1. Σαρ κα βακερένας ότι ισινέ η φαμιλί ι Ιακωβόσκι;

 Ο ΙΑΚΩΒΟΣ, ο πφραλ ι Ιησούσκο, μπαριλό εκχέ φαμιλιάτε σο ισινέ μπουτ πασέ κο Ιεχωβά. * Λέσκο ντατ ντα λέσκι ντάι, ο Ιωσήφ ντα η Μαρία, μανγκένας ι Ιεχωβάς μπουτ ντα κερένας ο πο λατσσό για τι υπηρετίνεν-Λες. Ο Ιάκωβος τθερέλας ατζέκ εκ ευλογία​—λέσκο μπαρό πφραλ κα αβέλας ο Μεσσίας. Ανταβά ισινέ μπαρό προνόμιος ι Ιακωβόσκε σο ισινέ αντρέ ανταλέ φαμιλιάτε!

2. Καλά λόγους τθερέλας ο Ιάκωβος τι θαυμάνελ πι πο μπαρέ πφραλές;

² Ο Ιάκωβος τθερέλας μπουτ λόγους τι θαυμάνελ πι πο μπαρέ πφραλές. (Ματθ. 13:​55) Για παράδειγμας, κάνα ο Ιησούς ισινέ 12 μπρεσένγκο, τζανέλας αζόμ λατσσές ο Γραφές σο κερντάς ι δασκαλόν κι Ιερουσαλήμ τι σαστίνεν. (Λουκ. 2:​46, 47) Ο Ιάκωβος μπέκιμ τι κερέλας μπουτί γιεκ ι Ιησούσαρ κο ξυλουργείος. Άμα αβέλας-πες ανταβά, τζανέλας πι πφραλές μπουτ λατσσές. Ο πφραλ Νάθαν Νορ βακερέλας μπουτ φαρ: «Σικλιόσα μπουτ εκχέ τζενέσκε άμα κερέσα μπουτί λέσαρ». * Επίσης, ο Ιάκωβος σίγουρα ντικχέλας ότι «ο Ιησούς, καζόμ τζάλας, αβέλας πο γκοντιαβέρ, μπαριόλας ντα κερδίνελας ατζέ πο μπουτ ι αγάπη ι Ντεβλέσκι ντα ι τζενένγκι». (Λουκ. 2:​52) Οτθάρ, μπέκιμ τι πακιάσα ότι ο Ιάκωβος ισινέ κατά πρώτα τζενέ σο αβιλέ μαθητές λέσκε. Αλλά να αβιλό-πες ανταβά.

3. Σο κερντάς ο Ιάκωβος κάνα ο Ιησούς αρχισάλο τι κερέλ πο έργος;

³ Καζόμ ο Ιησούς ισινέ κι πφουβ, ο Ιάκωβος να αβιλό μαθητής  λέσκο. (Ιωάν. 7:​3-5) Ο Ιάκωβος μπέκιμ τι αβέλας εκ λέσκε τζενένταρ σο πακιάνας ότι ο Ιησούς “ντιλίντιλοας”. (Μάρκ. 3:​21) Ντα καέκ σέι να σικαβέλα ότι ο Ιάκωβος ισινέ γιεκ πι νταγιάσαρ, ι Μαριάσαρ, κάνα ο Ιησούς μερέλας κο κας κι ντουκχένγκο.​—Ιωάν. 19:​25-27.

4. Σο κα σικλιάς;

⁴ Σοράν, ο Ιάκωβος πακιαντάς κο Ιησούς ντα αβιλό εκ τζενό σο ο γιαβερά κι Χριστιανική κχανγκιρί σεβάνενας. Ανταλέ μαθημάστε, κα ντικχάς ντούι πράγματα σο σικλιάσα κατά Ιάκωβος: (1) Σόσκε πρέπει τι ατσσάς ταπεινοί ντα (2) σαρ μπορίνασα τι σικλιαράς λατσσές.

