1. Σαρ μπορίνασα τι κεράς ι Ιεχωβάσκο γκι;

 ΣΚΕΦΤΙΝΕΝ ότι ντένα εκχέ τζενέστε σο μανγκένα-λες εκ μπουτ ξεχωριστός δώρος σο ισί σουκάρ ντα χρήσιμος. Κα νιωθίνενας μπουτ μπέτι άμα οντουβά τζενό κα τσσουβέλας-λες απλά σε εκ συρτάρι ντα να κα κερέλας τίποτα παραπάνω. Κατά γιαβέρ μπάνταρ, κα αβένας σίγουρα μπουτ χαρούμενοι άμα βοβ ή βόι κα χρησιμοποιήνελας εκχέ λατσσέ τροπόσαρ τουμαρό δώρος ντα κα βακερέλας τουμένγκε καζόμ εκτιμίνελα-λες. Σο σικλιάσα ανταλέσταρ; Ο Ιεχωβά ντινάς πι Τσσαβές αμένγκε. Καζόμ μπουτ αβέλα ι Ιεχωβάσκο γκι κάνα σικαβάσα αμαρί εκτίμηση για το πολύτιμος δώρος ανταβά ντα για την αγάπη λέσκι σο τσσιντιντάς-λες τι ντελ αμέντε ο λύτρος!​—Ιωάν. 3:16· Ρωμ. 5:7, 8.

2. Σο κα σικλιάς ανταλέ μαθημάστε;

² Καζόμ νακχένα ο μπρεσά, μπορεί τι αρχίνας τι χασαράς αμαρί εκτίμηση για το λύτρος. Ανταβά κα αβέλας σαρ τι τσσουβάας ι Ντεβλέσκο δώρος απλά αντρέ σε εκ συρτάρι. Χαιρίνασα σο τθεράσα-λες, αλλά ούτε ντικχάσα-λες ούτε σκεφτίνασα-λες. Για μα τι αβέλ-πες ανταβά, πρέπει τι ανάς μπουτ φαρ αμαρέ γκοντιάτε οντουλά σο κερντέ αμένγκε ο Ιεχωβά ντα ο Ιησούς. Ανταβά μάθημας κα βοηθίνελ-αμέν τι κεράς-λες ανταβά. Κα ντικχάς καλά ευλογίες τθεράσα χάρη κο λύτρος ακανά, ντα καλά ευλογίες κα τθεράς ανγκλ’ αμέντε. Επίσης κα σικλιάς σαρ μπορίνασα τι σικαβάς αμαρί εκτίμηση για την αγάπη ι Ιεχωβάσκι, ντα ατζέ πο μπουτ κο εβδομάδες πριν ντα σοράν κατά Ανάμνηση.

ΚΑΛΑ ΕΥΛΟΓΙΕΣ ΤΘΕΡΑΣΑ ΑΚΑΝΑ

3. Καλέ τροπόσαρ κερέλα αμένγκε λατσσιπέ ο λύτρος ακανά;

³ Τθεράσα ακανά-ντα μπουτ λατσσίματα χάρη κο Ιησούς σο ντινάς πι ζωή σαρ λύτρος. Για παράδειγμας, χάρη κο λύτρος,  ο Ιεχωβά συγχωρίνελα αμαρέ αμαρτίες. Νανέ υποχρεωμέ τι συγχωρίνελ-αμέν. Όμως, μανγκέλα τι κερέλ-λες. Ο ψαλμωδός σικαντάς πι εκτίμηση ι Ιεχωβάσκε σο συγχωρίνελα ι λαφίντζαρ: «Σόσκε τούι, Ιεχωβά, ισινάν λατσσό ντα έτοιμος τι συγχωρίνες».​—Ψαλμ. 86:5· 103:3, 10-13.

