1, 2. Σόσκε κα τθερέλ πάντα τσορορέ τζενέν ανταβά ντουνιάς;

ΑΜΑΡΕ ντιβεσέντε, ο οικονομικός σύστημας ισί σκληρός ντα άδικος. Για παράδειγμας, ισί δύσκολος μπουτέ τερνένγκε τι αρακχέν μπουτί. Υπαρχίντιβενα τζενέ σο τσσουβένα πουμαρί ζωή σε κίνδυνος για τι τζαν τι μπεσέν χουλανέ τθεμέντε. Ατζέ-ντα κο χουλανέ τθεμά, υπαρχίντιβενα μπουτ τσορορέ τζενέ. Σαρό κο ντουνιάς, ο χουλανέ αβένα πιο χουλανέ ντα ο τσορορέ πιο τσορορέ. Μερικές έρευνες σικαβένα ότι, κατά 100 τζενέ σαρό κο ντουνιάς, ο εκ τανό τθερέλα ο λοβέ σο τθερένα ο γιαβερά 99 μαζί. Ντικχάσα ξεκάθαρα ότι, ενώ μερικοί τθερένα αζόμ μπουτ λοβέ σο κα μπορίνενας τι ερεσέν για μπουτ μπρεσά ατζέ-ντα λένγκε προσαγγονίνγκε, δισεκατομμύρια γιαβερά ισί μπουτ τσορορέ. Ο Ιησούς αγαβέλας-λες ανταβά, οτθάρ βακερντάς: «Ι τσορορέν πάντα τθερένα-λεν τουμέντζαρ». (Μάρκος 14:7) Σόσκε υπαρχίντιβελα αζόμ αδικία;

² Ο Ιησούς τζανέλας ότι σάντε η Βασιλεία ι Ντεβλέσκι μπορίνελας τι αλλάνελ ο εμπορικός σύστημας ανταλέ ντουνιάσκο. Η Αγία Γραφή σικαβέλα ότι ο «έμποροι», δηλαδή ο εμπορικός σύστημας, μαζί με το πολιτικός ντα με το θρησκευτικός σύστημας, ισί κι Μπενγκέσκε βαστά. (Αποκάλυψη 18:3) Ο λαός ι Ντεβλέσκο μπορίνελα μα τι ανακατούντιβελ ιτς κο πολιτικά  πράγματα ντα κο ψεύτικες θρησκείες. Αλλά ο πιο μπουτ τζενέ κατά Ντεβλέσκο λαός να μπορίνενα μα τι ανακατούντιβεν ιτς κο εμπόριος σο αβέλα-πες κι Μπενγκέσκο ντουνιάς.

3. Καλά ερωτήσεις κα ντικχάς;

³ Σαρ Χριστιανοί, ισί λατσσό τι σκεφτίνας σο άποψη τθεράσα για το εμπορικός σύστημας ανταλέ ντουνιάσκο. Για τι κεράς-λες ανταβά, μπορίνασα τι πουτσάς αμαρό νεαυτός: “Σαρ μπορίναβα τι χρησιμοποιήναβ μο υλικά πράγματα για τι σικαβάβ ότι ισινόμ πιστός κο Ντεβέλ; Σαρ μπορίναβα τι ανακατούντιβαβ αζόμ πιο χάνικ αβέλα-πες κο εμπορικός σύστημας; Καλά εμπειρίες σικαβένα ότι ο λαός ι Ντεβλέσκο αντιβές τθερέλα εμπιστοσύνη κο Ντεβέλ σαρέ κο πράγματα;”

4, 5. (α) Σο αβιλό-πες κο υπηρέτης κι ιστορία σο βακερντάς ο Ιησούς; (β) Σο βακερντάς ο Ιησούς πι μαθητένγκε τι κερέν;