5. Σο κερντάς ο Ιάκωβος κάνα σικαντάς-πες λέστε ο αναστημέ Ιησούς;

⁵ Κάνα αβιλό ο Ιάκωβος αφοσιωμέ μαθητής ι Ιησούσκο; Σοράν κατά ανάσταση λέσκι, ο Ιησούς «σικαντάς-πες κο Ιάκωβος ντα πο σοράν σαρέ κο απόστολοι». (1 Κορ. 15:7) Κάνα σικαντάς-πες λέσκε ο Ιησούς, ο Ιάκωβος αβιλό εκ λέσκε μαθητένταρ. Ο Ιάκωβος ισινέ οτθέ κάνα ο απόστολοι μπεκλεντίνενας τι λεν ο άγιος πνεύμας κο οπραϊνό δωμάτιος εκχέ κχερέσκο κι Ιερουσαλήμ. (Πράξ. 1:​13, 14) Σοράν, τθερέλας ι χαρά τι υπηρετίνελ κο κυβερνών σώμας. (Πράξ. 15:6, 13-22· Γαλ. 2:9) Ντα εκ φαρ πριν κατά 62 Κ.Χ., γραφιντάς ι Ντεβλέσκε πνευμάσαρ εκ επιστολή ι χρισμέ Χριστιανόνγκε. Ανταγιά επιστολή βοηθίνελα αμέν-ντα αντιβές, είτε μπεκλεντίνασα τι τζουβντιάς κο ουρανός είτε κι πφουβ. (Ιακ. 1:1) Ο ιστορικός Ιώσηπος γραφιντάς ότι ι Ιακωβός μουνταρντέ-λες επειδή ντινάς διαταγή ο Ιουδαίος αρχιερέας Ανανίας ο Νεότερος. Ο Ιάκωβος ατσσιλό πιστός κο Ιεχωβά μέχρι σο τσσιναντάς τι τζουβντιόλ κι πφουβ.

6. Σο κερντάς ο Ιάκωβος ντα σο κερντέ ο αρχηγοί ι θρησκειάκε σο τζουβντιόνας λέσκε ντιβεσέντε;

⁶ Ο Ιάκωβος ισινέ ταπεινός. Σόσκε βακεράσα-λες ανταβά; Σκεφτίνεν σο κερντάς ο Ιάκωβος ντα σο κερντέ ο αρχηγοί ι θρησκειάκε. Κάνα ο Ιάκωβος ντικχλάς πράγματα σο σικαβένας ντιπ λατσσές ότι ο Ιησούς ισινέ ο Τσσαβό ι Ντεβλέσκο, δεχτιντάς-λεν ταπεινά. Αλλά να κερντέ-λες ανταβά ο πρωθιερείς κι Ιερουσαλήμ. Για παράδειγμας, βον ναστί βακερένας ότι ο Ιησούς να τζουβντιαρντάς ι Λαζαρός. Αλλά να δεχτιντέ ότι ο Ιησούς μπουτσσάντιλο κατά Ιεχωβά. Οκιά μπάνταρ, προσπαθιντέ τι μουνταρέν εμ ι Ιησούς εμ ι Λαζαρός. (Ιωάν. 11:​53· 12:​9-11) Σοράν, κάνα ο ίδιος ο Ιησούς αναστισάλο, κανονιντέ τι γκεραβέν-λες ανταβά κατά λαός. (Ματθ. 28:​11-15) Ο μπαρικανιπέ οντουλέ θρησκευτικέ αρχηγόνγκο κερντάς-λεν μα τι δεχτίνεν ι Μεσσιάς.

7. Σόσκε δεν πρέπει τι αβάς μπαρικανέ;

 ⁷ Ο σικλιαριπέ: Μα αβέν μπαρικανέ αλλά μανγκέν τι σικλιόν κατά Ιεχωβά. Σαρ εκ νασφαλιπέ μπορίνελα τι κερέλ εκχέ τζενέσκι καρδιά μα τι ντελ λατσσές, αντικάς ο μπαρικανιπέ-ντα μπορίνελα τι κερέλ-αμέν μα τι ντας καν. Ο Φαρισαίοι αβιλέ αζόμ μπαρικανέ σο να μανγκένας τι πακιάν ο πράγματα σο σικαβέλας λένγκε ντιπ λατσσές ο πνεύμας ι Ντεβλέσκο. (Ιωάν. 12:​37-40) Λένγκο μπαρικανιπέ κερντάς-λεν μα τι τθερέν ζωή για πάντα. (Ματθ. 23:​13, 33) Καζόμ σημαντικός ισί τι μουκχάς ο Λάφι ι Ντεβλέσκο ντα λέσκο πνεύμας τι αλλάνεν αμαρό χαρακτήρας, ο τρόπος σο σκεφτίνασα ντα αμαρέ αποφάσεις! (Ιακ. 3:​17) Επειδή ο Ιάκωβος ισινέ ταπεινός, μουκχέλας πο νεαυτός τι σικλιόλ κατά Ιεχωβά. Ντα σαρ κα ντικχάς, επειδή ισινέ ταπεινός, αβιλό μπουτ λατσσό δάσκαλος.

