1, 2. Σαρ ντικχένα μπουτ τζενέ πουμαρί μπουτί;

ΜΠΟΥΤ τζενέ πακιάνα ότι η μπουτί κερέλα εκχέ τζενές τι αβέλ ή μα τι αβέλ σημαντικός. Μερικέ τθεμέντε, όταν κάποιος αρακχέλα εκχέ τζενές σο να τζανέλα-λες, πουτσέλα: «Σο μπουτί κερέσα;»

² Μερικές φορές, για τι σικαβέλ η Αγία Γραφή κον ισί εκ τζενό, βακερέλα ι μπουτί λέσκι. Για παράδειγμας, κερέλα λάφι για τον “Ματθαίο σο γκίντελας ο φόροι”, τον “Σίμωνα σο κερέλας δέρματα” ντα τον “Λουκά σο ισινέ γιατρός”. (Ματθαίος 10:3· Πράξεις 10:6· Κολοσσαείς 4:14) Γιαβερά φορές, η Γραφή σικαβέλα ο διορισμοί σο τθερένας μερικά τζενέ σο υπηρετίνενας ι Ιεχωβάς. Σκεφτίνεν τον Βασιλιά Δαβίδ, τον προφήτη Ηλία ντα τον απόστολο Παύλο. Ανταλά τζενέ εκτιμίνενας ο διορισμοί σο ντινάς-λεν ο Ιεχωβά. Αντικάς πρέπει τι εκτιμίνας αμέν-ντα σο-ντα διορισμός τθεράσα κι υπηρεσία κι Ιεχωβάσκι.

3. Σόσκε ο πιο μπαρέ πρέπει τι σικλιαρέν ι πιο τερνέν; (Ντικχ ι φωτογραφία σο ισί κι αρχή.)

³ Μανγκάσα μπουτ τι υπηρετίνας ι Ιεχωβάς ντα εκτιμίνασα  αμαρέ διορισμούς. Μπουτ τζενέ αμένταρ μπεϊντίνασα αζόμ μπουτ σαρέ οντουλά σο κεράσα σο κα μανγκάας τι συνεχίνας τι κεράς-λεν για πάντα. Δυστυχώς όμως, όταν ο τζενέ μπαριόνα, ναστί κερένα σαρέ ο πράγματα σο κερένας κάνα ισινέ πιο τερνέ. (Εκκλησιαστής 1:4) Ανταβά ανέλα μερικές δυσκολίες κο λαός κι Ιεχωβάσκο. Αμαρέ ντιβεσέντε, αβέλα-πες ατζέ πιο μπουτ ο έργος ι Ντεβλέσκο, ντα η οργάνωση ι Ιεχωβάσκι χρησιμοποιήνελα ι τεχνολογία για τι ασουνέν ο λατσσέ αμπέρια καζόμ πιο μπουτ τζενέ αβέλα-πες. Αλλά μπάζιμα μπορεί τι αβέλ δύσκολος ι πιο μπαρέ πφραλένγκε τι σικλιόν νεβέ τρόπους για τι κερέν κάποια πράγματα. (Λουκάς 5:39) Επίσης, καζόμ μπαριόνα ο τζενέ, ισί λογικός μα τι τθερέν ι δύναμη σο τθερένας ντα μα τι μπορίνεν τι κερέν ο πράγματα σο κερένας. (Παροιμίες 20:29) Οτθάρ, ισί λατσσό όταν ο πιο μπαρέ σικλιαρένα ι πιο τερνέν τι λεν πιο μπουτ ευθύνες κι οργάνωση κι Ιεχωβάσκι.—Διαβάνεν Ψαλμός 71:18.

4. Σόσκε ισί δύσκολος μερικέ τζενένγκε τι ντεν εξουσία κο γιαβερά; (Ντικχ ο πλαίσιος « Σόσκε Μπορεί τι Αβέλ Αμένγκε Δύσκολος τι Ντας Προνόμια κο Γιαβερά».)

