Ντάσα λατρεία ι Ιεχωβάς, όχι σάντε κάνα γκιντίντιβασα γιαβερέντζαρ κο συναθροίσεις ντα κο συνελεύσεις, αλλά εμ κάνα ισινάμ κορκορέ ή αμαρέ φαμιλιάσαρ. Πο τελέ ισί μερικές ιδέες σο κα βοηθίνεν-αμέν τι σικλιαράς-αμέν κορκορέ ντα τι κεράς φαμιλιάκι λατρεία:

• Προετοιμάντιβεν ι συναθροισιένγκε. Επίσης, μπορίνενα τι κερέν πρόβες ο ύμνοι ντα τι βοηθίνεν ι κάθε τζενές αντρέ τουμαρέ φαμιλιάτε τι ετοιμάνελ εκ απάντηση.

• Διαβάνεν εκ ιστορία ι Γραφιάκι. Σοράν, ζωγραφίνεν εκ πράγμας κατά ιστορία ή γραφίνεν κάτι σο σικλιλέν.

• Διαβάνεν εκ προσευχή σο ισί κι Γραφή ντα συζητίνεν σαρ ανταγιά προσευχή μπορίνελα τι βοηθίνελ-τουμέν τι κερέν πο λατσσές τουμαρέ προσευχές.

• Ντικχέν εκ βίντεος κατά jw.org ντα σοράν συζητίνεν-λες γιαβερέντζαρ ή γραφίνεν σο μπεϊντιντέν ή σο σικλιλέν λέσταρ.

• Προετοιμάντιβεν ι εργόσκε, ντα κερέν πρόβες.

• Ντικχέν προσεκτικά ι δημιουργία ντα σκεφτίνεν ή συζητίνεν σο σικλιαρέλα-τουμέν ι Ιεχωβάσκε. a