφράντιβελα παράδεισος κο μπαλαμανές. Η Εγκυκλοπαίδεια (Cyclopaedia) σο νικαντέ ο Μακ Κλίντοκ ντα ο Στρονγκ βακερέλα ότι κάνα εκ τζενό σο κερέλας λάφι μπαλαμανές ασουνέλας ι λέξη παράδεισος, αβέλας λέσκε γκοντιάτε εκ σουκάρ, μπαρό πάρκος σο ισινέ αρακχαντό σαρέ κατά κίνδυνοι ντα οτθέ ισινέ μπουτ σουκάρ δέντρα σο νικαβένας διάφορα φρούτα, πάκι λενιά ντα ζώα σαρ ισινέ ο αντιλόπες ή ο μπρακέ.​—Ντικχ Γένεση 2:​15, 16.

5, 6. Σόσκε χασαρντάς ο Αδάμ ντα η Εύα ο δικαίωμας τι τζουβντιόν κο παράδεισος, ντα σο μπορεί τι πουτσένα μερικά τζενέ;

⁵ Ο Ιεχωβά ντινάς κο Αδάμ ντα κι Εύα εκ ασακό κήπος, εκ παράδεισος. Αλλά βον να ντινέ καν ι Ιεχωβάς, οτθάρ χασαρντέ ο δικαίωμας τι τζουβντιόν κο Παράδεισος, εμ βον εμ λένγκε τσσαβέ. (Γένεση 3:​23, 24) Παρόλο σο να ισινέ τζενέ κο Παράδεισος, οντουβά κήπος μάλλον υπαρχίντιβελας μέχρι κο Κατακλυσμός σο αβιλό-πες κι Νωέσκε ντιβεσά.

⁶ Ισί τζενέ σο μπορεί τι πουτσένα: “Κα αβέλ πάλι η πφουβ παράδεισος;” Σο σικαβένα ο πράγματα σο τζανάσα; Άμα μπεκλεντίνενα τι τζουβντιόν τουμαρέ αγαπημέ τζενέντζαρ κο Παράδεισος, σόσκε ισινέν σίγουροι ανταλέσκε; Μπορίνενα τι εξηγίνεν σόσκε ισινέν σίγουροι ότι κα αβέλ ο Παράδεισος;

7, 8. (α) Καγιά υπόσχεση ντινάς ο Ντεβέλ κο Αβραάμ; (β) Σο μπορεί τι σκεφτιντάς ο Αβραάμ κάνα ασουντάς ι Ντεβλέσκι υπόσχεση;

⁷ Κι Γραφή μπορίνασα τι αρακχάς ο απαντήσεις κο ερωτήσεις σο τθεράσα για το Παράδεισος, σόσκε ανταβά βιβλίος αβέλα κατά Ιεχωβά, σο κερντάας ο Παράδεισος. Ντεν-τουμέν γκοντί σο βακερντάς ο Ντεβέλ πι αμαλέσκε κο Αβραάμ. Βακερντάς ότι κα κερέλας λέσκε προσαγγονίν αζόμ μπουτ σο κα αβένας «σαρ ο κούμι ι ντεριαβάκο». Σοράν, ο Ιεχωβά ντινάς ακαγιά μπουτ σημαντική υπόσχεση κο Αβραάμ: «Αντράλ τι προσαγγονίσταρ σαρέ ο λαοί ι πφουβιάκε κα ευλογίντιβεν επειδή ασουντάν μι φωνή». (Γένεση 22:​17, 18) Ο Ντεβέλ βακερντάς πάλι ανταγιά υπόσχεση λέσκε τσσαβέστε ντα λέσκε αγγονίστε.​—Διαβάνεν Γένεση 26:4· 28:14.

