Ντένα-τουμέν Γκοντί;
Διαβαντέν προσεκτικά ανταβά μπρες ο περιοδικά Σκοπιά; Ντικχέν άμα ντένα-τουμέν γκοντί ο απαντήσεις ακαλέ ερωτησιέντε:
Σαρ κα σικλιάς τι συμπεριφερίντιβας κο τζουβλιά σαρ ο Ιεχωβά;
Να ξεχωρίνελα ι τζουβλίν, ντα λέσκε γιακχίντε νανέ πο τελέ κατά μουρσά. Ο Ντεβέλ ασουνέλα προσεκτικά ι τζουβλίν, ενδιαφερίντιβελα για το αισθήματα λένγκε ντα ι πραγματένγκε σο ανησυχίνενα-λεν. Ντα ντέλα λέντε μπέσα για τι κερέν λέσκο έργος.—w24.01, σελ. 15, 16.
Σαρ μπορίνασα τι κεράς ο λάφι σο ισί κο εδάφιος Εφεσίους 5:7, σο βακερέλα: «Μα κερέν ο πράγματα σο κερένα βον»;
Ο απόστολος Παύλος προειδοποιηντάς-αμέν μα τι κεράς παρέα τζενέντζαρ σο κα μπορίνενας τι επηρεάνενας-αμέν ντα αντικάς μα τι κεράς ο κανόνες ι Ιεχωβάσκε. Ασακέ μπέτι παρέες μπορεί τι κεράς-λεν είτε πασάλ είτε κατά κοινωνικά δίκτυα.—w24.03, σελ. 22, 23.
Καλέ ψεύτικε ιστοριένταρ πρέπει τι αρακχαβάς-αμέν;
Πρέπει τι αρακχαβάς-αμέν οντουλέ πραγματένταρ σο μπουτσσαβένα αμένγκε ντα να ισινάμ σίγουροι ότι ισί μπαγιά. Ανταλά μπορεί τι αβέν αμαρέ αμαλένταρ, κατά e-mail τζενένγκε σο να τζανάσα-λεν ντα κατά αποστάτες σο κερένα-πες ότι ενδιαφερίντιβενα ι αληθειάκε.—w24.04, σελ. 12.
Σο τζανάσα ντα σο να τζανάσα ι τροπόσκε σο κα κρίνελ ο Ιεχωβά τον βασιλιά Σολομώντα ντα οντουλέν σο μουλέ κο Σόδομα ντα κο Γόμορρα ντα κο Κατακλυσμός;
Να τζανάσα σίγουρα άμα ο Ιεχωβά κα καταστραφίνελ-λεν για πάντα. Όμως, τζανάσα ότι τζανέλα σαρέ ο πράγματα ντα ότι τζιτζίνελα αμένγκε μπουτ.—w24.05, σελ. 3, 4.
Καλέ πραγματένγκε ισινάμ σίγουροι επειδή τζανάσα ότι ο Ντεβέλ ισί «ο Μπαρ»; (Δευτ. 32:4)
Ο Ιεχωβά ισί τθαν σο αρακχαβέλα. Ο Ιεχωβά ισί μπεσαλής, επειδή ατσσικιαρέλα πο λάφι. Επίσης ισί σταθερός, ντα ο χαρακτήρας ντα ο σκοπός λέσκο να αλλάνενα.—w24.06, σελ. 26-28.
Καλά πράγματα κα βοηθίνεν-τουμέν τι σικλιόν σε εκ νεβί κχανγκιρί;
Τι στηρίντιβεν κο Ιεχωβά, σο κα βοηθίνελ-τουμέν σαρ βοηθιντάς πι γιαβερέ-ντα υπηρετόν κο πουρανέ μπρεσά. Μα συγκρίνεν ι νεβί κχανγκιρί ι πουρανέ κχανγκιριάσαρ. Τι κερέν μπουτ πράγματα τουμαρέ νεβέ κχανγκιριάτε ντα τι προσπαθίνεν τι κερέν νεβέ αμαλέν.—w24.07, σελ. 26-28.
Σο σικλιάσα κατά τριν ιστορίες σο ισί κο Ματθαίος κεφάλαιος 25;
Η ιστορία ι μπρακένγκι ντα ι μπουσνίνγκι σικαβέλα καζόμ σημαντικός ισί τι ατσσάς πιστοί ντα αφοσιωμέ. Η ιστορία για το γκοντιαβέρ ντα ντινιλιά τσσαγιά σικαβέλα ότι πρέπει τι αβάς προετοιμασμέ ντα τζανγκαντέ. Η ιστορία για το τάλαντα σικαβέλα καζόμ σημαντικός ισί τι αβάς μπουτιαρνέ ντα τι μαράς-αμέν.—w24.09, σελ. 20-24.
Καζόμ βουτσσέ ισινέ ο πόρτες σο τθερέλας ο ναός του Σολομώντα;
Κο εδάφιος 2 Χρονικών 3:4, κάποια πουρανέ κομμάτια ι Γραφιάκε βακερένα «120 πήχεις», σο ανταβά μανγκέλα τι βακερέλ ότι ο πόρτες ισινέ 53 μέτρα βουτσσέ. Όμως, γιαβερά πουρανέ κομμάτια ι Γραφιάκε βακερένα «20 πήχεις», σο ανταβά μανγκέλα τι βακερέλ ότι ο πόρτες ισινέ 9 μέτρα. Ισί λογικός τι αβένας 9 μέτρα βουτσσέ σόσκε να ισινέ αζόμ τθουλέ για τι μπορίνεν τι αβέν 53 μέτρα βουτσσέ.—w24.10, σελ. 31.
Σο μανγκέλα τι βακερέλ τι τθερέλ εκ διακονικός υπηρέτης «σάντε εκχέ ρομνιά»; (1 Τιμ. 3:12)
Μανγκέλα τι βακερέλ ότι εκ παντριμέ τζενό τθερέλα σάντε εκχέ ρομνιά ντα δεν πρέπει τι κερέλ λουμνιπέ. Επίσης, δεν πρέπει τι ντικχέλ καέκ τζουβλιά πφιρνικανές.—w24.11, σελ. 19.
Σόσκε μπορίνασα τι βακεράς ότι ο εδάφιος Ιωάννης 6:53 να εξηγίνελα σο πρέπει τι κεράς κο Δείπνος κι Κυριόσκο;
Ο εδάφιος Ιωάννης 6:53 βακερέλα ότι χρειαζίντιβελα εκ τζενό τι χαλ ο σώμας ι Ιησούσκο ντα τι πιλ λέσκο ρατ. Ο Ιησούς κάνα βακερντάς ανταλά λάφια κο 32 Σ.Κ.Χ. (Σοράν Κατά Χριστός) κι Γαλιλαία, κερέλας λάφι κο Ιουδαίοι σο να πακιασάλεας λέστε ατζέκ. Όμως ανταβά αβιλό-πες περίπου εκ μπρες πριν τι κερέλ ο Δείπνος ι Κυριόσκο κι Ιερουσαλήμ. Οτθέ, ο Ιησούς κερντάς λάφι κο τζενέ σο κα αβένας γιεκ λέσαρ κο ουρανός.—w24.12, σελ. 10, 11.