⁴ Διαβάνεν Λουκάς 16:​1-9. Η ιστορία σο βακερντάς ο Ιησούς ι άδικε υπηρετίσκε πρέπει τι τσσουβέλ-αμέν σαριλέν σε σκέψεις. Κάποιοι κατηγοριντέας ι υπηρετής ότι χαλαβέλας πι αφεντικόσκε λοβέ, ντα λέσκο αφεντικός αποφασιντάς τι πάλντελ-λες. * (Ντικχ ι υποσημείωση.) Αλλά ο υπηρέτης, «οντουλέντζαρ σο κερντάς, σικαντάς ότι τθερέλας σοφία». Πριν τι νασέλ πι μπουτιάταρ, κερντάς αμαλέν σο κα μπορίνενας τι βοηθίνεν-λες πιο σοράν. Ο Ιησούς να βακερντάς ανταγιά ιστορία επειδή μανγκέλας τι κερέν λέσκε μαθητές άδικα πράγματα για τι ντεν-λεν πέρα. Ανταβά κερένα-λες ο τζενέ ανταλέ ντουνιάσκε. Αλλά, ο Ιησούς βακερντάς ανταγιά ιστορία για τι σικλιαρέλ-λεν κάτι μπουτ σημαντικός.

⁵ Ο Ιησούς τζανέλας ότι, σαρ ο υπηρέτης σο αβιλό ξαφνικά σε δύσκολη θέση, αντικάς ο πιο μπουτ λέσκε υπηρετόνταρ-ντα κα δυσκολίντιβενας μπουτ τι τθερέν ο αναγκαία πράγματα αντρέ ανταλέ άδικε ντουνιάστε. Οτθάρ, βακερντάς λένγκε: «Κερέν αμαλέν αντράλ κατά άδικος χουλανιπέ». Σόσκε; Για τι μπορίνεν οντουλά αμαλά, δηλαδή ο Ιεχωβά ντα ο Ιησούς, όταν ανταβά χουλανιπέ κα χασάρντιβελ, τι «δεχτίνεν-τουμέν κο τθανά σο ατσσόνα για πάντα». Σο μπορίνασα τι σικλιάς κατά συμβουλή σο ντινάς ο Ιησούς;

6. Σαρ τζανάσα ότι ο Ντεβέλ όταν κερντάς ι τζενέν να τθερέλας πι γκοντιάτε ο εμπορικός σύστημας σο ισί αμαρέ ντιβεσέντε;

⁶ Παρόλο σο ο Ιησούς να εξηγίνελα σόσκε βακερέλα ότι ο υλικά πράγματα ισί “άδικα”, η Γραφή σικαβέλα ξεκάθαρα ότι, όταν ο Ντεβέλ κερντάς ι τζενέν, να τθερέλας πι γκοντιάτε τι προσπαθίνεν τι νικαβέν λοβέ. Για παράδειγμας, ο Ιεχωβά ντινάς δωρεάν κο Αδάμ ντα κι Εύα πιο μπουτ οντουλένταρ σο χρειαζίντιβενας κο κήπος της Εδέμ. (Γένεση 2:​15, 16) Πιο σοράν, όταν ο Ντεβέλ ντινάς πο άγιος πνεύμας πι χρισμέ τζενέντε, «ούτε εκ τανό να βακερέλας ότι κάτι οντουλένταρ σο τθερέλας ισινέ λέσκο, αλλά σαρέ ο πράγματα ισινέ σαριλένγκε». (Πράξεις 4:​32) Ο προφήτης Ησαΐας βακερντάς ότι κα αβέλας ο ντιβές σο κα απολαμβάνενας ελεύθερα σαρέ ο τζενέ σο-ντα νικαβέλα η πφουβ. (Ησαΐας 25:​6-9· 65:​21, 22) Μέχρι τι αβέλας-πες ανταβά όμως, ο μαθητές ι Ιησούσκε κα χρειαζίντιβενας “τι σικαβέν οντουλέντζαρ σο κερένας ότι τθερένας σοφία”. Έπρεπε τι χρησιμοποιήνεν ο άδικα υλικά πράγματα ανταλέ ντουνιάσκε για τι τθερέν ο αναγκαία, ντα κι ίδια στιγμή τι προσπαθίνεν τι κερέν ι Ντεβλές χαρούμενος.