⁸ Τίποτα κι Γραφή να σικαβέλα ότι ο Αβραάμ πακιάλας ότι ο τζενέ κα τζουβντιόν σε εκ παράδεισος κο ουρανός. Οτθάρ, κάνα ο Ντεβέλ ντινάς πο λάφι ότι «σαρέ ο λαοί ι πφουβιάκε» κα ευλογίντιβενας, ο Αβραάμ κα σκεφτίνελας ότι ανταλά ευλογίες κα αβένας κι πφουβ. Αλλά σάντε ανταβά πράγμας αντρέ κι Γραφή σικαβέλα ότι η πφουβ κα αβέλ παράδεισος;

9, 10. Καλά γιαβερά υποσχέσεις κερένα-αμέν τι μπεκλεντίνας ότι η πφουβ κα αβέλ παράδεισος;

⁹ Ι Ντεβλέσκε πνευμάσαρ ο Δαβίδ, σο  αστάρντιβελας κατά Αβραάμ, βακερντάς ότι κα αβέλ εκ βακίτι σο «ο πφιρνό να κα υπαρχίντιβελ». (Ψαλμός 37:1, 2, 10) «Ο τζενέ σο ισί ήρεμοι . . . κα τθερέν πουμένγκε ι πφουβ ντα κα αβέν ευτυχισμέ επειδή κα τθερέν μπουτ ειρήνη». Ο Δαβίδ βακερντάς ακαγιά-ντα προφητεία: «Ο δίκαια τζενέ κα τθερέν πουμένγκε ι πφουβ ντα κα τζουβντιόν για πάντα λάτε». (Ψαλμός 37:​11, 29· 2 Σαμουήλ 23:2) Σαρ πακιάνα ότι επηρεαντέ ανταλά υποσχέσεις ι τζενέν σο μανγκένας τι κερέν ι Ντεβλέσκο θέλημας; Κερντέ-λεν τι μπεκλεντίνεν ότι εκ ντιβές, σάντε ο δίκαια τζενέ κα μπεσέν κι πφουβ ντα ότι κα αβέλ πάλι εκ παράδεισος σαρ ισινέ ο κήπος της Εδέμ.

¹⁰ Καζόμ νακχένας ο μπρεσά, ο πιο μπουτ Ισραηλίτες σο βακερένας ότι υπηρετίνενας ι Ιεχωβάς νασλέ λέσταρ ντα κατά αληθινή λατρεία. Οτθάρ, ο Ντεβέλ μουκχλάς ι Βαβυλωνιόν τι νικίνεν λέσκε λαός, τι καταστραφίνεν λένγκο τθεμ ντα τι γκερέν μπουτέν λένταρ ντουρ λένγκε τθεμέσταρ. (2 Χρονικών 36:​15-21· Ιερεμίας 4:​22-27) Αλλά ι Ντεβλέσκε προφήτες βακερντέ ότι ο λαός κα βουρτίνελας πι τθεμέστε 70 μπρεσά πιο σοράν. Οντουλά προφητείες νικίστιλε μπαγιά. Αλλά μανγκένα τι βακερέν κάτι αμένγκε-ντα αντιβές. Καζόμ κα ντικχάς χάνικ ανταλέ προφητειένταρ, τι τθερέν τουμαρέ γκοντιάτε σαρ κερένα-αμέν τι μπεκλεντίνας ότι η πφουβ κα αβέλ παράδεισος.

11. Σαρ νικίστιλε μπαγιά ι πρώτη φαρ ο εδάφια Ησαΐας 11:​6-9, αλλά σο μπορεί τι πουτσάς;

¹¹ Διαβάνεν Ησαΐας 11:​6-9. Ο Ντεβέλ, αντράλ κατά προφήτης Ησαΐας, βακερντάς ότι κάνα ο Ισραηλίτες κα βουρτίνενας πουμαρέ τθεμέστε κα τθερένας ειρήνη. Καέκ να κα νταρέλας κατά ζώα ή κατά τζενέ. Εμ ο τερνέ εμ ο πφουρέ κα αβένας ασφαλείς. Ανέλα ανταβά τουμαρέ γκοντιάτε ι ειρήνη σο υπαρχίντιβελας κο κήπος της Εδέμ; (Ησαΐας 51:3) Ο Ησαΐας βακερντάς επίσης ότι σαρί η πφουβ, όχι σάντε ο λαός Ισραήλ, κα «πφερντιόλ κατά σικλιαριπέ ι Ιεχωβάσκο σαρ ο πανιά ιτσσαρένα ι ντεριάβ». Κάνα κα αβέλ-πες ανταβά;

