1, 2. Σόσκε ισί ανάγκη τι ντικχάς σαρ μπορίνασα τι ντας παρηγοριά οντουλέντε σο χασαρντέ εκχέ τζενές; (Ντικχ ι φωτογραφία σο ισί κι αρχή.)

«ΠΕΡΙΠΟΥ εκ μπρες αφού μουλό αμαρό τσσαβό, η ντουκχ συνεχίνελας τι αβέλ αζόμ μπαρί σο ναστί νταϊντίναας-λα», βακερντάς η Σούζι. Εκ πφραλ βακερντάς ότι νιωθίνελας «μπουτ μπαρί ντουκχ κο σώμας» όταν μουλί ξαφνικά λέσκι ρομνί. Δυστυχώς μπουτ τζενέ νιωσάλε ασακί ντουκχ. Κι Χριστιανική εκκλησία αντιβές, μπουτ αμαρέ πφραλένταρ ντα αμαρέ πφενίνταρ να μπεκλεντίνενας ότι λένγκε αγαπημέ τζενέ κα μερένας πριν τον Αρμαγεδδώνα. Μπορεί τι χασαρντέν τουμέν-ντα εκχέ τζενές σο μανγκένας μπουτ ή μπορεί τι τζανένα εκχέ τζενές σο μουλό λέσταρ εκ τζενό. Άμα ισί αντικάς ο πράγματα, μπορεί τι σκεφτίνενα: “Σαρ μπορίνελα τι αρακχέλ παρηγοριά κάποιος σο χασαρντάς εκχέ τζενές;”

² Μερικοί βακερένα ότι ο χρόνος μπορίνελα τι πφάντελ σαρέ ο πληγές. Αλλά αβέλα-πες πάντα ανταβά; Εκ χήρα βακερντάς: «Αγαντόμ ότι ισί πιο σωστός τι βακεράς ότι οντουβά σο κα βοηθίνελ εκχέ τζενές τι πφάντελ πο πληγές ισί ο τρόπος σο χρησιμοποιήνελα πο χρόνος». Εκ πληγή κο σώμας  μανγκέλα χρόνος ντα φροντίδα για τι πφαντιόλ. Ο ίδιος μανγκέλα η ντουκχ-ντα σο τθεράσα αμαρέ γκίστε. Σο μπορίνελα τι κοβλιαρέλ ι ντουκχ οντουλένγκι σο χασαρντέ εκχέ τζενές;

3, 4. Σόσκε μπορίνασα τι αβάς σίγουροι ότι ο Ιεχωβά αγαβέλα-αμέν όταν χασαράσα εκχέ τζενές;

³ Αμαρό Ντατ, ο Ιεχωβά, σο πφαμπόλα αμένγκε, ισί οντουβά σο ντέλα-αμέν πιο μπουτ σαριλένταρ ι παρηγοριά σο χρειαζίντιβασα. (Διαβάνεν 2 Κορινθίους 1:3, 4) Σάντε βοβ νιωθίνελα αμαρί ντουκχ αζόμ λατσσές, ντα ντέλα ι υπόσχεση πι υπηρετόντε: «Με ισινόμ Οντουβά σο ντέλα-τουμέν παρηγοριά».​—Ησαΐας 51:​12· Ψαλμός 119:​50, 52, 76.

⁴ Αμαρό Ντατ, σο μανγκέλα-αμέν, χασαρντάς βοβ-ντα αγαπημέ τζενέν, σαρ ισινέ ο υπηρέτες λέσκε ο Αβραάμ, ο Ισαάκ, ο Ιακώβ, ο Μωυσής ντα ο βασιλιάς Δαβίδ. (Αριθμοί 12:​6-8· Ματθαίος 22:​31, 32· Πράξεις 13:​22) Η Αγία Γραφή σικαβέλα αμένγκε ότι ο Ιεχωβά μπεσέλα σαρ σαρ τι αβέλ ο ντιβές σο κα ανέλ πάλι κι ζωή ανταλέ πιστέ τζενέν. (Ιώβ 14:​14, 15) Αζομάν, βον κα αβέν ευτυχισμέ ντα κα απολαμβάνεν τέλεια υγεία. Ο Ιεχωβά χασαρντάς επίσης πι πρώτε Τσσαβές. Η Γραφή βακερέλα ότι ο Ιησούς ισινέ “οντουβά σο μανγκέλας μπουτ” ο Ντεβέλ. (Παροιμίες 8:​22, 30) Ναστί νακχέλα αμαρέ γκοντιάταρ καζόμ μπουτ ντουκχασάλο ο Ιεχωβά όταν ντικχλάς πι Τσσαβές τι μερέλ με μπουτ μπέτι τρόπος.​—Ιωάννης 5:​20· 10:17.

