1, 2. Κο 2018, καγιά συνάθροιση κα ενώνελ-αμέν με εκ μοναδικός τρόπος, ντα σόσκε; (Ντικχ ι φωτογραφία σο ισί κι αρχή)

31 ΜΑΡΤΙΟΥ 2018, εκατομμύρια τζενέ σαρό κο ντουνιάς κα τζαν εκχέ συναθροισιάτε σο αβέλα σάντε εκ φαρ κο μπρες. Αφού κα περέλ ο κχαμ, ο Μάρτυρες του Ιεχωβά ντα μπουτ γιαβερά τζενέ κα γκιντίντιβεν για τι ντεν-πες γκοντί ι θυσία σο κερντάς ο Ιησούς αμένγκε. Τίποτα γιαβέρ σαρί κι πφουβ να ενώνελα ι τζενέν με αζόμ σουκάρ τρόπος καζόμ ενώνελα-λεν κάθε μπρες η Ανάμνηση για το μεριπέ ι Χριστόσκο.

² Ο Ιεχωβά ντα ο Ιησούς πρέπει τι χαιρίνενα μπουτ σο ντικχένα εκατομμύρια τζενέν σαρό κο ντουνιάς τι τζαν ανταλέ σημαντικέ συναθροισιάτε. Η Αγία Γραφή βακερέλα ότι «εκ μπαρό πλήθος, σο να [κα] μπορίνελας καέκ τζενό τι γκινέλ-λες, σαρέ κατά τθεμά, κατά φυλές, κατά λαοί ντα κατά τσσιμπά» κα ντέλας βίκος: «Σωσάλαμ χάρη αμαρέ Ντεβλέσταρ, σο μπεσέλα κο θρόνος, ντα χάρη κο Μπρακό». (Αποκάλυψη 7:9, 10) Ισί μπουτ σουκάρ σο κάθε μπρες κι Ανάμνηση, αζόμ μπουτ τζενέ ντένα τιμή κο Ιεχωβά ντα κο Ιησούς σαρέ ι μπαρέ πραγματένγκε σο κερντέ!

3. Καλέ ερωτησιέντε κα απαντίνελ ανταβά μάθημας;

 ³ Ανταλέ μαθημάστε, κα αρακχέν ο απαντήσεις ακαλέ σταρέ ερωτησιέντε: (1) Σαρ μπορίναβα τι προετοιμάντιβαβ για την Ανάμνηση για τι μπορίναβ τι βοηθίντιβαβ μπαγιά λάταρ; (2) Σαρ βοηθίνελα η Ανάμνηση σαρέ οντουλέν σο ισί κι Ντεβλέσκο λαός τι αβέν ενωμέ; (3) Σο μπορίναβα τι κεράβ για τι μπαριαράβ ι ενότητα κι Ντεβλέσκο λαός; (4) Κα αβέλ κάποια στιγμή η τελευταία Ανάμνηση; Αν βα, κάνα;

4. Σόσκε ισί σημαντικός τι τζας κι Ανάμνηση;

⁴ Σόσκε ισί σημαντικός τι τζας κι Ανάμνηση; Εκ λόγος ισί ότι κο συναθροίσεις ντάσα λατρεία κο Ιεχωβά. Μπορίνασα τι αβάς σίγουροι ότι ο Ιεχωβά ντα ο Ιησούς ντικχένα σαρέ οντουλέν σο κερένα ο πιο λατσσό σο μπορίνενα για τι τζαν κι πιο σημαντική συνάθροιση κι μπρεσέσκι. Μανγκάσα ο Ιεχωβά ντα ο Ιησούς τι ντικχέν ότι κα τζας κι Ανάμνηση εκτός άμα να αβέλα-πες με τίποτα τι τζας. Όταν σικαβάσα οντουλέντζαρ σο κεράσα ότι ο συναθροίσεις ισί σημαντικές αμένγκε, ντάσα κο Ιεχωβά ατζέκ εκ λόγος για τι ατσσικιαρέλ αμαρό ναβ κο “βιβλίος σο ισί ο ναβά ι τζενένγκε σο τθερέλα πι γκοντιάτε”. Ανταβά βιβλίος βακέρντιβελα επίσης «βιβλίος ι ζωγιάκο». Τθερέλα ο ναβά σαρέ οντουλένγκε σο ο Ιεχωβά μανγκέλα τι ντελ-λεν ζωή για πάντα.​—Μαλαχίας 3:​16· Αποκάλυψη 20:15.