12. (α) Καλά ευλογίες τθερένας οντουλά σο βουρτισάλε κατά Βαβυλώνα; (β) Σόσκε βακεράσα ότι ο εδάφια Ησαΐας 35:​5-10 κα νικιόν μπαγιά κο μέλλον-ντα;

¹² Διαβάνεν Ησαΐας 35:​5-10. Ο Ησαΐας βακερντάς πάλι ότι ο Ισραηλίτες σο κα βουρτίνενας κατά Βαβυλώνα να κα νταρένας κατά ζώα ή κατά τζενέ. Βακερντάς ότι λένγκο τθεμ κα νικαβέλας μπερεκέτι λατσσό χαμπέ σόσκε κα υπαρχίντιβελας μπουτ πανί, σαρ ισινέ κο κήπος της Εδέμ. (Γένεση 2:​10-14· Ιερεμίας 31:​12) Μήπως ανταγιά προφητεία κα νικιόλας μπαγιά σάντε αζομάν; Ντεν-τουμέν γκοντί ότι ανταγιά προφητεία βακερέλας ότι ο κορορέ, ο μπανγκέ ντα ο κασουκέ κα αβένας λατσσές. Αλλά ανταβά να αβιλό-πες ι Ισραηλιτέντζαρ σο βουρτισάλεας κατά Βαβυλώνα. Άρα, ο Ντεβέλ σικαβέλας ότι κο μέλλον κα κερέλ λατσσές σαρέ ι νασφαλέ τζενέν.

13, 14. Σαρ νικίστιλε μπαγιά ο εδάφια Ησαΐας 65:​21-23 κάνα ο Ισραηλίτες βουρτισάλε κατά Βαβυλώνα, αλλά καλά λάφια ανταλέ προφητειάταρ μπεσάσα ατζέ τι νικιόν μπαγιά; (Ντικχ ι φωτογραφία σο ισί κι αρχή)

 ¹³ Διαβάνεν Ησαΐας 65:​21-23. Κάνα ο Ιουδαίοι βουρτισάλε πουμαρέ τθεμέστε, να αρακχλέ μπαρέ κχερά ή καλλιεργημέ χωράφια ντα ρεζά. Αλλά επειδή ο Ντεβέλ ευλογίνελας-λεν, ο πράγματα αλλαξάλε. Σκεφτίνεν καζόμ χαρά τθερένας ο τζενέ κάνα κερντέ κχερά για τι μπεσέν ντα κάνα χάνας λατσσέ χαμπίματα κατά χωράφια σο καλλιεργιντέας!

¹⁴ Ανταγιά προφητεία βακερέλα ότι αμαρέ ντιβεσά «κα αβέν σαρ ο ντιβεσά ι δεντρόσκε». Μερικά δέντρα τζουβντιόνα χιλιάδες μπρεσά. Για τι τζουβντιόν αζόμ μπουτ ο τζενέ, πρέπει τι τθερέν μπουτ λατσσί υγεία. Ντα άμα κα τζουβντιόνας εκχέ ειρηνικέ ντα μπουτ σουκάρ τθανέστε σαρ βακερντάς ο Ησαΐας, ανταβά κα αβέλας σαρ εκ σουνό σο νικιόλα μπαγιά, εκ παράδεισος! Ανταγιά προφητεία κα νικιόλ μπαγιά!