5, 6. Σαρ ντέλα-αμέν παρηγοριά ο Ιεχωβά;

⁵ Μπορίνασα τι αβάς μπουτ σίγουροι ότι ο Ιεχωβά κα βοηθίνελ-αμέν. Οτθάρ, μπορίνασα τι νιωθίνας πάντα ελεύθεροι τι προσευχίντιβας λέστε ντα τι βακεράς λέσκε καζόμ μπουτ ντουκχάσα ντα στεναχωρίντιβασα. Σο μπαρί παρηγοριά ντέλα-αμέν σο τζανάσα ότι ο Ιεχωβά αγαβέλα σαρ νιωθίνασα ντα ντέλα-αμέν ι παρηγοριά σο χρειαζίντιβασα! Αλλά σαρ κερέλα-λες ανταβά;

⁶ Εκ κατά μπουτ τρόπους σο ντέλα-αμέν παρηγοριά ο Ιεχωβά ισί αντράλ κατά άγιος πνεύμας. (Πράξεις 9:​31) Ο Ιησούς ντινάς πο λάφι ότι αμαρό Ντατ κα ντέλας πο άγιος πνεύμας, σο μπορίνελα τι κερέλ τα πάντα, σαρέ οντουλέντε σο μανγκένα-λες λέσταρ. (Λουκάς 11:​13) Η Σούζι, σο βακερντάμ λάκε πιο τζανγκλέ, βακερέλα: «Μπουτ φαρ περάας αμαρέ κοτσίντε ντα μολίναας ι Ιεχωβάς τι ντελ-αμέν παρηγοριά. Ντα κάθε φορά, η ειρήνη ι Ντεβλέσκι αρακχαβέλας μπαγιά αμαρό γκι ντα αμαρί γκοντί».​—Διαβάνεν Φιλιππησίους 4:6, 7.

7, 8. Σόσκε μπορίνασα τι αβάς σίγουροι ότι ο Ιησούς κα ντελ-αμέν παρηγοριά;

⁷ Όταν ισινέ κι πφουβ, ο Ιησούς σικαβέλας τέλεια ο σουκάρ ιδιότητες πι Νταντέσκε οντουλέντζαρ σο κερέλας ντα βακερέλας. (Ιωάννης 5:​19) Ο Ιεχωβά μπουτσσαντάς ι Ιησούς κι πφουβ για τι ντελ παρηγοριά οντουλέντε σο τθερένα «πφανγκό γκι» ντα «σαρέ οντουλέντε σο χασαρντέ εκχέ τζενές».  (Ησαΐας 61:1, 2· Λουκάς 4:​17-21) Ο τζενέ τζανένας ότι ο Ιησούς αγαβέλας σο νακχένας ντα ότι μανγκέλας μπαγιά τι βοηθίνελ-λεν.​—Εβραίους 2:17.

⁸ Όταν ισινέ πιο τερνό, ο Ιησούς μάλλον τθερέλας αμαλέν ντα τζενέν σο μουλέ. Για παράδειγμας, ντικχίντιβελας ότι ο μαμοσολό λέσκο, ο Ιωσήφ, μπορεί τι μουλό όταν ο Ιησούς ισινέ τερνό. * (Ντικχ ι υποσημείωση.) Σκεφτίνεν καζόμ δύσκολος κα αβέλας εκχέ τερνέσκε σο πφαμπόλας αζόμ μπουτ ι γιαβερένγκε τι αντιμετωπίνελ εμ πιρί στεναχώρια, αλλά εμ πι νταγιάκι, πι πφραλένγκι ντα πι πφενίνγκι.