⁴ Νανέ πάντα εύκολος οντουλένγκε σο τθερένα εξουσία τι ντεν προνόμια ι πιο τερνέ πφραλέν. Μπορεί μερικά πφραλά τι στεναχωρίντιβενα όταν σκεφτίνενα ότι κα χασαρέν εκ διορισμός σο μανγκένα μπουτ. Μπορεί τι πληγώντιβενα όταν σκεφτίνενα ότι κα μουκχέν ο προνόμιος σο μπεϊντίνενα. Ή μπορεί τι ανησυχίνενα ότι, άμα να κα κερέν βον οντουβά διορισμός, να κα αβέλ-πες σωστά. Μπορεί τι πακιάνα ότι να τθερένα ο χρόνος τι σικλιαρέν ι γιαβερέν. Όμως, ο πιο τερνέ-ντα πρέπει τι κερέν υπομονή όταν να ντένα-λεν πιο μπουτ ευθύνες.

5. Καλά ερωτήσεις κα ντικχάς ανταλέ μαθημάστε;

⁵ Σόσκε ισί σημαντικός ο πιο μπαρέ τι βοηθίνεν ι πιο τερνέν τι λεν πιο μπουτ ευθύνες; Σαρ μπορίνενα τι κερέν-λες ανταβά; (2 Τιμόθεο 2:2) Ντα σόσκε πρέπει ο πιο τερνέ τι τθερέν ο σωστός τρόπος σκέψης ντα τι σικλιόν κατά πφραλά σο ισί πιο μπαρέ ντα πιο έμπειροι όταν συνεργαζίντιβενα λέντζαρ; Κι αρχή κα ντικχάς σαρ ο Βασιλιάς Δαβίδ ετοιμαντάς πι τσσαβές για εκ μπουτ σημαντικός διορισμός.

6. Σο μανγκέλας τι κερέλ ο Βασιλιάς Δαβίδ; Σο βακερντάς λέσκε ο Ιεχωβά;

⁶ Για μπουτ μπρεσά, ο Δαβίδ τζάλας τθαν τθανέστε για τι γκεραβέλ-πες. Σοράν, αφού αβιλό βασιλιάς, τζουβντιόλας εκχέ σουκάρ κχερέστε. Οτθάρ βακερντάς κο προφήτης Νάθαν: «Ντικχ! Με μπεσάβα εκχέ κχερέστε κερντό από κέδρους, αλλά η κιβωτός της διαθήκης του Ιεχωβά ισί τσαντιρίστε». Ο Δαβίδ μανγκέλας μπουτ τι κερέλ εκ σουκάρ ναός για τον Ιεχωβά. Ο Νάθαν βακερντάς λέσκε: «Κερ οντουβά σο ισί αντρέ τι γκίστε, επειδή ο αληθινός Ντεβέλ ισί τούσαρ». Όμως ο Ιεχωβά μανγκέλας κάτι γιαβέρ. Βοβ μπουτσσαντάς τον Νάθαν τι βακερέλ κο Δαβίδ: «Να κα κερές τούι ο κχερ σο κα μπεσάβ». Παρόλο σο ο Ιεχωβά ντινάς πο λάφι τι αβέλ πάντα λέσαρ, ο Δαβίδ σικλιλό ότι λέσκο τσσαβό κα κερέλας ο ναός. Σαρ λιντάς-λες ο Δαβίδ;—1 Χρονικών 17:1-4, 8, 11, 12· 29:1.

7. Σαρ ντικχλάς ο Δαβίδ ο οδηγίες σο ντινάς ο Ιεχωβά;

