Νανέ πάντα εύκολος τι ντας-αμέν γκοντί σο διαβαντάμ. Όμως ισί εύκολος τι ντας-αμέν γκοντί οντουλά σο σικλιαρντάς ο Ιησούς επειδή μπουτ φαρ χρησιμοποιήνελας παραδείγματα. Μπορίνασα οντουλά σο βακερντάς ο Ιησούς τι τζουβντιαράς-λεν αμαρέ γκοντιάτε σαρ τι αβένας εκ εικόνα. Αντικάς, μπορίνασα τι ντας-αμέν γκοντί πο μπουτ πράγματα οντουλένταρ σο διαβαντάμ άμα τζουβντιαράσα-λεν αντρέ αμαρέ γκοντιάτε. Σαρ μπορίνασα τι κεράς-λες ανταβά; Κάνα ζωγραφίνασα οντουλά σο σικλιάσα.

Ο τζενέ σο ζωγραφίνενα ο νεβέ πράγματα σο σικλιόνα μπουτ φαρ ισί πο εύκολος τι ντεν-λεν γκοντί. Κάνα ζωγραφίνενα ανταβά βοηθίνελα-λεν τι αγαβέν πο λατσσές, όχι σάντε ο λάφια σο διαβάνενα, αλλά εμ ο σημαντικά σημεία σο μπορίνενα τι σικλιόν. Να προσπαθίνενα τι ζωγραφίνεν κάτι δύσκολος αλλά κάτι απλός. Ο ζωγραφιές βοηθίνενα ειδικά ι πο πφουρέ τζενέν τι ντεν-πες γκοντί οντουλά σο σικλιλέ.

Ι γιαβέρ φαρ σο κα διαβάνεν, μπορίνενα τι δοκιμάνεν τι ζωγραφίνεν κάτι οντουλένταρ σο σικλιλέν. Μπορεί τι σαστίνεν κάνα κα ντικχέν καζόμ βοηθιντάς-τουμέν για τι ντεν-τουμέν γκοντί!