15. Καλά ισί μερικές ευλογίες σο βακέρντιβενα κο βιβλίος Ησαΐας;

¹⁵ Σκεφτίνεν σαρ σικαβένα ο υποσχέσεις σο ντικχλάμ ότι η πφουβ κα αβέλ παράδεισος. Σαρί η πφουβ κα αβέλ πφερντί τζενέντζαρ σο κα τθερέν ι Ντεβλέσκι ευλογία! Καέκ να κα νταρέλ ότι κα κερέν λέσκε κακός ο ζώα ή ο τζενέ σο ισί βίαιοι. Ο κορορέ, ο κασουκέ ντα ο μπανγκέ κα αβέν λατσσές. Ο τζενέ κα κερέν πουμένγκε κχερά ντα κα καλλιεργίνεν ι πφουβ για τι τθερέν χαμπέ. Κα τζουβντιόν πιο μπουτ κατά δέντρα. Βα, η Γραφή σικαβέλα ότι ανταβά παράδεισος ισί ανγκλ’ αμέντε. Αλλά μερικά τζενέ σο κεράσα λέντζαρ λάφι μπορεί τι βακερέν ότι ανταλά προφητείες να μανγκένα τι βακερέν ότι η πφουβ κα αβέλ παράδεισος. Σο κα βακερένας λένγκε; Σόσκε ισινέν σίγουροι ότι η πφουβ κα αβέλ παράδεισος; Ο πιο σημαντικός τζενό σο τζουβντιλό ποτές, ο Ιησούς, βοηθιντάς-αμέν τι αβάς σίγουροι.

16, 17. Κάνα κερντάς λάφι ο Ιησούς για το Παράδεισος;

¹⁶ Παρόλο σο ο Ιησούς να κερντάς τίποτα κακός, δικαντέ-λες ντα τσσουντέ-λες κο κας για τι μερέλ γιεκ ντουέ τσορέντζαρ, σο ισινέ κο δεξιά ντα κο αριστερά λέσταρ. Ο εκ λένταρ αγαντάς ότι ο Ιησούς ισινέ βασιλιάς ντα βακερντάς: «Ιησού, μα τι μπιστρές-μαν κάνα κα αβές τι Βασιλειάτε». (Λουκάς 23:​39-42) Η υπόσχεση σο ντινάς ο Ιησούς οντουλέ τσορέστε επηρεάνελα τουμαρό μέλλον. Ο λάφια ι Ιησούσκε ισί γραμμέ κο εδάφιος Λουκάς 23:​43. Μερικά σπουδαγμέ τζενέ τσσουβένα εκ κόμμας πριν κατά λάφι «αντιβές» ντα μεταφράνενα αντικάς ο εδάφιος: «Μπαγιά βακεράβα τούκε, αντιβές κα αβές μάντζαρ κο Παράδεισος». Ο τζενέ τθερένα διαφορετικές απόψεις ανταλέ εδαφιόσκε. Αλλά σο μανγκέλας τι βακερέλ ο Ιησούς κάνα βακερντάς «αντιβές»;

¹⁷ Αμαρέ ντιβεσέντε, μπουτ τσσιμπά τθερένα κόμματα ή γιαβερά σημάδια για τι αγαντίντιβελ πιο λατσσές σο μανγκέλα τι βακερέλ εκ πρόταση. Αλλά κο πιο πουρανέ Ελληνικές Γραφές σο υπαρχίντιβενα, ο πιο μπουτ φαρ να τσσουβένας ασακέ σημάδια. Οτθάρ, μπορεί τι πουτσάς: Βακερντάς ο Ιησούς: «Βακεράβα τούκε, αντιβές κα αβές μάντζαρ κο Παράδεισος»; Ή βακερντάς: «Βακεράβα τούκε αντιβές, κα αβές μάντζαρ κο Παράδεισος»; Μερικοί μεταφραστές τσσουβένα ο κόμμας πριν κατά λάφι «αντιβές» ντα γιαβερά μετά, ντα αντικάς  κο μεταφράσεις κι Γραφιάκε αρακχάσα ανταβά εδάφιος ι ντουέ-ντα τροπόντζαρ.