5. Χάνικ εβδομάδες πριν κατά Ανάμνηση, σαρ μπορίνενα «τι δοκιμάνεν τουμαρό νεαυτός για τι ντικχέν άμα ισινέν κι πίστη»;

⁵ Χάνικ εβδομάδες πριν κατά Ανάμνηση, μπορίνασα τι αφιερώνας ατζέ πιο μπουτ χρόνος για τι προσευχίντιβας ντα τι σκεφτίνας προσεκτικά καζόμ ζουρανί ισί αμαρί φιλία ι Ιεχωβάσαρ. (Διαβάνεν 2 Κορινθίους 13:5) Ο απόστολος Παύλος βακερντάς κο Χριστιανοί: «Τι δοκιμάνεν τουμαρό νεαυτός για τι ντικχέν άμα ισινέν κι πίστη». Σαρ μπορίνασα τι κεράς-λες ανταβά; Μπορίνασα τι πουτσάς αμαρό νεαυτός: “Πακιάβα μπαγιά ότι ανταγιά ισί η μόνη οργάνωση σο τραμπιντάς ο Ιεχωβά για τι κερέλ πο θέλημας; Κεράβα ο πιο λατσσό σο μπορίναβα για τι βακεράβ ντα τι σικλιαράβ ο λατσσέ αμπέρια; Σικαβάβα οντουλέντζαρ σο κεράβα ότι πακιάβα μπαγιά ότι τζουβντιάσα κο τελευταία ντιβεσά ντα ότι η κυβέρνηση ι Μπενγκέσκι να κα υπαρχίντιβελ ατζεχάνικ; Ισί μι εμπιστοσύνη κο Ιεχωβά ντα κο Ιησούς αζόμ μπαρί καζόμ ισινέ όταν αρχισάλομ τι υπηρετίναβ ι Ιεχωβάς;” (Ματθαίος 24:​14· 2 Τιμόθεο 3:1· Εβραίους 3:​14) Όταν σκεφτίνασα ο απαντήσεις ανταλέ ερωτησιέντε κα βοηθίντιβας “τι σικαβάς αμαρέ νεαυτόσκε” σο ισινάμ.

6. (α) Καβά ισί ο μόνος τρόπος για τι τζουβντιάς για πάντα; (β) Σαρ προετοιμάντιβελα εκ πρεσβύτερος για την Ανάμνηση κάθε μπρες, ντα σαρ μπορίνενα τι κερέν τουμέν-ντα κάτι ασακό;

