Διαβαντέν προσεκτικά ανταβά μπρες ο περιοδικά Σκοπιά; Ντικχέν άμα ντένα-τουμέν γκοντί ο απαντήσεις ακαλέ ερωτησιέντε:

Σο μανγκέλα τι βακερέλ «τι τσσουβέν νεβέ πράγματα τουμαρέ γκοντιάτε»; (Ρωμ. 12:2)

Να ερεσέλα σάντε τι κερέν λατσσέ πράγματα τουμαρέ ζωγιάτε. Πρέπει τι σκεφτίνας σο τζενέ ισινάμ αντρ’ αμέντε ντα τι κεράς αλλαγές για τι ντας καν κο κανόνες κι Ιεχωβάσκε καζόμ πο λατσσές αβέλα-πες.​—w23.01, σελ. 8, 9.

Σαρ μπορίνασα τι αβάς μετρημέ τζενέ κάνα ντικχάσα ο πράγματα σο αβένα-πες κο ντουνιάς;

Μανγκάσα μπουτ τι ντικχάς σαρ ο πράγματα σο αβένα-πες κο ντουνιάς σικαβένα ότι ο προφητείες ι Γραφιάκε νικιόνα μπαγιά. Αντίς τι βακεράς σαρ πακιάσα αμέν ότι κα νικιόν μπαγιά ο προφητείες, κάτι σο κα μπορίνελας τι ανέλ διχόνοια, αμαρέ συζητήσεις πρέπει τι βασίντιβεν κο πράγματα σο νικαντάς η οργάνωση ι Ιεχωβάσκι. (1 Κορ. 1:​10)​—w23.02, σελ. 16.

Σόσκε ισί διαφορετικός ο μπολντιπέ ι Ιησούσκο κατά μπολντιπέ ι τζενένγκο σο τζάνα παλά-λέστε;

Επειδή ο Ιησούς μπιάντιλο εκχέ τθεμέστε σο ισινέ αφιερωμέ κο Ντεβέλ, να χρειαζίντιβελας τι αφιερώνελ-πες κο Ιεχωβά, σαρ αμέν. Ο Ιησούς ισινέ εκ τέλειος τζενό σο να κερντάς καέκ αμαρτία. Να χρειαζίντιβελας τι μετανιώνελ πι αμαρτιένγκε.​—w23.03, σελ. 5.

Σαρ μπορίνασα τι βοηθίνας ι γιαβερέν τι ντεν απαντήσεις κο συναθροίσεις;

Μπορίνασα τι ντας χουρντέ απαντήσεις, για τι μουκχάς γιαβερέν-ντα τι κερέν λάφι. Επίσης, δεν πρέπει τι βακεράς σαρέ ο λάφια σο ισί κι παράγραφος. Αντικάς, κα μουκχάς κο γιαβερά μερικά σημεία για τι ντεν απάντηση.​—w23.04, σελ. 23.

Σο μανγκέλα τι βακερέλ ο «Άγιος Ντρομ» σο βακέρντιβελα κο εδάφιος Ησαΐας 35:8;

Κι αρχή, ανταβά συμβολικός ντρομ ισινέ ο ντρομ σο ακολουθίνενας ο Ιουδαίοι κάνα νασένας κατά Βαβυλώνα ντα τζάνας πουμαρέ τθεμέστε. Σο μανγκέλα τι βακερέλ ανταβά ντρομ αμαρέ ντιβεσένγκε; Για μπουτ μπρεσά πριν κατά 1919, ετοιμάντιβελας ο ντρομ. Για παράδειγμας, αβιλί η μετάφραση ντα η εκτύπωση ι Γραφιάκι. Ο λαός ι Ντεβλέσκο κερέλα ταξίδι κο «Άγιος Ντρομ» ντα τζάλα σε εκ πνευματικός παράδεισος, κάτι σο κα ανέλ λένγκε ο ευλογίες ι Βασιλειάκε.​—w23.05, σελ. 15-19.