9. Σαρ σικαντάς ο Ιησούς ότι νιωθίνελας ι γιαβερένγκι ντουκχ όταν μουλό ο Λάζαρος;

⁹ Κο μπρεσά σο κερέλας ο έργος ι Ντεβλέσκο, ο Ιησούς σικαντάς ότι αγαβέλας μπαγιά ι τζενέν ντα νιωθίνελας λένγκι ντουκχ. Για παράδειγμας, όταν μουλό ο λατσσό αμάλ λέσκο, ο Λάζαρος, ο Ιησούς νιωσάλο ι μπαρί ντουκχ ι Μαριάκι ντα ι Μαρθάκι. Νιωσάλο αζόμ μπουτ λένγκι ντουκχ σο αρχισάλο τι ροβέλ παρόλο σο τζανέλας ότι ατζεχάνικ κα τζουβντιαρέλας ι Λαζαρός.​—Ιωάννης 11:​33-36.

10. Σόσκε μπορίνασα τι αβάς σίγουροι ότι ο Ιησούς αντιβές αγαβέλα σαρ νιωθίνασα;

¹⁰ Σαρ μπορίνενα τι ντεν-αμέν παρηγοριά αντιβές ο λάφια σο βακερντάς αζομάν ο Ιησούς; Η Γραφή σικαβέλα ξεκάθαρα ότι ο Ιησούς να αλλαξάλο. Βακερέλα: «Ο Ιησούς Χριστός ισί ο ίδιος ίτζι ντα αντιβές ντα για πάντα». (Εβραίους 13:8) Βακέρντιβελα “Οντουβά σο οδηγίνελα ι τζενέν κι ζωή” επειδή ντέλα-αμέν ι ευκαιρία τι τζουβντιάς για πάντα. Επειδή ο Ιησούς αγαβέλα σο ισί στεναχώρια, «μπορίνελα τι βοηθίνελ οντουλέν σο νακχένα δοκιμασίες». (Πράξεις 3:​15· Εβραίους 2:​10, 18) Οτθάρ, μπορίνασα τι αβάς σίγουροι ότι ο Ιησούς συνεχίνελα τι νιωθίνελ ι γιαβερένγκι ντουκχ. Αγαβέλα λένγκι στεναχώρια ντα μπορίνελα τι ντελ-λεν παρηγοριά “αζομάν σο κα τθερέν-λα ανάγκη”.​—Διαβάνεν Εβραίους 4:​15, 16.

11. Καλά εδάφια ντένα-τουμέν παρηγοριά;

¹¹ Ο εδάφια ι Γραφιάκε σο βακερένα καζόμ μπουτ στεναχωρισάλο ο Ιησούς όταν μουλό ο Λάζαρος ισί σάντε χάνικ κατά εδάφια κο Λάφι κι Ντεβλέσκο σο ντένα-αμέν παρηγοριά. Ανταβά νανέ παράξενος, επειδή «σαρέ οντουλά σο γραφισάλε κο πουρανέ μπρεσά γραφισάλε αμαρέ σικλιαριμάσκε, για τι μπορίνας τι τθεράς ελπίδα κατά υπομονή ντα κατά παρηγοριά σο ντέλα η Γραφή». (Ρωμαίους 15:4) Άμα χασαρντέν εκχέ τζενές, μπορίνενα τουμέν-ντα τι αρακχέν παρηγοριά σε εδάφια σαρ ισί ακαλά:

• «Ο Ιεχωβά ισί πασέ οντουλέντε σο τθερένα πφανγκό γκι· ντα σώνελα οντουλέν σο ισί μπουτ στεναχωριμέ».​—Ψαλμός 34:​18, 19.

• «Όταν μο ανησυχίες αρχισάλε τι τασαβέν-μαν, τι παρηγοριά [Ιεχωβά] κοβλιαρντάς μο γκι».​—Ψαλμός 94:19.

