1. Σόσκε ισί η Ανάμνηση ο πο σημαντικός ντιβές ι μπρεσέσκο; (Λουκάς 22:19, 20)

 ΓΙΑ το λαός ι Ιεχωβάσκο, η Ανάμνηση για το μεριπέ ι Χριστόσκο ισί ο πο σημαντικός ντιβές ι μπρεσέσκο. Ισί η μόνη γιορτή σο βακερντάς ο Ιησούς πι μαθητένγκε τι κερέν. (Διαβάνεν Λουκάς 22:19, 20) Τθεράσα μπουτ λόγους για τι μπεκλεντίνας σαρ σαρ τι αβέλ ο ντιβές της Ανάμνησης. Για τι ντικχάς μερικούς ανταλένταρ.

2. Καλά ισί μερικοί λόγοι σο μπεκλεντίνασα σαρ σαρ τι αβέλ η Ανάμνηση;

² Η Ανάμνηση βοηθίνελα-αμέν τι ντας-αμέν γκοντί καζόμ σημαντικός ισί ο λύτρος. Ανέλα αμαρέ γκοντιάτε τρόπους σο μπορίνασα τι σικαβάς αμαρί εκτίμηση για τη θυσία ι Ιησούσκι. (2 Κορ. 5:14, 15) Ντέλα εμ αμέν εμ αμαρέ πφραλέν ι ευκαιρία «τι ενθαρρύντιβας κατά πίστη ο εκ ι γιαβερέσκι». (Ρωμ. 1:12) Κάθε μπρες, αβένα κι Ανάμνηση μπερεκέτι αδρανείς τζενέ. Ντα μερικοί βουρτίνενα κο Ιεχωβά, επειδή ο πφραλά δεχτίνενα-λεν αντράλ πουμαρέ γκίσταρ. Επίσης, μπουτ τζενέ σο τζάνα κι Ανάμνηση σαστίνενα οντουλένταρ σο ντικχένα ντα ασουνένα, οτθάρ μανγκένα τι κερέν μελέτη. Άκ’ σόσκε η Ανάμνηση ισί αμένγκε αζόμ ξεχωριστή!

3. Σαρ ενώνελα η Ανάμνηση αμαρέ πφραλέν ντα πφενίν σαρό κο ντουνιάς; (Ντικχέν ι φωτογραφία-ντα)

³ Σκεφτίνεν επίσης σαρ ενώνελα η Ανάμνηση αμαρέ πφραλέν ντα αμαρέ πφενίν σαρό κο ντουνιάς. Ο Μάρτυρες ι Ιεχωβάσκε γκιντίντιβενα για την Ανάμνηση καζόμ ο κχαμ περέλα σαρό κο ντουνιάς.  Σαρέ ασουνάσα εκ ομιλία σο βακερέλα καζόμ σημαντικός ισί ο λύτρος. Γκιλιαβάσα ντούι ύμνους, νακχέλα ανγκλ’ αμένταρ ο μαντρό ντα η μολ ντα βακεράσα αντράλ αμαρέ γκίσταρ «αμήν» σταρέ προσευχιέντε. Αντρέ σε 24 σαάτια περίπου, σαρέ ο κχανγκιριά κα κερέν ο ίδιος πράγμας. Μπορίνενα τι ανέν τουμαρέ γκοντιάτε ι χαρά σο πρέπει τι νιωθίνενα ο Ιεχωβά ντα ο Ιησούς καζόμ ντικχένα-αμέν τι δοξάνας-λεν ενωμέ ανταλέ τροπόσαρ;

4. Σο κα ντικχάς ανταλέ μαθημάστε;

⁴ Ανταλέ μαθημάστε, κα ντικχάς ακαλά ερωτήσεις: Σαρ μπορίνασα τι ετοιμάνας αμαρό γκι για την Ανάμνηση; Σαρ μπορίνασα τι βοηθίνας γιαβερέν τι ντικχέν λατσσιπέ λάταρ; Ντα σαρ μπορίνασα τι βοηθίνας ι αδρανή τζενέν; Ο απαντήσεις ανταλέ ερωτησιέντε κα βοηθίνεν-αμέν τι αβάς έτοιμοι ανταλέ σημαντικέ ντιβεσέσκε.