⁷ Ο Δαβίδ μανγκέλας μπουτ τι κερέλ εκ ναός ι Ιεχωβάσκε, οτθάρ μπορεί τι στεναχωρισάλοας μπουτ. Όμως υποστηριντάς σαρέ κο πράγματα ο διορισμός σο λιντάς λέσκο τσσαβό, ο Σολομών. Ο Δαβίδ  οργανωντάς ι τζενέν σο κα κερένας μπουτί ντα γκιντιντάς σίδερος, χαλκός, ασήμι, χρυσός ντα καστά για τι βοηθίνελ-λες. Να χάλας-λες ανάγκη κας κα ισαρένας ο τζενέ ότι κερντάς ο ναός, σο βακέρντιλο πιο μετά ναός του Σολομώντα. Αλλά βακερντάς κο Σολομών: «Ακανά μο τσσαβό, μακάρι τι αβέλ τούσαρ ο Ιεχωβά, τι τθερές επιτυχία ντα τι κερές ο κχερ ι Ιεχωβάσκο τι Ντεβλέσκο, ακριβώς σαρ βακερντάς ότι κα κερέας».—1 Χρονικών 22:11, 14-16.

8. Σόσκε ο Δαβίδ μπορεί τι σκεφτιντάς ότι ο Σολομών να ισινέ έτοιμος τι κερέλ ο ναός; Αλλά σο κερντάς ο Δαβίδ;

⁸ Διαβάνεν 1 Χρονικών 22:5. Ο Δαβίδ μπορεί τι σκεφτίνελας ότι ο Σολομών να ισινέ έτοιμος τι κερέλ οντουβά σημαντικός διορισμός. Ο ναός έπρεπε τι αβέλ «μπουτ μπαρό ντα σουκάρ», ντα ο Σολομών ισινέ «τερνό ντα να τθερέλας εμπειρία». Όμως ο Δαβίδ τζανέλας ότι ο Ιεχωβά κα βοηθίνελας τον Σολομώντα τι κερέλ ο ναός. Οτθάρ ο Δαβίδ κερντάς σαρέ οντουλά σο μπορίνελας τι κερέλ για τι βοηθίνελ-λες τι αρχίνελ οντουβά μπουτ μπαρό διορισμός.

9. Σαρ μπορίνενα ο πιο μπαρέ τι χαιρίνεν όταν ντένα ευθύνες γιαβερέντε; Βακερέν εκ παράδειγμας.

⁹ Ο πιο μπαρέ πφραλά δεν πρέπει τι στεναχωρίντιβεν όταν πρέπει τι ντεν μερικές ευθύνες κο πιο τερνέ. Σαρέ αγαβάσα ότι ο πιο σημαντικός πράγμας αντιβές ισί ο έργος ι Ιεχωβάσκο. Όταν ο πιο τερνέ σικλιόνα σαρ τι τθερέν επιτυχία κο ευθύνες σο λένα, κα βοηθίνεν τι αβέλ ανταβά έργος. Σκεφτίνεν. Όταν ισινένας χουρντέ, μπορεί τι ντικχένας τουμαρέ νταντές τι οδηγίνελ πο αυτοκίνητος. Όταν μπαριλέν χάνικ, τουμαρό ντατ εξηγιντάς τουμένγκε σο κερέλας. Όταν αβιλό ο σαάτι, λιντέν ο δίπλωμας ντα αρχισάλεν τι οδηγίνεν κορκορέ ο αυτοκίνητος. Αζομάν-ντα όμως, τουμαρό ντατ συνεχίνελας τι  ντελ-τουμέν συμβουλές. Μερικές φορές μπορεί τι οδηγίνενας εκ φαρ τουμέν, εκ φαρ τουμαρό ντατ. Αλλά καζόμ μπαριόλας τουμαρό ντατ αζόμ πιο μπουτ οδηγίνενας τουμέν. Μήπως, όμως, τουμαρό ντατ χολιάνελας; Όχι, χαιρίνελας επειδή γκερένας-λες οτθέ σο μανγκέλας. Αντικάς ο πιο μπαρέ πφραλά-ντα, σο σικλιαρντέ πιο τερνέ πφραλέν, χαιρίνενα όταν ντικχένα-λεν τι τθερέν ευθύνες κι οργάνωση κι Ιεχωβάσκι.