18, 19. Σο βοηθίνελα-αμέν τι αγαβάς σο μανγκέλας τι βακερέλ ο Ιησούς;

¹⁸ Όμως, ντεν-τουμέν γκοντί σο βακερντάς ο Ιησούς κο μαθητές πι μεριμάσκε. Βακερντάς: «Ι τζενέσκο Τσσαβό κα αβέλ αντρέ κι πφουβ τριν ντιβές». Επίσης, βακερντάς: «Ι τζενέσκε Τσσαβές κα προδόνεν-λες ντα κα ντεν-λες κι τζενένγκε βαστά, ντα κα μουνταρέν-λες, ντα κο τρίτος ντιβές κα ιστίλ». (Ματθαίος 12:​40· 16:​21· 17:​22, 23· Μάρκος 10:​34) Ο απόστολος Πέτρος βακερέλα ότι ανταβά αβιλό-πες. (Πράξεις 10:​39, 40) Άρα, ο Ιησούς ντα οντουβά τσορ να γκιλέ κο Παράδεισος οντουβά ντιβές σο μουλέ. Η Γραφή βακερέλα ότι ο Ιησούς ισινέ «κο Μεζάρι» χάνικ ντιβεσά, μέχρι σο τζουβντιαρντάς-λες ο Ντεβέλ.​—Πράξεις 2:​31, 32. * (Ντικχ ι υποσημείωση)

¹⁹ Άρα αγαβάσα ότι ο Ιησούς βακερντάς ι φράση: «Μπαγιά βακεράβα τούκε αντιβές», ακριβώς πριν τι ντελ ι υπόσχεση κο τσορ. Αντικάς κερένας λάφι μπουτ φαρ ο τζενέ ατζέ-ντα κο μπρεσά κι Μωυσίσκε. Ο Μωυσής βακερντάς: «Ανταλά λάφια σο βακεράβα τούκε αντιβές πρέπει τι αβέν τι γκίστε».​—Δευτερονόμιο 6:6· 7:​11· 8:1, 19· 30:15.

20. Σο σικαβέλα ότι αγαβάσα σωστά οντουβά σο βακερντάς ο Ιησούς;

 ²⁰ Εκ μεταφραστής ι Γραφιάκο κατά Μέση Ανατολή βακερντάς: «Ανταλέ εδαφιόστε, ο λάφι “αντιβές” ισί μπουτ σημαντικός ντα πρέπει τι διαβάντιβελ αντικάς: “Μπαγιά βακεράβα τούκε αντιβές, κα αβές μάντζαρ κο Παράδεισος”. Η υπόσχεση ντιντιλί οντουβά ντιβές ντα κα νικιόλας μπαγιά πιο σοράν». Οντουβά μεταφραστής βακερντάς επίσης ότι αντικάς κερένα λάφι ο τζενέ οντουλέ τθεμέντε ντα σικαβέλα ότι «η υπόσχεση ντιντιλί εκ συγκεκριμέ ντιβές ντα σίγουρα κα αβέλας-πες». Σε εκ συριακή μετάφραση σο ισί περίπου 1.600 μπρεσένγκι, ανταβά εδάφιος αρακχάσα-λες αντικάς: «Αμήν, βακεράβα τούκε αντιβές ότι μάντζαρ κα αβές κο Κήπος της Εδέμ». Ανταγιά υπόσχεση ντέλα-αμέν σαριλέν ζορ.