8. Σο κα βοηθίνελ-αμέν τι αβάς λατσσέ δάσκαλοι;

⁸ Ο Ιάκωβος να τζανέλας μπουτ πράγματα. Ο αρχηγοί ι θρησκειάκε σίγουρα ντικχένας-λες σαρ ντικχένας ι απόστολε Πετρός ντα Ιωαννής​—σαρ «αγράμματοι ντα συνηθισμέ». (Πράξ. 4:​13) Αλλά ο Ιάκωβος σικλιλό τι σικλιαρέλ μπουτ λατσσές, σαρ ντικχάσα κάνα διαβάνασα λέσκι επιστολή. Σαρ ο Ιάκωβος, αντικάς αμέν-ντα μπέκιμ μα τι τζανάσα μπουτ πράγματα. Αλλά με τη βοήθεια ι πνευμάσκι σο κα ντελ-αμέν ο Ιεχωβά ντα κατά σικλιαριπέ σο κα λας κατά οργάνωση λέσκι, μπορίνασα αμέν-ντα τι αβάς λατσσέ δάσκαλοι. Για τι ντικχάς ο παράδειγμας σο μουκχλάς ο Ιάκωβος σαρ δάσκαλος ντα σο σικλιάσα αμέν.

9. Σαρ κα βακερένας ότι ισί ο τρόπος σο σικλιαρέλας ο Ιάκωβος;

⁹ Ο Ιάκωβος να βακερέλας δύσκολα λάφια ντα να σικλιαρέλας τροπόσαρ σο ναστί αγαβένας ο γιαβερά. Οτθάρ, οντουλά σο ασουνένας-λες τζανένας σο έπρεπε τι κερέν ντα σαρ τι κερέν-λες. Λεν για παράδειγμας ο απλός τρόπος σο σικλιαρντάς ότι ο Χριστιανοί πρέπει τι αβέν έτοιμοι τι τσσίντεν αδικίες χωρίς τι ατσσικιαρέν χολί. Γραφιντάς: «Πακιάσα ότι ισί ευτυχισμέ οντουλά σο νταϊντιντέ. Ασουντέν σαρ νταϊντιντάς ο Ιώβ ντα ντικχλέν σο κερντάς λέσκε ο Ιεχωβά, σόσκε ο Ιεχωβά σικαβέλα μπουτ αγάπη ντα συγχωρίνελα». (Ιακ.  5:​11) Ντικχέν ότι οντουλά σο σικλιαρέλας ο Ιάκωβος πι πφραλέν ισινέ κατά Γραφή. Χρησιμοποιηντάς ο Λάφι ι Ντεβλέσκο για τι βοηθίνελ οντουλέν σο ασουνένας-λες τι αγαβέν ότι ο Ιεχωβά πάντα ευλογίνελα οντουλέν σο ισί αφοσιωμέ Λέστε, σαρ ο Ιώβ. Ο Ιάκωβος βακερντάς ο λάφια σο μανγκέλας απλέ λαφίντζαρ ντα λογικέ τροπόσαρ. Αντικάς, ντινάς ι προσοχή, όχι πι νεαυτόστε, αλλά κο Ιεχωβά.