⁶ Εκ τρόπος για τι προετοιμάντιβεν για την Ανάμνηση ισί τι διαβάνεν ντα τι σκεφτίνεν άρθρα σο εξηγίνενα σόσκε ισί αζόμ σημαντική ανταγιά συνάθροιση. (Διαβάνεν Ιωάννης 3:​16· 17:3) Ο μόνος τρόπος για τι τζουβντιάς για πάντα ισί τι  σικλιάς ι Ιεχωβάσκε ντα τι τθεράς πίστη λέσκε Τσσαβέστε, κο Ιησούς. Για τι προετοιμάντιβας για την Ανάμνηση, μπορίνασα τι τραμπίνας θέματα κι προσωπική μελέτη σο κα βοηθίνεν-αμέν τι νιωθίνας πιο πασέ λέντε. Ανταβά κερέλα εκ πφραλ σο ισί μπουτ καιρός πρεσβύτερος. Για μπουτ μπρεσά, γκιντιντάς Σκοπιές σο βακερένα για την Ανάμνηση ντα για την αγάπη σο σικαντάς αμένγκε ο Ιεχωβά ντα ο Ιησούς. Χάνικ εβδομάδες πριν κατά Ανάμνηση, διαβάνελα πάλι οντουλά Σκοπιές ντα σκεφτίνελα προσεκτικά σόσκε ισί αζόμ σημαντική ανταγιά συνάθροιση. Μερικές φορές, αρακχέλα νεβέ-ντα Σκοπιές σο ατσσικιαρέλα-λεν. Επίσης, διαβάνελα ντα σκεφτίνελα λατσσές ο εδάφια για την Ανάμνηση. Ανταβά πρεσβύτερος βακερέλα ότι επειδή κερέλα-λεν σαρέ ανταλά, σικλιόλα νεβέ πράγματα κάθε μπρες. Ντα ο πιο σημαντικός ισί ότι η μελέτη κερέλα-λες τι μανγκέλ ι Ιεχωβάς ντα ι Ιησούς ατζέ πιο μπουτ. Όταν κερένα τουμαρί μελέτη αντικάς, τουμέν-ντα κα μανγκέν πιο μπουτ ι Ιεχωβάς ντα ι Ιησούς. Κα εκτιμίνεν πιο μπουτ οντουλά σο κερντέ, ντα κα βοηθίντιβεν ατζέ πιο μπουτ κατά Ανάμνηση.

7. (α) Σο μανγκλάς ο Ιησούς πι προσευχιάτε ι ιράτ σο αβιλό ο πρώτος Δείπνος ι Κυριόσκο; (β) Σο σικαβέλα ότι ο Ιεχωβά απαντιντάς κι προσευχή κι Ιησούσκι;

⁷ Ι ιράτ σο αβιλό ο πρώτος Δείπνος ι Κυριόσκο, ο Ιησούς προσευχισάλο τι αβέν σαρέ λέσκε μαθητές ενωμέ ντα τι τθερέν ι ίδια ενότητα σο τθερέλα βοβ πι Νταντέσαρ. (Διαβάνεν Ιωάννης 17:​20, 21) Ο Ιεχωβά σίγουρα απαντιντάς οντουλέ προσευχιάτε σο κερντάς λέσκο αγαπημέ Τσσαβό. Η Ανάμνηση σικαβέλα πιο μπουτ σαρέ κατά γιαβερά συναθροίσεις ότι ο Μάρτυρες του Ιεχωβά ισί ενωμέ. Οντουβά ντιβές, εκατομμύρια τζενέ μπουτέ διαφορετικέ τθεμένταρ ντα με διαφορετικός χρώμας γκιντίντιβενα σαρό κο ντουνιάς ντα σικαβένα ότι πακιάνα ότι ο Ιεχωβά μπουτσσαντάς πι Τσσαβές. Μερικέ τθεμέντε, ισί μπουτ παράξενος τι γκιντίντιβεν τζενέ από διαφορετικές φυλές για τι ασουνέν ι θρησκειάκε, ντα άμα αβέλα-πες ανταβά, ο γιαβερά τζενέ αμντίνενα ότι νανέ σωστός. Αλλά να νιωθίνελα αντικάς ο Ιεχωβά ντα ο Ιησούς. Βον μπεϊντίνενα μπουτ ι ενότητα σο τθεράσα κι Ανάμνηση.