10. Σαρ ντικχέλας ο Μωυσής ι δόξα ντα ι εξουσία;

¹⁰ Πρέπει τι προσοχίνας μα τι ζηλίνας ο διορισμούς ι γιαβερένγκε. Οντουβά σο βακερντάς ο Μωυσής όταν κάποιοι Ισραηλίτες αρχισάλε τι αβέν σαρ προφήτες μπορίνελα τι σικλιαρέλ-αμέν. (Διαβάνεν Αριθμοί 11:24-29) Ο Ιησούς του Ναυή μανγκλάς τι τσσιναβέλ-λεν αλλά ο Μωυσής βακερντάς: «Πειράντιβεσα επειδή πφαμπόσα μάνγκε; Μακάρι σαρέ ο τζενέ κο λαός κι Ιεχωβάσκο τι αβένας προφήτες ντα ο Ιεχωβά τι τσσουβέλας πο πνεύμας οπρά-λέντε!» Ο Μωυσής τζανέλας ότι ο Ιεχωβά οδηγίνελας ανταβά έργος. Αντί τι μανγκέλ δόξα πέσκε, ο Μωυσής μανγκέλας σαρέ ο υπηρέτες ι Ιεχωβάσκε τι τθερέν διορισμούς. Σο κα βακεράς αμένγκε; Ισινάμ χαρούμενοι όταν ο γιαβερά λένα διορισμούς κι υπηρεσία κι Ιεχωβάσκι;

11. Σο βακερντάς εκ πφραλ σο ντινάς πο ευθύνες γιαβερέντε;

¹¹ Τθεράσα μπουτέ πφραλέν ντα πφενίν σο μαρντέ-πες για μπουτ μπρεσά κι υπηρεσία κι Ιεχωβάσκι ντα σικλιαρντέ μπουτέ τερνέ πφραλέν για τι λεν πιο μπουτ ευθύνες. Για παράδειγμας, κα βακεράς εκχέ πφραλέσκε σο βακερένας λέσκε Πίτερ. Ισινέ περίπου 74 μπρεσά κι ολοχρόνια υπηρεσία, 35 ανταλέ μπρεσένταρ σε εκ γραφείος τμήματος κι Ευρώπη. Για μπουτ μπρεσά, ισινέ επίσκοπος κο Τμήμας Υπηρεσίας. Σοράν ανταβά διορισμός ντιντιλό κο Πολ, εκχέ πιο τερνέ πφραλέστε σο σικλιαρντάας-λες ο Πίτερ. Μήπως ο Πίτερ στεναχωρισάλο σο αβιλί-πες ανταγιά αλλαγή; Όχι. Βοβ βακερντάς: «Ισινόμ μπουτ χαρούμενος σο τθεράσα πφραλέν σο λιντέ σικλιαριπέ για τι μπορίνεν τι λεν πιο μπουτ ευθύνες ντα κανονίνενα μπουτ λατσσές σαρ τι αβέλ-πες ο έργος».

12. Σο μπορίνασα τι σικλιάς κατά παράδειγμας του Ροβοάμ;

¹² Όταν ο τσσαβό του Σολομώντα, ο Ροβοάμ, αβιλό βασιλιάς, μανγκλάς συμβουλή κατά πιο μπαρέ τζενέ για τι βοηθίνεν-λες κο νεβό διορισμός σο λιντάς. Αλλά σοράν, να ασουντάς ι συμβουλή λένγκι! Αντίθετα, ασουντάς ι συμβουλή ι τερνένγκι σο  μπαριλόας λέντζαρ. Ο αποτέλεσμας ισινέ μπουτ μπέτι. (2 Χρονικών 10:6-11, 19) Αμέν σο μπορίνασα τι σικλιάς; Ισί μπουτ λατσσό τι μανγκάς συμβουλή οντουλένταρ σο ισί πιο μπαρέ ντα πιο έμπειροι αμένταρ. Ο πιο τερνέ δεν πρέπει τι νιωθίνεν πιεσμέ τι κερέν ο πράγματα ακριβώς σαρ αβένας-πες πριν. Όμως, πρέπει τι σεβάνεν μπαγιά ο απόψεις ι πιο μπαρέ τζενένγκε ντα δεν πρέπει τι σκεφτίνεν αμέσως ότι ο τρόπος σο κερένα ο πράγματα νανέ λατσσό.