ΣΑΡ ΜΠΟΡΙΝΑΣΑ ΤΙ ΕΤΟΙΜΑΝΑΣ ΑΜΑΡΟ ΓΚΙ ΓΙΑ ΤΗΝ ΑΝΑΜΝΗΣΗ;

5. (α) Σόσκε πρέπει τι σκεφτίνας λατσσές ι αξία σο τθερέλα ο λύτρος; (Ψαλμός 49:7, 8) (β) Σο σικλιλέν κατά βίντεος Σόσκε Μουλό ο Ιησούς;

⁵ Εκ κατά πο σημαντικοί τρόποι σο μπορίνασα τι ετοιμάνας αμαρό γκι για την Ανάμνηση ισί τι σκεφτίνας ι αξία σο τθερέλα η θυσία ι Ιησού Χριστόσκι. Κορκορέ αμέν ποτές ναστί κα μπορίναας τι νασκιαράς οπρ’ αμένταρ ι αμαρτία ντα ο μεριπέ. (Διαβάνεν Ψαλμός 49:7, 8· ντικχέν εμ ο βίντεος Σόσκε Μουλό ο Ιησούς;) a Αντικάς, ο Ιεχωβά κανονιντάς τι ντελ ο Ιησούς πι ζωή για τι σώνελ-αμέν. Ανταβά αντάς μπαρί ντουκχ εμ κο Ιεχωβά εμ κο Ιησούς. (Ρωμ. 6:23) Καζόμ πο λατσσές σκεφτίνασα ι θυσία σο κερντάς ο Ιεχωβά ντα ο Ιησούς αμένγκε, αζόμ πο μπουτ κα εκτιμίνας ο λύτρος. Κα ντικχάς χάνικ κατά δύσκολα πράγματα σο κερντάς ο Ιεχωβά ντα ο Ιησούς αμένγκε. Αλλά για τι ντικχάς πρώτα σο μανγκέλας τι βακερέλ ο λύτρος.

6. Σο μανγκέλας τι βακερέλ ο λύτρος;

⁶ Η θυσία ι Ιησούσκι ισί οντουβά σο ποκιντάς ο Ιεχωβά για τι λελ παλάλ οντουβά σο χασαρντάς ο Αδάμ. Ο πρώτος τζενό, ο Αδάμ, ισινέ τέλειος κάνα δημιουργισάλο. Κάνα αμαρτιντάς, χασαρντάς εμ βοβ εμ λέσκε τσσαβέ ι ευκαιρία τι τζουβντιόν για πάντα. Για τι λιντιόλ παλάλ οντουβά σο χασαρντάς ο Αδάμ, ο Ιησούς ντινάς πιρί ζωή σαρ θυσία. Σαρέ ο μπρεσά σο ισινέ κι πφουβ, ο Ιησούς «να κερντάς καέκ αμαρτία ούτε υπαρχίντιβελας χουχαϊπέ λέσκε μόστε». (1 Πέτρ. 2:22) Κάνα ο Ιησούς μουλό, ισινέ τέλειος, ακριβώς σαρ ισινέ ο Αδάμ πριν τι αμαρτίνελ. Οτθάρ, κάνα ο Ιησούς ντινάς πι ζωή σαρ θυσία, ποκιντάς για τη ζωή σο χασαρντάς ο Αδάμ.​—1 Κορ. 15:45· 1 Τιμ. 2:6.

7. Καλά ισινέ μερικές δοκιμασίες σο νακχέλας ο Ιησούς κι πφουβ;