7. Καγιά συμβουλή ντέλα-αμέν ο Ιησούς κο εδάφια Λουκάς 16:​10-13;

⁷ Διαβάνεν Λουκάς 16:​10-13. Ο υπηρέτης κι ιστορία κι Ιησούσκι κερντάς αμαλέν σάντε πι λατσσιμάσκε. Όμως, ο Ιησούς να μανγκέλας λέσκε μαθητές τι κερέν αμαλέν κο ουρανός για συμφέρον. Μανγκέλας τι αγαβάς ότι ο τρόπος σο χρησιμοποιήνασα ο άδικος χουλανιπέ μπορίνελα τι σικαβέλ άμα ισινάμ πιστοί κο Ντεβέλ. Σαρ μπορίνασα τι κεράς-λες ανταβά;

8, 9. Σαρ σικαβένα μερικά τζενέ ότι ισί πιστοί με το τρόπος σο χρησιμοποιήνενα ο άδικος χουλανιπέ;

⁸ Εκ τρόπος για τι σικαβάς αμαρί πίστη με το υλικά πράγματα σο τθεράσα ισί ο συνεισφορές σο κεράσα για το έργος σο βακερντάας ο Ιησούς ότι κα αβέλας-πες σαρό κο ντουνιάς. (Ματθαίος 24:​14) Εκ χουρντί κατά Ινδία τθερέλας εκ χουρντό κουλουμπαράς ντα κάνα μπορίνελας τσσουβέλας ψιλά. Ντα για τι κερέλ-λες ανταβά να κινέλας πέσκε παιχνίδια. Όταν ο κουλουμπαράς πφερντιλό, ντινάς σαρέ ο λοβέ σο γκιντιντάας για τι χρησιμοποιήντιβεν κο έργος κι Ντεβλέσκο. Εκ πφραλ κατά Ινδία τθερέλα εκ κτήμας με καρύδες. Ντινάς μπουτ καρύδες κο απομακρυσμέ μεταφραστικός γραφείος κι τσσιπ μαλαγιάλαμ. Επειδή κο γραφείος χρειαζίντιβενα καρύδες, πακιάλας ότι λέσκι συνεισφορά αξίνελας πιο μπουτ κατά λοβέ σο κα ντέλας. Ανταλέσαρ σο κερντάς “σικαντάς ότι τθερέλας σοφία”. Ο πφραλά κι Ελλάδα-ντα ντένα μπουτ φαρ λάδι, αβγίν ντα γιαβερά χαμπίματα κι φαμιλί Μπέθελ.

⁹ Εκ γιαβέρ πφραλ ντινάς πο τθαν πι κχερέσαρ σο ισί κι Σρι Λάνκα για τι αβέν-πες οτθέ συναθροίσεις ντα συνελεύσεις ντα για τι μπεσέν ο ολοχρόνιοι υπηρέτες. Ανταβά σο κερέλα ο πφραλ ισί εκ θυσία, αλλά ισί σημαντική βοήθεια-ντα ι πφραλένγκε οτθέ επειδή να τθερένα μπουτ λοβέ. Εκχέ τθεμέστε σο ισί απαγορευμέ ο έργος, ο πφραλά χρησιμοποιήνενα πουμαρέ κχερά για τι αβέν-πες ο συναθροίσεις. Οτθάρ μπουτ σκαπανείς ντα γιαβερά σο να τθερένα μπουτ λοβέ μπορίνενα τι τθερέν εκ τθαν για το συναθροίσεις χωρίς τι ντεν ενοίκιος.

10. Καλά ισί μερικές ευλογίες σο λάσα όταν ντάσα αντράλ αμαρέ γκίσταρ;