4. Καλέ τζενένγκε ντινάς ο Ιεχωβά ο λύτρος; (Λουκάς 5:32· 1 Τιμόθεο 1:15)

⁴ Μερικοί μπορεί τι νιωθίνενα ότι να αξίνενα ι συγχώρηση ι Ιεχωβάσκι. Ισί μπαγιά ότι καέκ αμένταρ να αξίνελα λέσκι συγχώρηση. Ο απόστολος Παύλος αγαντάς ότι “να ισινέ άξιος τι βακέρντιβελ απόστολος”. Όμως σοράν βακερντάς: «Αντράλ κατά μπαρό λατσσιπέ ι Ντεβλέσκο ισινόμ ανταβά σο ισινόμ». (1 Κορ. 15:9, 10) Κάνα μετανιώνασα αμαρέ αμαρτιένγκε, ο Ιεχωβά συγχωρίνελα-αμέν. Σόσκε; Όχι επειδή αξίνασα-λες. Αλλά επειδή μανγκέλα-αμέν. Άρα άμα ισινέν στεναχωριμέ επειδή σκεφτίνενα ότι να αξίνενα ι συγχώρηση ι Ιεχωβάσκι, ντεν-τουμέν γκοντί ότι ο Ιεχωβά να ντινάς ο λύτρος τέλειε τζενένγκε. Ντινάς ο λύτρος αμαρτωλέ τζενένγκε σο νιωθίνενα μπέτι πουμαρέ αμαρτιένγκε ντα μανγκένα τι αλλάνεν.​—Διαβάνεν Λουκάς 5:32· 1 Τιμόθεο 1:15.

5. Μπορίνελα κάποιος τι βακερέλ ότι ο Ιεχωβά ισί υποχρεωμέ τι συγχωρίνελ-λες; Εξηγίνεν.

⁵ Καέκ αμένταρ δεν πρέπει τι νιωθίνελ ότι ο Ιεχωβά πρέπει τι συγχωρίνελ-λες απλά επειδή υπηρετίνελα-λες για μπουτ μπρεσά. Σίγουρα ο Ιεχωβά εκτιμίνελα μπουτ σαρέ ο πράγματα σο κερντάμ λέσκε. (Εβρ. 6:10) Ντινάς-αμέν ο λύτρος σαρ δώρος, όχι για τι ποκινέλ-αμέν οντουλένγκε σο κεράσα λέσκε. Άρα κα αβέλας λάθος τι σκεφτίνας ότι επειδή κερντάμ μπουτ πράγματα ι Ιεχωβάσκε αξίνασα τι τθεράς λέσκι συγχώρηση. Άμα κα βακεράας-λες ανταβά κα αβέλας σαρ τι πακιάας ότι να χρειαζίντιβαας ο λύτρος.​—Ντικχέν Γαλάτες 2:21.

6. Σόσκε ο Παύλος μαρέλας-πες αζόμ μπουτ κι υπηρεσία κι Ιεχωβάσκι;

⁶ Ο Παύλος τζανέλας ότι ναστί κερδίνελας από κορκορό ι αγάπη ι Ντεβλέσκι. Άρα σόσκε μαρέλας-πες αζόμ μπουτ κι υπηρεσία κι Ιεχωβάσκι; Όχι για τι σικαβέλ πι αξία, αλλά για τι σικαβέλ πι εκτίμηση ι Ιεχωβάσκε λατσσιμάσκε σο να αξίνασα-λες. (Εφεσ. 3:7) Σαρ ο Παύλος, συνεχίνασα αντράλ αμαρέ γκίσταρ τι υπηρετίνας-λες, όχι για τι κερδίνας λέσκι συγχώρηση, αλλά για τι σικαβάς καζόμ μπουτ εκτιμίνασα-λα.

7. Καλέ γιαβερέ τροπόσαρ ντικχάσα λατσσιπέ ακανά χάρη κο λύτρος; (Ρωμαίους 5:1· Ιακώβου 2:23)

⁷ Εκ γιαβέρ λατσσιπέ σο τθεράσα ακανά χάρη κο λύτρος ισί ότι ο κάθε εκ αμένταρ μπορίνελα τι τθερέλ εκ λατσσί φιλία ι Ιεχωβάσαρ. a Σαρ ντικχλάμ κο γιαβέρ μάθημας, κάνα μπιάντιβασα, να τθεράσα φιλία ι Ιεχωβάσαρ. Όμως, χάρη κο λύτρος μπορίνασα τι τθεράς «ειρήνη ι Ντεβλέσαρ» ντα τι τζας πασέ λέστε.​—Διαβάνεν Ρωμαίους 5:1· Ιακώβου 2:23.