21. Σο να αβιλό-πες κο τσορ κάνα μουλό, ντα σόσκε;

²¹ Κάνα ο Ιησούς βακερντάς οντουλέ τσορέσκε για το Παράδεισος, να μανγκέλας τι βακερέλ για εκ παράδεισος κο ουρανός. Σαρ τζανάσα-λες ανταβά; Οντουβά τσορ να τζανέλας ότι ο Ιησούς κερντάας συμφωνία πι πιστέ αποστολόντζαρ τι κυβερνίνεν λέσαρ κο ουρανός. (Λουκάς 22:​29) Επίσης, να μπολντιλόας. (Ιωάννης 3:​3-6, 12) Αγαβάσα ότι κάνα ο Ιησούς ντινάς ανταγιά υπόσχεση κο τσορ, πρέπει τι κερέλας λάφι για το παράδεισος κι πφουβ. Μπρεσά πιο σοράν, ο απόστολος Παύλος βακερντάς για τη φαντασία εκχέ τζενέσκι σο «καπτίντιλο κο παράδεισος». (2 Κορινθίους 12:​1-4) Παρόλο σο ο Παύλος ντα ο γιαβερά απόστολοι τραμπίντιλε τι τζαν κο ουρανός ντα τι κυβερνίνεν ι Ιησούσαρ, ο Παύλος βακερέλας για εκ παράδεισος σο κα αβέλας κο μέλλον. * (Ντικχ ι υποσημείωση) Κα αβέλας κι πφουβ ανταβά παράδεισος; Τουμέν κα αβέν οτθέ;

22, 23. Σο μπορίνενα τι μπεκλεντίνεν;

²² Ντεν-τουμέν γκοντί ότι ο Δαβίδ κερντάς λάφι για εκ βακίτι σο «ο δίκαια τζενέ κα τθερέν πουμένγκε ι πφουβ». (Ψαλμός 37:​29· 2 Πέτρου 3:​13) Βακερντάς ότι αζομάν σαρέ ο τζενέ κι πφουβ κα ντεν καν κο δίκαια λάφια κι Ντεβλέσκε. Η προφητεία κο εδάφιος Ησαΐας 65:​22 βακερέλα: «Ο ντιβεσά μι λαόσκε κα αβέν σαρ ο ντιβεσά ι δεντρόσκε». Ανταβά σικαβέλα ότι ο τζενέ σο κα υπηρετίνεν ι Ιεχωβάς κο νεβό ντουνιάς κα τζουβντιόν χιλιάδες μπρεσά. Μπορίνενα τι μπεκλεντίνεν-λες ανταβά; Βα, επειδή ο εδάφια Αποκάλυψη 21:​1-4 βακερένα ότι ο Ντεβέλ κα ευλογίνελ ι τζενέν, ντα εκ κατά ευλογίες ισί ότι «ο μεριπέ να κα αβέλ πάλι».

²³ Οντουλά σο σικλιαρέλα η Γραφή για το Παράδεισος ισί ξεκάθαρα. Ο Αδάμ ντα η Εύα χασαρντέ ο Παράδεισος, αλλά η πφουβ κα αβέλ παράδεισος πάλι. Ο Ντεβέλ, σαρ βακερντάς, κα ευλογίνελ ι τζενέν κι πφουβ. Ο Δαβίδ βακερντάς ότι ο ήρεμα ντα δίκαια τζενέ κα τθερέν πουμένγκε ι πφουβ ντα κα τζουβντιόν για πάντα λάτε. Ντα ο προφητείες κο βιβλίος Ησαΐας βοηθίνενα-αμέν τι μπεκλεντίνας τι αβέλ ο βακίτι σο κα χαιρίνας ι ζωή σε εκ μπουτ σουκάρ παράδεισος κι πφουβ. Κάνα κα αβέλ-πες ανταβά; Αζομάν σο κα νικιόλ μπαγιά η υπόσχεση σο ντινάς ο Ιησούς κο τσορ. Μπορίνενα τουμέν-ντα τι αβέν κο Παράδεισος. Αζομάν, κα νικιόν μπαγιά οντουλά λάφια σο βακερντέ αμαρέ πφραλά κι Κορέα: «Κα ντικχάς-τουμέν κο Παράδεισος!»