Ο εδάφια Δευτερονόμιο 22:​25-27 να μανγκένας τι σικαβέν άμα ο μουρς φταίνελα ή όχι, σόσκε ο μουρς σίγουρα φταίνελας. Ανταβά νόμος μανγκέλας τι σικαβέλ άμα η τζουβέλ ισινέ αθώα. Ντικχέν σο βακερένα ο εδάφια σο ισί πιο οπρέ.

Οντουλά εδάφια βακερένα εκχέ μουρσέσκε σο σοτάς εκχέ νισανλίς τζουβλιάσαρ «κι πόλη». Ανταβά σο κερντάς ισινέ λουμνιπέ, ισινέ σαρ τι λέλας εκχέ γιαβερέσταρ λέσκε ρομνιά, σόσκε η νισανλίς τζουβέλ ισινέ σαρ παντριμέ. Σο αβέλας-πες ι τζουβλιάσαρ; Βόι «να ντινάς βίκος αντρέ κι πόλη». Άμα ντινάας βίκος, κάποιοι σίγουρα κα ασουνένας-λα ντα κα σώνενας-λα. Αλλά να ντινάς βίκος. Άρα, κερντάς βόι-ντα λουμνιπέ, οτθάρ ο ντούι-ντα ισινέ ένοχοι.​—Δευτ. 22:​23, 24.

Σοράν, ο Νόμος βακερέλας κάτι γιαβέρ: «Άμα όμως ο μουρς αρακχλάς εκχέ νισανλίς τσσαγιά κο χωράφι ντα πι ζοριάσαρ κερντάς-λα τι σοβέλ λέσαρ, αζομάν κα μερέλ σάντε ο μουρς σο σοτάς λάσαρ, αλλά κι τσσάι καέκ δεν πρέπει τι κερέλ τίποτα. Η τσσάι να κερντάς αμαρτία σο ανέλα μεριπέ. Ανταβά ισί σαρ τι τζάλα εκ τζενό ούρια οπράλ εκχέ γιαβερέστε ντα τι μουνταρέλα-λες. Σόσκε ο μουρς αρακχλάς-λα κο χωράφι ντα η νισανλίς τσσάι ντινάς βίκος, αλλά να ισινέ καέκ οτθέ τι σώνελ-λα».​—Δευτ. 22:​25-27.

Ανταλέ περιπτωσιάτε, ο κριτές πακιάνας ι τζουβλιά. Σκεφτίνενας ότι «ντινάς βίκος, αλλά να ισινέ καέκ οτθέ τι σώνελ-λα». Άρα, να κερντάς λουμνιπέ. Ο μουρς όμως ισινέ ένοχος σόσκε εμ κερντάς λουμνιπέ εμ «πι ζοριάσαρ κερντάς [ι νισανλίς τζουβλιά] τι σοβέλ λέσαρ».

Άρα, παρόλο σο ανταβά νόμος μανγκέλας τι σικαβέλ άμα η τζουβέλ ισινέ αθώα, ο εδάφια ντένα-αμέν τι αγαβάς ότι ο μουρς ισινέ ένοχος σόσκε εμ κερντάς λουμνιπέ εμ κερντάς-λα τι σοβέλ λέσαρ ζορίσαρ. Ισινάμ σίγουροι ότι ο κριτές “ρόντενας ο πράγματα προσεκτικά” ντα λένγκι απόφαση βασίντιβελας κο κανόνας σο βακερντάας λένγκε ξεκάθαρα μπουτ φαρ ο Ντεβέλ.​—Δευτ. 13:​14· 17:4· Έξοδ. 20:14.