8. Σο βακερντάς ο Ιεχωβά αντράλ κατά Ιεζεκιήλ;

⁸ Σαρ λαός ι Ιεχωβάσκο, να κερέλα αμένγκε εντύπωση σο ισινάμ ενωμέ. Αντράλ κατά Ιεζεκιήλ, ο Ιεχωβά βακερντάς ότι ανταγιά ενότητα κα υπαρχίντιβελας. Βακερντάς λέσκε τι λελ ντούι ραβδιά, εκ ραβδίς «για τον Ιούδα» ντα εκ «για τον Ιωσήφ», ντα τι ενώνελ-λεν για τι αβέν εκ. (Διαβάνεν Ιεζεκιήλ 37:​15-17) Ο θέμας «Ερωτήσεις από Αναγνώστες» κι Σκοπιά Ιούλιος 2016 εξηγιντάς: «Αντράλ πι προφητίσταρ, κατά Ιεζεκιήλ, ο Ιεχωβά βακερντάς ότι λέσκο λαός κα βουρτίνελας κο Υποσχεμέ Τθεμ ντα κα αβέλας πάλι ενωμέ σαρ εκ λαός. Ανταγιά προφητεία βακερντάς επίσης ότι οντουλά σο ντένα λατρεία ι Ντεβλές κο τελευταία ντιβεσά κα αβένας ενωμέ σαρ εκ λαός».

9. Κάθε μπρες κι Ανάμνηση, σαρ ντικχάσα ι ενότητα σο βακερντάς ο Ιεζεκιήλ πι προφητειάτε;

⁹ Κατά 1919, ο Ιεχωβά σιγά σιγά οργανωντάς ντα ενωντάς πάλι ι χρισμέ Χριστιανόν. Βον ισινέ σαρ ο ραβδίς «για τον Ιούδα». Σοράν, ατζέ πιο μπουτ τζενέ σο τθερένα ι ελπίδα τι τζουβντιόν για πάντα κι πφουβ αρχισάλε τι ενώντιβεν ι χρισμέ τζενέντζαρ. Οντουλά σο τθερένα ι ελπίδα τι τζουβντιόν κι πφουβ ισί σαρ ο ραβδίς «για τον Ιωσήφ». Ο Ιεχωβά ντινάς πο  λάφι τι ενώνελ ανταλά ντούι ραβδιά ντα τι “κερέλ-λεν εκ ραβδίς” πι βαστέστε. (Ιεζεκιήλ 37:​19) Κερντάς ι χρισμέ τζενέν ντα ι “γιαβερέ μπρακέν” τι αβέν «εκ κοπάδι». (Ιωάννης 10:​16· Ζαχαρίας 8:​23) Αντιβές, ο ντούι-ντα ομάδες ισί ενωμέ ντα υπηρετίνενα γιεκ ι Ιεχωβάς. Ντα τθερένα εκχέ Βασιλιάς, ι Ιησού Χριστός, σο βακέρντιβελα κι προφητεία του Ιεζεκιήλ “ο Δαβίδ ο υπηρέτης” ι Ντεβλέσκο. (Ιεζεκιήλ 37:​24, 25) Κάθε μπρες κι Ανάμνηση, όταν γκιντίντιβασα για τι ντας-αμέν γκοντί ο μεριπέ ι Ιησούσκο, ντικχάσα ι ενότητα σο τθερένα ανταλά ντούι ομάδες σαρ βακερντάς ο Ιεζεκιήλ. Αλλά σο μπορίνελα τι κερέλ ο κάθε εκ αμένταρ για τι ατσσικιαρέλ ντα τι μπαριαρέλ ι ενότητα κο λαός κι Ντεβλέσκο;

10. Σαρ μπορίνασα τι μπαριαράς ι ενότητα αντρέ κο λαός κι Ντεβλέσκο;

¹⁰ Καβά ισί ο πρώτος τρόπος για τι μπαριαράς ι ενότητα κι Ντεβλέσκο λαός; Τι προσπαθίνας μπουτ τι αβάς ταπεινοί. Όταν ο Ιησούς ισινέ κι πφουβ, βακερντάς πι μαθητένγκε ότι πρέπει τι αβέν ταπεινοί. (Ματθαίος 23:​12) Ο τζενέ κο ντουνιάς μπουτ φαρ αμντίνενα ότι ισί πιο σημαντικοί κατά γιαβερά. Αν όμως ισινάμ ταπεινοί, κα σεβάνας ι πφραλέν σο τθερένα ι ευθύνη κι εκκλησία ντα κα ακολουθίνας ο οδηγίες σο ντένα. Σάντε αζομάν μπορίνελα τι αβέλ ενωμέ η εκκλησία. Ο πιο σημαντικός ισί ότι, αν ατσσάσα ταπεινοί, κα κεράς ι Ντεβλές χαρούμενος επειδή βοβ «τζάλα κόντρα οντουλέντε  σο ισί υπερήφανοι, αλλά κο ταπεινοί σικαβέλα λατσσιπέ σο να αξίνενα-λες».​—1 Πέτρου 5:5.