13. Σαρ πρέπει τι συνεργαζίντιβεν ο πιο τερνέ ι πιο μπαρέ πφραλέντζαρ;

¹³ Μερικές φορές, ο πιο τερνέ τθερένα ι ευθύνη τι οργανώνεν οντουλά σο τθερένα τι κερέν ο πιο μπαρέ ντα έμπειρα πφραλά. Κα αβέλας λατσσό λένγκε τι σικλιόν οντουλέ πφραλένταρ. Κο παράδειγμας σο βακερντάμας πιο πριν, αφού ο Πολ γκιλό κι θέση του Πίτερ σαρ επίσκοπος σε εκ τμήμας κο Μπέθελ, βακερντάς: «Μανγκάβα συμβουλές κατά Πίτερ ντα βακεράβα γιαβερένγκε-ντα κο τμήμας τι κερέν-λες ανταβά».

14. Σο σικλιάσα κατά τρόπος σο συνεργαζίντιβελας ο απόστολος Παύλος με τον Τιμόθεο;

¹⁴ Ο Τιμόθεος ισινέ μπουτ πιο τερνό κατά Παύλος, όμως συνεργαζίντιβενας μπουτ μπρεσά. (Διαβάνεν Φιλιππησίους 2:20-22) Ο Παύλος βακερντάς ι πφραλένγκε κι Κόρινθος: «Μπουτσσαβάβα τουμένγκε τον Τιμόθεο σο ισί μο αγαπημέ ντα πιστός τσσαβό κο έργος κι Κυριόσκο. Βοβ κα ανέλ τουμαρέ γκοντιάτε σαρ κεράβα ο πράγματα σο τθερένα τι κερέν ι Ιησού Χριστόσαρ, σαρ σικλιαράβα παντού κάθε εκκλησιάτε». (1 Κορινθίους 4:17) Ανταλέσταρ μπορίνασα τι ντικχάς ξεκάθαρα ότι ο Παύλος ντα ο Τιμόθεος συνεργαζίντιβενας ντα υποστηρίνενας ο εκ ι γιαβερές. Ο Παύλος αρακχέλας χρόνος για τι σικλιαρέλ ι Τιμοθεός “σαρ κερέλας ο πράγματα σο τθερένα τι κερέν ι Ιησού Χριστόσαρ”, ντα ο Τιμόθεος σικλιλό-λεν λατσσές. Ο Παύλος μανγκέλας ι Τιμοθεός ντα ισινέ σίγουρος ότι κα φροντίνελας ι πφραλέν ντα ι πφενίν κι Κόρινθος. Ο πρεσβύτεροι μπορίνενα τι μοιάζεν κο απόστολος Παύλος όταν σικλιαρένα γιαβερέ μουρσέν τι λεν διορισμούς αντρέ κι εκκλησία.

15. Σαρ μπορίνενα ο εδάφια Ρωμαίους 12:3-5 τι βοηθίνελ-αμέν τι αντιμετωπίνας ο αλλαγές;

¹⁵ Τζουβντιάσα σημαντικέ ντιβεσέντε. Η οργάνωση ι Ιεχωβάσκι κι πφουβ μπαριόλα με μπουτ τρόπους. Ανταλέσταρ αγαβάσα ότι κα συνεχίνεν τι αβέν-πες αλλαγές. Μερικές οντουλένταρ επηρεάνενα αμαρί ζωή ντα νανέ εύκολος τι αντιμετωπίνας-λεν. Κα βοηθίντιβας άμα ισινάμ ταπεινοί ντα άμα τθεράσα αμαρέ γκοντιάτε, όχι οντουβά σο μανγκάσα αμέν, αλλά οντουβά σο ισί λατσσό για το έργος ι Βασιλειάκο. Όταν κεράσα-λες ανταβά, συνεχίνασα τι αβάς ενωμέ. Ο Παύλος γραφιντάς κο Χριστιανοί κι Ρώμη: «Βακεράβα ι κάθε εκχέσκε σο ισί τουμέντζαρ μα τι σκεφτίνελ πι νεαυτόσκε πιο μπουτ πράγματα από ό,τι πρέπει τι σκεφτίνελ». Σοράν εξηγιντάς ότι, σαρ ο κάθε μέρος αμαρέ σωμάσκο ισί διαφορετικός, αντικάς-ντα ο κάθε εκ αντρέ  κι εκκλησία τθερέλα διαφορετικός ρόλος.—Ρωμαίους 12:3-5.