10. Σαρ μπορίνασα τι μοιάζας κο Ιάκωβος κάνα σικλιαράσα;

¹⁰ Ο σικλιαριπέ: Βακερέν ο λατσσέ αμπέρια απλά ντα σικλιαρέν κατά Λάφι ι Ντεβλέσκο. Κάνα σικλιαράσα ι γιαβερέν δεν πρέπει τι προσπαθίνας τι σικαβάς λένγκε καζόμ μπουτ τζανάσα αμέν, αλλά πρέπει τι σικαβάς λένγκε καζόμ τζανέλα ο Ιεχωβά ντα καζόμ πφαμπόλα λένγκε. (Ρωμ. 11:​33) Μπορίνασα τι κεράς-λες ανταβά άμα οντουλά σο βακεράσα ισί πάντα κατά Γραφή. Για παράδειγμας, αντίς τι βακεράς κο τζενέ σο κεράσα-λεν μελέτη σο κα κεράας αμέν, πρέπει τι βοηθίνας-λεν τι σκεφτίνεν βον παραδείγματα ι Γραφιάκε ντα τι αγαβέν σαρ ο Ιεχωβά σκεφτίνελα ντα νιωθίνελα. Σοράν, βον κα κερέν οντουλά σο σικλιλέ επειδή κα μανγκέν τι κερέν ο γκι ι Ιεχωβάσκο, όχι αμαρό.

11. Καλά δυσκολίες τθερένας μερικοί Χριστιανοί κο μπρεσά κι Ιακωβόσκε, ντα καλά συμβουλές ντινάς-λεν βοβ; (Ιακώβου 5:​13-15)

¹¹ Ο Ιάκωβος ντικχέλας ο πράγματα αντικάς σαρ ισινέ. Λέσκε επιστολιάτε ντικχίντιβελα ότι τζανέλας ο προβλήματα σο τθερένας ο πφραλά ντα ο πφενιά ντα ντινάς-λεν ξεκάθαρα ι συμβουλή σαρ τι νακχαβέν ανταλά προβλήματα. Για παράδειγμας, μερικοί Χριστιανοί αργίνενας τι κερέν ο συμβουλές. (Ιακ. 1:​22) Γιαβερά ξεχωρίνενας ι χουλανέ τζενέν. (Ιακ. 2:​1-3) Ντα γιαβερά ναστί κερένας κουμάντος πουμαρί τσσιπ. (Ιακ. 3:​8-10) Οντουλά Χριστιανοί τθερένας μπαρέ προβλήματα, αλλά ο Ιάκωβος να τσσιναντάς τι προσπαθίνελ τι βοηθίνελ-λεν. Βακερντάς λένγκε πο συμβουλές λατσσιμάσαρ αλλά ξεκάθαρα, ντα βακερντάς οντουλένγκε σο τθερένας ανάγκη από βοήθεια τι μανγκέν κατά πρεσβύτεροι τι βοηθίνεν-λεν τι κερέν αλλαγές.​—Διαβάνεν Ιακώβου 5:​13-15.

12. Σαρ μπορίνασα μα τι τθεράς μπέτι άποψη κάνα βοηθίνασα ι τζενέν σο κεράσα-λεν μελέτη;

¹² Ο σικλιαριπέ: Ντικχέν ο πράγματα αντικάς σαρ ισί, αλλά μα τθερέν μπέτι άποψη ι γιαβερένγκε. Μπέκιμ τι αβέλ δύσκολος μπουτέ τζενένγκε σο κεράσα-λεν μελέτη τι κερέν ο συμβουλές ι Γραφιάκε. (Ιακ. 4:​1-4) Μπέκιμ ο τζενέ τι χρειαζίντιβενα χρόνος για τι νασκιαρέν οπρά-πουμένταρ μπέτι πράγματα ντα τι τθερέν λατσσέ ιδιότητες. Σαρ ο Ιάκωβος, πρέπει τι τθεράς ο θάρρος τι βακεράς κο τζενέ σο κεράσα-λεν μελέτη κατέ χρειαζίντιβελα τι κερέν αλλαγές. Επίσης, δεν πρέπει τι τθεράς μπέτι άποψη, αλλά τι αβάς σίγουροι ότι ο Ιεχωβά κα ταρτίνελ ι ταπεινέ τζενέν πασέ πέστε ντα κα ντελ-λεν ι ζορ τι κερέν αλλαγές πουμαρέ ζωγιάτε.​—Ιακ. 4:10.