11. Σαρ ο σκέψεις σο κεράσα ι μαντρέσκε ντα ι μολιάκε σο χρησιμοποιήνασα κι Ανάμνηση βοηθίνενα-αμέν τι μπαριαράς ι ενότητα;

¹¹ Καβά ισί ο δεύτερος τρόπος για τι μπαριαράς ι ενότητα; Ισί τι σκεφτίνας προσεκτικά ι πραγματική σημασία σο τθερέλα ο μαντρό ντα η μολ. Πρέπει τι κεράς-λες ανταβά πριν κατά Ανάμνηση ντα ειδικά οντιά ιράτ. (1 Κορινθίους 11:​23-25) Ο μαντρό σο ισί μπι-μαγιάκο μανγκέλα τι σικαβέλ ο τέλειος σώμας σο ντινάς σαρ θυσία ο Ιησούς. Η λολί μολ μανγκέλα τι σικαβέλ ο ρατ λέσκο. Αλλά να ερεσέλα σάντε τι αγαβάς ανταλά σημαντικά πράγματα. Πρέπει τι τθεράς αμαρέ γκοντιάτε ότι, αντράλ κατά θυσία ι Ιησούσκι, ο Ιεχωβά ντα ο Ιησούς σικαντέ αμένγκε ι πιο μπαρί αγάπη σο σικάντιλι ποτές. Ο Ιεχωβά ντινάς πι Τσσαβές αμένγκε, ντα ο Ιησούς αντράλ πι γκίσταρ ντινάς πι ζωή αμένγκε. Όταν σκεφτίνασα λένγκι αγάπη, ανταβά κα κερέλ-αμέν τι μανγκάς-λεν. Ντα η αγάπη σο τθεράσα σαρέ ι Ιεχωβάσκε κα μπαριαρέλ αμαρί ενότητα.

12. Κι ιστορία κι βασιλιάσκι σο τθερέλας δουλόν, σαρ σικαντάς ο Ιησούς ξεκάθαρα ότι ο Ιεχωβά μανγκέλα τι συγχωρίνας ι γιαβερέν;

¹² Καβά ισί ο τρίτος τρόπος για τι μπαριαράς ι ενότητα; Τι συγχωρίνας αντράλ αμαρέ γκίσταρ ι γιαβερέν. Όταν κεράσα-λες ανταβά, σικαβάσα ότι εκτιμίνασα ι Ιεχωβάς σο μπορίνελα τι συγχωρίνελ αμαρέ αμαρτίες χάρη κι θυσία κι Ιησούσκι. Για τι σικαβέλ σόσκε ισί σημαντικός τι συγχωρίνας, ο Ιησούς βακερντάς εκ ιστορία εκχέ βασιλιάσκι σο τθερέλας δουλόν. Παρακαλίνασα διαβάνεν ο εδάφια Ματθαίος 18:​23-34 ντα πουτσέν-τουμέν: “Μανγκάβα αντράλ μι γκίσταρ τι κεράβ οντουλά σο σικλιαρντάς ο Ιησούς; Κεράβα υπομονή ντα προσπαθίναβα τι αγαβάβ ι πφραλέν ντα ι πφενίν; Ισινόμ έτοιμος τι συγχωρίναβ οντουλέν σο προσβαλιντέ-μαν;” Ισί μπαγιά ότι μερικές αμαρτίες ισί πιο μπαρέ γιαβερένταρ. Ντα κάποιες αμαρτίες ισί μπουτ δύσκολος τι συγχωρίνας-λεν αμέν ο ατελείς τζενέ. Αλλά η ιστορία ι Ιησούσκι σικλιαρέλα-αμέν σο μανγκέλα αμένταρ ο Ιεχωβά. (Διαβάνεν Ματθαίος 18:​35) Ο Ιησούς βακερντάς ξεκάθαρα ότι ο Ιεχωβά να κα συγχωρίνελ-αμέν αν αμέν να συγχωρίνασα αμαρέ πφραλέν όταν μετανιώνενα μπαγιά. Ανταβά ισί κάτι σο πρέπει τι τσσουβέλ-αμέν σε σκέψεις. Για τι αρακχαβάς ντα τι ατσσικιαράς αμαρί ενότητα, σο ισί μπουτ σημαντική, πρέπει τι συγχωρίνας ι γιαβερέν σαρ σικλιαρντάς-αμέν ο Ιησούς.