16. Σο μπορίνελα τι κερέλ ο κάθε Χριστιανός για τι συνεχίνελ τι αβέλ ενωμέ ντα τι τθερέλ ειρήνη η οργάνωση ι Ιεχωβάσκι;

¹⁶ Σαρέ ο τζενέ κο λαός κι Ιεχωβάσκο μανγκένα τι υποστηρίνεν ι Βασιλεία ντα κερένα σο-ντα μανγκένα λένταρ. Ο πιο μπαρέ πφραλά μπορίνενα τι σικλιαρέν ι πιο τερνέν. Ο πιο τερνέ πφραλά μπορίνενα τι λεν πιο μπουτ ευθύνες με μετριοφροσύνη ντα σεβασμός. Ντα ο παντριμέ πφραλά εκτιμίνενα σο υποστηρίνενα-λεν λένγκε ρομνιά ατζέ-ντα όταν αβένα αλλαγές. Ανταλά ρομνιά μπορίνενα τι μοιάζεν κι Πρίσκιλλα, σο συνεργαζίντιβελας πιστά πι ρομέσαρ, τον Ακύλα.—Πράξεις 18:2.

17. Σο σικλιαρντάς ο Ιησούς πι μαθητέν τι κερέν;

¹⁷ Ο Ιησούς ισί ο πιο λατσσό παράδειγμας αμένγκε για τι σικλιαράς ι γιαβερέν αντράλ αμαρέ γκίσταρ. Ο Ιησούς τζανέλας ότι γιαβερά έπρεπε τι συνεχίνεν λέσκο έργος. Βα, τζανέλας ότι λέσκε μαθητές ισινέ ατελείς, αλλά ισινέ σίγουρος ότι κα μπορίνενας τι βακερέν ο λατσσέ αμπέρια πιο μπουτ από ό,τι κερέλας-λες βοβ. (Ιωάννης 14:12) Σικλιαρντάς-λεν λατσσές, ντα αντικάς μπορίνενας τι κερέν λάφι ι Ντεβλέσκε σαρέ κο τθεμά σο κα τζάνας.—Κολοσσαείς 1:23.

18. Σο πράγματα κα μπορίνας τι κεράς κο μέλλον; Σο μπορίνασα τι κεράς ακανά;

¹⁸ Αφού μουλό ο Ιησούς, ο Ιεχωβά τζουβντιαρντάς-λες ντα ντινάς-λες πιο μπουτ διορισμούς, ντα εξουσία σο ισί «πιο οπρέ σαρέ κατά κυβερνήσεις ντα εξουσίες ντα δυνάμεις». (Εφεσίους 1:19-21) Ατζέ-ντα άμα κα μεράς πριν τον Αρμαγεδδώνα, άμα κα ατσσάς πιστοί κι υπηρεσία κι Ιεχωβάσκι κα τζουβντιάς πάλι ντα κα τθεράς μπουτ χρόνος για τι κεράς πράγματα σο κα ανέν αμένγκε μπαρί ικανοποίηση κο νεβό ντουνιάς. Ντα ακανά σαρέ τθεράσα ο μπουτ σημαντικός διορισμός τι βακεράς ο λατσσέ αμπέρια ντα τι κεράς μαθητέν. Οτθάρ, είτε ισινάμ τερνέ είτε μπαρέ, ο κάθε εκ αμένταρ συνεχίνελα “τι τθερέλ μπουτ πράγματα τι κερέλ κο έργος κι Κυριόσκο”.—1 Κορινθίους 15:58.