• «Μακάρι αμαρό Κύριος, ο Ιησούς Χριστός, ντα ο Ντεβέλ, αμαρό Ντατ, σο μανγκλάς-αμέν ντα ντινάς ι παρηγοριά σο ατσσόλα για πάντα ντα ι λατσσί ελπίδα αντράλ κατά λατσσιπέ σο να αξίνασα-λες, τι ντεν παρηγοριά τουμαρέ γκίστε ντα τι  κερέν-τουμέν σταθερούς».​—2 Θεσσαλονικείς 2:​16, 17. *—Ντικχ ι υποσημείωση.

12. Σαρ μπορίνασα τι ντας παρηγοριά ι γιαβερέν;

¹² Οντουλά σο χασαρντέ εκχέ τζενές μπορίνενα τι αρακχέν παρηγοριά κι Χριστιανική εκκλησία-ντα. (Διαβάνεν 1 Θεσσαλονικείς 5:​11) Τουμέν σαρ μπορίνενα τι ενθαρρύνεν ντα τι ντεν παρηγοριά οντουλέντε σο ισί «μπουτ στεναχωριμέ»; (Παροιμίες 17:​22) Τι ντεν-τουμέν γκοντί ότι «ισί βακίτι μα τι κερέλ λάφι [κάποιος] ντα βακίτι τι κερέλ λάφι». (Εκκλησιαστής 3:7) Εκ χήρα, η Ντάλιν, εξηγίνελα ότι οντουλά σο χασαρντέ τζενέν κο μεριπέ τθερένα ανάγκη τι βακερέν οντουλά σο σκεφτίνενα ντα νιωθίνενα. Άρα, ο πιο σημαντικός πράγμας σο μπορίνενα τι κερέν ισί τι ασουνέν οντουλέ τζενέν χωρίς τι τσσιναβέν-λεν. Η Τζούνια, σο λάκο πφραλ μουνταρντάς-πες, βακερέλα: «Παρόλο σο ναστί αγαβένα ακριβώς λένγκι στεναχώρια, ο πιο σημαντικός ισί ότι μανγκένα τι αγαβέν σαρ νιωθίνενα».

13. Σο πρέπει τι τθεράς αμαρέ γκοντιάτε για τη στεναχώρια;

¹³ Πρέπει τι τθεράς αμαρέ γκοντιάτε ότι να νιωθίνασα ντα να σικαβάσα αμαρί στεναχώρια σαρέ με το ίδιος τρόπος. Μπάζιμ να μπορίνασα τι εξηγίνας ακριβώς καζόμ ντουκχ τθεράσα. Ο Λάφι ι Ντεβλέσκο βακερέλα: «Ο γκι εκχέ τζενέσκο τζανέλα πο κερκιπέ, ντα καέκ γιαβέρ να αγαβέλα λέσκι χαρά». (Παροιμίες 14:​10) Ατζέ-ντα όταν κάποιος βακερέλα σαρ νιωθίνελα, νανέ πάντα εύκολος ι γιαβερένγκε τι αγαβέν σο προσπαθίνελα τι βακερέλ.

14. Σο μπορίνασα τι βακεράς για τι ντας παρηγοριά οντουλέντε σο χασαρντέ εκχέ τζενές;

¹⁴ Μπορεί τι αβέλ δύσκολος τι τζανάς σο λάφια τι βακεράς οντουλένγκε σο χασαρντέ εκχέ τζενές. Αλλά η Γραφή βακερέλα ότι «οντουλά σο κερένα λάφι με σοφία κερένα λατσσιπέ ι γιαβερένγκε». (Παροιμίες 12:​18) Μπουτ τζενέ αρακχλέ λάφια κο βιβλιάριος Όταν Πεθαίνει Κάποιος που Αγαπάτε για τι παρηγορίνεν ι γιαβερέν. * (Ντικχ ι υποσημείωση.) Μπουτ φαρ όμως, ο πιο λατσσό πράγμας σο μπορίνενα τι κερέν ισί «τι ροβέν οντουλέντζαρ σο ροβένα». (Ρωμαίους 12:​15) Η Γκάμπι, σο μουλό λάκο ρομ, βακερέλα ότι μπάζιμ ο ροϊπέ ισί ο μόνος τρόπος για τι σικαβέλ οντουλά σο νιωθίνελα. Ντα συνεχίνελα: «Άκ’ σόσκε αρακχάβα παρηγοριά όταν ο πφραλά ροβένα μάντζαρ. Οντιά στιγμή νιωθίναβα ότι να ισινόμ κορκορί κι στεναχώρια σο τθεράβα».