13. Σο τζανέλας ο Ιάκωβος σαρ σικαβέλα ο εδάφιος Ιακώβου 3:2;

¹³ Ο Ιάκωβος τθερέλας σωστή άποψη πι νεαυτόσκε. Ο Ιάκωβος να πακιάλας ότι ισινέ πο σημαντικός κατά γιαβερά Χριστιανοί επειδή ισινέ πφραλ ι Ιησούσκο ή επειδή τθερέλας σημαντικούς διορισμούς. Βακερέλας ι Χριστιανόνγκε: «Πφραλάλεν σο μανγκάβα-τουμέν». (Ιακ. 1:​16, 19· 2:5) Να προσπαθίνελας τι κερέλ ι γιαβερέν τι πακιάν ότι ισινέ τέλειος. Οκιά μπάνταρ, τσσουβέλας πο νεαυτός-ντα κάνα βακερέλας: «Σαρέ κεράσα λάθη μπουτ φαρ».​—Διαβάνεν Ιακώβου 3:2.

14. Σόσκε πρέπει τι μανγκάς τι βακεράς αμαρέ λάθη;

¹⁴ Ο σικλιαριπέ: Μα μπιστρέν ότι σαρέ ισινάμ αμαρτωλοί. Δεν πρέπει τι αμντίνας ότι ισινάμ πο οπρέ κατά τζενέ σο κεράσα-λεν μελέτη. Σόσκε; Άμα κα κεράς ι τζενές σο κεράσα-λες μελέτη τι πακιάλ ότι αμέν να κεράσα λάθη,  μπέκιμ τι χασαρέλ πι ζορ επειδή μπέκιμ τι αμντίνελ ότι βοβ ποτές ναστί κα ντελ καν κο κανόνες κι Ντεβλέσκε. Αλλά άμα κα βακεράς μπαγιά ότι να ισινέ αμένγκε πάντα εύκολος τι κεράς ο αρχές ι Γραφιάκε ντα άμα κα εξηγίνας λέσκε σαρ βοηθιντάς-αμέν ο Ιεχωβά τι νακχαβάς πράγματα σο δυσκολίνενας-αμέν, κα βοηθίνας ι τζενές σο κεράσα-λες μελέτη τι αγαβέλ ότι βοβ-ντα μπορίνελα τι υπηρετίνελ ι Ιεχωβάς.

15. Σαρ κα βακερένας ότι ισινέ ι Ιακωβόσκε παραδείγματα; (Ιακώβου 3:​2-6, 10-12)

¹⁵ Ο Ιάκωβος βακερέλας παραδείγματα σο ερεσένας κο γκι κι τζενένγκο. Σίγουρα, βοηθίνελας-λες ο άγιος πνεύμας, αλλά μπέκιμ σικλιλό μπουτ πράγματα-ντα για το τρόπος σο έπρεπε τι σικλιαρέλ κάνα διαβάνελας ο παραβολές σο βακερντάας λέσκο μπαρό πφραλ, ο Ιησούς. Ο παραδείγματα σο βακερντάς ο Ιάκωβος κι επιστολή σο γραφιντάς ισί απλά ντα ο σικλιαριπέ ξεκάθαρος.​—Διαβάνεν Ιακώβου 3:​2-6, 10-12.

16. Σόσκε πρέπει τι βακεράς λατσσέ παραδείγματα;

¹⁶ Ο σικλιαριπέ: Βακερέν λατσσέ παραδείγματα. Κάνα βακερένα λατσσέ παραδείγματα, ισί σαρ τι κερένα ο κανά γιακχά. Ο τζενέ να κα ασουνέν σάντε οντουλά σο σικλιαρένα-λεν αλλά κα αβέλ σαρ τι ντικχένα-λεν ντα. Ανταλά παραδείγματα βοηθίνενα ι τζενέν σο ασουνένα-τουμέν μα τι μπιστρέν ο βασικές αλήθειες ι Γραφιάκε. Ο Ιησούς τζανέλας μπουτ λατσσές τι βακερέλ σουκάρ παραδείγματα ντα παραβολές, ντα λέσκο πφραλ ο Ιάκωβος μοιασάλο λέστε. Για τι ντικχάς εκ παράδειγμας σο βακερντάς ο Ιάκωβος ντα σόσκε ισί αζόμ λατσσό.