⁷ Παρόλο σο νακχέλας δοκιμασίες κάνα ισινέ κι πφουβ, ο Ιησούς ντέλας καν πι Νταντέστε σο ισί κο ουρανός σαρέ κο πράγματα. Σαρ μαξίμι, χρειαζίντιβελας τι ντελ καν πι νταντέστε ντα πι νταγιάτε σο ισινέ ατελείς, παρόλο σο βοβ μπιάντιλοας τέλειος. (Λουκ. 2:51) Σαρ τερνό, ο Ιησούς χρειαζίντιβελας τι ατσσόλ σταθερός κάνα ο γιαβερά μπέκιμ πιένενας-λες μα τι ντελ καν πι νταντές ντα πι νταγιά ή μα τι ατσσόλ πιστός κο Ιεχωβά. Ντα κάνα μπαριλό, χρειαζίντιλο τι τζαλ κόντρα κο Μπενγκ, σο προσπαθιντάς τι κερέλ ι Ιησούς τι αμαρτίνελ. Ντα βακερντάς ξεκάθαρα κο Ιησούς τι τσσιναβέλ τι αβέλ αφοσιωμέ κο Ντεβέλ. (Ματθ. 4:1-11) Ο Μπενγκ ισινέ αποφασισμέ τι κερέλ ι Ιησούς τι αμαρτίνελ για μα τι μπορίνελ τι ντελ πι ζωή σαρ λύτρος.

8. Καλά γιαβερά δοκιμασίες νακχέλας ο Ιησούς;

⁸ Καζόμ κερέλας πο έργος κι πφουβ, ο Ιησούς νακχέλας γιαβερά-ντα δοκιμασίες. Λέσκε ντουσμάνια γκιλέ λέσαρ κόντρα ντα προσπαθιντέ τι μουνταρέν-λες. (Λουκ. 4:28, 29· 13:31) Τθερέλας τι νταϊντίνελ ο ατέλειες πι μαθητένγκε-ντα. (Μάρκ. 9:33, 34) Επίσης, ο τζενέ δικαντέ-λες, βασανιντέ-λες ντα πρασαντέ-λες. Σοράν,  μουνταρντέ-λες εκχέ τροπόσαρ σο αντάς λέσκε μπαρί ντουκχ ντα λατζ. (Εβρ. 12:1-3) Έπρεπε τι νταϊντίνελ πο τελευταίες στιγμές κορκορό, χωρίς τι αρακχαβέλ-λες ο Ιεχωβά. b​—Ματθ. 27:46.

9. Σαρ νιωθίνασα για τη θυσία ι Ιησούσκι; (1 Πέτρου 1:8)

⁹ Σίγουρα, ο Ιησούς νακχλάς μπουτ δυσκολίες για τι ντελ πι ζωή σαρ λύτρος. Να νιωθίνασα μπαρί αγάπη ι Ιησούσκε κάνα σκεφτίνασα λατσσές σαρέ ο θυσίες σο κερντάς αμένγκε;​—Διαβάνεν 1 Πέτρου 1:8.

10. Σο θυσίες κερντάς ο Ιεχωβά για τι ντελ ο Ιησούς πι ζωή σαρ λύτρος;

¹⁰ Σο θυσίες κερντάς ο Ιεχωβά αντράλ πι γκίσταρ για τι μπορίνελ ο Ιησούς τι ντελ πι ζωή σαρ λύτρος; Ο Ιεχωβά ντα ο Ιησούς τθερένα ι πο ζουρανί σχέση σο μπορίνελα τι τθερέλ εκ ντατ πι τσσαβέσαρ. (Παρ. 8:30) Οτθάρ, σκεφτίνεν σαρ νιωσάλο ο Ιεχωβά καζόμ ντικχέλας ι Ιησούς τι νταϊντίνελ αζόμ μπουτ δοκιμασίες κι πφουβ. Ο Ιεχωβά σίγουρα ντουκχάλας μπουτ καζόμ ντικχέλας πι Τσσαβές τι νακχέλ αζόμ μπουτ ταλαιπωρίες, τι τζαν λέσαρ κόντρα ντα τι νταϊντίνελ δοκιμασίες.

11. Σικαβέν εκχέ παραδειγμάσαρ σαρ πρέπει τι νιωσάλο ο Ιεχωβά κάνα μουνταρντέ ι Ιησούς.

¹¹ Ο νταντά ντα ο νταγιά σο χασαρντέ πουμαρέ τσσαβές κο μεριπέ, τζανένα μπουτ λατσσές καζόμ μπουτ ντουκχ ανέλα ανταβά. Τθεράσα ζουρανί πίστη κι ανάσταση, αλλά ανταβά να σβήνελα ι ντουκχ σο νιωθίνασα κάνα μερέλα εκ αγαπημέ τζενό αμαρό. Ανταβά παράδειγμας βοηθίνελα-αμέν τι αγαβάς σαρ πρέπει τι νιωσάλο ο Ιεχωβά κάνα ντικχλάς πι αγαπημέ Τσσαβές τι ντουκχάλ ντα τι μερέλ οντουβά ντιβές κι άνοιξη κο 33 Κ.Χ. c​—Ματθ. 3:17.