¹⁰ Ασακέ παραδείγματα σικαβένα ότι ο λαός ι Ντεβλέσκο ισί «πιστός κο χουρντέ πράγματα». (Λουκάς 16:​10) Ο πφραλά χρησιμοποιήνενα ο υλικά πράγματα σο τθερένα για τι βοηθίνεν γιαβερέν. Σαρ νιωθίνενα ανταλά αμαλά ι Ιεχωβάσκε για το θυσίες σο κερένα; Ισί μπουτ χαρούμενοι επειδή τζανένα ότι, όταν ντένα αντράλ πουμαρέ γκίσταρ, κερδίνενα ο «πραγματικός» χουλανιπέ σο ισί κο ουρανός. (Λουκάς 16:​11) Εκ πφεν σο ντέλα μπουτ φαρ λοβέ για τι βοηθίνελ τι αβέλ-πες ο έργος ι Ντεβλέσκο βακερέλα ότι αβιλό-πες κάτι παράξενος σαρέ ανταλά μπρεσά. Εξηγίνελα: «Ντικχάβα ότι καζόμ πιο μπουτ υλικά πράγματα ντάβα αντράλ μι γκίσταρ, αζόμ πιο μπουτ αλλάνελα ο τρόπος σο σκεφτίναβα ι γιαβερένγκε. Συγχωρίναβα, κεράβα υπομονή ι γιαβερέντζαρ ντα δεχτίναβα  ο απογοητεύσεις ντα ο συμβουλές πιο μπουτ από ό,τι πριν». Μπουτ τζενέ σικλιλέ ότι, όταν ντένα αντράλ πουμαρέ γκίσταρ, κερένα λατσσιπέ πουμαρέ νεαυτόσκε.​—Ψαλμός 112:5· Παροιμίες 22:9.

11. (α) Σαρ μπορίνασα τι σικαβάς ότι “τθεράσα σοφία” όταν ντάσα αντράλ αμαρέ γκίσταρ; (β) Σο αβέλα-πες κο λαός κι Ντεβλέσκο αντιβές; (Ντικχ ι φωτογραφία σο ισί κι αρχή.)

¹¹ Σικαβάσα επίσης ότι “τθεράσα σοφία” όταν χρησιμοποιήνασα ο υλικά πράγματα σο τθεράσα για τι βοηθίνας γιαβερέν τι κερέν ο έργος. Αντικάς, ατζέ-ντα όταν να μπορίνασα τι αβάς ολοχρόνιοι υπηρέτες ή τι τζας οτθέ σο η ανάγκη ισί πιο μπαρί, κα συνεχίνας τι βοηθίνας γιαβερέν. (Παροιμίες 19:​17) Για παράδειγμας, αμαρέ συνεισφορές βοηθίνενα τι υπαρχίντιβεν έντυπα ντα τι αβέλ-πες ο έργος τσορορέ τθεμέντε σο αβένα μπουτ τζενέ κι αλήθεια. Τθεμέντε σαρ ισί ο Κονγκό, η Μαδαγασκάρη ντα η Ρουάντα, ο Γραφές ισί μπουτ πααλίς. Μερικές φορές για τι κινέλ κάποιος εκ Γραφή πρέπει τι ντελ ο λοβέ σο νικαβέλα σε εκ εβδομάδα ή σε εκ μάσεκ. Για μπουτ μπρεσά, ο πφραλά έπρεπε τι τραμπίνεν άμα κα κινένας χαμπέ πουμαρέ φαμιλιάκε ή άμα κα κινένας εκ Γραφή. Ακανά όμως, επειδή ντένα συνεισφορές γιαβερά πφραλά ντα αντικάς υπαρχίντιβελα «ισορροπία» κο λοβέ, ι Ιεχωβάσκι οργάνωση μεταφράνελα ντα ντέλα Γραφές δωρεάν κο κάθε τζενό αντρέ κι φαμιλί ντα κο τζενέ σο κερένα μελέτη. (Διαβάνεν 2 Κορινθίους 8:​13-15) Αντικάς, εμ οντουλά σο ντένα εμ οντουλά σο λένα μπορίνενα τι αβέν αμαλά ι Ιεχωβάσκε.

12. Σαρ σικαντάς ο Αβραάμ ότι τθερέλας εμπιστοσύνη κο Ντεβέλ;