17. Σόσκε ισί αζόμ λατσσό ο παράδειγμας σο ισί κο εδάφια Ιακώβου 1:​22-25;

¹⁷ Διαβάνεν Ιακώβου 1:​22-25. Ο παράδειγμας ι Ιακωβόσκο ι ανιάσαρ ισί μπουτ λατσσό μπουτέ πραγματένγκε. Ο Ιάκωβος τθερέλας εκ συγκεκριμέ σικλιαριπέ πι γκοντιάτε: ότι για τι βοηθίντιβας κατά Ντεβλέσκο Λάφι, να ερεσέλα σάντε τι διαβάνας-λες. Πρέπει τι κεράς-ντα οντουλά σο διαβάνασα. Ο Ιάκωβος τραμπιντάς εκ παράδειγμας σο ο τζενέ μπορίνενας τι αγαβέν εύκολα. Εκ τζενό ντικχέλα-πες κο ανιάς. Σο μανγκέλας τι σικλιαρέλ ανταλέσαρ; Ισί μπαρό ντινιλιπέ τι ντικχέλ-πες εκ τζενό κο ανιάς, τι ντικχέλ εκ ελάττωμας σο διορθώντιβελα ντα μα τι κερέλ καέκ σέι ανταλέσκε. Αντικάς, ισί ντινιλιπέ-ντα τι διαβάνας  ο Λάφι ι Ντεβλέσκο, τι ντικχάς κάτι σο πρέπει τι αλλάνας αμαρέ νεαυτόστε ή κο συνήθειες σο τθεράσα ντα μα τι κεράς καέκ σέι ανταλέσκε.

18. Καλά τριν πράγματα πρέπει τι κεράς κάνα βακεράσα εκ παράδειγμας;

¹⁸ Κάνα βακερένα τουμέν-ντα εκ παράδειγμας, μπορίνενα τι μοιάζεν κο Ιάκωβος καζόμ κερένα ακαλά τριν πράγματα: (1) Τι αβέν σίγουροι ότι ο παράδειγμας ταιριάνελα ι σικλιαριμάσαρ σο μανγκένα τι νακχαβέν. (2) Βακερέν εκ παράδειγμας σο ο τζενέ μπορίνενα εύκολα τι αγαβέν-λες. (3) Σικαβέν ξεκάθαρα ο σικλιαριπέ ι παραδειγμάσκο. Άμα δυσκολίντιβενα τι σκεφτίνεν παραδείγματα, τζαν κο Ευρετήριο Εκδόσεων Σκοπιάς. Κο λάφι «Παραδείγματα», κα αρακχέν μπουτ ιδέες. Τι ντεν-τουμέν γκοντί όμως ότι ο παραδείγματα ισί σαρ μικρόφωνος, δηλαδή κερένα ο σικλιαριπέ σο μανγκένα τι νακχαβέν τι ξεχωρίνελ. Οτθάρ, βακερέν παραδείγματα σάντε ι σημαντικέ πραγματένγκε σο μανγκένα τι σικλιαρέν. Σίγουρα, ο πο σημαντικός λόγος σο μανγκάσα τι σικλιαράς πο λατσσές ισί, όχι για τι ταρτίνας ι προσοχή αμαρέ νεαυτόστε, αλλά για τι βοηθίνας καζόμ αβέλα-πες πο μπουτ τζενέν τι αβέν κι ευτυχισμέ φαμιλί κι Ιεχωβάσκι.

19. Σαρ σικαβάσα ότι εκτιμίνασα αμαρί πνευματική φαμιλί;

¹⁹ Αμέν να τθεράας ο προνόμιος τι μπαριάς εκχέ τέλειε μπαρέ πφραλέσαρ, αλλά τθεράσα ο προνόμιος τι υπηρετίνας ι Ιεχωβάς γιεκ ι πφραλέντζαρ ντα ι πφενίντζαρ κι κχανγκιρί. Σικαβάσα ότι μανγκάσα-λεν κάνα κεράσα παρέα λέντζαρ, κάνα σικλιάσα λένταρ ντα κάνα νικιάσα λέντζαρ κο έργος. Κάνα προσπαθίνασα τι μοιάζας κο Ιάκωβος κο πράγματα σο τθερένα τι κερέν οντουλέντζαρ σο σκεφτίνασα, οντουλέντζαρ σο κεράσα ντα ι τροπόσαρ σο σικλιαράσα, ανάσα δόξα κο Ιεχωβά ντα βοηθίνασα ι τζενέν σο μανγκένα τι σικλιόν αμαρέ Νταντέσκε τι αβέν αμαλά Λέσαρ.