12. Σο μπορίνασα τι κεράς πριν κατά Ανάμνηση;

¹² Από ακανά μέχρι κι Ανάμνηση, κα μπορίνενας τι διαβάνεν πο μπουτ πράγματα ι λυτρόσκε κάνα σικλιαρένα-τουμέν ή κάνα κερένα ι φαμιλιάκι λατρεία. Για τι ρόντεν ανταβά θέμας πο αχόρτ, χρησιμοποιήνεν ο Οδηγός Έρευνας για τους Μάρτυρες του Ιεχωβά ή γιαβερά έντυπα σο βοηθίνενα-αμέν τι αγαβάς ι Αγία Γραφή. d Επίσης, κανονίνεν τι ακολουθίνεν ο διάβασμας ι Γραφιάκο για την Ανάμνηση σο ισί κο έντυπος Ι Χριστιανόνγκι Ζωή ντα ο Έργος​—Πρόγραμμας ι Συναθροισιάκε. Ντα ο ντιβές της Ανάμνησης, μα μπιστρέν τι ντικχέν ι ειδική Πρωινή Λατρεία. Άμα κα ετοιμάνας αμαρό γκι για την Ανάμνηση, κα μπορίνας τι βοηθίνας γιαβερέν-ντα τι ντικχέν λατσσιπέ κατά Ανάμνηση.​—Έσδρ. 7:10.

 ΒΟΗΘΙΝΕΝ ΓΙΑΒΕΡΕΝ ΤΙ ΝΤΙΚΧΕΝ ΛΑΤΣΣΙΠΕ

13. Καβά ισί ο πρώτος βήμας για τι βοηθίνας γιαβερέν τι ντικχέν λατσσιπέ κατά Ανάμνηση;

¹³ Σαρ μπορίνασα τι βοηθίνας γιαβερέν τι ντικχέν λατσσιπέ κατά Ανάμνηση; Σίγουρα, εκ πρώτος βήμας ισί τι καλίνας-λεν. Εκτός οντουλένταρ σο αρακχάσα κο έργος, κα αβέλας λατσσό τι σκεφτίνας καλέ γιαβερέ τζενέν κα μπορίναας τι καλίνας. Αντρέ ανταλέντε μπέκιμ τι αβέν αμαρέ τζενέ, συνεργάτες, συμμαθητές ντα γιαβερά. Ατζέ-ντα άμα να τθεράσα μπερεκέτι τυπωμέ προσκλήσεις τι ντας-λεν, μπορίνασα τι μπουτσσαβάς λένγκε εκ σύνδεσμος για την ηλεκτρονική έκδοση. Μπέκιμ τι σαστίνας κάνα κα ντικχάς καζόμ τζενέ κα αβέν!​—Εκκλ. 11:6.

14. Σικαβέν εκχέ παραδειγμάσαρ ο λατσσέ αποτελέσματα σο αβένα κάνα ντάσα εκχέ τζενέστε προσωπική πρόσκληση.

¹⁴ Κάνα καλίνενα εκχέ τζενές προσωπικά κι Ανάμνηση, ανταβά μπορεί τι τσσίντελ-λες τι αβέλ. Εκ ντιβές, εκ πφεν σο λάκο ρομ να ισινέ Μάρτυρας ατσσιλί πουταρντέ μόσαρ κάνα λάκο ρομ βακερντάς λάκε με καμάρι ότι κα τζάλας κι Ανάμνηση λάσαρ. Σόσκε σαστισάλι; Επειδή κο παρελθόν βακερντάας λέσκε μπουτ φαρ τι τζαλ κι Ανάμνηση, αλλά βοβ να γκιλόας ποτές. Σο αλλαξάλο ανταγιά φαρ; «Λιντόμ προσωπική πρόσκληση», βακερντάς ο ρομ ντα εξηγιντάς ότι καλιντάας-λες εκ πρεσβύτερος σο τζανέλας-λες. Ο ρομ γκιλό κι Ανάμνηση οντιά φαρ ντα τζάλας για μπουτ μπρεσά σοράν ανταλέσταρ.