8. Σόσκε πρέπει τι τθεράς μπαρί εκτίμηση ι Ιεχωβάσκε σο ντινάς-αμέν ο προνόμιος ι προσευχιάκο;

⁸ Η προσευχή κο Ιεχωβά ισί εκ μπουτ ξεχωριστός πράγμας σο μπορίνασα τι κεράς επειδή τθεράσα εκ μπουτ λατσσί φιλία λέσαρ. Ο Ιεχωβά να ασουνέλα σάντε ο προσευχές σο κεράσα ανγκλάλ γιαβερέντε. Αλλά ασουνέλα εμ ο προσευχές σο κερέλα ο κάθε εκ αμένταρ κορκορό. Η προσευχή μπορίνελα τι ηρεμίνελ αμαρό γκι ντα τι ντελ-αμέν ειρήνη αμαρέ γκοντιάτε. Όμως, μπορίνελα τι κερέλ ατζέ πο μπουτ πράγματα ανταλένταρ. Μπορίνελα τι κερέλ πο ζουρανί αμαρί φιλία ι Ιεχωβάσαρ. (Ψαλμ. 65:2· Ιακ. 4:8· 1 Ιωάν. 5:14) Κάνα ισινέ κι πφουβ, ο Ιησούς προσευχίντιβελας μπουτ φαρ επειδή τζανέλας ότι ο Ιεχωβά ασουνέλας-λες ντα ότι ανταλά προσευχές κα ατσσικιαρένας ι φιλία σο τθερέλας πι Νταντέσαρ ζουρανί. (Λουκ. 5:16) Καζόμ μπαρί εκτίμηση τθεράσα σο χάρη κι θυσία κι Ιησούσκι μπορίνασα τι αβάς αμαλά ι Ιεχωβάσκε ντα τι κεράς λέσαρ λάφι αντράλ κατά προσευχή!

 ΚΑΒΑ ΣΟΥΚΑΡ ΜΕΛΛΟΝ ΜΠΟΡΙΝΑΣΑ ΤΙ ΤΘΕΡΑΣ ΧΑΡΗ ΚΟ ΛΥΤΡΟΣ

9. Καλά ευλογίες κα ανέλ ο λύτρος κο μέλλον κο πιστοί υπηρέτες ι Ιεχωβάσκε;

⁹ Καλά ευλογίες κα λεν ο πιστοί υπηρέτες ι Ντεβλέσκε κο μέλλον χάρη κο λύτρος; Κα μπορίνεν τι τζουβντιόν για πάντα. Κάποιοι βακερένα ότι ναστί αβέλα-πες ανταβά επειδή ο τζενέ μερένα σαρέ ο μπρεσά. Αλλά οντουβά σο μανγκέλας από την αρχή ο Ιεχωβά ισινέ ο τζενέ τι τζουβντιόν για πάντα. Άμα ο Αδάμ να αμαρτιντάας, καέκ να κα σκεφτίνελας ότι ναστί τζουβντιάσα για πάντα. Ακανά μπορεί τι αβέλ αμένγκε δύσκολος τι σκεφτίνας ότι κα τζουβντιάς για πάντα. Μπορίνασα τι αβάς σίγουροι ότι κα αβέλ-πες μπαγιά επειδή τζανάσα ότι ο Ιεχωβά ντινάς πι μοναδικέ Τσσαβές ντα αντικάς ποκιντάς ι πο πααλίς τροπόσαρ για τι μπορίνελ τι αβέλ-πες ανταβά.​—Ρωμ. 8:32.