Καλέ ντουέ συμβολικέ τζουβλίνγκε κερέλα λάφι ο κεφάλαιος 9 κο Παροιμίες;

Ο βιβλίος Παροιμίες κερέλα λάφι εκχέ “τζουβλιάκε σο να τθερέλα γκοντί”, ντα λάκι πρόσκληση γκερέλα κο «Μεζάρι». Η γιαβέρ συμβολική τζουβέλ ισί η «αληθινή σοφία», ντα λάκι πρόσκληση γκερέλα «κο ντρομ σο πφιρένα ο γκοντιαβέρ τζενέ» ντα κι ζωή. (Παρ. 9:1, 6, 13, 18)​—w23.06, σελ. 22-24.

Σαρ σικαντάς ο Ντεβέλ ότι ισί ταπεινός ντα λογικός κατά τρόπος σο συμπεριφερισάλο κο Λωτ;

Ο Ιεχωβά βακερντάς κο Λωτ τι νασέλ κατά Σόδομα ντα τι τζαλ σουγκό κο βεσά. Κάνα ο Λωτ μολιντάς ι Ιεχωβάς τι τζαλ κι Σηγώρ, ο Ντεβέλ μουκχλάς-λες τι τζαλ κι πόλη οντιά.​—w23.07, σελ. 21.

Σο μπορίνελα τι κερέλ εκ τζουβέλ άμα λάκο ρομ ντικχέλα πορνογραφία;

Πρέπει τι ντελ-πες γκοντί ότι να φταίνελα βόι. Πρέπει τι προσπαθίνελ τι σκεφτίνελ πι φιλία ι Ντεβλέσαρ ντα τι σκεφτίνελ λατσσές ο ιστορίες ι Γραφιάκε σο βακερένα τζουβλίνγκε σο νακχένας στεναχώριες ντα ο Ιεχωβά λοκχιαρντάς λένγκο γκι. Μπορίνελα τι βοηθίνελ πι ρομές τι νασέλ από καταστάσεις σο τσσουβένα-λες κο πειρασμός.​—w23.08, σελ. 14-17.

Κάνα κάποιος μανγκέλα τι χαλ-πες αμέντζαρ οντουλένγκε σο πακιάσα, σόσκε άμα κα αγαβάς σαρ ισί μπαγιά ο πράγματα κα σικαβάς πραότητα;

Ο γιαβέρ τζενό να κερέλα ι ερώτηση για τι τζαλ αμέντζαρ κόντρα. Λέσκι ερώτηση κα βοηθίνελ-αμέν τι αγαβάς σο σκεφτίνελα ή σο μανγκέλα τι σικλιόλ. Αντικάς, κα απαντίνας με πραότητα.​—w23.09, σελ. 17.

Σο σικλιάσα κατά Μαρία ι τροπόσκε σο μπορίνασα τι λας ζορ;

Κάνα η Μαρία σικλιλί ότι κα αβέλας η ντάι του Μεσσία, λιντάς ζορ γιαβερένταρ. Ο Γαβριήλ ντα η Ελισάβετ ντινέ κι Μαρία ζορ κατά Γραφή. Μπορίνασα αμέν-ντα τι λας ζορ αμαρέ πφραλένταρ.​—w23.10, σελ. 15.

Σαρ μπορίνελα τι απαντίνελ ο Ιεχωβά αμαρέ προσευχιέντε;

Βοβ ντέλα πο λάφι τι ασουνέλ αμαρέ προσευχές ντα τι σκεφτίνελ σο σχέση τθερένα λέσκε σκοπόσαρ. (Ιερ. 29:​12) Μπέκιμ τι απαντίνελ διαφορετικέ τροπόσαρ κο προσευχές σο κερντιόνα για το ίδιος πράγμας, αλλά πάντα κα στηρίνελ-αμέν.​—w23.11, σελ. 21, 22.

Αφού ο εδάφιος Ρωμαίους 5:2 κερέλα λάφι για την «ελπίδα», σόσκε βακέρντιβελα πάλι η ελπίδα κο εδάφιος 4;

Κάνα εκ τζενό ασουνέλα ο λατσσέ αμπέρια, μπορεί τι τθερέλ ι ελπίδα τι τζουβντιόλ σε εκ παράδεισος κι πφουβ. Καζόμ όμως νακχέλα στεναχώριες, νταϊντίνελα-λεν ντα νιωθίνελα ι ευλογία ι Ντεβλέσκι, λέσκι ελπίδα μάλλον αβέλα πο ζουρανί ντα επηρεάνελα-λες πο μπουτ.​—w23.12, σελ. 12, 13.