¹² Μπορίνασα επίσης τι αβάς αμαλά ι Ιεχωβάσκε όταν ανακατούντιβασα αζόμ πιο χάνικ αβέλα-πες κο εμπορικός σύστημας ντα όταν ρόντασα ο «πραγματικός» χουλανιπέ. Ανταβά κερντάς ο πιστός Αβραάμ. Ντινάς καν κο Ιεχωβά ντα νασλό κατά Ουρ, σο ισινέ εκ μπουτ χουλανί πόλη, για τι μπεσέλ τσαντιρίντε, επειδή μανγκέλας μπουτ τι αβέλ αμάλ ι Ιεχωβάσκο. (Εβραίους 11:​8-10) Πάντα τθερέλας εμπιστοσύνη κο Ντεβέλ ντα όχι κο υλικά πράγματα. (Γένεση 14:​22, 23) Ο Ιησούς βακερντάς γιαβερένγκε-ντα τι τθερέν ασακί πίστη. Εκ φαρ βακερντάς εκχέ χουλανέ τερνέσκε: «Άμα μανγκέσα τι αβές τέλειος, μπίκινε σαρέ οντουλά σο τθερέσα ντα ντε-λεν κο τσορορέ, ντα κα τθερές θησαυρός κο ουρανός· ντα έλα τι αβές μο μαθητής». (Ματθαίος 19:​21) Ανταβά τερνό να τθερέλας πίστη σαρ τθερέλας ο Αβραάμ. Αλλά υπαρχίντιβενας γιαβερά τζενέ σο τθερένας εμπιστοσύνη κο Ντεβέλ.

13. (α) Καγιά συμβουλή ντινάς ο Παύλος κο Τιμόθεος; (β) Σαρ μπορίνασα αμέν αντιβές τι κεράς αμαρέ ζωγιάτε ι συμβουλή σο ντινάς ο Παύλος;

¹³ Ο Τιμόθεος ισινέ τζενό σο τθερέλας πίστη. Αφού ο Παύλος βακερντάς ότι ο Τιμόθεος ισινέ «λατσσό στρατιώτης ι Ιησού Χριστόσκο», βακερντάς λέσκε: «Καέκ τζενό σο υπηρετίνελα σαρ στρατιώτης να ανακατούντιβελα κο εμπορικά πράγματα κι ζωγιάκε, για τι δεχτίνελ-λες οντουβά σο κερντάς-λες στρατιώτης». (2 Τιμόθεο 2:3, 4) Ο μαθητές ι Ιησούσκε αντιβές, σο εκ εκατομμύριος λένταρ ισί τακτικοί σκαπανείς, κερένα ο πιο λατσσό σο μπορίνενα για τι κερέν πουμαρέ ζωγιάτε ι συμβουλή σο ντινάς ο Παύλος.  Τζάνα κόντρα κο διαφημίσεις ανταλέ μπίτσαλε ντουνιάσκε σο μπορίνενα τι ταρτίνεν λένγκι προσοχή. Τθερένα πουμαρέ γκοντιάτε ακαγιά αλήθεια: «Οντουβά σο λέλα δανεικά ισί υπηρέτης οντουλέσκο σο ντέλα-λες δανεικά». (Παροιμίες 22:7) Ο Μπενγκ μανγκέλα τι ντας σαρό αμαρό χρόνος ντα αμαρέ δυνάμεις κο εμπορικός σύστημας σο τθερέλα λέσκο ντουνιάς. Μερικοί λένα μπουτ μπαρέ δάνεια για τι κινέν εκ κχερ ή εκ αμάξι ή για τι σπουδάνεν ή ατζέ-ντα για τι κερέν πουμαρό μπιαβ. Άμα να κα προσοχίνας, μπορεί τι αβάς χρεωμέ μπουτ μπρεσά. Σικαβάσα ότι τθεράσα σοφία όταν κεράσα πιο απλή αμαρί ζωή, χαλαβάσα πιο χάνικ λοβέ ντα να τθεράσα μπόρτζια, δηλαδή χρέη. Αντικάς κα μπορίνας τι υπηρετίνας ελεύθερα ι Ντεβλές, αντί τι αβάς δούλοι κο εμπορικός σύστημας ανταλέ ντουνιάσκο.​—1 Τιμόθεο 6:10.

14. Σο πρέπει τι αβάς αποφασισμέ τι κεράς; Βακερέν παραδείγματα.