15. Σο πρέπει τι τθεράς αμαρέ γκοντιάτε κάνα καλίνασα τζενέν κι Ανάμνηση;

¹⁵ Τι ντεν-τουμέν γκοντί ότι ο τζενέ σο καλίνασα μπορεί τι τθερέν ερωτήσεις, ειδικά άμα να αβιλέ ποτές σε εκ συνάθροιση. Ισί λατσσό τι σκεφτίνας σο μπορεί τι πουτσέν-αμέν ντα τι ετοιμάνας-αμέν για τι απαντίνας λένγκε. (Κολ. 4:6) Για παράδειγμας, μερικοί σκεφτίνενα: “Σο κα αβέλ-πες οτθέ;” “Καζόμ κα ατσσικιαρέλ;” “Σαρ πρέπει τι ιριαβάβ-μαν;” “Κα ποκινάβ εισιτήριος;” “Κα μανγκέν μάνταρ λοβέ καζόμ κα αβάβ αντρέ;” Κάνα καλίνασα εκχέ τζενές κι Ανάμνηση, μπορίνασα απλώς τι πουτσάς: «Μήπως τθερέσα καέκ ερώτηση;» ντα σοράν τι απαντίνας κο πράγματα σο απασχολίνενα-λες. Μπορίνασα τι χρησιμοποιήνας ο βίντεα Τι Ντεν-τουμέν Γκοντί ο Μεριπέ ι Ιησούσκο ντα Σο Αβέλα-πες κο Αίθουσες  Βασιλείας; για τι βοηθίνας ι τζενές τι αγαβέλ σαρ αβένα-πες αμαρέ συναθροίσεις. Ο μάθημας 28 κο βιβλίος Μπουτ Σουκάρ Ζωή για Πάντα! τθερέλα μπερεκέτι σουκάρ σημεία σο μπορίνασα τι χρησιμοποιήνας.

16. Καλά γιαβερά ερωτήσεις μπορεί τι τθερέν οντουλά σο τζάνα κι Ανάμνηση;

¹⁶ Σοράν κατά Ανάμνηση, ο τζενέ σο αβιλέ πρώτη φαρ μπορεί τι τθερέν γιαβερά-ντα ερωτήσεις. Μπέκιμ σκεφτίνενα σόσκε καέκ τζενό να λιντάς κατά μαντρό ντα κατά μολ, ή σόσκε χάνικ τζενέ λιντέ. Μπορεί επίσης τι σκεφτίνενα καζόμ συχνά κεράσα ι Ανάμνηση. Ντα μπέκιμ τι μανγκένα τι σικλιόν άμα σαρέ ο συναθροίσεις σο κερένα ο Μάρτυρες ι Ιεχωβάσκε αβένα-πες ι ίδιε τροπόσαρ. Παρόλο σο μπουτ ανταλέ πραγματένταρ βακέρντιβενα κι ομιλία της Ανάμνησης, ο τζενέ σο αβένα πρώτη φαρ μπέκιμ τι μανγκένα πο μπουτ εξηγήσεις. Ο θέμας «Γιατί οι Μάρτυρες του Ιεχωβά Τηρούν το Δείπνο του Κυρίου Διαφορετικά από Άλλες Θρησκείες;» κο ιστότοπος jw.org κα βοηθίνελ-αμέν τι απαντίνας μερικέ ερωτησιέντε σο τθερένα. Πρέπει τι κεράς σο μπορίνασα​—πριν κατά Ανάμνηση, καζόμ αβέλα ντα σοράν λάταρ​—για τι βοηθίνας οντουλέν “σο λένγκο γκι μανγκέλα τι σικλιόλ ι αλήθεια” τι ντικχέν λατσσιπέ κατά γιορτή ανταγιά.​—Πράξ. 13:48.