15. Σαρ κα μπορίναας τι ντας παρηγοριά αν δυσκολίντιβασα τι κεράς-λες ανταβά πασάλ; (Ντικχ επίσης ο πλαίσιος « Λάφια σο Κοβλιαρένα ι Ντουκχ ντα Ντένα Παρηγοριά».)

¹⁵ Άμα δυσκολίντιβενα τι βακερέν κάτι σο κα παρηγορίνελ εκχέ τζενές, μπορεί τι ισί πιο εύκολος τι μπουτσσαβέν λέσκε εκ κάρτα, εκ μήνυμας κο τηλέφωνος ή κο υπολογιστής ή εκ γράμμας. Κα μπορίνενας απλώς τι γραφίνεν εκ εδάφιος σο ντέλα παρηγοριά, εκ ξεχωριστή ιδιότητα ι τζενέσκι  σο μουλό ή κάτι λατσσό λέσταρ σο τσσουντέν αντρέ τουμαρέ γκίστε. «Όταν λάβα εκ χουρντό μήνυμας σο ντέλα-μαν κουράγιος ή όταν καλίνελα-μαν εκ πφεν για τι νακχάβ λάσαρ χάνικ χρόνος, ανταβά βοηθίνελα-μαν μπουτ», βακερέλα η Τζούνια. «Σαρέ ανταλά κερένα-μαν τι νιωθίναβ ότι ο γιαβερά μανγκένα-μαν ντα πφαμπόνα μάνγκε».

16. Καβά ισί εκ μπουτ λατσσό τρόπος για τι παρηγορίνας ι γιαβερέν;

¹⁶ Αμαρέ προσευχές μπορίνενα τι βοηθίνεν αμαρέ πφραλέν ντα πφενίν σο χασαρντέ εκχέ τζενές. Μπορίνασα τι προσευχίντιβας λένγκε ή ατζέ-ντα λέντζαρ. Παρόλο σο μπορεί τι αβέλ δύσκολος τι κερέν-λες ανταβά επειδή αμντίνενα ότι μπορεί τι ροβέν, η προσευχή σο νικιόλα αντράλ τουμαρέ γκίσταρ μπορίνελα τι ντελ μπαρί παρηγοριά. «Μερικές φορές αβένα πφενιά για τι ντεν-μαν παρηγοριά», βακερέλα η Ντάλιν, «ντα πουτσάβα-λεν άμα μανγκένα τι κερέν εκ προσευχή. Όταν αρχίνενα τι προσευχίντιβεν, συνήθως ο πρώτα λάφια νικιόνα με το ζόρι, αλλά σοράν λένγκι φωνή αβέλα πιο ζουρανί ντα κερένα εκ προσευχή αντράλ πουμαρέ γκίσταρ. Λένγκι ζουρανί πίστη, λένγκι αγάπη ντα λένγκο ενδιαφέρον κερένα πιο ζουρανί μι πίστη».

17-19. Σόσκε χρειαζίντιβελα τι συνεχίνας τι ντας παρηγοριά;

¹⁷ Ναστί τζανάσα ακριβώς καζόμ κα ατσσόλ στεναχωριμέ ο κάθε τζενό. Όταν κάποιος χασαρέλα εκχέ τζενές σο μανγκέλα, κι αρχή ο αμαλά ντα ο τζενέ λέσκε ισί πασέ λέστε για τι ντεν-λες παρηγοριά. Αλλά όταν οντουλά τζενέ κα αρχίνεν πάλι τι κερέν ο πράγματα σο κερένα κάθε ντιβές, οντουλά σο χασαρντέ εκχέ τζενές συνεχίνενα τι χρειαζίντιβεν παρηγοριά. Οτθάρ, τι αβέν έτοιμοι τι βοηθίνεν.  «Ο πραγματικός αμάλ μανγκέλα πάντα ι γιαβερές ντα ισί πφραλ σο μπιαντιόλα ι ντιβεσένγκε σο αβέλα στεναχώρια». (Παροιμίες 17:​17) Πρέπει τι ντας παρηγοριά οντουλέντε σο χασαρντέ εκχέ τζενές καζόμ-ντα καιρός κα τθερέν-αμέν ανάγκη.​—Διαβάνεν 1 Θεσσαλονικείς 3:7.