¹⁴ Για τι ατσσικιαράς απλή αμαρί ζωή, πρέπει τι τσσουβάς κι πρώτη θέση ι Βασιλεία ι Ντεβλέσκι. Εκ μουρς ντα εκ τζουβέλ σο ισί παντριμέ τθερένας εκ μπαρί επιχείρηση σο νικαβένας λάταρ μπουτ λοβέ. Όμως, μανγκένας τι αρχίνεν πάλι ο τακτικός σκαπανικός. Οτθάρ, μπικιντέ ι επιχείρηση, ο σκάφος ντα γιαβερά υλικά πράγματα σο τθερένας. Σοράν, χωρίς τι ποκίντιβεν, γκιλέ τι βοηθίνεν τι χτίντιβεν ο κεντρικά γραφεία κο Γουόργουικ σο ισί κι Νέα Υόρκη. Ανταγιά ισινέ εκ μπουτ σουκάρ ευλογία λένγκε επειδή μπορίνενας τι υπηρετίνεν κο Μπέθελ γιεκ πουμαρέ τσσαγιάσαρ ντα πουμαρέ τζαμουτρέσαρ, ντα, για μερικές εβδομάδες, γιεκ ι μουρσέσκε νταντέσαρ ντα νταγιάσαρ, σο βοηθιντέ βον-ντα κι οικοδόμηση του Γουόργουικ. Εκ σκαπάνισσα κο Κολοράντος, σο ισί κο ΗΠΑ, αρχισάλι τι κερέλ μπουτί χάνικ σαάτια κο ντιβές σε εκ τράπεζα. Λάκε αφεντικά ισινέ αζόμ ευχαριστιμέ κατά μπουτί σο κερέλας σο ντένας-λα εκ θέση με πιο μπουτ σαάτια ντα τριν φαρ πιο μπουτ λοβέ. Αλλά παρόλο σο ισινέ μπουτ λατσσί οντιά μπουτί, να δεχτιντάς-λα, επειδή να κα μουκχέλας-λα τι τθερέλ πι γκοντί κο έργος. Ανταλά ισί σάντε χάνικ παραδείγματα σο σικαβένα ο μπαρέ θυσίες σο κερένα ο υπηρέτες ι Ιεχωβάσκε. Όταν ισινάμ αποφασισμέ τι τσσουβάς κι πρώτη θέση ο πράγματα σο τθερένα τι κερέν με τη Βασιλεία, σικαβάσα ότι η φιλία ι Ντεβλέσαρ ντα ο πραγματικός χουλανιπέ ισί αμένγκε πιο σημαντικά κατά υλικά πράγματα.

15. Καβά χουλανιπέ ντέλα ι πιο μπαρί χαρά;

¹⁵ Όταν κάποιος ισί χουλανό, να μανγκέλα τι βακερέλ ότι οπωσδήποτε τθερέλα ι ευλογία ι Ντεβλέσκι-ντα. Ο Ιεχωβά ευλογίνελα οντουλέν σο ισί «χουλανέ κο λατσσέ πράξεις». (Διαβάνεν 1 Τιμόθεο 6:​17-19) Για παράδειγμας, εκ πφεν σο βακερένα λάκε Λουτσία σικλιλί ότι κι Αλβανία υπαρχίντιβελας ανάγκη τι βακέρντιβεν ο λατσσέ αμπέρια. * (Ντικχ ι υποσημείωση.) Οτθάρ, νασλί κατά Ιταλία ντα γκιλί οτθέ κο 1993. Να τθερέλας μπουτί, αλλά τθερέλας εμπιστοσύνη κο Ιεχωβά ντα ισινέ σίγουρη ότι κα φροντίνελ-λα. Σικλιλί ι αλβανική τσσιπ ντα βοηθιντάς πιο μπουτ από 60 τζενέν τι αφιερώντιβεν. Μπορεί μα τι τθεράς σαρέ ο ίδια αποτελέσματα όταν βακεράσα ο λατσσέ αμπέρια κο τομέας σο τθεράσα. Αλλά σο-ντα κεράσα για τι βοηθίνας γιαβερέν τι σικλιόν ι Ιεχωβάσκε ντα τι αβέν λέσκε αμαλά ισί κάτι σο κα τθεράς-λες για πάντα σαρ εκ θησαυρός.​—Ματθαίος 6:20.