13. Σαρ μπαριαράσα ι ενότητα όταν ατσσικιαράσα ι ειρήνη ι γιαβερέντζαρ;

¹³ Όταν συγχωρίνασα ι γιαβερέν, ατσσικιαράσα ι ειρήνη αμαρέ πφραλέντζαρ ντα αμαρέ πφενίντζαρ. Ο απόστολος Παύλος βακερντάς ότι πρέπει τι κεράς μπαρέ προσπάθειες για τι ατσσάς ενωμέ ο εκ ι γιαβερέσαρ ντα τι τθεράς ειρήνη. (Εφεσίους 4:3) Οτθάρ, όταν κα ερεσέν ο ντιβεσά για την Ανάμνηση, ντα ειδικά οντιά ιράτ, σκεφτίνεν προσεκτικά σαρ συμπεριφερίντιβενα κο γιαβερά. Πουτσέν τουμαρό νεαυτός: “Αγαντίντιβελα κο τζενέ σο τζανένα-μαν ότι να ατσσάβα χολιαμέ ι τζενένγκε σο προσβαλιντέ-μαν; Μπορίνενα ο τζενέ τι αγαβέν ότι κεράβα σο νακχέλα μι βαστέσταρ για τι υπαρχίντιβελ ειρήνη ντα ενότητα;” Πρέπει τι σκεφτίνας σοβαρά ανταλά ερωτήσεις.

14. Σαρ μπορίνασα τι σικαβάς ότι “νταϊντίνασα ο εκ ι γιαβερές με αγάπη”;

¹⁴ Καβά ισί ο τέταρτος τρόπος για τι μπαριαράς ι ενότητα; Τι σικαβάς αγάπη σαρ ο Ιεχωβά. (1 Ιωάννη 4:8) Μα τι βακεράς ποτές: «Πρέπει τι μανγκάβ μι πφραλέν, αλλά ανταβά να μανγκέλα τι βακερέλ ότι πρέπει  τι συμπαθίναβ-λεν-ντα». Αν σκεφτίνασα αντικάς, να ακολουθίνασα ι συμβουλή ι Παυλόσκι “τι νταϊντίνας ο εκ ι γιαβερές με αγάπη”. (Εφεσίους 4:2) Προσοχίνεν ότι ο Παύλος να βακερντάς απλά “τι νταϊντίνας ο εκ ι γιαβερές”, αλλά ότι πρέπει τι κεράς-λες «με αγάπη». Ανταβά ισί διαφορετικός. Αμαρέ εκκλησιέντε αρακχάσα σαβέ τι μανγκές τζενέν σο ο Ιεχωβά ταρτιντάς-λεν πασέ πέστε. (Ιωάννης 6:​44) Άρα, ο Ιεχωβά πρέπει τι ντικχέλα μπουτ λόγους για τι μανγκέλ-λεν. Αν ο πφραλά ντα ο πφενιά αξίνενα ι αγάπη ι Ντεβλέσκι, σαρ μπορίνασα τι βακεράς αμέν ότι να αξίνενα αμαρί αγάπη; Πρέπει τι αβάς έτοιμοι τι μανγκάς-λεν αντικάς σαρ μανγκέλα ο Ιεχωβά.​—1 Ιωάννη 4:​20, 21.