¹⁸ Τι τθερέν πάντα τουμαρέ γκοντιάτε ότι, ξαφνικά, η στεναχώρια μπορεί τι αρχίνελ τι τασαβέλ εκχέ τζενές. Μπορεί τι επηρεάνελ-λες εκ επέτειος, εκ γκιλί, κάποιες φωτογραφίες, κάποια πράγματα σο κερέλα ή ατζέ-ντα εκ μυρωδιά, εκ ήχος ή εκ εποχή ι μπρεσέσκι. Όταν εκ τζουβέλ σο χασαρντάς πι ρομές ή εκ μουρς σο χασαρντάς πι ρομνιά κερέλα κάτι για πρώτη φορά κορκορό ή κορκορί, σαρ για παράδειγμας τι τζαλ σε εκ συνέλευση ή κι Ανάμνηση, μπορεί τι νιωθίνελ μπαρί ντουκχ. «Μπεκλεντίναβας ότι η πρώτη επέτειος μι μπιαβέσκι κα ανέλας μάνγκε μπαρί ντουκχ», βακερέλα εκ πφραλ, «ντα πράγματι να ισινέ εύκολος μάνγκε. Αλλά μερικά πφραλά ντα πφενιά κανονιντέ εκ χουρντί παρέα ντα καλιντέ μι πιο λατσσέ αμαλέν για μα τι αβάβ κορκορό».

¹⁹ Τι τθερέν πάντα τουμαρέ γκοντιάτε ότι οντουλά σο χασαρντέ εκχέ τζενές να χρειαζίντιβενα ενθάρρυνση σάντε συγκεκριμέ ντιβεσέντε. «Μπουτ φαρ η βοήθεια σο ντιντιόλα ντα η παρέα κο γιαβερά-ντα ντιβεσά ισί μπουτ λατσσί», βακερέλα η Τζούνια. «Ανταλά στιγμές ισί μπουτ σημαντικές ντα ανένα μπαρί παρηγοριά». Ισί αλήθεια ότι να μπορίνασα τι κεράς κάτι για μα τι στεναχωρίντιβεν ιτς ή μα τι νιωθίνεν κορκορέ οντουλά σο χασαρντέ εκχέ τζενές, αλλά μπορίνασα τι ντας-λεν παρηγοριά όταν κεράσα πράγματα λένγκε. (1 Ιωάννη 3:​18) Η Γκάμπι βακερέλα: «Εκτιμίναβα μπουτ ι Ιεχωβάς σο ντινάς-μαν ι πρεσβυτερόν σο ισινέ συνέχεια πασέ μάντε κι δυσκολία σο τθεράβας. Κερντέ-μαν τι νιωθίναβ ότι ισινόμ αντρέ κι αγκάλι κι Ιεχωβάσκι».

20. Σόσκε ο υποσχέσεις ι Ιεχωβάσκε ντένα-αμέν μπαρί παρηγοριά;

²⁰ Λάσα παρηγοριά σο τζανάσα ότι ο Ιεχωβά, ο Ντεβέλ κάθε παρηγοριάς, κα εξαφανίνελ κάθε στεναχώρια όταν κα αβέλ η ανάσταση. (Ιωάννης 5:​28, 29) Ο Ντεβέλ ντέλα πο λάφι ότι «κα μπιλιαβέλ ο μεριπέ για πάντα, ντα ο Ιεχωβά ο πιο Μπαρό Κύριος κα νασκιαρέλ σίγουρα ο δάκρυα σαριλένγκε γιακχίνταρ». (Ησαΐας 25:8) Αζομάν, αντί τι χρειαζίντιβελ τι “ροβέν οντουλέντζαρ σο ροβένα”, σαρέ οντουλά σο κα τζουβντιόν κι πφουβ κα “χαιρίνεν οντουλέντζαρ σο χαιρίνενα”.​—Ρωμαίους 12:15.