10. Καλέ πραγμάσκε μπεκλεντίνενα ο χρισμέ ντα ο γιαβερά μπρακέ;

¹⁰ Παρόλο σο η αιώνια ζωή ισί κάτι λατσσό σο κα τθεράς-λες κο μέλλον, ο Ιεχωβά μανγκέλα τι σκεφτίνας-λες από ακανά. Ο χρισμέ μπεκλεντίνενα τι τθερέν εκ μπουτ πφερντί ζωή κο ουρανός καζόμ κα κυβερνίνεν ι πφουβ γιεκ ι Χριστόσαρ. (Αποκ. 20:6) Ο γιαβερά μπρακέ μπεκλεντίνενα τι τζουβντιόν κι πφουβ κο Παράδεισος χωρίς ντουκχ ντα στεναχώρια. (Αποκ. 21:3, 4) Ισινέν αντρέ κο γιαβερά μπρακέ σο μπεκλεντίνενα τι τζουβντιόν για πάντα κι πφουβ; Η ζωή κι πφουβ νανέ εκ πο χουρντό δώρος κατά ζωή κο ουρανός. Νανέ εκ δώρος σο ντιντιόλα-αμέν απλά για τι παρηγορίντιβας! Ακριβώς ανταλέ ζωγιάκε κερντιλάμ. Η ζωή κι πφουβ κα ντελ-αμέν μπουτ μπαρί χαρά.

11, 12. Καλά ισί μερικές ευλογίες σο κα μπορίνας τι απολαμβάνας κο Παράδεισος; (Ντικχέν ο φωτογραφίες-ντα)

¹¹ Ανέν τουμαρέ γκοντιάτε σαρ κα αβέλ τουμαρί ζωή κο Παράδεισος κι πφουβ. Μα κα ανησυχίνεν ιτς μα τι νασφάλιβεν ή μα τι μερέν. (Ησ. 25:8· 33:24) Ο Ιεχωβά κα ντελ-τουμέν σο-ντα λατσσό ντέλα τουμαρό γκι. Καλέ πραγματέντζαρ κα μανγκένας τι ασχολίντιβεν; Με τη φυσική; Με τη χημεία; Ι γκιλίντζαρ; Με τη ζωγραφική; Σίγουρα κα χρειαζίντιβας τζενέν σο τζανένα τι σχεδιάνεν ντα τι χτίνεν κχερά. Επίσης κα χρειαζίντιβας  τζενέν σο τζανένα τι φυτίνεν ντα τι κερέν χαμπέ, τι λατσσαρέν εργαλεία ντα τι κερέν ι πφουβ σαρ εκ σουκάρ κήπος ντα τι φροντίνεν-λα. (Ησ. 35:1· 65:21) Κάνα κα τζουβντιάς για πάντα, κα τθεράς χρόνος τι κεράς σαρέ ανταλά πράγματα ντα ατζέ πο μπουτ.

¹² Σο μπαρί χαρά κα τθεράς αζομάν σο κα καλωσορίνας ι αναστημέ τζενέν σο κα αβέν πάλι κι ζωή! (Πράξ. 24:15) Σκεφτίνεν σο σουκάρ κα αβέλ τι σικλιάς ατζέ πο μπουτ πράγματα ι Ιεχωβάσκε αντράλ κατά μπουτ σουκάρ πράγματα σο λατσσαρντάς. (Ψαλμ. 104:24· Ησ. 11:9) Ντα ο πο λατσσό σαριλένταρ κα αβέλ σο κα ντας λατρεία ι Ιεχωβάς χωρίς τι τθεράς καέκ τύψη! Κα μπικινένας ανταλά ευλογίες σο κα τθερέν κο μέλλον για “τι απολαμβάνεν χάνικ ι αμαρτία”; (Εβρ. 11:25) Σίγουρα όχι! Ανταλά ευλογίες αξίνενα σο-ντα θυσία πρέπει τι κεράς ακανά. Ντεν-τουμέν γκοντί ότι ο Παράδεισος κι πφουβ να κα αβέλ για πάντα εκ ελπίδα σο μπεκλεντίνασα λάκε. Ατζεχάνικ κα τζουβντιάς-λες. Τίποτα ανταλένταρ να κα αβέλας-πες άμα ο Ιεχωβά να κα μανγκέλας-αμέν αζόμ μπουτ σο ανταβά κα τσσίντελας-λες τι ντελ σαρ δώρος πι Τσσαβές!

