Ο απόστολος Παύλος γραφιντάς κο Τιμόθεος: «Ντάβα-τουτ εντολή ανγκλάλ κο Ντεβέλ, κο Χριστός Ιησούς ντα κο τραμπιμέ άγγελοι τι κερές ανταλά οδηγίες. Μα τι κρίνες χωρίς τι τζανές λατσσές σαρέ ο πράγματα ντα μα τι ξεχωρίνες ι τζενέν».​—1 Τιμ. 5:21.

Για τι αγαβάς καλά άγγελοι ισί ανταλά, κα ντικχάς πρώτα καλά άγγελοι νανέ αντρέ κι ομάδα ανταγιά. Σίγουρα, νανέ ο 144.000. Κάνα ο Παύλος γραφιντάς κο Τιμόθεος, καέκ κατά χρισμέ να αναστισάλοας ατζέ κο ουρανός. Ο απόστολοι ντα ο γιαβερά χρισμέ να αβιλέας ατζέ πνευματικά πλάσματα. Άρα, ο «τραμπιμέ άγγελοι» νανέ ανταλά.​—1 Κορ. 15:50-54· 1 Θεσ. 4:13-17· 1 Ιωάν. 3:2.

Επίσης, ο «τραμπιμέ άγγελοι» να αβέλα-πες τι αβέν ο άγγελοι σο να ντινέ καν κο ντιβεσά σο αβιλό ο Κατακλυσμός. Οντουλά άγγελοι γκιλέ γιεκ ι Μπενγκέσαρ ντα αβιλέ δαίμονες, ντα ο Ιησούς γκιλό κόντρα λέντζαρ. (Γέν. 6:2· Λουκ. 8:30, 31· 2 Πέτρ. 2:4) Κο ντιβεσά σο κα αβέν ανγκλ’ αμέντε, ο Ιησούς κα τσσουβέλ-λεν κι άβυσσος για 1.000 μπρεσά ντα σοράν κα καταστραφίντιβεν γιεκ ι Μπενγκέσαρ.​—Ιούδα 6· Αποκ. 20:1-3, 10.

Ο «τραμπιμέ άγγελοι» πρέπει τι ισινέ ο άγγελοι σο ισί κο ουρανός ντα ισί αφοσιωμέ κο “Ντεβέλ ντα κο Ιησούς Χριστός”.

Υπαρχίντιβενα χιλιάδες πιστοί άγγελοι. (Εβρ. 12:22, 23) Ντικχίντιβελα όμως ότι ο Ιεχωβά να ντέλα σαρέ κο άγγελοι ο ίδιος διορισμός. (Αποκ. 14:17, 18) Για παράδειγμας, ο Ιεχωβά μανγκλάς σάντε εκχέ αγγελόσταρ τι μουνταρέλ 185.000 Ασσύριε στρατιωτέν. (2 Βασ. 19:35) Μπουτ άγγελοι μπορεί τι τθερένα ο διορισμός τι “γκίντεν κατά Βασιλεία [ι Ιησούσκι] σαρέ οντουλέν σο κερένα ι γιαβερέν τι αμαρτίνεν, αλλά εμ οντουλέν σο κερένα γκεραλέ πράγματα”. (Ματθ. 13:39-41) Γιαβερά μπορεί τι “γκίντενα λέσκε τραμπιμέ τζενέν” κο ουρανός. (Ματθ. 24:31) Ντα γιαβερέντε ντιντιλί η εντολή “τι αρακχαβέν-αμέν σαρέ αμαρέ ντρομέντε”.​—Ψαλμ. 91:11· Ματθ. 18:10· ντικχέν Ματθαίος 4:11· Λουκάς 22:43.

Ο «τραμπιμέ άγγελοι» σο βακερέλα ο εδάφιος 1 Τιμόθεο 5:21 μάλλον ισινέ ο άγγελοι σο τθερένας ο διορισμός τι φροντίνεν ι κχανγκιρί ι Ντεβλέσκι. Ο Παύλος ντινάς μπουτ λατσσέ συμβουλές κο πρεσβύτεροι για τι μπορίνεν τι κερέν πουμαρέ ευθύνες. Ντα βακερντάς κο πφραλά κι κχανγκιρί τι σικαβέν σεβασμός κο πρεσβύτεροι. Ο Παύλος βακερντάς κο πρεσβύτεροι ότι δεν πρέπει τι “κρίνεν χωρίς τι τζανέν λατσσές σαρέ ο πράγματα ντα μα τι ξεχωρίνεν ι τζενέν”. Επίσης, δεν πρέπει τι λεν αποφάσεις χωρίς τι σκεφτίνεν-λεν προσεκτικά. Ο Παύλος βακερντάς εκ μπουτ σημαντικός λόγος σο ο πρεσβύτεροι πρέπει τι ακολουθίνεν ανταλά συμβουλές. Βακερντάς ότι ο πρεσβύτεροι υπηρετίνενα πουμαρέ πφραλέν «ανγκλάλ κο Ντεβέλ, κο Χριστός Ιησούς ντα κο τραμπιμέ άγγελοι». Ανταβά μανγκέλα τι βακερέλ ότι ο Ιεχωβά, ο Ιησούς ντα ο «τραμπιμέ άγγελοι» ντικχένα σαρ ο πρεσβύτεροι φροντίνενα ι κχανγκιρί. Άρα ντικχίντιβελα ξεκάθαρα ότι μερικέ αγγελόντε ντιντιλό ο διορισμός τι φροντίνεν ι κχανγκιρί. Δηλαδή τθερένα ι ευθύνη τι αρακχαβέν-λα, τι βοηθίνεν κο έργος ντα τι βακερέν κο Ιεχωβά σο αβέλα-πες.​—Ματθ. 18:10· Αποκ. 14:6.