15. Σαρ τζανάσα ότι κα αβέλ-πες εκ τελευταία Ανάμνηση;

¹⁵ Εκ ντιβές, κα κεράς ι τελευταία Ανάμνηση. Σαρ τζανάσα-λες ανταβά; Ο Παύλος βακερντάς κο χρισμέ Χριστιανοί ότι όταν κερένα ι Ανάμνηση για τι ντεν-πες γκοντί ο μεριπέ ι Ιησούσκο κάθε μπρες, «συνεχίνενα τι ντεν μαρτυρία ι Κυριόσκε μεριμάσκε, μέχρι τι αβέλ βοβ». (1 Κορινθίους 11:​26) Κι προφητεία για το τέλος, ο Ιησούς βακερντάς επίσης ότι κα “αβέλας”. Όταν κερντάς λάφι για την μπαρί στεναχώρια σο κα αβέλ ατζεχάνικ, βακερντάς: «Κα σικάντιβελ κο ουρανός ο σημείος ι τζενέσκε Τσσαβέσκο, ντα σαρέ ο φυλές ι πφουβιάκε κα τσαλαβέν πουμαρό γκέσι κατά στεναχώρια ντα κα ντικχέν ι τζενέσκε Τσσαβές τι αβέλ ζοριάσαρ ντα με μπαρί δόξα οπράλ κο σύννεφα κι ουρανόσκε. Ντα [ο Ιησούς] κα πφούντελ ζουρανές ι σάλπιγγα για τι μπουτσσαβέλ πι αγγελόν, ντα βον κα γκίντεν οντουλέν σο τραμπίντιλε, κατά σταρ μπαρμπαλιά, κατά εκ άκρη ι ουρανόσκι μέχρι κι γιαβέρ άκρη». (Ματθαίος 24:​29-31) Ο Ιησούς κα “γκίντελ οντουλέν σο τραμπίντιλε” όταν κα λελ κο ουρανός σαρέ ι χρισμέ Χριστιανόν σο κα ατσσόν κι πφουβ. Ανταβά κα αβέλ-πες αφού κα αρχίνελ η μπαρί στεναχώρια αλλά πριν κατά τζένγκι σο βακέρντιβελα Αρμαγεδδώνας. Οντουλέ τζενγκίστε, ο Ιησούς ντα σαρέ ο 144.000, κα πολεμίνεν ι βασιλιαδέν ι πφουβιάκε ντα κα νικίνεν-λεν. (Αποκάλυψη 17:​12-14) Οντιά Ανάμνηση σο κα παρακολουθίνας πριν «τι αβέλ» ο Ιησούς για τι γκίντελ ι χρισμέ τζενέν, κα αβέλ η τελευταία.

16. Σόσκε ισινέν αποφασισμέ τι τζαν ανταβά μπρες κι Ανάμνηση;

¹⁶ Τι αβέν αποφασισμέ τι τζαν κι Ανάμνηση σο κα αβέλ 31 Μαρτίου 2018. Επίσης, τι μανγκέν κατά Ιεχωβά τι βοηθίνελ-τουμέν τι κερέν τουμαρό μέρος για τι ατσσάς ενωμέ σαρ λαός ι Ντεβλέσκο. (Διαβάνεν Ψαλμός 133:1) Εκ ντιβές, κα τζας κι Ανάμνηση τελευταία φαρ. Μέχρι τι αβέλ οντουβά ντιβές, τι σικαβάς ότι η σουκάρ ενότητα σο τθεράσα κάθε μπρες κι Ανάμνηση ισί μπουτ σημαντική αμένγκε.