ΣΟ ΜΠΟΡΙΝΑΣΑ ΤΙ ΚΕΡΑΣ ΓΙΑ ΤΙ ΣΙΚΑΒΑΣ ΑΜΑΡΙ ΕΚΤΙΜΗΣΗ ΓΙΑ ΤΗΝ ΑΓΑΠΗ Ι ΙΕΧΩΒΑΣΚΙ

13. Σαρ μπορίνασα τι σικαβάς αμαρί εκτίμηση για την αγάπη ι Ιεχωβάσκι; (2 Κορινθίους 6:1)

¹³ Σαρ μπορίνασα τι σικαβάς εκτίμηση ι Ιεχωβάσκε σο ντινάς ο λύτρος; Κεράσα-λες ανταβά κάνα τσσουβάσα πρώτα αμαρέ ζωγιάτε λέσκο έργος. (Ματθ. 6:33) Σαρ τζανάσα, ο Ιησούς μουλό για τι μπορίνεν «οντουλά σο τζουβντιόνα μα τι τζουβντιόν για τι κερέν οντουβά σο μανγκένα βον, αλλά τι τζουβντιόν για τι κερέν οντουβά σο μανγκέλα ο Χριστός σο μουλό λένγκε ντα ιστίντιλο κατά μουλέ». (2 Κορ. 5:15) Ο Ιεχωβά ισί μπουτ λατσσό ντα συγχωρίνελα-αμέν. Κάνα κεράσα ο πο λατσσό για τι υπηρετίνας-λες, σικαβάσα ότι αγαβάσα ντα εκτιμίνασα σαρέ οντουλά σο κερντάς αμένγκε.​—Διαβάνεν 2 Κορινθίους 6:1.

14. Σαρ μπορίνασα τι ντας μπέσα κο οδηγίες σο ντέλα ο Ιεχωβά;

¹⁴ Επίσης μπορίνασα τι σικαβάς αμαρί εκτίμηση για την αγάπη ι Ιεχωβάσκι κάνα ντάσα λέσκε μπέσα ντα κάνα ντάσα καν κο οδηγίες σο ντέλα-αμέν. Σο μανγκέλα τι βακερέλ ανταβά; Κάνα πρέπει τι λας αποφάσεις, σαρ για παράδειγμας άμα χρειαζίντιβελα τι σπουδάνας ή καγιά μπουτί κα κεράς, πρέπει τι σκεφτίνας σο μανγκέλα ο Ιεχωβά τι κεράς. (1 Κορ. 10:31· 2 Κορ. 5:7) Κάνα ο αποφάσεις σο λάσα βασίντιβενα κι πίστη σο τθεράσα κο Ιεχωβά, αβέλα-πες κάτι μπουτ σουκάρ. Αμαρί πίστη λέστε ντα αμαρί φιλία αβέλα πο ζουρανί. Αμαρί ελπίδα αβέλα πο σίγουρη.​—Ρωμ. 5:3-5· Ιακ. 2:21, 22.

15. Σαρ μπορίνασα τι σικαβάς αμαρί εκτίμηση κο Ιεχωβά κο εβδομάδες πριν ντα σοράν κατά Ανάμνηση;

¹⁵ Υπαρχίντιβελα ατζέκ εκ τρόπος σο μπορίνασα τι σικαβάς αμαρί εκτίμηση για την αγάπη ι Ιεχωβάσκι. Τι κεράς ο πο λατσσό σο μπορίνασα κο εβδομάδες πριν ντα σοράν κατά Ανάμνηση για τι σικαβάς ι Ιεχωβάσκε καζόμ μπουτ εκτιμίνασα ο λύτρος. Κα κεράς σο νακχέλα αμαρέ βαστένταρ για τι παρακολουθίνας ι Ανάμνηση. Εκτός ανταλέσταρ μπορίνασα τι καλίνας γιαβερέν-ντα.  (1 Τιμ. 2:4) Εξηγίνεν οντουλένγκε σο κα καλίνεν σο κα αβέλ-πες κι Ανάμνηση. Μπορίνενα τι σικαβέν λένγκε ο βίντεα Σόσκε Μουλό ο Ιησούς; ντα Τι Ντεν-τουμέν Γκοντί ο Μεριπέ ι Ιησούσκο σο ισί κο ιστότοπος jw.org. Ο πρεσβύτεροι δεν πρέπει τι μπιστρέν-πες τι καλίνεν οντουλέν σο ισί αδρανείς. Σκεφτίνεν καζόμ μπαρί χαρά κα αβέλ-πες κο ουρανός ντα κι πφουβ άμα κάποια μπρακέ ι Ιεχωβάσκε σο χασάρντιλε μανγκλέ τι βουρτίνεν λέσκε μαντρίστε! (Λουκ. 15:4-7) Κι Ανάμνηση, τι χαιρετίνας όχι σάντε ο εκ ι γιαβερές, αλλά πο μπουτ-ντα οντουλέν σο κα αβέν για πρώτη φαρ ή οντουλέν σο τθερένα τι αβέν μπουτ καιρός. Μανγκάσα τι κεράς-λεν τι νιωθίνεν σαρ τι αβένας πουμαρέ κχερέστε!​—Ρωμ. 12:13.