16. (α) Σο κα αβέλ-πες κο εμπορικός σύστημας σο υπαρχίντιβελα αμαρέ ντιβεσέντε; (β) Σαρ πρέπει τι κερέλ-αμέν ανταβά τι ντικχάς ο υλικά πράγματα;

¹⁶ Ο Ιησούς σικαντάς ξεκάθαρα ότι ο εμπορικός σύστημας σο υπαρχίντιβελα  αμαρέ ντιβεσέντε κα καταστραφίντιβελ. Βακερντάς: “Όταν κα χασάρντιβελ ανταβά χουλανιπέ”, όχι “άμα κα χασάρντιβελ”. (Λουκάς 16:9) Ανταλέ τελευταίε ντιβεσέντε μερικές τράπεζες πφαντιλέ ντα μερικά τθεμά τθερένα μπαρέ οικονομικά προβλήματα. Αλλά ατζεχάνικ ο πράγματα κα αβέν χειρότερα. Ο πολιτικός, ο θρησκευτικός ντα ο εμπορικός σύστημας, σο ισί κι Μπενγκέσκε βαστά, κα χασάρντιβεν. Ο προφήτης Ιεζεκιήλ ντα ο προφήτης Σοφονίας βακερντέας ότι ο χρυσάφι ντα ο ασήμι, σο ισινέ πάντα μπουτ σημαντικά για το εμπορικός σύστημας, κα αβέν άχρηστα. (Ιεζεκιήλ 7:​19· Σοφονίας 1:​18) Σαρ κα νιωθίναας άμα κα ερεσάας κο τέλος αμαρέ ζωγιάκο ανταλέ ντουνιάστε ντα κα αγαβάας ότι θυσιαντάμας ο πραγματικός χουλανιπέ για το άδικα υλικά πράγματα ι ντουνιάσκε; Μπορεί τι νιωθίναας σαρ εκ τζενό σο κερντάς μπουτί σαρί πι ζωή για τι γκίντελ μπουτ λοβέ ντα κο τέλος αγαντάς ότι ισινέ πλαστά. (Παροιμίες 18:​11) Ο υλικά πράγματα ανταλέ ντουνιάσκε σίγουρα κα χασάρντιβεν. Οτθάρ, μα χασαρέν ι ευκαιρία τι χρησιμοποιήνεν ο υλικά πράγματα σο τθερένα για τι κερέν αμαλέν κο ουρανός. Οντουλά σο κεράσα ι Ιεχωβάσκε ντα λέσκε Βασιλειάκε κα κερέν-αμέν μπαγιά ευτυχισμέ.

17, 18. Σο μπεσένα σαρ σαρ ο αμαλά ι Ντεβλέσκε;

¹⁷ Όταν κα αβέλ η Βασιλεία ι Ντεβλέσκι, καέκ να κα χρειαζίντιβελ τι ποκινέλ ενοίκιος ή τι λελ δάνειος. Κα υπαρχίντιβελ μπουτ ντα δωρεάν χαμπέ, ντα να κα τθεράς ανάγκη ι γιατρόν ντα ο φάρμακα. Ο αμαλά ι Ιεχωβάσκε κα απολαμβάνεν σαρέ ο λατσσέ πράγματα σο ντέλα η πφουβ. Ο χρυσάφι, ο ασήμι ντα ο πετράδια κα χρησιμοποιήνας-λεν επειδή ισί σουκάρ, όχι για τι αβάς χουλανέ. Κα μπορίνας τι χρησιμοποιήνας δωρεάν μπουτ λατσσέ καστά, μπαρά ντα μέταλλα για τι χτίνας σουκάρ κχερά. Αμαρέ αμαλά κα βοηθίνεν-αμέν επειδή κα μανγκέν-λες, όχι για τι ποκίντιβεν. Ο πράγματα σο ντέλα η πφουβ κα αβέν σαριλένγκε.

¹⁸ Ανταγιά ισί σάντε εκ ευλογία σο κα τθερέν οντουλά σο κερένα αμαλέν κο ουρανός. Ο υπηρέτες ι Ιεχωβάσκε κι πφουβ κα ντεν βίκος από χαρά όταν κα ασουνέν ι Ιησούς τι βακερέλ: «Ελάν, τουμέν σο ισινέν ευλογημέ μι Νταντέσταρ, λεν ι Βασιλεία σο ετοιμασάλι τουμένγκε οτθάρ μπερί σο κερντιλό ο ντουνιάς».​—Ματθαίος 25:34.