ΒΟΗΘΙΝΕΝ Ι ΑΔΡΑΝΗ ΤΖΕΝΕΝ

17. Σαρ μπορίνενα ο πρεσβύτεροι τι βοηθίνεν ι αδρανή τζενέν; (Ιεζεκιήλ 34:12, 16)

¹⁷ Κο βακίτι της Ανάμνησης, σαρ μπορίνενα τουμέν ο πρεσβύτεροι τι βοηθίνεν οντουλέν σο ισί αδρανείς; Σικαβέν λένγκε ενδιαφέρον αντράλ τουμαρέ γκίσταρ. (Διαβάνεν Ιεζεκιήλ 34:12, 16) Πριν κατά Ανάμνηση, κανονίνεν τι κερέν λάφι καζόμ πο μπουτ αδρανή τζενέντζαρ αβέλα-πες. Βακερέν λένγκε ότι μανγκένα-λεν ντα ότι μανγκένα τι βοηθίνεν-λεν καλέ-ντα τροπόσαρ μπορίνενα. Καλίνεν-λεν κι Ανάμνηση. Άμα κα αβέν, δεχτίνεν-λεν αντράλ τουμαρέ γκίσταρ. Σοράν κατά Ανάμνηση, συνεχίνεν τι τζαν τι ντικχέν ανταλέ αγαπημέ πφραλέν ντα πφενίν ή τι λεν-λεν τηλέφωνος. Επίσης, ντεν-λεν σο-ντα πνευματική βοήθεια χρειαζίντιβενα για τι βουρτίνεν κο Ιεχωβά.​—1 Πέτρ. 2:25.

18. Σαρ μπορίνασα σαρέ τι βοηθίνας ι αδρανή τζενέν; (Ρωμαίους 12:10)

¹⁸ Σαρέ κι κχανγκιρί μπορίνενα τι βοηθίνεν ι  αδρανή τζενέν σο κα αβέν κι Ανάμνηση. Σαρ; Κάνα σικαβένα λένγκε αγάπη, λατσσιπέ ντα σεβασμός. (Διαβάνεν Ρωμαίους 12:10) Τι ντεν-τουμέν γκοντί ότι ανταλά αγαπημέ μπρακέ μπέκιμ τι σακιντίνενας τι αβέν πάλι σε εκ συνάθροιση. Μπέκιμ τι νταρένας ότι να κα δεχτίνενας-λεν ο γιαβερά λατσσιμάσαρ. e Οτθάρ, μα κερέν λένγκε ερωτήσεις σο κα ανέν-λεν σε δύσκολη θέση ντα μα βακερέν πράγματα σο μπορεί τι πληγώνεν-λεν. (1 Θεσ. 5:11) Ανταλά πφραλά ντα πφενιά τθερένα ίδια πίστη αμέντζαρ. Χαιρίνασα σο ντάσα πάλι λατρεία γιεκ λέντζαρ!​—Ψαλμ. 119:176· Πράξ. 20:35.

19. Σαρ βοηθίντιβασα κάνα ντάσα-αμέν γκοντί ο μεριπέ ι Ιησούσκο;

¹⁹ Σίγουρα, αγαβάσα σόσκε ο Ιησούς κανονιντάς τι κεράς ι Ανάμνηση λέσκε μεριμάσκι κάθε μπρες. Κάνα κεράσα-λες ανταβά, ντικχάσα λατσσιπέ εμ αμέν εμ ο γιαβερά μπουτέ τροπόντζαρ. (Ησ. 48:17, 18) Μπαριαράσα αμαρί αγάπη ι Ιεχωβάσκε ντα ι Ιησούσκε. Σικαβάσα καζόμ εκτιμίνασα οντουλά σο κερντέ αμένγκε. Αβάσα πο λατσσέ αμαλά αμαρέ πφραλέντζαρ ντα πφενίντζαρ. Μπορεί επίσης τι βοηθίνας γιαβερέν-ντα τι σικλιόν σαρ μπορίνενα βον-ντα τι τθερέν ευλογίες χάρη κο λύτρος. Οτθάρ, τι κεράς σο νακχέλα αμαρέ βαστέσταρ για τι αβάς έτοιμοι για την Ανάμνηση ανταβά μπρες​—για το πο σημαντικός ντιβές ι μπρεσέσκο!