16. Σόσκε πρέπει τι σκεφτίνας άμα μπορίνασα τι νικιάς πο μπουτ κο έργος κο εβδομάδες πριν ντα σοράν κατά Ανάμνηση;

¹⁶ Μπορίνενα τι κερέν πο μπουτ πράγματα κι υπηρεσία κι Ιεχωβάσκι κο εβδομάδες πριν ντα σοράν κατά Ανάμνηση; Ανταβά ισί εκ μπουτ σουκάρ τρόπος για τι σικαβάς αμαρί εκτίμηση σαρέ οντουλένγκε σο κερντέ αμένγκε ο Ντεβέλ ντα ο Χριστός. Καζόμ πο μπουτ τζάσα κο έργος, αζόμ πο μπουτ κα ντικχάς ι βοήθεια ι Ιεχωβάσκι ντα αντικάς αμαρί μπέσα λέστε κα αβέλ πο ζουρανί. (1 Κορ. 3:9) Επίσης προσπαθίνεν τι διαβάνεν ο εδάφια κατά Πρόγραμμας για τι Διαβάνας ι Γραφή ι Αναμνησιάκε σο ισί κο βιβλιάριος Τι Ρόντας κι Γραφή Κάθε Ντιβές ή κο πίνακας σο ισί κο Πρόγραμμας ι Συναθροισιάκε. Μπορίνενα εμ-ντα τι ρόντεν λατσσές ανταλά εδάφια.

17. Σο κερέλα ο γκι ι Ιεχωβάσκο; (Ντικχέν ο πλαίσιος-ντα « Σαρ Μπορίνενα τι Σικαβέν Τουμαρί Εκτίμηση κο Ιεχωβά»)

¹⁷ Όμως, μπέκιμ μα τι μπορίνεν τι κερέν σαρέ ανταλά σο βακερέλα ανταβά μάθημας. Τι ντεν-τουμέν γκοντί όμως ότι ο Ιεχωβά να συγκρίνελα ο πράγματα σο ντένα τουμέν ι πραγματέντζαρ σο ντένα ο γιαβερά. Ντικχέλα σο τθερένα αντρέ τουμαρέ γκίστε. Αβέλα λέσκο γκι κάνα ντικχέλα καζόμ μπαρί εκτίμηση τθερένα για το πολύτιμος δώρος λέσκο, για το λύτρος.​—1 Σαμ. 16:7· Μάρκ. 12:41-44.

18. Σόσκε τθεράσα αζόμ μπαρί εκτίμηση ι Ιεχωβά Ντεβλέσκε ντα ι Ιησού Χριστόσκε;

¹⁸ Σάντε χάρη κο λύτρος συγχωρίντιβενα αμαρέ αμαρτίες, τθεράσα φιλία ι Ιεχωβάσαρ ντα ελπίδα τι τζουβντιάς για πάντα. Μακάρι τι σικαβάς πάντα αμαρί εκτίμηση για την αγάπη ι Ιεχωβάσκι σο τσσιντιντάς-λες τι ντελ-αμέν ανταλά ευλογίες. (1 Ιωάν. 4:19) Επίσης τι σικαβάς εκτίμηση ι Χριστόσκε σο μανγκλάς-αμέν αζόμ μπουτ ντα ντινάς πι ζωή αμένγκε!​—Ιωάν. 15:13.