Διαβαντέν προσεκτικά ανταβά μπρες ο περιοδικά Σκοπιά; Ντικχέν άμα ντένα-τουμέν γκοντί ο απαντήσεις ακαλέ ερωτησιέντε:

Σαρ πρέπει τι συμπεριφερίντιβας κο χρισμέ Χριστιανοί;

Εκτιμίνασα λένγκι πίστη, αλλά “να βάντασα-λεν μπουτ οπρέ”. (Ιούδα 16, υποσ.) Να πουτσάσα-λεν σαρ αβιλέ χρισμέ.​—w20.01, σελ. 29.

Σο κερέλα-τουμέν τι αβέν σίγουροι ότι ο Ιεχωβά ντέλα-τουμέν σημασία;

Η Γραφή σικαβέλα ότι ο Ιεχωβά τθερέλας πο γιακχά οπρά-τουμέντε ατζέ-ντα πριν τι μπιάντιβεν. Επίσης, ασουνέλα τουμαρέ προσευχές. Τζανέλα σο τθερένα αντρέ τουμαρέ γκοντιάτε ντα τουμαρέ γκίστε. Ντα οντουλά σο κερένα, ανένα χαρά ή ντουκχ λέσκε γκίστε. (1 Χρον. 28:9· Παρ. 27:​11) Ταρτιντάς-τουμέν πασέ πέστε.​—w20.02, σελ. 12.

Καλά ισί μερικά παραδείγματα σο βοηθίνενα-αμέν τι τζανάς κάνα τι κεράς λάφι ντα κάνα μα τι κεράς;

Αβέλα αμαρό γκι κάνα κεράσα λάφι ι Ιεχωβάσκε. Κεράσα λάφι κάνα ντικχάσα εκχέ τζενές τι πφιρέλ λάθος ντρομέστε. Ο πρεσβύτεροι κερένα λάφι για τι ντεν συμβουλές κάνα χρειαζίντιβελα. Να κεράσα λάφι κάνα μανγκάσα τι σικλιάς (ή τι βακεράς) σαρ αβέλα-πες ο έργος τθεμέντε σο να μουκχένα ι πφραλέν τι κερέν έργος. Να κεράσα λάφι πραγματένγκε σο δεν πρέπει τι μουτθάντιβεν.​—w20.03, σελ. 20, 21.

Σόσκε βακεράσα ότι ο γκραστά, δηλαδή ο ακρίδες, σο ισί κο Ιωήλ κεφάλαιος 2 νανέ ο ίδια γκραστά οντουλέντζαρ σο ισί κι Αποκάλυψη κεφάλαιος 9;

Ο εδάφια Ιωήλ 2:​20-29 βακερένα ότι ο Ντεβέλ νασκιαρέλα ντουρ ι γκραστέν ντα ντέλα πο λάφι ότι κα ντελ παλάλ κο τζενέ οντουλά σο καταστραφιντέ. Σοράν ανταλέσταρ, ο Ντεβέλ μπουτσσαβέλα πο πνεύμας. Ανταλά λάφια ι προφητειάκε νικίστιλε μπαγιά εμ κάνα ο Βαβυλώνιοι τσσουντέ-πες κο Ισραήλ αλλά εμ πιο σοράν. Ο γκραστά σο ισί κο εδάφια Αποκάλυψη 9:​1-11 ισί ο χρισμέ αμαρέ ντιβεσέντε σο βακερένα σο κα κερέλ ο Ντεβέλ ανταλέ πφιρνέ ντουνιάς, ντα ανταβά να μπεϊντίνενα-λες ιτς οντουλά σο τσσίντενα ανταλέ ντουνιάσταρ.​—w20.04, σελ. 3-6.

Κον ισί ο βασιλιάς κατά βορράς αντιβές;

Η Ρωσία ντα ο τθεμά σο ισί λάσαρ. Τσσουντέ-λεν ι Ντεβλέσκε λαόσαρ κάνα τσσιναντέ ο έργος ντα κάνα μισιντέ ι Μαρτυρέν. Ο βασιλιάς κατά βορράς τζάλα κόντρα ι βασιλιάσαρ κατά νότος.​—w20.05, σελ. 13.

Σάντε ο εννιά ιδιότητες σο βακέρντιβενα κο εδάφια Γαλάτες 5:​22, 23 ισί αντρέ κο “καρπός κι πνευμάσκο”;

Νάα. Ο άγιος πνεύμας βοηθίνελα-αμέν τι τθεράς γιαβερά-ντα σουκάρ ιδιότητες, σαρ ισί η δικαιοσύνη. (Εφεσ. 5:8, 9)​—w20.06, σελ. 17.

Καβά κίνδυνος υπαρχίντιβελα κάνα βάντενα κο Ίντερνετ πράγματα τουμένγκε;

Τουμαρέ φωτογραφίες ντα ο λάφια σο βάντενα κο κοινωνικά δίκτυα μπορεί τι ντεν κο γιαβερά ι εντύπωση ότι ισαρένα-τουμέν ντα ότι να ισινέν ταπεινοί.​—w20.07, σελ. 6, 7.

Σο μπορίνενα τι σικλιόν ο Χριστιανοί κατά ψαράδες σο κερένα λατσσές πουμαρί μπουτί;

Ο ψαράδες κερένα μπουτί κο τθαν ντα κο σαάτι σο ισί πιο σίγουρος ότι κα αρακχέν ματσσέν. Τζανένα τι χρησιμοποιήνεν ο σωστά εργαλεία. Κερένα μπουτί μπίνταρανες παρόλο σο τθερένα δυσκολίες. Αμέν-ντα μπορίνασα τι κεράς κάτι ασακό κάνα κεράσα αμαρό έργος.​—w20.09, σελ. 5.

Σαρ τι βοηθίνας ι τζενέν σο κεράσα-λεν μελέτη τι μανγκέν πιο μπουτ ι Ιεχωβάς;

Μπορίνασα τι βακεράς λένγκε τι διαβάνεν ι Γραφή κάθε ντιβές ντα τι σκεφτίνεν λατσσές οντουλά σο διαβάνενα. Μπορίνασα επίσης τι σικλιαράς-λεν τι προσευχίντιβεν.​—w20.11, σελ. 4.

Κάσκε ισί ο λάφια: «Αντράλ κατά Χριστός σαρέ κα τζουβντιόν πάλι»;​—1 Κορ. 15:22.

Ο απόστολος Παύλος να μανγκέλας τι βακερέλ ότι κα τζουβντιόν πάλι σαρέ ο τζενέ. Κερέλας λάφι ι χρισμέ Χριστιανόνγκε σο “αγιάντιλεας σαρ μαθητές ι Ιησού Χριστόσκε”. (1 Κορ. 1:2· 15:​18)​—w20.12, σελ. 5, 6.

Σο κα κερέν ο χρισμέ κάνα “κα αλλάνεν μπουτ σουγκό καζόμ κα μπασέλ η τελευταία σάλπιγγα”;​—1 Κορ. 15:​51-53.

Βον κα αβέν γιεκ ι Ιησούσαρ κάνα κα κερέλ κουμάντος σαρ τσομπάνης ι τθεμέν σιδερένιε ραβδίσαρ. (Αποκ. 2:​26, 27)​—w20.12, σελ. 12, 13.